هو فيه ايه

حد فاهم حاجه

انا عارفه ان عنوان الموضوع غريب شويه لان طبعا كل واحد متابع بشغف ايه اللى بيحصل فى البلد
بالطبع الحوار الاساسى اللى ممكن نتكلم فيه هو مستقبل مصر واللى فاهم سياسه واللى عمره ما اتكلم فيها دلوقتى يقدر يتكلم
ده حتى البيوت مابقتش بتتفرج غير ع القنوات الاخباريه ونسينا ان اخر قناه كنا بنتفرج عليها هى القناه الاخباريه
وحتى المقاهى ايضا غيرت من قنوات الرياضه لقنوات الاخبار
عشان كده يمكن يظن البعض ان عنوان( هو فيه ايه ) غير منطقى بالمره


بس فعلا هو فيه ايه ؟
انا من اكثر متابعى الاخبار من اول يوم بدات فيه الثوره ومتابعه لحظه بلحظه ما يحدث
تابعت الثوره من بدايه ظهوره ومن اول مطلب ليها واللى كان غلاء الاسعار
ثم انقلب الامر لفساد الحكومه
ولما الحكومه عملت نفسها مش شايفه وان دول مجرد شباب قله اشتعلت الثوره وطالبت بتغيير الحكومه
واتغيرت الحكومه
وتطورت المطالب حتى وصلت بالرغبه فى اسقاط النظام
وهنا بدا المسؤلون فى التدخل ولجان الحكماء وصلت الى حل مرضى للشعب وللاحزاب وهو تحويل مهام الرئيس للنائب , ثم تهاونت الحكومه فى تنفيذ المطلب
لكنها فى النهايه استجابت
ثم ازداد عدد المتظاهرين ليطالب بالتنحى الواضح حتى بعد اعلان الجيش ضمانه لتنفيذ الانتقال السلمى للسلطه


وسؤالى ماذا بعد اعلان الرئيس تنحيه ؟
هل ستهدا الثوره ؟
ام ستظهر مطالب اخرى تفوق ذلك ؟
هل كل ما وصل اليه اليوم لا يعد انتصارا عظيما يستحق منا النظر الى ما هو مستقبلى ؟


معنى كلام الرئيس امس ( فى رايى الشخصى ) انه تنازل عن السلطه بشكل لا يهين النظام . ما هو المنتظر بعد ذلك ؟
اليس هذا كافيا لكى نمنحهم فرصه لتحقيق ما وعدوا به ؟ وماذا عن اهل القاهره الذين لا يجدون قوت يومهم فى هذه الايام العصيبه ؟ وماذا عن المدارس المؤجله, والسياحه المعطله , والحاله الاقتصاديه المدمره ؟؟؟؟
اليست هذه الامور هى قوام مصر ؟؟؟


اننى افخر الان بكونى مصريه واقول اننى مصريه وافتخر
لكن دعونا نكمل فرحتنا بهذا النصر