احساسك ايه؟؟؟؟؟؟؟؟ [الأرشيف] - بوابة الثانوية العامة المصرية

اسد السنه

11-02-2011, 06:18 PM

سجدت لله شكرا وقلت:
الله اكبر الله اكبر الله اكبر ولله الحمد
الله اكبر الله اكبر الله اكبر ولله الحمد
الله اكبر الله اكبر الله اكبر ولله الحمد
الله اكبر الله اكبر الله اكبر ولله الحمد
سقط الطاغيه من الأن مصر حره لم يعد هناك حزب وطنى ينافق السلطه ولا أمن دوله يرعب الأمنين ولاشرطه تحتمى بالبلطجيه وتساندهم ونشكر قناه الاحرار قناه الجزيره التى ساهمت فى نجاح هذه الثوره وأقول لكل من كان يساند النظام البائد ربنا يهديك لانك كنت من اعوان الظلم الله اكبر الله اكبر ارجوكم جميعا احتفلوا بهذا الحدث بشكر الله كله يسجد شكرا لله

الأميرمحمد

11-02-2011, 06:20 PM

ربنا يسلم مما هو قادم

لولو الصغيره 115

11-02-2011, 06:32 PM

الحمد لله انتصر الحق على الباطل
شعورى فرح وتفاؤل لأنى اسيقظت على هذا الخبر العظيم

احمد احمد حجاج

11-02-2011, 06:36 PM

ومن نعمره ننكسه فى الخلق صدق الله العظيم

مستر/ عصام الجاويش

11-02-2011, 06:38 PM

الحمد لله الذى نصر اراده الشعب
اذا الشعب يوما اراد الحياه....فلابد ان يستجيب الحاكم

casper.eg

11-02-2011, 07:03 PM

ان شاء الله القادم افضل

Heartbeat

11-02-2011, 07:13 PM

انا حاليا مبسوطة وخايفه
ربنا يحميكى يا مصر

one4ever

11-02-2011, 07:14 PM

مبسوط زعلان

Heartbeat

11-02-2011, 07:21 PM

Heartbeat

11-02-2011, 07:22 PM

ربنا يسلم مما هو قادم
اللهم امين تمر الايام القادمة بسلام

مسيو صالح عمارة

11-02-2011, 07:26 PM

كلمة فرحان لن تعبر عما أشعر به الآن
مبروك لكل شعب مصر العظيم
وربنا يوفقنا فى الفترة المقبلة
فأهم من محو الماضى هو عدم العودة إليه مرة أخرى
وان شاء الله بلدنا هتكون من أفضل الدول

Heartbeat

11-02-2011, 07:29 PM

الحمد لله انتصر الحق على الباطل
شعورى فرح وتفاؤل لأنى اسيقظت على هذا الخبر العظيم
فعلا هو خبر عظيم ولحظة لن تنتسى

sasa075

11-02-2011, 07:30 PM

فرحت فرحة مفرحهاش حد فى الدنيا فرحت لدرجة الجنوووووووووووون

Heartbeat

11-02-2011, 07:42 PM

ومن نعمره ننكسه فى الخلق صدق الله العظيم
وهذا هو مصير من اهان وذل الشعب المصرى
لقد ظهر الحق اخيرا

أمانى سعد

11-02-2011, 08:31 PM

عايزة أرقص ...عايزة أغنى و أزغرد ....هاموت من الفرحة يا ناس .....

إلهام صلاح لاشين

11-02-2011, 08:36 PM

يجب أن ننظر إلى الأمور بعين التفاؤل والحذر فى نفس الوقت

وإذاكنا نفرح بالتغيير فعلينا أن نغير أنفسنا أولا إلى الأفضل فى كل شىء ونعلم أن الله يعطينا فرصة دائما

فيجب ألا نضيعها ولتكن البداية الإخلاص فى العمل من أجل مصر ولنجعل مصر أفضل فى خمس سنوات

لا عشرة كما قال وائل غنيم الذى أبكانى كما أبكى الملايين وأرجو أن يكون ركنا فى سعادة مصر بعد حزنها

سيف سالم

11-02-2011, 10:28 PM

الله اكبر ولله الحمد
الى العمل الجاد
والثورة على انفسنا
لا للرشوة لا للغش لا للفساد

muslmaha

11-02-2011, 10:42 PM

{فِي بِضْعِ سِنِينَ لِلَّهِ الْأَمْرُ مِن قَبْلُ وَمِن بَعْدُ وَيَوْمَئِذٍ يَفْرَحُ الْمُؤْمِنُونَ }الروم4

{قُلْ بِفَضْلِ اللّهِ وَبِرَحْمَتِهِ فَبِذَلِكَ فَلْيَفْرَحُواْ هُوَ خَيْرٌ مِّمَّا يَجْمَعُونَ }يونس58

{وَمَا جَعَلَهُ اللّهُ إِلاَّ بُشْرَى لَكُمْ وَلِتَطْمَئِنَّ قُلُوبُكُم بِهِ وَمَا النَّصْرُ إِلاَّ مِنْ عِندِ اللّهِ الْعَزِيزِ الْحَكِيمِ }آل عمران126

{وَمَا جَعَلَهُ اللّهُ إِلاَّ بُشْرَى وَلِتَطْمَئِنَّ بِهِ قُلُوبُكُمْ وَمَا النَّصْرُ إِلاَّ مِنْ عِندِ اللّهِ إِنَّ اللّهَ عَزِيزٌ حَكِيمٌ }الأنفال10

الحمد لله من قبل ومن بعد الحمد لله

:av4056bb7jp3::av4056bb7jp3::av4056bb7jp3:
:022yb4::022yb4::022yb4::022yb4:

..: Pink rose :..

11-02-2011, 10:52 PM

حسيت بالفخر لاني مصري و تولدت على ارض مصر
حسيت بالفرحة لان ثورة الشباب حققت اهدافها ومطالبها ولان دم الشهداء لم يضيع هدرا
واخيرا اقول ( عشت يا مصر عظيمة بولادك)

Mr. Ali 1

11-02-2011, 11:39 PM

سجدت لله عز وجل شكراً وحمداً علي أحلي خبر سمعته في حياتي .
دا كان موحد الاحساس عند غالبية الشعب المصري ألا وهو الاحساس الدائم بالحزن !!

khalid2222

12-02-2011, 01:28 AM

اولا انا فرحت جدا ولكن بحذر

واهم شيئ انه سقط الطاغية ولحق ب بن علي {لعنهم الله معا} هم ولك فراعنة العصر

وبارك الله في امير قطر لأنه اول من هنئنا بالحرية وعرض علي مصر المساعدة في اي مجال من المجالات

واهم شيئ انني احسست بأن مصر نورت {مش عارف ده احساسي لوحدي ام لا} ورأيت المصريين الحقيقيين وأخواننا العرب وهم فرحون لنا والفلسطينيين الذين ينتظرون بأن تقوم مصر بتحريرهم من اليهود {وسنفعل ان شاء الله}

والسلام عليكم ورحمة الله وبركاته

اسد السنه

12-02-2011, 01:46 AM

كل المصريين فى جميع دول العالم بيحتفلوا بهذا اليوم العظيم وبيقولوا ان كل الدنيا دلوقتى بتنظر لنا نظره اعجاب وتقدير ونشكر كل الدول التى وقفت مع شعب مصر وارجوكم لانريد الفتنه مره اخرى مع الدول الشقيقه التى كان يفتعلها النظام السابق عشان خاطر كره القدم خسرنا الجزائر وعشان خاطر محدش يعرف الحقيقه اتهموا قطر بمئات التهم بالرغم ان المصرى بيتعامل فى قطر احسن من اى دوله عربيه مش عاوز نخسر اى دوله عربيه تانى

أبو إسراء A

12-02-2011, 08:18 AM

عاشقة الاسلام والمسلمين

12-02-2011, 11:22 AM

اللهم لك الحمد حمدا كثيرا طيبا مباركا فيه
نتمتى غدا افضل من الامس الحالك يا رب

T!to

12-02-2011, 11:43 AM

سمعت الخبر انا واصحابى وكنا فى فرح
مش عارف اقول اللحظة بتاعت سماع الخبر كانت عاملة ازاى
كوكتيل اصحاب بيهنوا فى بعض
ناس بتسلم عليك وانته ماتعرفهاش وبتهنيك
القاعة اصبحت منفجرة منذ سماع الخبر وكله بيرقص طبعا
طبعا من الناس الوحيده اللى احتفلت بالخبر بطريقة خاصة
انا حسيت ان مصر اتولدت من جديد
اسال الله ان يديم لنا هذه الفرحة
وان تتقدم مصر الى الامام دائما
وان يتولى امرنا خيارنا

وشكرا يا حبيبة على الموضوع الحلو ده

عاشقة الاسلام والمسلمين

12-02-2011, 12:47 PM

يا سبحان الله اراد قضاء الله وقدره ان لا يخرج الطاغية مبارك خروجا مشرفا او ينهى فترة حكمه طيلة 30 عاما كزعيم كمصرى وعربى يتشرف به المصريون والعرب ..
بل اسقط مذلولا مطرودا مخذولا شر خذلان !!
اللهم لك الحمد حمدا كثيرا .. والعاقبة لباقى الشعوب العربية والمسلمة يا رب..

NazeeH

12-02-2011, 12:57 PM

فرحت فرحة لاتوصف ثم سجدت شكراً لله

رحاب الاكشة

12-02-2011, 02:03 PM

ربنا يحمينا ويحمى بلادنا وبالاخص الناس اللى قريبين منى اوى لانهم كانو هناك امبارح
وكمان انا مش عايزاهم يزعلو لانى كلمتهم وهما زعلوا منى وهما هناك وانا بتعتذر لك على البوابة بحالها
ويارب احمى مصر وحبيبى

Mr Hamada Hashish

12-02-2011, 05:46 PM

حسيت ان مستقبل مصر هيبقي افضل

موسى محمد السيد

12-02-2011, 06:10 PM

وماذا.بعد.الرئيس.مبارك؟

صوت العقل

12-02-2011, 08:30 PM

اتمنيت ان اللى جاى يكون احسن
وربنا يعوض الجميع بالخيرررررررر

shima'a

12-02-2011, 08:47 PM

ربنا يسلم مما هو قادم

آميييييييييييييييييييييييييييييييين

زهراءوامنيةوالاء

12-02-2011, 09:43 PM

انا فرحت قوى وقلت انا الحكومة انا رئيس جمهورية نفسى

محمد حسن ضبعون

13-02-2011, 12:02 PM

في الظلام الحالك نبحث عن ضوء يبدد الظلمات ويهدي السائرين سواء السبيل.. في مصر سطع هذا الضوء ثلاث مرات.. الأولي في ثورة يوليو 1952 ثم في حرب أكتوبر المجيدة 1973 وأخيراً يوم الجمعة 11 فبراير عندما تولت القوات المسلحة احتضان الثورة الشعبية وحمايتها بعد أن كاد العناد يفتك بمصر ويشعل فيها حرباً أهلية لتعشش فيها الفوضي وتحولها إلي ركام وأطلال.
ليس سراً أن القوات المسلحة كانت حريصة منذ اللحظة الأولي علي عدم التورط في عنف ضد الشباب.. حتي لو كانت صدرت لها أوامر بالالتحام بالثوار فإنها لم تكن ستطيعها.. الجيش أعطي مثالاً جيداً لحماية ثورة حقيقية مخلصة.. إنها المرة الأولي في التاريخ التي ينحاز الجيش إلي الشعب.. القوات المسلحة درع الوطن وسيفه وإليها أوكل الثوار أمرهم واتفقوا علي أن تكون هي الضامنة لمطالبهم ومكتسباتهم.. ثقة في محلها ولم تنشأ من فراغ.. إنها المؤسسة الوحيدة البعيدة عن الفساد التي لا تفرق في اختيار أبنائها بين الخفير والوزير.. أبناؤها سواسية.. رجالها متطهرون من الواسطة والمحسوبية.. لا يعرفون البيروقراطية الإدارية أو بيزنس الأعمال أو الحسابات السرية.. تربوا علي حب الوطن والذود عنه بدمائهم.. لا شيء أغلي منه.. لا يعرفون مصالح شخصية أو أهواء أو أطماع الدنيا الزائلة.. من أجل هذا نجحت القوات المسلحة ودخلت قلوب الشباب فوراً.. سيذكر التاريخ يوم 11 فبراير 2011 يوم ثار الشعب وأيده الجيش فخلق ثنائية متناغمة ومتكاملة بين السلاح والشباب في أروع مظاهرة حب للثورة الشعبية الرائعة

أمين120

13-02-2011, 02:26 PM

يخونا احنا إلى بنعمل كدة فر رئيسنا ما تيجوا نشوف إحنا عملنا إيه فى الريس ... كله تمام ياريس ,, كل الناس بتحبك ...شوف الشعب خارج يسلم عليك إزاى وبيقولك بالروح بالدم هنفديك وتقارير طالعة وتقارير نزله وبعدين نرى الافلام التى تمثل الحقيقة حولينا زى طباخ الريس مثلا ورامى الاعتصامى وعاوز حقى كلها افلام بتمثل الواقع ورغم ذلك تستمر الاسطوانة المشروخة بتاعة البطانة السوء إنه مافيش حد فى البلد بيحبها زيك ياريس وأن الشوية دول عملاء لدولة اجنبية وكله تمالم فى تمام وبعدين لما تظهر الحقيقة نجد كل ذلك سراب فى سراب فين الحزب الوطنة بتاع الملايين فين اتباع الريس المنافقين فين كل الناس إللى كانت بتهتف بنحبك ياريس

إسمعوا الكلام ده عن لسان وأنا واحد عمل فى السياسة كتير وتركتها فى 1996 بعد الانتخابات إياها وشفت النفاق بعنية
البطل الحقيقى لهذه الثورة المبارؤكة ثلاثة وثلاثة فقط أولهم الشباب الجريى غللى شال كفنه على يده
ثانيهم الجيش البطل اللى وقف محايد بين ابناء الشعب الواحد و
وثالثهم الزعيم محمد حسنى مبارك الاب الذى صدم من رؤية أبناءه بهذا الشكل ورأى سراب الامن الذى اعمى عينيه بالتقاريير المزورة وأخذ قراره بحفظ دما أبناءه وترك الساحة بعد أن علم أمريكا وغرها أنه سمع كلام أبناءه ولم يسمع كلام حساده
فتحية لهذا الشباب وتحية للجيش المصرى ووداعا يامبارك فسوف يذكرك التاريخ أنك عصمت دماء ابنائك

Heartbeat

13-02-2011, 03:22 PM

هانى الشرقاوى

13-02-2011, 03:23 PM

أنا كنت هموت من الفرحة ومكنتش مصدق نفسى
وسمعت ستات بتزغرط وناس بتضرب نار وشباب بهيص
وكان نفسى أنزل الشارع بس معرفتش بسبب إصابتى

Heartbeat

13-02-2011, 03:26 PM

أنا كنت هموت من الفرحة ومكنتش مصدق نفسى
وسمعت ستات بتزغرط وناس بتضرب نار وشباب بهيص
وكان نفسى أنزل الشارع بس معرفتش بسبب إصابتى
الف سلامة على حضرتك

كأنك نزلت بالظبط:)

Mostafa Walid

13-02-2011, 05:45 PM

الواحد حس بالحريه وبالفرحة وقيمه المصريين العظماء برجوع مصر الحقيقة وبالامل فى ان مصر حتكون احسن ان شاء الله محدش كان متوقع ولا فى احلامه ان ده يحصل بس ااكيد بفضل شباب عظيم ده حصل وباذان الله الغد افضل

FirstMan08

13-02-2011, 07:58 PM

حزين بصراحة

بوب2050

13-02-2011, 09:55 PM

حزنت وكنت اتمنى يخرج بشكل مشرف لانه بشر أصاب وأخطأ

زهراء دريم

13-02-2011, 10:25 PM

انافرحت اوى وقلت من الناردة مفيش حكومة انا الحكومة

المتبولى

13-02-2011, 10:32 PM

ال فاكر ان بكده السماء هتمطر فلوس وهيعيش ال باقى من عمره سعيد بهذا الحدث
أوقول له مخطئ

عملك هو سعادتك هو سلحك هو كيانك
انت بعلمك سيد نفسك
انت بعملك سيد أمرك

tones

13-02-2011, 10:41 PM

خوف من المستقبل
لان لازم نخاف عشان نسلم
اللهم احفظ مصر حرة مستقلة

عباس رجب

14-02-2011, 01:28 AM

أنا خائف أن يكون المصريون قد صاموا وسوف يفطرون على بصلة !!!

دولة مدنية علمانية تبعد الدين ، وبذلك نكون إستبدلنا الفساد بفساد أكبر.
اللهم ولى علينا خيارنا ولا تولى علينا شرارنا .
اللهم حكم فينا شرعك.
اللهم انصر دينك ورسولك وكتابك وعبادك المؤمنين.
اللهم آمين

أرجوكم يا مشرفيييييييييييييييييييييييييييييييييييييييييييين تحروا الدقة في موضوعاتكم وردودكم، فنحن في بداية مرحلة بناء نظام ودولة جديدة قائمة على تلبية متطلبات وآمال كل المصريين في إطار ديني أخلاقي قانوني دون غبن أو تطرف
وبعدين يا سيدي لو كان الحاكم وحش ابقى غيره.
ثانياً التزامنا بديننا الحنيف موش هيمنعه حاكم غير متدين، في أمريكا وأوربا يزداد عدد المسلمين يوميا نتيجة لتأثرهم بالمسلمين هناك على الرغم من أن حكامهم غير مسلمين،.
على فكره أنا مسلم، ولكن مشكلتي أنني مسلم عن قناعة، وده بيسبب لي مشاكل كتير مع المسلمين (اللي ولدوا مسلمون)

إن الله لا يغير ما بقوم حتي يغيروا ما بأنفسهم

تقبل تحياتي

ابو ضيف 15

14-02-2011, 08:07 AM

صراحة الواحد مش عارف حاجة

Eng.Karamullah

14-02-2011, 08:47 AM

باراك أوباما : يـجب أن نربى أبـناءنا ليصبحوا كشباب مصر
رئيس وزراء ايطاليا : لا جديد في مصر فقد صنع المصريون التاريخ كالعاده
ستولتنبرج رئيس وزراء النرويج : اليوم كلنا مصريين
هاينز فيشر رئيس النمسا : شعب مصر أعظم شعوب الأرض و يستحق جائزة نوبل للسلام
سى إن إن : لأول مرة نرى شعبا يقوم بثورة ثم ينظف الشوارع بعده
.........فريقى برشلونة و سبورتينج خيخون يقفون دقيقة حداد على شهداء الثورة المصرية فى 12/2

حاسس ان رجعت كرامتنا .. والعالم هيبصلنا بمنظور تانى :)

محمود عبد التواب

14-02-2011, 09:25 AM

انا كنت قاعد في المسجد كان الشيخ بيدي درس المهم دخل علينا واحد عمرة تقريبا كدة 30 سنة المهم دخل وكان في شدة الغضب وقال بالنص انا عايزكم يا مشايخ تتحسبنوا على كل اللي ضيع البلد (يقصد المتظاهرين )مصر ضاعت والرئيس اتنحى بصراحة انا كنت في شدة الفرح بس مقدرتش ارد عليه لاني في المسجد واغلبية اللي كانوا جالسين مش موافقين على الثورة فقلت اسكت احسن ليتقلب المسجد فوضى انا عارف انه موقف سلبي مني بس مكنش بايدي حاجة اعملها ولا اجادل ناس اكبر مني وناس متصدرة للدين

merozero

14-02-2011, 01:31 PM

انا فرحت بعدين زعلت انه خرج بالطريقة دي

مع ان هو اللي عمل نهاية بنفسة

لو كان كويس عمره ما كان خرج بالطريقة دي

أستاذ/شفيق الأخضر

14-02-2011, 02:44 PM

تحيا مصر
تحيا مصر

أم مريم

14-02-2011, 05:57 PM

أنا بكيت ... أولا من الحزن على الريس أصلي بيصعب عليه البني آدم لما بيظلم نفسه و بيودي نفسه في الباي الباي ... و بعد كده نزلت و هيصت مع الناس في الشارع

Clear soul

14-02-2011, 06:06 PM

ما عادش المهم فرحنا ولا لأ المهم نبدأ صفحة جديدة أول سطر فيها ياللا نشتغل ونموت نفسنا في الشغل علشان نحقق أحلامنا لبلدنا

علشان نقول للعالم مصر أيامها جاية علشان نريح كل شهداءنا في قبورهم ونقوللهم دمكم ما راحش هدر

علشان كل ده انسوا المظاهرات والإحتجاجات واشتغلوا وربنا هيبارك لنا وهيعوض علينا برئيس نختاره يعمل للبلد واحنا معاه

ربرنا يحفظ مصر ويكفيها شر الفتن

عبير الشذى

15-02-2011, 05:43 PM

انا فرحت بس فنفس الوقت خايفه من اللى جاى
بتمنى يكون افضل من اللى فات

مهندسة المستقبل

15-02-2011, 08:54 PM

الحمد لله سقط الظالم واطفأ النار التى اشتعلت فى قلوب امهات الشهداء واكيد الشهداء مرتاحين فى قبورهم لاننا فعلنا ما كانوا يريدونه
حمدا لله / لانه انقذنا من حكم مبارك الظالم الذى باعنا للامريكان انا بحيي كل من قام بالثورة واشكرهم وكنت اتمنى ان اكون بجانبهم ولكن هم شجعان يفعلون ما يريدونه وبالفعل فعلوه لقد اسقطوا النظام ويارب يحاسبوا كل من شارك فى خراب الوطن العظيم(مصر) فى الدنيا وسيحاسبهم الله ان شاء الله فى الاخرة

أيمن الوزير

15-02-2011, 11:08 PM

إلي كل المتفائلين هنيئا لكم سعادتكم بزوال الظلم

وإلي كل المتشائمين . هكذا أنتم دائما تثبطون وتهدمون

Siamese Twins

15-02-2011, 11:20 PM

حسيت بالخوف جدا لدرجة انى بكيت .

shiko nesta

16-02-2011, 01:51 AM

الحقبقة يا اخى الفاضل انا فرحت و زعلت فى نفس الوقت فرحت عشان حسيت ان مصر هتتحسن و زعلت على الرئيس محمد حسنى مبارك على طريقة خلعة كان ممكن يستنى و يمشى عشان الراجل دة مفروض كان يتكرم هوة الراجل الذى كان يقود حركة قوات الظلعة الجوية

sakr korish

16-02-2011, 03:40 PM

الحمد لله وحده الخافض الرافع المعز المذل له القوة والجبروت وحده يقول الله عز وجل فى محكم تنزيلة ( لو آمن أهل القرى وأتقوا لفتحنا عليهم بركات من السماء و الأرض ) ولكن أكثر الناس لا يعلمون فما كنا فيه من ظلم وفساد واستبداد إنما كان لبعد الحاكم أولا والمحكوم ثانيا عن الله سبحانه وتعالى وارتضاء المحكوم بهذا الوضع فسلط الله علينا الظلم أكثر وأكثر حتى يدب فينا من يقول كفى وهنا وقف الله معنا وأيدنا بنصرة فالحمد لله ذى النعمة والمن ونسأل الله جل وعلا أن يتم نعمته علينا بأن يولى الصالح الذى يتقى الله أمين

sakr korish

16-02-2011, 03:48 PM

شعرت بالفرح والسعادة ليس لشخص مبارك ولكن لأنه رأس لمنظومة فاسدة لا تعفية من تحمل المسئولية الكاملة مما يفعله من هم أسفل منه وحزنت لأننى كنت أود من رئيس دولة عظمى كمصر أن يلبى مطلب الشعب فى عزة وكرامة ولكن ما حدث أظهر الرئيس وكأنه يستعطف الشعب أن يبقى رئيسا لدرجة تشعرك أنه حريص على المنصب أكثر من حرصه على شعبه غفر الله لك يا مبارك هذا دعائنا لأننا شعب متسامح عن عزة وقوة لا عن ضعف وخنوع

Heartbeat

16-02-2011, 03:59 PM