مشاهدة النسخة كاملة : سؤال فى الفصل التانى " كهربيه " ارجو الافاده
واحده من الناس 12-02-2011, 06:02 AM بسم الله الرحمن الرحيم
السلام عليكم ورحمه الله وبركاته
ازيكم جميعا .. اتمنى تكونوا بخير
لو سمحتوا كان عندى استفسار فى االكهربيه فى تحديد اتجاه كثافه الفيض "b" خاصه الجزء المرتبط بالقوه "f"
اللى بتبقى اجباته اتجاه الفيض داخل الصفحه او خارجها ازاى ؟؟
يعنى اما يكون سلكين مثلا وبينهم سلك تالت محصله الفيض فيه بتكون ازاى
يعنى بنقول فى ان المحصله بتكون فى اتجاه الكثافه الأكبر " لما يكون التيار فى اتجاه واحد " فى السلكين
ولا بتقول داخل وخارج الصفحه دى ازاى
وبتعرفوا تعملوا فلمنح لليد اليسرى ازاى
وارجوا الافاده لأن جزء الاتجاه دا متدمر معايا فى كل المسائل
السلام عليكم
ArabianPDA 12-02-2011, 01:50 PM وعليكم السلام
لو سمحتوا كان عندى استفسار فى االكهربيه فى تحديد اتجاه كثافه الفيض "b" خاصه الجزء المرتبط بالقوه "f"
اللى بتبقى اجباته اتجاه الفيض داخل الصفحه او خارجها ازاى ؟؟
من فليمنج لليد اليسري
يعني مثلا بتاعت 2008 س2
هتشتغلي بفليمنج هتلاقي ان التيار اما داخل للصفحه او خارج
يعنى اما يكون سلكين مثلا وبينهم سلك تالت محصله الفيض فيه بتكون ازاى
يعنى بنقول فى ان المحصله بتكون فى اتجاه الكثافه الأكبر " لما يكون التيار فى اتجاه واحد " فى السلكين
ولا بتقول داخل وخارج الصفحه دى ازاى
فيه 3 طرق تحلي منهم المسائل بتاعت ال3 اسلاك دي
وكلهم اسهل من بعض وهتلاقيهم مشروحين ف كل الكتب
وفيه فرق بين اتجاه الحركه واتجاه المجال
ودي انتي برضه بتجيبيها من فليمنج
اتجاه المجال اهيف حاجه اليد اليمني لامبير هتحدديها لكل سلك
وبعدين تشوفي المحصله بتاعتهم ومنها بفليمنج هتجيبي الحركه
وبتعرفوا تعملوا فلمنح لليد اليسرى ازاى
عادي
هتخلي اول 3 صوابع من الايد الشمال تحطيهم عموديين علي بعض
زي كده
هنا (http://www.youtube.com/watch?v=U9RezsWnPYs&feature=player_embedded)
ده فيديو بالتفصيل الممل
بالتوفيق،،
واي مساله اخوانك واخواتك هنا في المنتدي في الخدمه
ابو جاب الله 12-02-2011, 02:52 PM جامد يا كبير .. تسلم
نفسى نتعرف
ايميلى princesameh32
ياهو
abdelRhman772007 12-02-2011, 06:46 PM لو سمحتوا كان عندى استفسار فى االكهربيه فى تحديد اتجاه كثافه الفيض "b" خاصه الجزء المرتبط بالقوه "f"
اللى بتبقى اجباته اتجاه الفيض داخل الصفحه او خارجها ازاى ؟؟
الورقة زى البوصلة بتحدد أربع اتجاهات فقط و لكن الفراغ ست اتجاهات (س و ص و ع و أكيد اتجاهاتهم العكسية)
طيب هنعمل أربع اتجاهات فى الورقة يمين يسار أعلى و أسفل و يتبقى إتجاهين
لداخل الصفحة و خارج الصفحة
وبتعرفوا تعملوا فلمنح لليد اليسرى ازاى
مش لازم فلمينج لليد اليسرى أنا كنت بكتبها على الورق و بطبق قاعدة تانية
يمكن كان كل اللى حواليا بيستغرب
قاعدة ضربة الألم
الايد مفرودة ، الابهام لوحدة ، و باقى الأصابع - الاربعة- مضمومة
الابهام بيشاور للتيار
الأصابع بتشاول للمجال
أما القوة أو الألم قأكيد باتجاه راحة اليد
طبعًا الألم بالايد اليمين
يا ريت تجربى القاعدة ده هى أسهل بكتير بس لو معجبتكيش ممكن تدورى على فلمنج اليسرى
هتلاقى كل حاجة عنها فى المنتدى بس دور ى فى الحجات القديمة
يعنى اما يكون سلكين مثلا وبينهم سلك تالت محصله الفيض فيه بتكون ازاى
يعنى بنقول فى ان المحصله بتكون فى اتجاه الكثافه الأكبر " لما يكون التيار فى اتجاه واحد " فى السلكين
ولا بتقول داخل وخارج الصفحه دى ازاى
لازم تقرى جزء تأثير سلكين على بعض بإثباته قبل أى حاجة هقولها
لما نحط سلك فى الأوسط و (السلوك التلاتة فمستوى واحد دايمًا فى منهجكم)
بيكون عندنا طريقتين للحل و الاتنين على خطوتين
الحل الأول اللى غالبًا فى الكتب و ما بحبهوش عن نفسى زى ناس كتير
بثبت السلك اللى فى النص و أحذف اللى على اليمين مرة
و احسب القوة الناتجة على السلك الأوسط الناتجة من السلك الأيسر و اتجاهها
والخطوة التانية احذف السلك الأيسر و ارجع الأيمن
و احسب القوة على السلك الأوسط الناتجة من السلك الأيمن و اتجاهها
و بعدين أجمع القوتين اتجاهيًا
==============================
الحل التانى بيعتمد على فكرة اثبات تأثير سلكين على بعض و ده المفضل لدى الأغلبية
هشيل السلك الأوسط و أعوض عنه بنقطة و عند النقطة ده اجيب المجال و اتجاهه (كل واحدة لوحدها) و بعدين المحصلة
( مسألة قديمة مش كده )
و أقدر أجيب مقدار القوة فى السلك الأوسط I B l
طيب الاتجاه للقوة ؟ يقاعدة فلمنج عادى
و حلى الخاص على ما أتذكر مش متذكر أوى
كنت بجيب المجال عند السلك الأوسط من خطوة واحدة ( قريب من فكرة نقطة التعادل )
و بعدين الاتجاه لو اتجاه المجال متحد خير و بركة عرفناه
لو اتجاهما متضاد يبقى الحكم بقانون الغاب أشوف أنهى سلك مجاله أقوى عند الأوسط
و هو اللى يحكم
لو عرفت اجيبه بمجرد النظر يبقى كويس لو مش واخد بالك على الآلة و أمرك لله
و نطبق قاعدة تنافر و لا تجاذب
عمومًا الطرق التلاتة تقريبًا واحد بس اهه لعل و عسى
وارجوا الافاده لأن جزء الاتجاه دا متدمر معايا فى كل المسائل
حاول و لا تيأس ده قانون الكهربية
اسألى واحد متبهدل فى ثانوى و كلية
واحده من الناس 12-02-2011, 09:19 PM جزاكم الله كل خير
شكرا جزيلا ع التوضيح
لو اتجاهما متضاد يبقى الحكم بقانون الغاب؟ أشوف أنهى سلك مجاله أقوى عند الأوسط
و هو اللى يحكم
لو عرفت اجيبه بمجرد النظر يبقى كويس لو مش واخد بالك على الآلة و أمرك لله
و نطبق قاعدة تنافر و لا تجاذب
ايوه بقى فى النقطه دى بنخلى اتجاه محصله المجال فى اتجاه السلك اللى فيضه أكبر لكن
لو مثلا اتجاه التيار لأعلى فى السلك الاوسط واتجاه محصله الفيض لأسفل "ناحيه السلك التانى "
مش عارفه اطبق فلمنج غير لما اخد الامتداد مع المحصله لأعلى مع التيار كدا وبيطلع اتجاه القوه صح فعلا
بس فى الحاله دى بلاقى ان امتداد المحصله أصبح فى نفس اتجاه محصله السلك التانى يبقى انا كدا اتعاملت مع المجال أساسا بطريقه غلط
مش عارفه بقى المشكله انى مش بعرف اطبق فلمنج لليد اليسرى نهائيا بمعنى أصح مش بعرف
فين اتجاه صوابعى لبرا ولا لجوا ؟؟
حاول و لا تيأس ده قانون الكهربية
اسألى واحد متبهدل فى ثانوى و كلية
ههههه
بجد بشكركم ومعلش ع التعب دا
abdelRhman772007 12-02-2011, 10:34 PM ايوه بقى فى النقطه دى بنخلى اتجاه محصله المجال فى اتجاه السلك اللى فيضه أكبر لكن
لو مثلا اتجاه التيار لأعلى فى السلك الاوسط واتجاه محصله الفيض لأسفل "ناحيه السلك التانى "
مش عارفه اطبق فلمنج غير لما اخد الامتداد مع المحصله لأعلى مع التيار كدا وبيطلع اتجاه القوه صح فعلا
بس فى الحاله دى بلاقى ان امتداد المحصله أصبح فى نفس اتجاه محصله السلك التانى يبقى انا كدا اتعاملت مع المجال أساسا بطريقه غلط
مش عارفه بقى المشكله انى مش بعرف اطبق فلمنج لليد اليسرى نهائيا بمعنى أصح مش بعرف
فين اتجاه صوابعى لبرا ولا لجوا ؟؟
يا ريت توضحى و تفصلى كل نقط لوحدها
لأن حضرتك قولتى التيار لأعلى و اتجاه المحصلة لأسفل و ده حاجة غريبة
انت أكيد عارفة كويس لازم المجال و التيار عموديان و كل منهما هيبقى عمودى على القوة
مستنى توضيح أكتر من حضرتك
عشان أعرف أرد كويس
Dr. Hoda Ahmed 13-02-2011, 10:38 PM مش لازم فلمينج لليد اليسرى أنا كنت بكتبها على الورق و بطبق قاعدة تانية
يمكن كان كل اللى حواليا بيستغرب
قاعدة ضربة الألم
الايد مفرودة ، الابهام لوحدة ، و باقى الأصابع - الاربعة- مضمومة
الابهام بيشاور للتيار
الأصابع بتشاول للمجال
أما القوة أو الألم قأكيد باتجاه راحة اليد
طبعًا الألم بالايد اليمين
يا ريت تجربى القاعدة ده هى أسهل بكتير بس لو معجبتكيش ممكن تدورى على فلمنج اليسرى
هتلاقى كل حاجة عنها فى المنتدى بس دور ى فى الحجات القديمة
استاذ عبد الرحمن بجد تستحق هذا اللقب انا اول مرة اسمع عن الطريقة دى بس بجد اجمل من اللى بندرسها شكرا لحضرتك
وتوضيح الجزئية دى كويس اوى
جزاكم الله خيرا
بالتوفيق
جاليليو 14-02-2011, 08:10 AM إيه ده في إيه باأولاد شعلين نفسكم بكلام بسيط حتى لو مش عارفينه رجاءا فيزياء الثانوية العامة ليست للعقيد رجاءا اهتموا بالمذاكرة المنتجة وبلاش تصيعوا وفتكم في حاجات ليس لها تأثير على مستقبلكم اهتمو بالباقي وإذا كان فيه في المنهج كله نقطة أو اثنين ها تتعب أعصابكم كده بلاش منهم
nooneasme1 14-02-2011, 12:57 PM 1- استخدام قاعدة اليد اليسرى لفلمنج
تستخدم لتحديد اتجاه القوة المغناطيسية التى تحرك سلك يمر به تيار كهربى وموضوع عموديا على خطوط الفيض المغناطيسى
(أى نطبقها عندما يكون التيار هو سبب الحركة)
الاتجاهات 1- الوسطى وباقى الأصابع تشير لاتجاه التيار
2- السبابة تشير لاتجاه خطوط الفيض المغناطيسى
3- الإبهام يشير إلى المراد تحديد اتجاهه وهو القوة "الحركة"
2- استخدام قاعدة اليد اليمنى لفلمنج
تستخدم لتحديد اتجاه التيار المستحث فى سلك مستقيم يتحرك عموديا على خطوط الفيض المغناطيسى
(أى نطبقها عندما تكون الحركة "القوة" هى سبب نمو التيار المستحث)
الاتجاهات 1- الوسطى وباقى الأصابع تشير إلى المراد تحديد اتجاهه وهو التيار المستحث
2- السبابة تشير لاتجاه خطوط الفيض المغناطيسى
3- الإبهام يشير إلى اتجاه الحركة "القوة"
بس كان عندى ملحوظة هى عدم تحريك الأيد نفسها مع الرسم ... حرك أنت الورقة واضبطها مع الاتجاهات على الرسم
اتمنى لكم الإفادة وجزاكم الله خيرا
واحده من الناس 15-02-2011, 03:03 AM ايوه بقى فى النقطه دى بنخلى اتجاه محصله المجال فى اتجاه السلك اللى فيضه أكبر لكن
لو مثلا اتجاه التيار لأعلى فى السلك الاوسط واتجاه محصله الفيض لأسفل "ناحيه السلك التانى "
مش عارفه اطبق فلمنج غير لما اخد الامتداد مع المحصله لأعلى مع التيار كدا وبيطلع اتجاه القوه صح فعلا
بس فى الحاله دى بلاقى ان امتداد المحصله أصبح فى نفس اتجاه محصله السلك التانى يبقى انا كدا اتعاملت مع المجال أساسا بطريقه غلط
مش عارفه بقى المشكله انى مش بعرف اطبق فلمنج لليد اليسرى نهائيا بمعنى أصح مش بعرف
فين اتجاه صوابعى لبرا ولا لجوا ؟؟
يا ريت توضحى و تفصلى كل نقط لوحدها
لأن حضرتك قولتى التيار لأعلى و اتجاه المحصلة لأسفل و ده حاجة غريبة
انت أكيد عارفة كويس لازم المجال و التيار عموديان و كل منهما هيبقى عمودى على القوة
مستنى توضيح أكتر من حضرتك
عشان أعرف أرد كويس
لأ أنا مش قصدى التيار لفوق والمحصله لتحت
اعذرنى انا مش عارفه اوضح اللى انا عاوزاه بالكلام
واعذرنى على التأخير فى الرد كان غصب عنى
انا قصدى ان مثلا اما التيار اللى فى السلك اللى فى النص كان لتحت وكان اتجاه محصله الفيض ناحيه السلك اليسار كانت اتجاه الحركه بينهم كدا لو رسمناها بمسوى احداثى
اما لو التيار لفوق والفيض يسار برده يبقى اتجاه القوه فين ؟؟
انا اما جيت اعكس حتى اتجاه الفيض فى الناحيه اليمين واشوف لقيت اتجاه القوه برده فى نفس الاتجاه الاول
طب ازاى .. مش عارفه وضحت ولا لأ بس اتمنى وبحيى حضرتك بجد على طريقه ضربه القلم وبحاول انفذها ياريت اتعود عليها
انا يابشمهندس مش متعوده احفظ والحته دى بالزات كمان متنفعش تتحفظ هحفظ اتجاه ازاى يعنى
معلش ع التعب
وجزاك الله كل خير
واحده من الناس 15-02-2011, 03:07 AM إيه ده في إيه باأولاد شعلين نفسكم بكلام بسيط حتى لو مش عارفينه رجاءا فيزياء الثانوية العامة ليست للعقيد رجاءا اهتموا بالمذاكرة المنتجة وبلاش تصيعوا وفتكم في حاجات ليس لها تأثير على مستقبلكم اهتمو بالباقي وإذا كان فيه في المنهج كله نقطة أو اثنين ها تتعب أعصابكم كده بلاش منهم
هو حضرتك محلتش اسئله الاختيارات بتاعه كتاب الامتحان ولا ايه ؟؟ دى معظم الاسئله عن الاتجاه وكمان المسائل دايما بيسأل ع الاتجاه .. يعنى تبذل كل مجهودك فى الماده وفى الاخر تسيب حته او اتنين ؟؟
ممكن تكون حاجات بسيطه من وجهه نظر حضرتك ربنا يوفقك بس هى فعلا عملالى مشكله والله المستعان
تشرفت بالمرور العطر
واحده من الناس 15-02-2011, 03:12 AM 1- استخدام قاعدة اليد اليسرى لفلمنج
تستخدم لتحديد اتجاه القوة المغناطيسية التى تحرك سلك يمر به تيار كهربى وموضوع عموديا على خطوط الفيض المغناطيسى
(أى نطبقها عندما يكون التيار هو سبب الحركة)
الاتجاهات 1- الوسطى وباقى الأصابع تشير لاتجاه التيار
2- السبابة تشير لاتجاه خطوط الفيض المغناطيسى
3- الإبهام يشير إلى المراد تحديد اتجاهه وهو القوة "الحركة"
2- استخدام قاعدة اليد اليمنى لفلمنج
تستخدم لتحديد اتجاه التيار المستحث فى سلك مستقيم يتحرك عموديا على خطوط الفيض المغناطيسى
(أى نطبقها عندما تكون الحركة "القوة" هى سبب نمو التيار المستحث)
الاتجاهات 1- الوسطى وباقى الأصابع تشير إلى المراد تحديد اتجاهه وهو التيار المستحث
2- السبابة تشير لاتجاه خطوط الفيض المغناطيسى
3- الإبهام يشير إلى اتجاه الحركة "القوة"
بس كان عندى ملحوظة هى عدم تحريك الأيد نفسها مع الرسم ... حرك أنت الورقة واضبطها مع الاتجاهات على الرسم
اتمنى لكم الإفادة وجزاكم الله خيرا
شكرا جزيلا ع الافادى
ربنا يبارك فيكى
بس كان عندى تعليق
على تحريك الورقه مع الاصابع _ لو مثلا فى سلكين بيمر فيهم تيار فى اتجاهين متضادين علشان تحدد اتجاه الفيض فى السلك الاول ويطلع فى اتجاه ما لو قلبنى الورقه علشان تحدد اتجاه الفيض فى السلك التانى هيطلع فى نفس الاتجاه يعنى بدل ما المفروض يبقى بينهم قوه تجاذب هتتطلع قوه تنافر ولا أيه ؟؟
دا مجرد لفت للانتباه بس لأنى وقعت فى الخطأ دا قبل كدا
ربنا يوفقك ويوفقنى والمسلمين يارب
وشكرا جزيلا
nooneasme1 15-02-2011, 12:22 PM شكرا جزيلا ع الافادى
ربنا يبارك فيكى
بس كان عندى تعليق
على تحريك الورقه مع الاصابع _ لو مثلا فى سلكين بيمر فيهم تيار فى اتجاهين متضادين علشان تحدد اتجاه الفيض فى السلك الاول ويطلع فى اتجاه ما لو قلبنى الورقه علشان تحدد اتجاه الفيض فى السلك التانى هيطلع فى نفس الاتجاه يعنى بدل ما المفروض يبقى بينهم قوه تجاذب هتتطلع قوه تنافر ولا أيه ؟؟
دا مجرد لفت للانتباه بس لأنى وقعت فى الخطأ دا قبل كدا
ربنا يوفقك ويوفقنى والمسلمين يارب
وشكرا جزيلا
تحريك الورقة مع الأصابع وعدم تحريك الأصابع مع نفسها يكون فى هاتين القاعدتين ( فلمنج لليد اليسرى واليمنى) على الخصوص لأن ضبط وضع الأيد نفسه مع الورقة بيبقى متعب لأن الأيد بتبقى عاملة زى المسدس كده وممكن يحدث أخطاء فى الاتجاهات
لكن قاعدة اليد اليمنى لأمبير والبريمة اليمنى لماكسويل وقاعدة تحديد الأقطاب باستخدام عقارب الساعة مش مستاهلة تحريك الورقة لأن وضع الأيد نفسه أسهل بكتير من فلمنج لليد اليسرى واليمنى
ولمزيد من التوضيح معظم الاتجاهات
بالنسبة فلمنج لليد اليسرى واليمنى كالآتى
1- عمودى على الصفحة للخارج
2- عمودى على الصفحة للداخل
3- موازى للصفحة لأسفل
4- موازى للصفحة لأعلى
بس فى ملحوظة مهمة جدا وهى تحديد الأيد الصحيحة يعنى معرفة ايه المطلوب اتجاهه بالضبط عشان الاتجاهات تطلع مظبوطة
وبالنسبة قاعدة اليد اليمنى لأمبير (المجال يكون دائرى حول سلك مستقيم به تيار) فإما
1- يكون اتجاه المجال للخارج (اى لخارج الورقة)
2- يكون اتجاه المجال للداخل (اى لداخل الورقة)
وبالنسبة لقاعدة البريمة اليمنى لماكسويل (المجال يكون مستقيم داخل الملف سواء حلزونى أو دائرى) فإما
1- يكون اتجاه المجال للخارج (إذا كان اتجاه التيار فى عكس اتجاه ربط البريمة أو فى عكس اتجاه عقارب الساعة)
2- يكون اتجاه المجال للداخل (إذا كان اتجاه التيار فى نفس اتجاه ربط البريمة أو فى اتجاه عقارب الساعة)
وبالنسبة لقاعدة تحديد الأقطاب شمالى أو جنوبى
1- إذا كان اتجاه التيار فى اتجاه عقارب الساعة يكون الوجه الذى ننظر إليه قطبا جنوبيا s
2- إذا كان اتجاه التيار فى عكس اتجاه عقارب الساعة يكون الوجه الذى ننظر إليه قطبا شماليا n
abdelRhman772007 15-02-2011, 11:25 PM لأ أنا مش قصدى التيار لفوق والمحصله لتحت
اعذرنى انا مش عارفه اوضح اللى انا عاوزاه بالكلام
واعذرنى على التأخير فى الرد كان غصب عنى
انا قصدى ان مثلا اما التيار اللى فى السلك اللى فى النص كان لتحت وكان اتجاه محصله الفيض ناحيه السلك اليسار كانت اتجاه الحركه بينهم كدا لو رسمناها بمسوى احداثى
اما لو التيار لفوق والفيض يسار برده يبقى اتجاه القوه فين ؟؟
انا اما جيت اعكس حتى اتجاه الفيض فى الناحيه اليمين واشوف لقيت اتجاه القوه برده فى نفس الاتجاه الاول
طب ازاى .. مش عارفه وضحت ولا لأ بس اتمنى وبحيى حضرتك بجد على طريقه ضربه القلم وبحاول انفذها ياريت اتعود عليها
انا يابشمهندس مش متعوده احفظ والحته دى بالزات كمان متنفعش تتحفظ هحفظ اتجاه ازاى يعنى
معلش ع التعب
وجزاك الله كل خير
اما لو التيار لفوق والفيض يسار برده يبقى اتجاه القوه فين ؟؟
حلو اتجاه التيار لفوق
فى منهجكم السلوك التلاتة متوازيين و فى مستوى واحد
متفقين لحد هنا
طب ازاى الفيض لليسار ؟! ده مستحيل
التيار لأسفل أو لأعلى الفيض ليه احتمالين فقط ( داخل الورقة - خارج الورقة )
و بالتالى القوة هيكون ليها احتمالين فقط ( يمين - يسار ) و ده اللى بنحدد بيه تنافر - تجاذب - تعادل
انا اما جيت اعكس حتى اتجاه الفيض فى الناحيه اليمين واشوف لقيت اتجاه القوه برده فى نفس الاتجاه الاول
طب ازاى .. مش عارفه وضحت ولا لأ
لأ موضحتيش و بعدين ما بنى على خطأ فأغلب الظن خطأ
هاه اتحلت المشكلة و لا لسة
واحده من الناس 16-02-2011, 03:56 AM اما لو التيار لفوق والفيض يسار برده يبقى اتجاه القوه فين ؟؟
حلو اتجاه التيار لفوق
فى منهجكم السلوك التلاتة متوازيين و فى مستوى واحد
متفقين لحد هنا
طب ازاى الفيض لليسار ؟! ده مستحيل
التيار لأسفل أو لأعلى الفيض ليه احتمالين فقط ( داخل الورقة - خارج الورقة )
و بالتالى القوة هيكون ليها احتمالين فقط ( يمين - يسار ) و ده اللى بنحدد بيه تنافر - تجاذب - تعادل
انا اما جيت اعكس حتى اتجاه الفيض فى الناحيه اليمين واشوف لقيت اتجاه القوه برده فى نفس الاتجاه الاول
طب ازاى .. مش عارفه وضحت ولا لأ
لأ موضحتيش و بعدين ما بنى على خطأ فأغلب الظن خطأ
هاه اتحلت المشكلة و لا لسة
الحمد لله ربنا فرجها وضحت جدا على فكره
انا بس كنت مشغله الغباء شويه
جزاك الله كل خير
بالتوفيق ..
واحده من الناس 16-02-2011, 04:00 AM تحريك الورقة مع الأصابع وعدم تحريك الأصابع مع نفسها يكون فى هاتين القاعدتين ( فلمنج لليد اليسرى واليمنى) على الخصوص لأن ضبط وضع الأيد نفسه مع الورقة بيبقى متعب لأن الأيد بتبقى عاملة زى المسدس كده وممكن يحدث أخطاء فى الاتجاهات
لكن قاعدة اليد اليمنى لأمبير والبريمة اليمنى لماكسويل وقاعدة تحديد الأقطاب باستخدام عقارب الساعة مش مستاهلة تحريك الورقة لأن وضع الأيد نفسه أسهل بكتير من فلمنج لليد اليسرى واليمنى
ولمزيد من التوضيح معظم الاتجاهات
بالنسبة فلمنج لليد اليسرى واليمنى كالآتى
1- عمودى على الصفحة للخارج
2- عمودى على الصفحة للداخل
3- موازى للصفحة لأسفل
4- موازى للصفحة لأعلى
بس فى ملحوظة مهمة جدا وهى تحديد الأيد الصحيحة يعنى معرفة ايه المطلوب اتجاهه بالضبط عشان الاتجاهات تطلع مظبوطة
وبالنسبة قاعدة اليد اليمنى لأمبير (المجال يكون دائرى حول سلك مستقيم به تيار) فإما
1- يكون اتجاه المجال للخارج (اى لخارج الورقة)
2- يكون اتجاه المجال للداخل (اى لداخل الورقة)
وبالنسبة لقاعدة البريمة اليمنى لماكسويل (المجال يكون مستقيم داخل الملف سواء حلزونى أو دائرى) فإما
1- يكون اتجاه المجال للخارج (إذا كان اتجاه التيار فى عكس اتجاه ربط البريمة أو فى عكس اتجاه عقارب الساعة)
2- يكون اتجاه المجال للداخل (إذا كان اتجاه التيار فى نفس اتجاه ربط البريمة أو فى اتجاه عقارب الساعة)
وبالنسبة لقاعدة تحديد الأقطاب شمالى أو جنوبى
1- إذا كان اتجاه التيار فى اتجاه عقارب الساعة يكون الوجه الذى ننظر إليه قطبا جنوبيا s
2- إذا كان اتجاه التيار فى عكس اتجاه عقارب الساعة يكون الوجه الذى ننظر إليه قطبا شماليا n
شكرا ع الافادة
بارك الله فيكى
بالتوفيق
|