(((((مشاااكل))))) [الأرشيف] - بوابة الثانوية العامة المصرية

مشاهدة النسخة كاملة : (((((مشاااكل)))))

ahmed_06000

24-08-2009, 11:16 AM

السلام عليكم ورحمة الله
رمضان كريم

انا ياجماعه فى تانيه ثانوى

ومش عارف اعمل جادول مذاكره :confused:
ومحتاس خالص فى الدروس والمذاكره

ممكن ياجماعه كل واحد يعملى جدول امشى عليه

انا مواعيد دروسى فى رمضان
الرياضه السبت-الثلاثاء من 11:4-1:00
الكيمياء السبت-الثلاثاء 8:30-9:30
الانجليزى الحد-الاربعاء 5:00-6:00
الفرنساوى الاتنين-الخميس 7:30-9:00
العربى الاربعاء 8:00-10:00

اما بعد رمضان
الرياضه السبت-الثلاثاء من 4:15-5:45
الكيمياء السبت-الثلاثاء 7:00-8:15
الانجليزى الحد-الاربعاء 6:00-7:30
الفرنساوى الاتنين-الخميس 7:30-9:00
العربى الاربعاء 8:00-10:00

واكون شاكر لكم جميعا

اخوكم فى الاسلام احمد

sh2awa _ 91

24-08-2009, 12:41 PM

انا مش هقدر اعمل جدول بس هقولك على طريقة حلوة اوي وكانت بتجيب معايا نتيجة حلوة اوي .
انا خلصت خلاص الحمد لله.
بص يا سيدي انتا لسة تانية فان شاء الله هيبقى عندك طاقة عالية للمذاكرة .
لازم تعمل حاجة مهمة اوي . انتا تنام شوية قبل الدرس بتاعك (بس مش شوية يعني ساعتين تلاتة !.!! لأ انا اقصد ساعة بالكتير اوي ) وتروح الدرس ولما تخلص وتروح البيت تاخد فترة راححة تقريبا ربع ساعة وبعديها تذاكر الي انتا اخدته في الدرس وتذاكره كويس اوي مش تقول نص دلوقتي والنص التاني بكرة .هيكون شرح لمستر بتاعك لس في دماغك وهتكون فاهم وبعديها تخلص الحاجات الي طالبها منك (الواجب بتاعك يعني ) ..وبكدة تبقى خلصت المادة بتاعتك . وفي الايام التانية تعمل لنقفسك نظام انك تراجع المواد الاساسية كل يوم (الماس والكيمستري والعربي ) الفرينش والانجليش كل يومين او تلاتة وتخلي المراجعة تبقى قبل الدرس .يعني اية
يعني لو عندك النهاردة درس عربي يبقى المراجعة بتاعت العربي تبقى قبل الدرس . وباقي اليوم وزع فيه باقي المواد .
ومش تاجل اي مادة نهاااااااائي .
وربنا يوفقك ان شاء الله

ahmed_06000

24-08-2009, 01:12 PM

شكرا ليكى يا sh2awa _ 91 على الفكره الجامده ديه وانا انشلء الله هحاول انفذها

sh2awa _ 91

24-08-2009, 09:15 PM

العفو على اية
وان شاء الله تكون مفيدة ليك

BaNZeR

25-08-2009, 03:28 AM

الجدولين بتوعك قبل وبعد رمضان زي بعض باختلاف معاد الحصة مش اكتر

حكلمك عن حقائق مش نصائح

اكيد حترجع من الحصة مش حتذاكر وده مبدأ عن الكل

اليوم اللى بيبقى فيه حصتين بيضيع في الحصص ومش حتذاكر فيه
ولاحظت عندك ده في الاربع ولو حاولت تخلي العربي يوم الجمعة يبقى افضل

تالت حاجة صعب إنك تبرمج نفسك على وقت معين للنوم قبل او بعد الحصة
انا عن نفسي كانت اكبر مشاكلي مش بعرف انام وقت ما بحب
المهم

عايز ابسط حل
كل مادة تذاكرها في اليوم بتاعها (قبل الحصة مش بعد)
يعني اتفقنا انك بعد الحصة حتلف شوية في الشارع وحترجع واحدة بالليل ومش حتذاكر حاجة
المهم إنه الحصة اللى بعدها تذاكر اللى اخدته الاسبوع اللى فاتت بذمة وضمير
<هو طبعاً ومؤكد حياخد منك وقت اكتر عشان تفتكر اللى اخدته من انك تذاكره بعد الحصة على طول>

بس في بعض الحصص بالليل بترجع تعبان وملكش نفس تذاكر
وانا عارف الكلام ده وخصوصا حصص الليالي اللى بيتبعها تسكع شوية في الشارع :d

لكن لاحظت عندك الرياضة والانجليزي دول في نص اليوم تقريباً
فحاول إنك توزع مجهودك قبل وبعد لإني عارف برده محدش بيحب يذاكر بعد الدرس

حاجة مهمة كمان
الدرس هو اللى بيشغلك
وانت عندك الجمعة فاضي
ومفيش مدرسة
يبقى لو انت مش حتذاكر من نفسك يبقى اليوم ده عندك ضايع (اسمع الكلام)

حاول بقدر الامكان لو حطيت في اليوم ده حصتين كمان يبقى كويس

طبعاً مهم جداً إنه يكون المدرس بتاعك امتحاناته واسئلته كتير ويومية (كل حصة يعني)
عشان يجبرك تذاكر كل حصة معاه
وإلا سيبك من نظامي ده وتذاكر من نفسك :d

متقلش لحد ابداً اعملي خطة مذاكرة

فلو انت بتحتاج وقت لمادة الفهم اكتر هو بيحتاج وقت لمادة الحفظ اكتر

انت مزاجك بتسهر احسن في المذاكرة وهو بيحيب يذاكر بالنهار او الصبح احسن

فانا قلتلك العوامل المساعدة وانت رتبها حسب ما تحب ويمشي معاك

بروف انس

25-08-2009, 10:47 AM

جدول للمذاكره انا الصراحه عمري ما عملته ولا هعمله علشان النظام والروتين هيزهقك صدقني انت في تانيه يعني عندك رياضه 1 وكميا ذاكرهم ميه ميه والباقي بالنسبه للانجليزي والعربي والفرنساوي نص مذاكرتهم انا كنت بعمل كده الصراحه والاستاذ بتاع الانجليزي ياما اتحايل عليا اعمل جدول لغيط ما وصلت انه يعملي الجدول بنفسه بس انا مردتش اصل مش بحب الروتين والنظام ولو انت بتحب الروتي والنظام احسن للك اعمل جدول

s.s.m

26-08-2009, 09:34 PM

بص انت اهم حاجة تعملها تحضر الدرس قبل ما تروح واول ما ترجع تذاكره كويس
وقبل الحصة اللى التانيه تراجع عليه كمان مرة وتحضر الجديد
دا نظام جميل بجد وحاول انك تطبقو من اول السنة علشان بعين مش هتعرف لو مبداتش صح من الاول
وحاول تخلى يوم الجمعة مراجعة عامة على اللى انت اخذته طول الاسبوع
وربنا يوفقك
انا دلوقتى داخلة اولى طب بشرى
يلا اجدعن علشان تحصلنا

ahmed_06000

27-08-2009, 03:06 AM

شكرا بجد ل BANZER و لبروف انس ول s.s.m

انتوا بجد ادتونى معلومات ان شاء الله انفذها وادعولى ولنا جميعا بالتوفيق

أسيل رزق

27-08-2009, 09:30 PM

ربنا يجازيكم كل خير يا جماعة .. طبعاً مفيش ردود بعد ردودهم
إدخل على الروابط دى هتساعدك بإذن الله

أفضل طريقة للمذاكرة (http://www.thanwya.com/vb/showthread.php?t=135188)

نصائح هاااااااامة لطلبة الثانوية العامة (http://www.thanwya.com/vb/showthread.php?t=70388) ‏

إهداء إلى كل من يهمه الأمر - روشتة التفوق (http://www.thanwya.com/vb/showthread.php?t=32106)

(((___هام لجميع طلاب الثانوية العامة___))) (http://www.thanwya.com/vb/showthread.php?t=112555)

°¨¨°؛"°¨¨°(*)(_.·´¯`·«¤° (مش عارف تذاكر ... يبقي هنا الحل) °¤»·´¯`·._)(*)°¨¨°؛"°¨¨° (http://www.thanwya.com/vb/showthread.php?t=96574)

http://www.thanwya.com/vb/showpost.php?p=1359361&postcount=237 (http://www.thanwya.com/vb/showpost.php?p=1359361&postcount=237)

http://www.thanwya.com/vb/showpost.php?p=1361629&postcount=248 (http://www.thanwya.com/vb/showpost.php?p=1361629&postcount=248)

فى مواضيع موجودة فى القسم كتير هتفيدك حاول فى وقت فاضى تدخل القسم هتلاقى مواضيع مهمة

بالنسبة للكتب الخارجية اللى ممكن تستعين بيها هتكون من وجهة نظرى الكتب دى

العربى الأضواء
الانجليزى جيم أو سربرايز
الرياضة المعاصر كويس
الفرنساوى كتاب برافو كويس برده
الكيميا كتاب الامتحان بس مش عارفة فيه انجلش ولا لأ

كتب الامتحان عامةً سواء أسئلة أو مراجعة كويسة جداً

و فى آخر السنة إن شاء الله بتنزل كتب اسمها مراجعة ليلة الامتحان بتنزل فى كل المواد عربى و انجلش

يا رب أكون قدرت أفيدك

و ربنا يوفقك يا رب

Bent 3bdo

27-08-2009, 09:56 PM

أنت اكتر واحد عارف ظروفك
ولك اوحد بيبقى ليه طريقته ف المذاكرة

انا اللى انا شايفاه
انك بلاش تعمل جدول بالساعات
بعانى م الساعه كذا لكذا هذاكر عربى مثلا
احسن انك تكتب الحاجات اللى انت عايز تذاكرها ف ورقه وتخلصها وقت ماتخلصها
بس ماتنامش قبل ماتخلصها

زى ماقولت كل واحد وطريقته
بس انا مبحبش نظام الساعات ده
علشان بيعقد ياعنى لو عدى وقت الماده وانا مذكرتهاش
هضايق و غالبا هكنسل الجدول وأقول الناهرده ضاع و أبدأ م بكرة بقى
ياعنى انا مضمنش حد يجى ,أقوم أعمل حاجه بتاع
الجدول يبوظ
انما لو هتقدر انك تمشى بنظام الساعات وتعزل نفسك خالص
فامشى ع ناظام الساعات
وربنا معاك

جيهاد

11-11-2009, 03:40 PM

omar fouda

02-07-2010, 05:28 PM

شكرا ليك بجد انت ادتنا شوية مواضيع فعلا افادتنا
مشكووووور

:078111rg3::078111rg3::078111rg3:

اسراء محمد مرعى

26-11-2010, 11:40 PM

عاشقة الطفولة

26-11-2010, 11:57 PM

ربنا معاكم فعلا المناهج صعبة

بس احنا اخدناها قبلك وكنا بنذاكر غصب عننا

اصلا همابيدونا حاجات وموش بيعملوا بيها وموش بتفيدنا

يدوبك بتتذاكر قبل الامتحان وبعد لما يخلص موش نفتكر حاجة

وبعدين عازين مننا علماء ازاي موش فاهمة وازا كان كل المواد بتعتمد على الحفظ

ربنا معاكي ومع كل الطلبة وانا اختي بردو في تالتة اعدادي ونفس النظام في الدراسات

بس نصيحة مني متحطيش في دماغك ان الحاجة صعبة وموش ها تعرفي تذاكريها

انا كنت كدة ويوم الامتحان كنت خلاص يعني من الدراسات وجاتلي ازمة ليلة الامتحان

وكنت حاسة نفسي ناسية كل حاجة بس لما امتحنت حسيت كل حاجة فكراها وجيبت فيها النهائية كمان

ربنا معكي وبالتوفيق

the dimond

27-11-2010, 12:05 AM

مش تقلقي كل حاجة وليها حل
مفيش الا المذاكرة هتعملي ايه هتستني لما مش تطلعي من الاوائل
ومعلشي في كلمتي الاوائل هم اللي بيذاكروا ولا يهمهم منهج تانية ولا ثالثه ثانوي
ومتحطيش الحكاية دي في دماغك اوي
وثقي في نفسك واعتمدي على ربك وذاكر ي وان شاء الله هتبقي الاولى كمان
ربنا يوفقك

اسراء محمد مرعى

27-11-2010, 11:57 AM

شكرا اوى بس بجد مشكلتى انى بنسة بسرعة بس مش فى المواد التنية فى الدراسات بس

كل مذاكر حاجة انسى اللى كان قبلها

ادعولى والنبى

amira elnaggar

27-11-2010, 05:56 PM

تقولى اية للى فى رابعة ابتدائى بيخدو حاجات من ثلاثة اعدادى واولى اعدادى

وبردة الى حاطت منهج اولى اعدادى غبى بردة جايب حاجات جديدة علينا والفروض اننا بناخذ الحاجات الى مترتبا عليها

Dr.abdo salem

27-11-2010, 08:35 PM

يلا ربنا معاكو كلكم وأهو احنا عارفين السبب( فى الوزير)

دا نازل فى الاعدادى ( جا جتا ظا ظتا )

يا رب الوزير ده يجيله مرض مايكونش ليه علاج ومايموتش يفضل يتعذب كدا

ahmed salama00

17-12-2010, 11:17 PM

بسم الله الرحمن الرحيم :::...

انا طالب بالصف الثاني الثانوي :).....

انا في بداية السنة كنت بذاكر ومهتم بنفسي بدرجة كبيرة .....

وبدأت أقلل في المذاكرة من نص شهر11 فأنا لما اجي اذاكر بحس بملل ...

وبضيع وقتي بطريقة رهيبة جدا ..... والوقت بيمر وأنا مش حاسس بيه خااالص ..

فأنا خاايف قوي والوقت اللي فاتني دا هعرف الم فيه المنهج واجيب الأول زي ما أنا كنت ناااوي يإذن الله ... ولاا أعمل إيه
بأمانة علي اللي قرأ الموضوع يرد علي ويقولي أعمل إيه

**نغم**

17-12-2010, 11:45 PM

السلام عليكم ورحمة الله
انا بردو في 2 ثانوى
انا بعمل حاجات سعات بتساعدنى
المدرسين قالولي ان من شهر 8 لحد 11 دا تسخيين بس
ومن 12 لحد 3 دا الشغل الطحن
انت حاول تستمتع بالمذاكرة ازاى؟
انك تذاكر كل المواد في اليوم ازا بردو؟
حاول تقسم المادة ساعة او ساعة ونص ولما تزهق من مادة خد الثانية
وارتاح والعب وكل حاجة...بسمتزهقش
وحد هدفك قدامك لانك طول ما انت عامل كدة هتذاكر كويس...وافتكر الناس الدحيحة الي بيذاكروا طول اليوم دول
قول هم احسن مني في اية p: هههههههههه واللهبعمل كدة وبيجيب نتيجة شوية
وذاكر بما يرضي الله يعنى اتقن عملك :)
وربنا يوفقنا جميعا

ahmed salama00

18-12-2010, 12:09 AM

يعني هو لسه فيه أمل اني اكون حاجة .....

............................

بشكرك قوي يا نغم باشا وجزاكي الله كل خير

اسراء محمد مرعى

20-12-2010, 01:14 PM

شكرا على دعوتكم الجميلة

PrinCeSs MeRaMar

21-12-2010, 02:28 AM

شدي حيلك انت وربنا يسهلها والدراسات ده عادي والله انا كنت كده وانا في 3 اعدادي
بس انت خدي درس فيها مع مدرس او مدرسه شديد بيسمع علي طول ده الي هيظبطك
ووالله انا في 3 اعدادي كنت باخد في كله الا الدراسات الترم الاول ومكنتش اعرف ولا كلمه اخدت مع مدرسه حفظتني الماده اكتر من اسمي

طارق ط

21-12-2010, 03:10 PM

ربنا يوفقك بس والله انا لميت الدرسات والعربى مع بعض فى 15 يوم لما كنت قدك وجبت النهائية فى الدراسات ونقصت نص عربى وطلعت الأول الحمد لله..............
يعنى عااااااااااااااااادى خااااااالص بس انتى ركزى وان شاء الله نشوفك من الأوائل...

طالبة الجنة 2012

21-12-2010, 04:43 PM

حاولى تذاكرة مذاكرة مكثفة وكمان المدرسين يجتهدو معاكى شوية وربنا معاكم المنهج فعلا صعب اوى

lamona13

21-12-2010, 05:36 PM

انا هؤلك المفيد فى كلمة واحدة
"من اراد العلى سهر الليالي (http://alfrasha.maktoob.com/archive/index.php/t-75835.html)" :wacko:
"من جد وجد ومن زرع حصد"
وعلى أد ما هتزرعى على أد ما هتحصدى

Mostafa Walid

22-12-2010, 01:03 AM

السلام عليكم
بصى خلاص اصل المناهج اتحتطت ولو فضلتى انتى كده مش حتعملى حاجة الاحسن انك تتفائلى شويه انتى عايزه دلوقتى ان شاء الله تطلعى من الاوئل وان شاء الله حتطلعى من الاوائل بس مع شويه جهد منك مهما كان المنهج صعب بردوا لو ذكرتى وانتى بتفهمى المنهج كويس خلاص والله حتخشى وحتحلى مهما الامتحان كان صعب بس انتى اعملى اللى عليكى زى ما قولتلك خلاص كل حاجة اتحطت ومش حتتغير نصبكوا كده بقى ذكرى وعايزين نسمع انك بقيتى من الاوائل

نوران رجب

22-12-2010, 01:11 AM

:040vk0:انا طالبة بالصف الثالث الاعدادى

امتحاناتى كمان شهر ولسة مخلصتش نص المنهج

والمنهج صعب جدا جدا جدا لدرجه لاتتخيلوها وخصو صا فى الدرسات

وانا بجد نفسى اطلع من الاوائل السنة دى

قلو لى اعمل اية انا على امل ان الوزير يخفف المنهج
لكن الوزير مبيتكلمش يا جماعة ارجوكم شفولى حل ومحدش يقول

:oذكرى المذكرة هتجيب نتيجة والحمد للة بصلى وعرفة ربنا اعمل اية بس ؟

العيب مش فينة العيب على الغبى اللى حط المنهج وكمان نزلنا من تانية ثنوي

مش بردة حرام بجد ؟؟؟:excl:

بصي يا جميل
المنهج خلاص موجود ومش هيتغيير
يعني مالوش لازمه بقي انك تفضل تقولي صعب ومش قادره
انتي بتقولي نفسك تكوني من الاوائل ودهيا جميل مش مستحييل
بس لازم تتعبي اووي
لان في ناس غيرك مش همامها المناهج وبتذاكر وبتعمل اللي عليها ومش بتفضل تقول صعب ومش هقدر ومش بتصعبها علي نفسها
انتي اعملي اللي عليكي وشيلي من دماغك حكاية صعب دي
وانا معاكي ان الدراسات بالذات رخمه جدا
لان انا كمان مش كنت بطيقها ف تلاته اعدادي ابدااااااا
واخويا كمان في نفس ظروفك دي وعايشه الماساه دي برضوا
بس انتي شيدي حيلك وبالتوفيف حبيبتي
وان شاء الله نباركلك اخر سنه انك طلعتي من الاوااائل

فارس المحبة

22-12-2010, 04:18 PM

مفيش احباط باذن الله وربنا يكرمك وتتفوق

mahmoud khlil

22-12-2010, 08:09 PM

ربنا يوفقك

mahmoud khlil

22-12-2010, 08:11 PM

ذاكر بجد ونظم وقتك وصلى وباذن الله ستجد التفوق

محمد عقل خلف

22-12-2010, 10:05 PM

السلام عليكم
في البداية بس بعد الكلام اللي اتكتب فوق انا مقدرش اتكلم
وربنا معاك ومعانا
وصحيح فعلاً انا مش مهتم بالرياضة لاني مش ناوي ادخل رياضة

amira elnaggar

17-01-2011, 11:32 PM

ذاكر وربنا معاك وتوكل على الله

waleed ansary

17-01-2011, 11:42 PM

ذااااااااكر وشد حيلك وخلى عند ثقه بربنا عاااليه جدااااااا وبنفسك
وخلى هدفك قدااااامك وديمااااا خليك قريب من ربنا علشان ربنا يكرمك ويوفقك ان شاء الله
ولكل مجتهد نصيب

ahmed nouh

17-01-2011, 11:57 PM

انا بردو في تانية ثانوي و عندي نفس المشكلة بس لقيت الحل
بص يا عم انت محتاج توفيق من ربنا ودافع للنجاح
قبل متبدا مزاكرة صلي ركعتين واقعد علي مكتبك و استعيذ بالله من الشيطان
بالنسبة للدافع لازم يبقي بتحبها
يعني أنك لو بقيت انسان ناجح هتفرح والدك والدتك

blackcat.13

18-01-2011, 11:35 AM

شوف انا كنت كده السنه اللى فاتت:blink:
من الواضح انك بديت جامد
بس بعد كده مليت وحاسس انك مش عاوز تذاكر واتخنقت من الكتب صح
يبقى انت تعمل التالى:028ja7::
1-صدقنى اهم حاجه الصلاه وانك تراعى ربنا بجد عن تجربة.
2-لو لك صحاب من اللى بيحبطوا الواحد وهمن يدحوا بلاش والنبى بيضعوا الواحد:040vk0: فسيبك منهم خليك مع العيال اللى لسه عندها ضمير:friendsxs3:.
3-شوف نفسك تبقى ايه وخلى الهدف ديه قدامك دايما افتكر احمد زويل والناس:078111rg3: ديه وفكر انك ممكن تبقى زيهم.
4-اعمل جدول مذاكره تبقى هتقول مش بمشى عليه مخنوق يبقى ياريت لو حد يبقى جامد كده فالبيت يتابعك بتنفذ الجدول ولا لا حد يكون بيرعبك كده عشان تذاكر حتى لو من اقاربك بس اهم حاجه حد يبقى جامد:stickjo4: فالمعامله ويهموا مصلحتك(يعنى مش تروح لواحد :slap1qk6:صحبك).
5-ذاكر وحب المذاكره عشان تذاكر بضمير واهم حاجه تذاكر قدامك ساعه عشان اوحش حاجه تعد تذاكر و تفضل تسرح:wacko: بالساعات.
6-على فكره انت لو بديت تذاكر جامد من دلوقت هتلحق:049gc0: تلم الدنيا لانو لعلمك اللى بيفرق الشهور الاخيره فى ناس مش بتذاكر من الاول وتاجى فالشهور ديه تشد تلاقى مجميعها فوق فانت بديت كويس من الاول فبلاش تضيع اللى بديت بيه عشان هتندم( فى واحد نعرفه كان مقضيها وايه جى فالشهور ديه محدش شاف وشه و دلوقت فهندسه والله).
خلى بالك شد حيلك عشان اذا ملحقتش نفسك هتندم يوم النتيجه:excl: يوم متلاقى العيال اللى كانت بتتلزق فيك عشان شيفاك اشطر منهم اما تلاقيهم جابوا اكتر منك عشان كانوا دايما شايفينك اشطر فبيذاكروا عشان ينافسوك.
وخد بالك انا بديت كده بردو وجيت فالنص و فصلت ونهايتى كانت وحشه:giljotiiniug3: فبلاش وانا عالعموم قلتلك على اللى كنت المفروض اعمله عشان الحق نفسى ولكنى مكتشفتوش غير دلوقت.
.
ملحوظه : اهم حاجه فالوقت ده انك تحل مش بس تذاكر لو حفظت الكتاب من الجلده للجلده من غير حل يبقى ملوش لازمه.
خلى بالك لسه تقدر تلحق نفسك
ولو حاسس انك مخنوق جدا مترحش تعد عالكمبيوتر وياريت تفصله خالص اساسا هوه و التلفزيون ويوم متحس انك مضايق شوف حد فالبيت ياخدك كده فمكان بتحبه و تشم شويه هوا وترجع بعد كده بجد هتحس بتغيير بس مش تخرج مع صحابك لما تكون مخنوق لانهم هيعدوا يحكوا فحاجات فاضيه وهيصدعوك :wacko:هترجع محبط وزهقان وتنام.
وربنا معاك و معانا.

ahmed salama00

20-01-2011, 12:45 AM

اسراء محمد مرعى

27-01-2011, 05:21 PM

بركوللللللللللللللللللللللللللللللللللللللى انا حليت والامتحان جة تافة مرسية لدعوتكم

EZEL coming

03-02-2011, 07:56 AM

السلام عليكم الكل عارف ان مصر فى ازمة انا طالب فى الصف الثانى الثانوى الدروس وقفت وانا من المفروض ازاكر مش عارف ازاكر من الوضع الذى فية مصر اعمل اة

Farawlla

03-02-2011, 10:44 AM

كلنا كدا

بس بحاول اعمل اي حاجة

(( أريــ الفـردوس الأعلى ــد ))

03-02-2011, 11:30 AM

أنــــا بقول أن دة عامل مساعد ليكوا ليــة متسبقوش في المنهج طالما الدروس أتأجلت../لان الدروس كأنت بتأخد نص وقتكوا فدة عامل مساعد ليكوا انكوا تستغلوا الفرصة ديــــة..وتمشوا عادي جدا مع نفسكـــــم كأن مفيش أي حاجة.../ فياريت تستثمروا وقتكــــوا وتذاكــروا عادي خالص.. لأن محدش في أيـــدية حاجة للبيحصل دة ..وأنتوا اصلا كنتوا محتاجين وقت ونفسكوا الدروس تتأجل فمتبقاش قدمكـــــوا الفرصة وتستهينوا بيها فلازم تستغلــــوها..والشاطر/ة فعلا هي اللي هتستغل الفرصــــة دية وفي ناس كتير بيذاكـــــروا في الأيام دية لانها زي ما قولت هي الفرصة اللي بتميز طالب عن الآخر (للي هيستغلها صح واللي هيهمل)...وربنا يقدم للجميع اللي فية الخير ويعدي الأزمة المصرية على خير ويرجع الاستقرار والأمن عاجلا وليس آجلا==
أعذرونـــــــي ان كنت أخطأت فهـذا من الشيطان وآسأل الله رب العرش العظيم ان يوفقني ويوفقكــم وييسرهـــا علينا جميعا يارب العـــالمين..
وربنــــــــا مع الجميع يـــــارب..

amira elnaggar

03-02-2011, 03:46 PM

بركوللللللللللللللللللللللللللللللللللللللى انا حليت والامتحان جة تافة مرسية لدعوتكم

يلا كويس الحمد لله

SwOrD OF JusTice

03-02-2011, 04:35 PM

هى دفعتكوا الحكايه منحسه معاها فى كل حاجه ليه ؟؟

كل وزير ييجى يجرب فيكوا واديها خربت كل البلد

PrinCeSs MeRaMar

03-02-2011, 10:30 PM

انا اهه بقالي اسبوع مش بذاكر وكان الاسبوع الاجازه مش عارفه اذاكر خااالص من الي بيحصل اعصابي تعبت ومش عارفه افتح كتاب و متاخره في المذاكره عن قبل كده وزي حضرتك والله و مش عارفه اعمل والله لو حضرتك عرفت قولي

عاشقة الطفولة

04-02-2011, 12:47 AM

والله كلنا كده

ده انا كمان حاسة نفسي السنادي ها اسقط موش عارفة ليه

كل سنة بنقص 3 درجات بالكتير السنادي حسا اني ها انقص كتير

ahmed nouh

04-02-2011, 05:13 AM

انا دورت كتير عشان اعرف بس حاجة واحدة الي بيطلعوا اوائل بيخدوا ايه
بيكملوا تعليمهم برا
يلاا اصدموني و قوللي انهم بيخدوا شهادات تقدير بس

SwOrD OF JusTice

04-02-2011, 07:46 AM

انت وحظك بيدوا حاجات كتير لاوائل الثانويه العامه

مثلا لاب توب - رحلات حول العالم - فلوس والحاجات دى

ده الى اعرفه

EZEL coming

04-02-2011, 11:05 AM

شكرا على الرد وربنة معنا ان شاء الله و ربنة هيكرمنة ونعدى من الازمة دى

سندريلا العربية

04-02-2011, 11:33 AM

صحيح المنحوس منحوس ولو علقولوا فانوس

dr\villa

05-02-2011, 04:08 PM

طوبي لأواخر الثانوية العامة
بعد أن انتهت زفة أوائل الثانوية العامة بالمكافآت الهزيلة وفلاشات كاميرات الصحف وبرامج التوك شو ومصافحة المحافظ والوزير وشعور الأهل بالفخر واستقرار الأوائل في كليات القمة أو في الكليات التي يرغبون في الالتحاق بها (لن يتركهم أحد يضحون بكليات القمة في سبيل ما يحبونه، الأمر الذي يفسر وجود أطباء تجار ومهندسين وصحفيين وصيادلة ومصممي رقصات)، بعد أن انتهت الزفة وانفض المولد أستطيع الآن - وأنا ضميري مستريح- أن أفسد فرحة الأوائل بما يرونه إنجازًا عظيمًا.

أن تكون عنصرًا في منظومة رديئة، ثم تتصدر المشهد فهذه شهادة بأنك خلاصة الخلاصة وزهرة الزهرة في الرداءة، وأن تكون(وش القفص) بشهادة الحكومة السيئة بالنسبة لمحصول نظامها التعليمي السيئ، فهذا يعني أنك تشبه حبات الخوخ الحكومي المهرمنة ذات الحجم الضخم المبهر ولكن بلا طعم، من حقك أن تفرح بأنك واحد من العشرة الأوائل في الثانوية العامة في أي مكان في العالم ماعدا مصر، لأن النظام التعليمي فيها باطل وما بني علي باطل فهو باطل، صحيح أننا نقول برافو للأوائل من قلوبنا لكنها تشبه البرافو التي نقولها لشخص حكي لنا كيف أنه وجد طريقة لتخفيض مخالفات البناء أو مخالفات رخصة السيارة إلي الربع، وصحيح أن الحكومة تحتفي بالأوائل وتمدحهم لكن وبما أن مذمة الناقص في حقك شهادة بأنك كامل، فمدح الناقص في حقك شهادة بأنك الحاج كامل.

كيف تفرح وأنت الأول في سباق يسيطر علي أجواء المنافسة فيه تسريب للامتحانات وأخطاء في التصحيح، وضياع لورق الإجابة في الطريق إلي غرفة الكنترول، وغش جماعي وعدم تكافؤ للفرص ما بين تعليم حكومي وتعليم خاص وعجز مادي لأسر فشلت في أن تجعل أبناءها يحصلون علي دروس خصوصية (التي اعترف الأوائل بحصولهم عليها في كل المواد)، كيف تفرح بأنك الأفضل في نظام به مدرسون بحاجة لأن يتعلموا من جديد ولأن يخضعوا لاختبارات لتحديد مستواهم وتحديد الأجر الذي يستحقونه (دون أن يتم الاستغناء عمن رسبوا في هذه الاختبارات)، كيف تشعر بالفخر وأنت الأول علي نظام قائم علي الحفظ والتسميع وليس قائمًا علي الفهم والرغبة في التعلم، كيف تفخر بالتفوق في نظام لا يعلمك كيف تكتشف نفسك ومواهبك وتعرف ما يليق بمستقبلك ولا يساعدك أن تعرف (إنت عايز إيه بالضبط)، ويعلمك التحايل بأن تراهن علي الأسئلة المتوقعة والحتت المهمة لتحصد درجات لا لتتعلم.

إن أوائل الثانوية العامة مع احترامي لهم وتقديري التام للعذاب الذي عاش فيه أهاليهم كبقية الأسر المصرية.. هم نسخة من القيادات الحكومية الموجودة في مختلف الأماكن، والتي وصلت إلي مناصبها لاعتبارات كثيرة لا يشترط فيها الكفاءة، ولكن يشترط أن (تفهم الفولة ماشية إزاي وتعمل المطلوب منك دون تفكير)، ومثلما انبطح موظف صغير أمام مطالب رؤسائه ليصل إلي منصب أعلي، انبطح الأوائل أمام نظام تعليمي فاسد يطالبهم بالحفظ والدروس الخصوصية، ليصلوا إلي الكليات التي يرغبون في الالتحاق بها (وهو فساد علي صغير مبرر بالحرص علي المصلحة وبأن البلد ماشي كده)، ومثلما يصل الموظفون إلي مناصبهم العليا ثم يضيعون بعدها في غياهب التاريخ يضيع الأوائل ونادرًا ما نري شخصًا منهم قد وصل إلي مكانة تفيد البلد، بل إن البلد يوليهم اهتماما سطحيا (مكافأة تفوق في الكلية تصل إلي 200 جنيه) ولا تتابعهم الدولة بعد الثانوية أو تتعامل معهم باعتبارهم كوادر مهمة يجب الاعتناء بها للاستفادة منها، ذلك لأن الدولة نفسها تفهم أن أوائل الثانوية العامة حاجة، والنجاح في الحياة حاجة تانية.

ستسألني: وهل يملك أحد إلا أن يتحايل لينجح مادام النظام يسير بهذه الطريقة؟ وسأقول له من حقك أن تتحايل كما تشاء، لكنني أحتفظ بحقي في أن أري أواخر الثانوية أشخاصًا طبيعيين، أما الأوائل فلا أستطيع أن أمنع نفسي من التفكير في وجه شبه ما بينهم وبين الحاصلين علي مراكز متقدمة في دوري الشركات..صحيح هم أيضا متفوقون لكنهم في النهاية موظفون.
ـــــــــــــــــــــــــــــــــــــــــــ
عمر طاهر

APIDO

05-02-2011, 06:05 PM

Yaaaaaaaaaa
rab

حودة ابو المعارف

05-02-2011, 10:44 PM

اضافة الى زميلى الغزيز عليك استماع لبعض الاغانى الوطنية او مشاهدة لحظات حلوة

ahmed nouh

06-02-2011, 06:41 AM

كل دا انا كنت بس عايز اعرف الاوائل بيدخولو بردو الكليات الحكومية
و بيفضلوا في التعليم الفاشل ولا

soosoo_kotp2000

06-02-2011, 07:35 PM

ممكن يدخلوا الجامعات الحكوميه برده وممكن تجيلهم منحة دراسة فى الجامعه الامريكية وحاجات زى دى بس غالبا مش بتناسبهم لأن الاوائل معظمهم بيكون من الناس العادية مش من الطبقة العليا يعنى وانا على المستوى الشخصى اعرف واحده راحت الجامعه الامريكية اول اسبوع وبعد كده اتعقدت من اللى فيها و حولت جامعة اسكندرية

RASHED0

09-02-2011, 01:51 AM

السلام عليكم
انا بطلب المساعد عايز حد يحطلي جدول مذاكرة عشان مش عارف اذاكر خالص انا في تالتة ثانوي ادبي(تاريخ-جيولوجيا-علم نفس-لغة عربية-لغة انجليزية) ياريت اي حد يحطلي جدول وانا اسف ان كنت هتعبكو معايا

Ahmed M. Fayez

09-02-2011, 02:51 PM

الجدول إنتي بس اللي تقدري تعمليه بنفسك.

علشان تحددي وقت دروسك ونومك ونشاطاتك الإجتماعية ..... إلخ.

أكتبي في ورق الحاجات دي ومواعيد دروسك , ونظمي وقتك وأعملي الجدول.

الأمر سهل جداً , بس الأهم تلتزمي بيه.

العوو

10-02-2011, 09:36 AM

تانيه ثانوى
حكمة اليوم لو عاوز تعيش بدون اكتئاب ياتولع سجاره ياتولع فى الكتاب

الراجية ربها

11-02-2011, 10:36 PM

مبروكككككككككككككككككككككك

مكعبات

13-02-2011, 06:24 PM

.................................................. ...............................................

مكعبات

13-02-2011, 06:29 PM

..............................................