smart4u
13-02-2011, 08:09 PM
السلام عليكم
لا نريد تثبيت المتعاقدين
بل نريد إستعادة نظام التعيين القديم
إخوتى وأخواتي
أساتذة الجامعات ليسوا أفضل منا
فإنه عندما يعينمعيداً فإن ذلك يتم عن طريق النظام القديم وهو التعيين المباشر
نحن الذين نربي الطالب من صغره إلي شبابه حتي نوصله إلي أساتذة الجامعة
والكل يعلم الفرق الشاسع بين جودة التعليم الأساسي وبين التعليم الجامعي
فهناك الكثير في ميدان التربية والتعليم من أصحاب الضمائر الحية
نريدمطلبين أساسيين لا رجعة فيهما أو في أحدهما:
1- إستعادة نظام التعيين المباشر للمعلمين
2- رفع الرواتب بما يكفل حياة كريمة
المعلم في بلاد كثيرة يعامل أفضل معاملة إلا في مصر
نريد أن نعامل معاملة تليق بمهنتنا
جارةالوادى
13-02-2011, 08:16 PM
عندك حق والله احنا مش اقل من اساتذة الجامعة بس قول لنا عالصيغة اللى من خلالها نقدر نوصل ده
mmagdy_81
13-02-2011, 08:18 PM
ياجماعه نحن لانستطيع الغاء قانون الزفت (الكادر) دلوقت افهموا لان مفيش مجلس شعب ولا شورى نحن نريد ان ننقذ ماتبقى لنا من كرامه وارجوكم افهمونى
ياجماعه كفايانا هبل بقى كفايه انا رايح يوم الاربعاء مع المعتصمين اللى هيروحوا ويا نيجى مثبتين يا ميتين ارحمونا ضربوا الاعور على عينه احنا مش اقل من اللى تعينوا احنا بقالنا 8 سنين متعاقدين وفى ناس من قبلى بسنين وفين كلام كلب الوزاره ابو سريع اللى قال ان التعيين الاسبوع اللى جاى كل النشرات اللى بتوصل المدارس مسكنات وسخه اتعودنا عليها والدليل انها مختلف من كل محافظه لتانيه مش بس كده ده مختلفه من اداره للتانيه انا اسف على الانفعال بس حررررررررررررررررررام .
نحن لانملك الغاء قانون الكادر الان فعلى الاقل نطالب بالتثبيت ولو للناس اللى استوفوا علشان نقدر نفهم الليله هتمشى ازاى ولاخر مره ياجماعه افهموا كلام هانى هلال اكد كلامى من قبل ان وزير الماليه لم يقصدنا نحن فى التعيين لان كل اللى اشتغل حتى بالمكافاه الشامله كان بيفصل لو يوم واحد فبكده لاينطبق عليها القانون الثلاث سنوات بالاضافه الى ان المعلم المساعد معظمهم متعاقد فى تاريخ 1\7\2008 يعنى لو على كلام البيه يبقى مش هتعين غير محافظات الاقصر وماشابههم اللى عقدهم انتهى خلال ايام السنه الثالثه ودول عددهم قليل جدا ياجمه ارجوكم فقوا ولو لمره واحده الناس ده مش بتيجى غير بلوى الدراع وشكرا
باسم أبو فارس
13-02-2011, 08:19 PM
فعلا ده احنا اهم واخطر مهنة في مصر
احنا اللي بنربي ونعلم ونخرج المهندس والطيبيب والظابط و .... و...
يا جماعة فعلا مفروض نتحرك وكفاية سلبية
احنا مستنيين ليه لغاية ما حد يجيب لينا حقنا
لازم نتحرك ونطالب
بالتثبيت بدون اي شروط
ووضع حد ادني 1200 جنيه كأول اجر
والغاء امتحانات الكادر لانها مهزلة بكل المقاييس
وزيادة مكافأة الامتحانات
وزيادة الشهور بتاعت مكافاة اخر الخدمة
مستر ابو عبد الرحمن
13-02-2011, 11:05 PM
ان شاء الله نتقابل كلنا هناك
يوم 16 فبراير يوم استعادة كرامة المعلم المصرى
darsh1
13-02-2011, 11:07 PM
حرام عليكم كل القطاعات حتي البنوك عملو مظاهرات...ايه الخوف و السلبية دي؟؟؟حرام عليكم فوقو باه....دكاترت الجامعة عملو اتصام...مكسوفين و خايفين من ابه
عايزين رفع المرتب و التعيين و الحوافز 100%
اعتصام امام الوزارة يوم 16|2