واخيرا فتح الشعب فمه بعيدا عن طبيب الاسنان
وقفات احتجاجية كثيرة واعتصامات عمت محافظة سوهاج كان من أبرزها الوقفة التى كانت امام مديرية التربية والتعليم لكل العاملين فيها وانضم اليهم مدرسين أساسيين ومتعاقدين وبالحصة وحتى العمال كان لهم نصيب كبير من هذه الوقفة
الصور فى الرابط الاتى
صور الاعتصام امام مديرية التربية والتعليم
http://s154.photobucket.com/albums/s263/zizoman2002/sohag%20education/
صور لاعتصامات متفرقة فى المحافظة
http://s154.photobucket.com/albums/s263/zizoman2002/sohag%20Sit-ins/
http://i154.photobucket.com/albums/s263/zizoman2002/sohag%20education/18.jpg

مش هينفع كل محافظة لوحدها لازم نجتمع على قلب رجل واحد أمام مينى الوزارة يوم الأربعاء
القادم

هو ده الكلام

المظاهرات دى هزت المسئولين فى المديرية فعلا ولكن ثنائى الفساد أحمد فؤاد وصبرى العدوى توعدا كل من شارك فيها من داخل وخارج المديرية قائلين أنهما سيضربونهم بالجزمة علشان محدش تانى يتجرأ على اسياده

هما المسئولين دول مابيفهموش احتجاجات الناس اطاحت بنظام عمره تلاتين سنة ورئيس بحجم حسني مبارك لسة حد بعد كده يقول ضرب بالجزمة والشراب

إن شاء الله هما اللى سوف بنضربوا بالجزمة ، لأنهم شوية حرامية ومنافقين وجهلة وان شاء الله البلد سوف تنضف منهم ومن أمثالهم اتحدوا يارجالة الوقفة الإحتجاجية يوم 16 /2/2011 امام مبنى الوزارة ان شاء الله ... رجالة البحيرة .

انشا الله هما يضربوا بالنعال قريب

الهنجية لسة فيهم
اسيادهم هربوا
اضربوهم بالجزمة
علقوهم امام المديرية ليكونوا عبرة

المسولين دول اللى مش عاجبهم لازم انهم هما اللى ياخذوا بالجزمه

لكل ظالم نهاية إن شاء الله

انا معكم غدا ان شاء الله
لازم يكون هناك حل
مش هينفع كده الناس كلهم بيتعينوا ونحن لسة

نعم غدا إن شاء الله الأربعاء 16 فبراير يعرفوا مين اللى هاينضرب بالجزمة نريدها وقفة قوية وحاشدة يا شباب توصل صوتنا وصوت كل اللى إنظلم للمحافظ الجديد علشان يعرف الحرامية وقطاعين الأرزاق والفتوات اللى بتتوعد للمدرسين الغلابة بضرب الجزمة .

الأخبار المؤكدة من قلب المحافظة أن المحافظ انزعج خالص من المظاهرات دى وطلب من وكيل الوزارة سماع مطالب المدرسين المحتجين حتى لا يتحول الأمر لمظاهرات المعلمين فى الأسكندرية اللى قلبت الدنيا ولكن مدير الشئون القانونية فى المديرية رد إحنا عارفين القانون كويس وملهمش أى حقوق دول ناس عايزة تركب الموجة وإحنا عارفينهم ورايحين نربوهم وطمن المحافظ وقاله خلاص مش هاتسمع ليهم صوت تانى .

يضربونا بالجزمة ؟ كمان !!!1 يسرقونا ويهينونا وكمان فى الآخر يضربونا بالجزمة أنا فعلا سمعت الكلام ده من أكتر من واحد قريب منهم فى المديرية وطالما وصلت لضرب الجزم كلنا طاعين ليهم وأى أعتصام أمام المديرية طالع فيه أنا وكل الزملة فى مدرستى ونشوف مين يدى مين باجزمة ياحرامية وكشوف البركة اللى بتتكتبوا فيها وتقبضوا الألوف من غير شغل ولا تعب وياريت حتى ترمولنا الفتات صح إحنا نستاهل ضرب الجزمة .

كل معلمات سوهاج خرجن مع معلميها يوم الأثنين واعتصمنا بأدب لكن همة ردوا بقلة أدب ووصلتنا فعلا أخبار الضرب بالجزمة وتعليمهم الأدب وكل التهديدات دى ولكن إحنا مش هانسكت وأنا جمعت عدد كبير من معلمات سوهاج متعاقدات وغير متعاقدات لأن الكل فى الظلم والإهانة سواء والإهانة بالذات بتوجع والمسئولين فى المديرية فى الفترة الأخيرة بيهينونا جامد وبيقفوا فى أى موضوع فيه خير لأى معلم سوهاجى كأن بينهم وبينا تار وأنا بأقول لكل معلمى سوهاج أخواتكم المعلمات معكم فى أى إعتصام لغاية ما نرفع الظلم عننا إن شاء الله

احترسوا أيها الأخوة من مذكرة مدير الشئون القانونية بالمديرية التى أرسلها للمحافظ فيها مغالطات كثيرة وبالبند والمادة يعنى شكلها قانونى لكنها كلام مجحف للمعلمين المتعاقدين والقانونيين فى المحافظة علقوا عليها بأن الشئون القانونية فى المديرية لا بترحم ولا بتسيب رحمة ربنا تنزل وحسبنا الله ونعم الوكيل فى المتجبر أحمد فؤاد اللى حرم أبنائنا من حقهم فى التثبيت

اليوم الأربعاء 16 / 2 أعتصمنا جميعا أمام مديرية سوهاج وكان الحشد كبير جدا وحاولنا نوصل صوتنا للمسئولين ونكشف الفساد فى المديرية ولكن حضرت مجموعة من البلطجية بالسلاح الآلى وأطلقوا الرصاص الحى علينا حتى نخرس وعرفنا بعد كدة إن اللى مأجرهم أحمد فؤاد مدير الشئون القانونية وصبرى العدوى مدير الخدمات لأن ملفات الفساد لهما لو فتحت ستأخذهم إلى السجن فورا والعدوى أقسم أمام المقربين منه أنه سيسحق كل معلمى سوهاج ولن يضربهم إلا بالجزمة فى كل المدارس وسيجعلهم عبرة لكل من يتطاول على أسياده أرجو من كل الزملاء الشرفاء معلمى مصر جميعا مساندة أخوانهم فى سوهاج من هذا البطش وهذه البلطجة .

في ارقام للقوات المسلحة علي شريط الاخبار علي القناة الاولي..اتصلو بالقوات المسلحة..و ابعتوا فيه شكوي للنائب العام
\

الرجاء قرائه هذا الكلام كاملاً وبدون تجزأئه
مع العلم ان السيد احمد فؤاد لا يملك ان يؤجر بلطجيه .. وانتم تحبون ان تعيشوا امام الكواليس ولا تحبوا ان تعيشوا خلفها

الكل يعلم ان المحرض على ضرب المتظاهرين احد مرشحين مجلس الشعب السابقين .. الرجاء قرائه المقال كاملاً

بسم الله الرحمن الرحيم ..
السلام عليكم ورحمة الله وبركاته
تحيه طيبه
يجب ان نتكلم بضمير وبكل ايجابيه ,, الرجل العظيم احمد فؤاد ليس ظالماً ولا فاسداً
وكل هذه الاشاعات والقضايا الوهميه .. ما هى الا فبركه اعلاميه لكثرة من يكره هذا الرجل لحساسية عمله ولانه يعمل بأتقان وبجديه تامه
وهذه القضايا تم التحقيق فيها من قبل سنة 2000 وتم حفظها لعدم الصحة وعدم وجود الادله … ولأنها قضايا من اشخاص يكنون الكره لهذا الرجل العظيم لانه كان يجازيهم عندما يخطئون ( يريدون ان يخطئون بدون ان يجازوا ..! ) واخرين محوليين للمحكمه التأديبيه .. وهذا الكلام يشهد عليه ربى قبل ان اشهد انا عليه
هناك من يقول انه هو من يعارض ويمنع تثبيت المعلم المساعد … وهل هو يملك ان يمنع تثبيته ؟؟
بالطبع لا ، ياجماعه الخير الوحيد من يملك القرار فى تثبيت او عدم التثبيت هو رئيس الوزاراء نفسه ووزير الماليه نفسه ( مع العلم ان بنته معلم مساعد لم يتم تثبيتها حتى الان ولو كان يملك ذلك لكان ثبت بنته قبل ان تتكلموا ؟؟ )
وهناك من يقول انه لا يريد صرف الـ50% الى الناس ، ياجماعة الخير هوا نفسه ووكيل الوزاره والباقون كلهم لا يصرفون الـ 50% بدل حافز الاثابه .وهذا فقط فى ايدى وزير التعليم ووزير الماليه وهو والباقون لا يملكون شىء فى موضوع الـ50% ..
وهناك من يقول ان بدل النقدى أخذه وكيل الوزاره واحمد فؤاد واحمد حفظى …. الماليه لم ترسل لهم اموال وهم ايضا مثل الاخرين لم يصرفوا لأتفسهم بدل النقدى ..
وهناك من يقول ان وكيل الوزاره واحمد فؤاد قد باعوا (مدرسة الزخرفيه) … من يملك ان يبيع هذه المدرسه ؟ ( وانا بنفسى توجهت الى المدرسه ووجدتها مثل ما هى عليه منذ الاف السنين ..! .. بل بها ايضا جزء من ادارة سوهاج وجزء اخذه التطوير التكنولوجى ووضعوا به بعض المدارس الابتدائيه ، فأذا كانت بيعت المدرسه لكنا وجدنا هؤلاء الناس غير موجودين بالمره فى المدرسه …
ويجب ان تعرفوا ان الشجرة المثمره تقذف بالحجاره .. ولانه يعمل بجد وبكل اتقان ,, تكرهه الناس وتريد مهاجمته فى كل مكان ( الناس اصبحت تحب الفوضى وتريد من يترك الحبل على الغارب ..! )
وسوف تعرفون الحقيقه عندما تظهر نتيجه التحقيق .. وتظهر برائة هذا الرجل العظيم
والله ولى التوفيق
والحمدلله
والسلام عليكم ورحمة الله وبركاته

هي وصلت لضرب الجزم بجد احن نستاهل لما واحد يتين ويقلك لازم تعمل دبلومة ومشعارف اه وبنجرح في بعض من حقهم يضربونا 000000000 والله حرام لاذم نتحد وناخد حقنا وخاصة قلي شتم دول لازم نربيهم ولو سمحتم ادخلو الموقع ده ووقعوا علشان نبيد قانون الاكاديمية ونتعين على قانون العمل في مصر ولا احن مش من مصر من ليبيا وهيضربونا بالجزم اتفضل
http://ilikeegypt.com/teacher.php http://ilikeegypt.com/teacher.php

بيان تغيير الظلم
تاريخ الظلم:
لقد قال أحد الزملاء كلمة أعتقد أنها وافية لسرد ماحدث لنا :
لقد تعرض المعلمون المساعدون لكل أنواع الاهانة التي يمكن أن يتخيلها بشر ، فالكثير منهم اضطر للاستدانة و البعض الآخر باع شبكة عروسه ، و ذلك كله بهدف تغطية نفقات الحصول علي الدبلومة التربوية اللازمة للتعيين ، و بعدها تم اختراع موضوع شهادة Icdl ، ليس لهدف سوي تعطيل تنفيذ القانون ، و لقد انصعنا للامر الواقع و قلنا " آمين ".
و بعد أن كان المطلوب هو النجاح في أربعة موديولات فقط " أربعة امتحانات " ، عندها اكتشف السادة المسؤلون الجهابذة أن مخططهم لم يكبح جماح شباب المعلمين ، فذادوا الموديولات " الاختبارات " الي سبعة كاملة .
و لكن هيهات لهم أن يوقفوا النهر عن الجريان ، لقد اجتاز الآلاف من شباب المعلمين الاختبارات ليحققوا رقما قياسيا لم تحققه أي وزارة أخري .
و جاءت النهاية ، و نضبت الحيل ، فأخذ السيد الوزير الأسبق / احمد ذكي بدر .. يستخدم حيلة التسويف و التأجيل مرة بحجة أن الأوراق و المستندات تتم مراجعتها ، و مرة بحجة أن هناك بعض " القلة المندسة " التي قامت بتزوير أوراقها ، و مرة ......... تجر مرة ......
الي أن قامت الثورة
و استيقظت مصر
و فر الجبناء الفاسدون
و هبت رياح التغيير
و أخيرا هلت قرارت التعيين
و لكن .. و يالها من كلمة تقتل كل أمل و حلم
بدأت اللعبة من جديد
تم الاعلان عن أن رسائل التهنئة سوف ترسل لكل من استوفي أوراقه
و جاءت الرسائل بالفعل و لكن لبضع مئات
و الأغلبية الساحقة لم تجد شيئا
و تم ارسال أسماء من ستم تعيينهم الي الادارات التعليمية
و لكن ....
أين بقية الأسماء ، و هم قد استوفوا كل أوراقهم ، لدرجة أنني كنت عندما أشتري جريدة " جرنال " كنت أختمها بختم النسر و أحتفظ بها لعل جهابذة الأكاديمية يطالبونني بصورة منها شرط تكون "طبق الأصل"
لقد اكتشفنا أننا قد وقعنا ضحية موظف / ة مستهتر / ة
و لكن ما ذنبنا نحن !!!
انني أحذر من انفجار وشيك ، و ثورة ربما لن تكون سلمية تماما
اللهم و قد بلغت
اللهم فاشهد

مطالب تغيير الظلم كالآتي:
1-تثبيت جميع المعلمين المساعدين الذين استوفوا شروط التعيين فورا أسوة بزملائهم، وعدم الانتظار والتسويف الذي اعتدنا عليه من الحكومة
2-إلغاء شرط ال ICDL
3-التثبيت الفوري لكل من أمضى 3 سنوات بناءا على قرار رئيس الوزراء حيث أننا لسنا أبناء البطة السوداء ، تم تثبيت جميع المؤقتين الا المعلمين !!! هل لأننا أبناء البطة السوداء أم لأن قدرنا أن نكون معلمين في هذه البلد؟!
4-اتمام اجراءات تثبيت من أتت أسماؤهم في كشوف التثبيت في غضون 15 يوم بعيدا عن التسويف والتأجيل الذين اعتدنا عليهما
5-إسقاط نقيب المعلمين الحالى حيث لم نشعر أننا منتمين لنقابة تطالب بحقنا منذ وقت طويل


سوف يتم التجمع على حسب المحافظة والارسال عبر الايميل او التليفون ما سوف يتم فعله
عزيري المعلم السامي والعظيم كن ايجابيا وشارك في بيان تغيير الظلم :

الف شكر لكل من ساهم في هذه الحركه

واخيرا ابتسم القدر الحمد لله

عايزين نعمل صفحة لينا علي الفيس بوك بحيث تبقي التحركات في في وقت واحد وفكل المحافظات وننشرها من خلال هذا الموقع