الى كل الشباب المحترمين فى مصر

الى كل الاساتذة الكرام اللى اتظلموا كتير

تعالوا نعمل حملات ترفع من مستوى التعليم فى مصر

كل واحد فينا يقول افكارة واحلامه وابداعه ونحاول نعمل حملات منظمه للا حلام دى

وان شاء الله هنقدر نعمل شىء مفيد جدا لبلدنا اللى داخله على نهضه شامله

نفسى كل اللى عندة اى افكار يقولها وبعدين نناقشها ونبتدى ننفذها فعلا

ومحدش يقولى مستحيل احنا الشباب اللى حطمنا المستحيل ونقدرر نحطمه تانى

وتالت نفسى نحلم مع بعض ونحقق حلمنا مع بعض


وانا باحلم تكون مدرستى افضل مدرسه على مستوى الجمهوريه

من حيث

الانضباط النظافه العلم الانشطه الرياضيه التطوع مجانا لدروس تقويه للطلاب الضعاف

تعالوا نحلم لوصر افضل

بحلم كدة اللهم اجعلة خير واصحي من النوم الاقي كل الاجرية اللي في التربية والتعليم مثيتين كدة وكل واحد بيقبض زي بتوع السودان (3000 جنية ) او حتي ربعهم ما يضرش

عارف بحلم بإيه

بحلم إنى أعيش حياة كريمة وأشتغل وأحب الشغل اللى أنا فيه وأبدع فيه

يااااااه .. أحلى حاجة فى الدنيا لما تحب شغلك بعد رضا الله عز وجل ورضا والديك طبعا

نفسى أخرج الصبح بدرى وأروح الشغل مبسوط وأرجع سعيد بأدائى لعملى وأدخل البيت ألاقى مراتى مستنيانى نقعد شوية .. نخرج .. نروح لأهلها وأهلى لصلة الرحم
وأعيش حياة طبيعية زى ما كل شاب بيتمنى ويرسم لحياته

بس فى حاجة مهمة قوى

ازاى
ازاااى كل دا
واحنا بنعانى

بُعد المسافة لمكان العمل
وانا بقوم الصبح مش هاين عليا أقوم لأن شغلى سفر من محافظة لمحافظة ساعة ونصف رايح وساعة ونص راجع وللأسف مش عارف أنقل لأنى مش متثبت
ولما أتثبت ياعالم هتنقل ولا دى هتبقا عايزة واسطة
كل دا يبقا إيه ؟؟

المرتب
طبعاً بشتغل طول الشهر ووالله والله والله العظيم أنا بنسى احنا قبضنا لحد شهر كام ودا لأنى مش حاسس بيه أصلاً كله رايح فى المواصلات . وتقدر تقول كمان انى بكمل من جيبى عشان أمشى نفسى باقى الشهر
يبقى الشاب مننا يتجوز ازاى ويفتح بيت بالمرتب الهزيل الى بناخده
بس برضو بنقول الحمد لله على كل حال وادينا مستحملين بقالنا 3 سنين
كل دا يبقا إيه ؟؟

العمل الاضافى
طبعاً كل واحد فينا بيحلم أنه يبنى مستقبله.

قولى لما تشتغل فى المدرسة الصبح وترجع على شغل خارجى لحد آخر الليل وتقوم الصبح مش قادر تقوم وهكذا وهكذا ولا الطور اللى شغال فى ساقية . ودوخينى يالمونة
كل دا يبقا إيه ؟؟

عدم احساس كبار المسؤلين
طبعا كلنا بيراودنا حلم اسمه التعيين .
لما ألاقى ان الوزارة هتذلنا عشان التعيين وبعد ما نفذنا كل طلباتها من اختبار كادر و icdl وغيره مش عايزة تنفذ القوانين
دا يبقا ايه

وغيره وغيره وغيره .... إلخ

يبقا الحل إيه ؟؟؟

كفاية كدا عشان أنا زهقت وطولت كمان
كفاية كدا النهارده
سلام