انا ضد الثوره انا حر [الأرشيف] - بوابة الثانوية العامة المصرية

مشاهدة النسخة كاملة : انا ضد الثوره انا حر

اسامه البنا

15-02-2011, 10:43 AM

مش فاهم حاجه بيقولو عملو الثورة عشان الديمقراطيه واختلاف الاراء
ولما حد يختلف معاهم يكون عميل وخائن

اقسم بالله انني مانتخبت يوم حد من الحزب الوطني وفي انتخابات الرئاسه انتخبت ايمن نور كرها في الحزب الوطني
انا مختلف مع الثوره
اتفقت معاه وكنت فرحان بيها لغايه خطاب الرئيس الثاني يوم الثلاثاء
خلاص خدنا حقنا عايزين ايه
عايزين دويله زي قطر واميرها يفرحو في مصر ورئيسها اي حاكم هيجي مصر بعد كدا هيقف ازي امام هذا الكلب القطري لو اختلف معاه هيجمه في قناه الحقيره واحد ملوش خير في ابوه هيكون له خير في مين
كان ممكن ناخد حقنا بشكل جميل لو صبرنا وكان الريس هيكون حريص علي صورته في التاريخ لاكن العند وبعض عملاء قطر افسدو كل شيء
وبكره الايام تثبت ذلك

محمد حسن ضبعون

15-02-2011, 02:29 PM

بسم الله الرحمن الرحيم
البيان رقم خمسة من المجلس الأعلى للقوات المسلحة :

"فى ظل الظروف الطارئة التى تمر بها البلاد وقيام القوات المسلحة بحماية أبناء الشعب الشرفاء الذين قاموا بالمطالبة بحقوقهم المشروعة وبعون الله وتوفيقه أصبح المناخ مهيأ لتيسير سبل الديمقراطية من خلال صدور إعلان دستورى يضمن تعديلات دستورية وتشريعية تحقق المطالب المشروعة التى عبر عنها الشعب لتهيئة المناخ الديمقراطى الحقيقى إلا أنه تلاحظ قيام بعض القطاعات فى الدولة بتنظيم وقفات رغم عودة الحياة الطبيعية فى ظروف من المفترض أن يتكاتف فيها كافة فئات وقطاعات الشعب لمؤازة هذا التحرك الإيجابى ودعم جهود المجلس الأعلى للقوات المسلحة لتحقيق كافة طموحات وتطلعات المواطنين".
"إن المصريين الشرفاء يرون أن هذه الوقفات فى هذا الوقت الحرج تؤدى إلى آثار سلبية تتمثل فى الآتى:
أولا : الإضرار بأمن البلاد لما تحدثه من إرباك فى كافة مؤسسات ومرافق الدولة.
ثانيا : التأثير السلبى على القدرة فى توفير متطلبات الحياة للمواطنين.
ثالثا : إرباك وتعطيل عجلة الإنتاج والعمل فى قطاعات من الدولة.
رابعا : تعطيل مصالح المواطنين.
خامسا : التأثير السلبى على الاقتصاد القومى.
سادسا : تهيئة المناخ لعناصر غير مسئولة للقيام بأعمال غير مشروعة الأمر الذى يتطلب من كافة المواطنين الشرفاء تضافر جميع الجهود للوصول بالوطن إلى بر الأمان وبما لا يؤثر على عجلة الإنتاج وتقدمها.
"والمجلس الأعلى للقوات المسلحة يؤكد أنه فى سبيل تحقيق الأمن والاستقرار للوطن والمواطنين وضمان استمرار عجلة الإنتاج لكافة مؤسسات الدولة ، يهيب بالمواطنين والنقابات المهنية والعمالية القيام بدورها على الوجه الأكمل كلا فى موقعه مع تقديرنا لما تحملوه لفترات طويلة.
"ونأمل من الجميع تهيئة المناخ المناسب لإدارة شئون البلاد فى هذه الفترة الحرجة إلى أن يتم تسليمها إلى السلطة المدنية الشرعية والمنتخبة من الشعب لتتولى مسئوليتها لاستكمال مسيرة الديمقراطية والتنمية.

semsmaali

15-02-2011, 02:51 PM

اتق الله قطر دولة شقيقة

عصمت شعبان حمدان

15-02-2011, 03:00 PM

يا راجل حرام عليك اتق الله كنا هنصبر اكثر من كدا !!!!!!!!!!!!!!!!!!

سيف سالم

15-02-2011, 03:11 PM

انت حر
ومش شرط الاجماع من الشعب على الثورة

~: Zac :~

15-02-2011, 03:20 PM

هانى الشرقاوى

15-02-2011, 04:18 PM

بكره هتعرف قيمة الثورة !! لما تلمس التغيير بنفسك

mr fahmy

15-02-2011, 05:42 PM

صدقني يا أخي
انا لا أشكك في وطنيتك
أو صدقك في حبك لبلدك
أشعر ذلك من خلال كلامك
أتفقنا ؟!
http://r15.imgfast.net/users/1511/58/17/75/smiles/8450.gif
يا أخي انت حر
تقبل أو ترفض إنت حر
ومن الآن فصاعدا
لن يقبض عليك أحد
حينما تتحدث وتقول رأيك
أتفقنا ؟!
http://r15.imgfast.net/users/1511/58/17/75/smiles/8450.gif
وبدون قسم مصدقك
وأكاد ألمس هذا الصدق في كلامك
الذي يخرج من القلب
أتفقنا ؟!
http://r15.imgfast.net/users/1511/58/17/75/smiles/8450.gif
ورأيي انك استغثت من الرمضاء بالنار
وهذا رأيي وما أراه
وأنا حر أيضا
أتفقنا ؟!
http://r15.imgfast.net/users/1511/58/17/75/smiles/8450.gif
أننا في بلادنا تملك جيشا من الإعلاميين
ومعدي البرامج والفنيين
والكثيرين والأكثر من رائعين
ولو أطلقناهم في محطاتنا الفضائية والأرضية
لالتهمت عصاتهم كل أحبال القنوات التي ذكرتها
لأننا الأصل
ونحن الذين علموا من يعمل في هذه القنوات
وليس هذا تفضلا بل واجب علينا أيضا
ولكن كان من الواجب أيضا
أن تكون لنا نفس الحرية والإمكانيات المتاحة لغيرنا
لأنه لو حدث هذا
ساعتها كنت ستعرف قيمة ما لديك
ولاتجهنا جميعا إلي إعلامنا
دون إذن أو طلب أو إعلان
أتفقنا ؟!
http://r15.imgfast.net/users/1511/58/17/75/smiles/8450.gif
أخي الكريم
لي طلب
من الكرم ألا تسب أحدا حينما تختلف معه
وهذا ما أرجوه وما أنادي به دائما
وكما تعلمنا
المسلم ليس بالشتَّام ولا باللَّعان
أتفقنا ؟!
http://r15.imgfast.net/users/1511/58/17/75/smiles/8450.gif
أرجو من سيادتكم أن تقرأ ما كتبت
عندما أختلفت مع الآخرين
وماكان ليس اختلافا ولكنه ُثأر

لو تكرمت اضغط هنا لقراءة هذا الموضوع (http://www.thanwya.com/vb/showthread.php?t=283843)

http://r15.imgfast.net/users/1511/58/17/75/smiles/8450.gif

اسامه البنا

15-02-2011, 05:43 PM

اتق الله قطر دولة شقيقة
طيب شوفي خريطه مصر الي جيباها قناه الحقيره
وشوفي خريطه مصر الرسميه
قطر شيله حلايب وشلاتين من خريطه مصر

اسامه البنا

15-02-2011, 05:58 PM

فعلا انت حر .. وانت مش خاين ولا عميل ... بس مش من حقك لا انت ولا غيرك تقولو كلام مش عارفينه مادام دا هايمس ناس تانية ... معارضين الثورة اوك دي حاجة ترجعلكم بس ماحدش يطلع يتكلم غلط ع الثورة ... انا واحد من اللي شاركو ومتابع اللي بيحصل من قبل 25 وبجد بحس بجهل الشعب المصري لما الاقيهم بيتضحك عليهم ويجرو ورا شائعات هدفها انها توقع الناس ف بعض وتعمل فتنة والغريب انهم بيصدقو اوي ويدافعو عن دا مع ان لما نسال حد ايه دليلك ميلاقيش غير شوية كلام سطحي من اللي بيتقال .. اتقو الله بقى ماحدش قالكم انزلو الثورة ولا غيره وانتو احرار بس ياريت لو الكلام مش هيكون موضوعي ومنطقي وبأدلة يبقى بلاشه خالص ...

لو قريت كلامي كان هجومي علي قطر
عايز دليل
خريطه مصر بص عليها كويس
بص علي خريطه مصر علي قناه الحقيره
حاجه تانيه الجزائر اليمن فيها مظهرات اشمعنا التركيز علي مصر
لو قريت الشريط الاخباري امس في قناه الحقيره ستجد دهوه لمظاهره مليونيه يوم الجمعه يعني القناه دي مش عيزه مصر تفوق
لما قلت واحد ملوش خير فأبوه اظن كلنا نعرف الي عمله امير قطر في ابوه

mr fahmy

15-02-2011, 06:00 PM

طيب شوفي خريطه مصر الي جيباها قناه الحقيره

وشوفي خريطه مصر الرسميه

قطر شيله حلايب وشلاتين من خريطه مصر

ياأخي الفاضل

قطر ليست مخولة بوضع خريطتنا نيابة عنا
هم بس من باب الاستعجال نسيوا ذلك
http://r15.imgfast.net/users/1511/58/17/75/smiles/8450.gif
وبرغم كل ما لديهم من وسائل
وكل ما لديهم إمكانيات
ليست لهم أو لغيرهم القدرة علي ذلك
http://r15.imgfast.net/users/1511/58/17/75/smiles/8450.gif
ياخي الفاضل
وعلي وزن كلام ياسر عرفات
ياحلايب وشلاتين ما تهزك ريح
http://r15.imgfast.net/users/1511/58/17/75/smiles/8450.gif

اسامه البنا

15-02-2011, 06:03 PM

~: Zac :~

15-02-2011, 06:34 PM

لو قريت كلامي كان هجومي علي قطر
عايز دليل
خريطه مصر بص عليها كويس
بص علي خريطه مصر علي قناه الحقيره
حاجه تانيه الجزائر اليمن فيها مظهرات اشمعنا التركيز علي مصر
لو قريت الشريط الاخباري امس في قناه الحقيره ستجد دهوه لمظاهره مليونيه يوم الجمعه يعني القناه دي مش عيزه مصر تفوق
لما قلت واحد ملوش خير فأبوه اظن كلنا نعرف الي عمله امير قطر في ابوه

حضرتك لو ماتعرفش احب اقولك ان مصر هيا اهم دولة في الشرق الاوسط .. بدليل ان العالم كله بيتابع اخبارها وانتبهو لاحداثها بصورة اكبر بكتير جدا من اللي حصل وقت احداث تونس .. دا اولا ..
ثانيا مصر احداثها ف الفترة دي كان هو المانشيت الرئيسي ف اي جريدة على مستوى العالم وكل قنوات الاخبار ..
ومكانش فيه احداث ف باقي الدول بالاهمية دي ولما بدا يبقى فيه حاجات كبيرة ف الدول دي بدأو يجيبوها ... ووقت ما كانت احداث مصر بتهدى زي ف اسبوع الصمود ودلوقتي .. كانو بيجيبو اخبار تانية وتقارير عن حاجات تانية طول اليوم ..!!

وموضوع المليونية يوم الجمعة وكل يوم جمعة دا مش كلامهم .. دا كلام شباب كتير من شباب 25 ..

وبعدين افرض ان القناة رايهم راي ملايين من العرب ان الناس محتاجة تفوق ومتحمسين للي بيحصل ونفسهم كل العرب يتحركو .. والملايين دول عاجبهم دا ... يبقى عشان انت مختلف مع الملايين دول يبقى القناة دي عاوزة تخرب مصر ..؟؟؟

ولو القناة هيا السبب في اللي حصل ( ودا طبعا كلام فارغ ومش حقيقي ) فيبقى هيا اللي خلت مصر تفوق بجد ..!!

لو انت ليك رأي تاني ف براحتك والايام هاتثبتلك ايه الصح ان شاء الله ..

ومالناش دعوة باللي بيحصل ف قطر !!!

لو قناة يهودية نشرت اللي بيحصل بمصداقية زي الجزيرة هتابعها واسمعها ...

دراو الجديدة

15-02-2011, 06:50 PM

والله اتفق معك تماما

فى البداية صح مية مية لكن بعدين

صدقت والله

مستر أحمد حمدى

15-02-2011, 06:58 PM

ناس كتير حتستغرب انى سايب ردى فاضى

لأنى بصراحة مش شايف كلام ارد عليه

واللى رد اللى عايز اقولة الاخ zac والاخ عصمت شعبان والاخ هانى الشرقاوى ومستر فهمى اللى قال كلام فى منتهى العقل

يا اخى انت حر

مش عجباك الثورة خلاص

روح لمبارك واقعد معاه

البلد خلاص بقت بلدنا واتحررنا عاجبك الثورة ماشى مش عاجبك والله مش حنمسك فيك

اسامه البنا

15-02-2011, 07:26 PM

حضرتك لو ماتعرفش احب اقولك ان مصر هيا اهم دولة في الشرق الاوسط .. بدليل ان العالم كله بيتابع اخبارها وانتبهو لاحداثها بصورة اكبر بكتير جدا من اللي حصل وقت احداث تونس .. دا اولا ..
ثانيا مصر احداثها ف الفترة دي كان هو المانشيت الرئيسي ف اي جريدة على مستوى العالم وكل قنوات الاخبار ..
ومكانش فيه احداث ف باقي الدول بالاهمية دي ولما بدا يبقى فيه حاجات كبيرة ف الدول دي بدأو يجيبوها ... ووقت ما كانت احداث مصر بتهدى زي ف اسبوع الصمود ودلوقتي .. كانو بيجيبو اخبار تانية وتقارير عن حاجات تانية طول اليوم ..!!

وموضوع المليونية يوم الجمعة وكل يوم جمعة دا مش كلامهم .. دا كلام شباب كتير من شباب 25 ..

وبعدين افرض ان القناة رايهم راي ملايين من العرب ان الناس محتاجة تفوق ومتحمسين للي بيحصل ونفسهم كل العرب يتحركو .. والملايين دول عاجبهم دا ... يبقى عشان انت مختلف مع الملايين دول يبقى القناة دي عاوزة تخرب مصر ..؟؟؟

ولو القناة هيا السبب في اللي حصل ( ودا طبعا كلام فارغ ومش حقيقي ) فيبقى هيا اللي خلت مصر تفوق بجد ..!!

لو انت ليك رأي تاني ف براحتك والايام هاتثبتلك ايه الصح ان شاء الله ..

ومالناش دعوة باللي بيحصل ف قطر !!!

لو قناة يهودية نشرت اللي بيحصل بمصداقية زي الجزيرة هتابعها واسمعها ...
خلاص خلينا نعمل مظهرات يلا كله يسيب شغله ويروح المظهره المليونيه
يلا نوقف السياحه
يلا نوقف البلد

اسامه البنا

15-02-2011, 07:28 PM

~: Zac :~

15-02-2011, 08:23 PM

لا يا غالي منصب الرئيس والشرطة عمرهم ما هيتكسرو ابدا ... احنا كسرنا الظلم والفساد مش اكتر ..

بدليل اننا دلوقتي بنتحايل على الشرطة ترجع تاني واننا محتاجينلهم .. واننا نفسنا ف انتخابات نزيهة عشان نختار رئيس نحترمه ..

بس احنا عاوزين رئيس وشرطة بالمعنى الصحيح ... الرئيس خادم للشعب والوطن والشرطة في خدمة الشعب ... احنا مش عاوزين فرعون واعوانه .. عاوزن ناس تحترمنا عشان نحترمهم .. انما الجيش كده كده محترم جدا واستحالة الناس تتكلم عن الجيش وحش ..

اقرا واعرف البلاوي اللي كانت حاصلة ف البلد وهاتفهم اصدي .. ومبارك كان حاكمنا بالشرطة فعلا ف كل المجالات حتى اللي مش من دخل الشرطة .. كنا عايشين ف دكتاتورية فظيعة جدا بس فيه ناس مكانتش حاسة بكده او حاسة بس مش عارفة ايه اللي بيحصل ..

وبعدين اديك شوفت المتظاهرين المتحضرين .. خلصو مظاهرات وبداو ينضفو الميدان وباقي الشوارع ... عشان دول بيحبو البلد بجد وعاوزين يغيروها بجد .. و اي نعم مبارك مشي ... بس من حقهم يكملو مظاهرات لان لسه فيه معتقلين كتير ... وبعد الافراج عن المعتقلين .. فيه ناس شايفة حاجة من اتنين .. نرجع البيوت ونستنا القوات المسلحة تنفذ الاصلاحات ... وفيه ناس شايفة اننا نعمل مظاهرات اسبوعية عشان الناس ماتنساش الثورة وتفضل عايشة التغيير ويتابعو اللي بيحصل والموضوع ماينتهيش بالنسبة لعامة الشعب ...

وبعدين مين قال المظاهرات هتعطل البلد والسياحة والكلام دا ... يا صحبي اللي حصل دا كان بسبب النظام الفاسد اللي كان موجود مش المظاهرات !!! هوا احنا اول ولا اخر ناس تتظاهر .؟؟ ومظاهرات سلمية كمان !!!

ياريت تاخد بالك من الحقايق اكتر من كده ... عشان ماتظلمش حد

تامررمضان

15-02-2011, 09:04 PM

بسم الله الرحمن الرحيم

السلام عليكم ورحمة الله وبركاته

اللهم صل على سيدنا محمد وعلى آله وصحبه أجمعين

الاخ اسامه

احدد كلامى بامرين

الاول حديثك عن قناه الجزيره انها السبب

فهل هى من طلبت من الشباب ان يتحرروا

هل هى من حرضت على الحكومه والنظام

اخى

المظلوم لايحتاج احد يحرضه ولنفرض جدلا ان الجزيره هى سبب كل ذلك اليس من المخجل لتلفاز دويله صغيره فعل

ذلك وسط تلفاز اكبر دوله عربيه

ثانيا

قلت انك تعاطفت مع خطاب الثلاثاء

لو صدقا كانوا يريدون الاصلاح
فهل يتركوا الفقى وهو وزير التلفاز الميت المهجور الكاذب

هل يترك سامح فهمى صاحب اتفاقيه الغاز لليهود

هل يترك مفيد شهاب مبدل الدستور

هل يترك ابو الغيط الذى توعد من يدخل من غزه بكسر رجله ثم ياتى اليهود يقتلون ضباطا وصيادين مصريين فيلتزم الصمت

اسد على وفى الحروب نعام
هل يبقى على وزير الماليه وهو من افقر الفقراء

لكنه رفض

اخى اخيرا

انت حر

فتلك مكاسب الثوره التى تعترض عليها

Just User

15-02-2011, 09:31 PM

حريــة شخصيــة ...

لكن خد بالك " .. أنت حـــر , مـــا لم تضـــــر "

^_^ "

أيمن الوزير

15-02-2011, 11:03 PM

أنت حر ما لم تضر

تسب دولة عربية شقيقة

تسب قناة كانت تبث لك الواقع مباشرة

ولكنك ككثيرين أستطاعوا تصديق هذا النظام الفاسد الذي كرهنا نحن المصرييين في كل من يعارضه حتي ولو كان شريفا

كرهوكم في أيمن نور بعدما سجنوه لنراه لصا كما أرادوا وصدقتوهم كرهوكم في البرادعي وأنه عميل تربي في أمريكا بل هو سبب الحرب علي العراق وصدقتوهم قالوا الجزيرة وقلتم خلفها الحظيرة والجرجيرة استهذاء بها

كل هذا لماذا ؟؟؟؟؟؟؟؟؟

لأنهم كانوا قبل أن تنكشف الغمامة عن عيونكم يعارضون هذا النظام الفاسد

وللأسف مازلتم تكرهون ما أجبروكم علي كرههم

اسامه البنا

16-02-2011, 09:08 AM

اختلافي مع الثوره انها وديتنا لاخر حجر نقف عليه لو الحجر ده راح حنروح فيندلوقتي لو الجيش طلع قرار معجبناش نعمل ايهلو بعض الشر حصل خلاف داخل القياده العسكريه ايه الي حيحصلالقصد كنا ممكن نعمل الي احنا عايزينه من غير منوصل للي احنا فيه داوطبعا الرد هيكون بأذن الله مش هيحصل حاجه يارب بس لازم نحسب خطواتنادا اعتراضي احنا في اخر نقطه قبل الفوضي اما دور الجزير طبعا كان دورها واضح انا بتكلم عن نفسي انا كنت معدي جمب مبني محافظه الدقهليه كان واقف حوالي 2000 الي 30000 واحد روحت قريت في شريط الاخبار 250000 مواطن يحصرو مبني محافظه الدقهليهطبعا ممكن يكون الرقم ده حصل وكثر في بعض الاحيان ولاكن انا بقول علي اللحظه الي انا شفتهاطبعا الخلاف كان ظاهر بين مصر وقطر لان امير قطر عايز يكون الامر الناهي في المنطقه العربية ومصر رفضتياتري رئيس مصر القادم هيمشي ورا قطر ولا قناه الحقيره مش هتسكت له

أنوار

16-02-2011, 09:39 AM

والله انت ضدها أو معها

انت حر

وانا حرة ايضاً

انا معاها

وبعدين ايه قطر الي مدخلنها معانا

انتم مضايقين لأن الجزيرة بتحضر الحقيقة

نعم يا اخي هي عملية

بس بتجيب الحقيقة

احسنت من الاولي والثانية لمصر والعبرية

Hopeful Girl

16-02-2011, 11:30 AM

أنوار

16-02-2011, 01:20 PM

بصراحة
أنا كمان بقيت ضدها
الاول قلت ده كويس
وقلت هيغيروا
بس انتوا عجبكوا منظر مصر دلوقتى
عجبكوا اللى بيحصل فيها دلوقتى
الشئ اللى بيزيد عن حد بينقلب ضده
الاول الثورة دى كانت حاجة جميلة جدا
بس للأسف شوفوا الناس اللى دلوقتوا شوهوا منظرها خالص
دلوقتى كل واحد ليه طلب
مش عارفين يتفقوا على حاجة
مش عارفين يحافظوا على مصر
وعلى اقتصادها
دلوقتى عجبكوا التخريب اللى بقت مص مليانة بيه
بقى هية دى مصر
مصر بلد الامن والامان
اولا واخيرا دى اراء
وكل واحد حر فى رايه
فيه ديموقراطية ولا ايه؟؟؟؟؟؟؟؟؟
واحنا مش هنزعل من بعضنا علشان اراءنا

أولاً وجهة نظرك تحترم
ثانياً العقيد عمر عفيفي قال واثبت ان حبيب العادلي هو المتسبب بذلك
والمظاهرات سلمية
والبلطجية لمبارك التابعين لوزارة الداخلية
http://www.youtube.com/watch?v=Uhzckm6xxLc
...
ولا ننسي ان مصر أرض رباط
يعني أرض جهاد
يعني ارض حيكون فيها حروب
..
والله الموفق
.
وجهة نظر..:078111rg3: