للأسف الشديد ان دائما يأتى تحليلنا للقرارات الحكومية تحليلا خاطئا والتى تريد أن تسكن أعصاب أعصاب الشعب بحقن مخدرة حتى يسيطروا على الموقف وترجع ريمة لعادتها القديمة زى ما ضحكوا على الشباب الغلبان وقالوا لهم خذوا استمارات من البوستو وقدموا فى وظائف غى وزارة المالية وهى وظائف فى الاصل مجهولة الهوية
يعنى اية الكلام دة ؟
هل حد سأل نفسه هل هو مر عليه 3 سنوات بالفعل ؟
الاجابة : لالالالالالالالالالالالاالالالالاالالالالاالالالال االالا
لية ؟
لان العقد اللى احنا بنتعاقد علية مدته سنة أو سنتين على الاكثر وهى دى الثغرة اللى ممكن يلاعبونا بيها ويقولوا انى احنا ممرش علينا 3 سنوات بالفعل ودة اللى أنا سمعته من البعض اللى بيشتغلوا فى الماليى

وحتى نقطع الشك باليقين أهيب للسادة المدرسين أن نتحول من نقابة الخرس الى نقابة الاحرار الذين يطالبون بحوقهم بشكل حضارى بأن نتقدم بمطالب شرعية للسادة المسئولين فى مظاهرة سلمية وليكن من الغد لأنى القرارات اللى هتتاخد انهاردة الله أعلم هكيون فيه فرصة نطالب بيها بكرة ة ولا لأ
وبلاش نسلم عقولنا للاشاعات والتمنيات احنا فى فترة يجب أن نطالب بكامل حقوقنا ولا نقف وقفة المتفرجين
هم سرقونا 30 سنة مش هيستحملونا لما نطالب بحقوقنا يوم ولا عند لما نطالب بحقوقنا المشروعة الاقتصاد هيخرب الاقتصاد هيولع أمريكا هتتدخل والشعارات اللى خرموا بيها اذاننا
والله على ما أقوله شهيد

متهيألي ده وقت هدوء والبلد مش ناقصة أنفلات وتجمعات وأعتصامات كل حاجة أتغيرت في مصر واللي عنده شك في كده يبقى يسيبها ويطلع برا أحسن بدل ما المركب تغرق بالكل. دلوقتي في قضاء ومن حقك تطالب بتعيين زي اي وزارة بس موضوع الأعتصامات ده هيجيب عواقب زي الزفت لو الجيش اتخنق من الجهل اللي بنعمله كل واحد عاوز مرتب اعلى بما في ذلك البنوك والبترول حاجة بقيت قلة أدب

لو محصلش اعتصامات يبقى محدش هيسال فينا عشان بجد احنا الحيطه المايله اذا كان موظفى البنوك اللى مرتباتهم بالالاف مش مكفياهم مرتباتهم امال احنا نعمل ايه دا احنا طلعنا مش بنى ادميين

ياجماعة احنا لازم نطالب بحقوققنا زى باقى الوزرات الى ثبتت الناس من غير ما يمر عليهم 3 سنوات ومن غير اى شروط لمجرد انهم طالبوا بحقوقهم وما خافوش مش عارف احنا مستنين اية مستنين لما كل الناس تتثبت وفى الاخر يجوا عندنا ويقولولنا معلش مش هانقدر نعينكم اصل مفيش ميزانية واستنوا شوية لما تكون فى درجات فاضية ياجماعة كفايى بقى احنا لازم نطالب بحقوقنا سواء معلمين مساعدين او معلمين بالحصة ونكون كلنا ايد واحدة حتى لو اضطرنا اننا نعمل اضطراب عن العمل اول ايام الدراسة

وجهات نظر
يا جماعة الوضع أختلف

الموضوع مش موضوع خوف
بس في حاجة أسمها مرحلة انتقاليه
يعني ماينفعش اطلب حاجة فيوم وليلة وإلا يبقى الاستجابة فعلا مش منطقية في كلام كتير هيتغير في حياتنا بس ندي فرصة للوضع يستقر والجيش يظبط البلد

الصبر حتى تستقر الاوضلع يا جماعة انا مع الاضرابات تماما لكن نحترم بيان رقم 5 بتاع الجيش المحترم لاننا محترمين كلنا

يا جماعة أنا جالى اميل بيقول صدر القرار تعيين المعلم المساعد 15 بنتاريخ 14/2/2011 .. اللى هما استوفوا الشروط
1- النجاح فى كادر المعلم
2- الحصول على الرخصة الدولية لقادة الكمبيوتر
** ألف مبروك لــ 43 ألف ال>ين استوفوا الشروط ......... وبلاش افتى الله يكرمكم البلد موش ناقصة مفتيين ..

على فكرة انا دورت فى القرارات الوزارية اللى على بوابة الخدمات الالكترونية على قرار بالرقم ده فى 2011 ومطلعتش اى نتايج
http://knowledge.moe.gov.eg/Arabic/knowledge/decisions/Decisions_2011/

متهيألي ده وقت هدوء والبلد مش ناقصة أنفلات وتجمعات وأعتصامات كل حاجة أتغيرت في مصر واللي عنده شك في كده يبقى يسيبها ويطلع برا أحسن بدل ما المركب تغرق بالكل. دلوقتي في قضاء ومن حقك تطالب بتعيين زي اي وزارة بس موضوع الأعتصامات ده هيجيب عواقب زي الزفت لو الجيش اتخنق من الجهل اللي بنعمله كل واحد عاوز مرتب اعلى بما في ذلك البنوك والبترول حاجة بقيت قلة أدب


بص ياشاطر انت واللى داسك فى المنتدى انت اما معلم عادى او حاصل على حقوقك كلة بيجرى الوقت هتعمل فيها امير امشى