اخواني ان امتنا تمر بمرحلة خطيرة جدًا وان لم نساعدها في هذه المرحله فإننا بذلك نقتلها

ارجوكم يا اخواني اصبروا الديمقراطية على الأبواب وسو تأخذون حقكم بأذن الله دون اعتصامات ودون ضغط على الدولة التي اصبحت مشلولة الأن بفعل الأضرابات والأعتصامات ولا تنسوا أن اسرائيل ترحب بالفوضى في مصر

معك ألف حق

كلامك حلو و منطقى بس ليه الدولة مش تحاول تريح الناس و صدقنى مش هتخسر كتير
يعنى على سبيل المثال المتعاقد يتثبت
و متنساش اننا جزء من الدولة و حكومتنا مش ضعيفة زى مانت قولت
المجلس العسكرى نشيله على اكتافنا و يقوى بينا و كلنا معاه ووراه و انا شخصيا بقيت بحترم اقل مجند فى الجيش و برفعله تعظيم سلام

كلامك حلو و منطقى بس ليه الدولة مش تحاول تريح الناس و صدقنى مش هتخسر كتير
يعنى على سبيل المثال المتعاقد يتثبت
و متنساش اننا جزء من الدولة و حكومتنا مش ضعيفة زى مانت قولت
المجلس العسكرى نشيله على اكتافنا و يقوى بينا و كلنا معاه ووراه و انا شخصيا بقيت بحترم اقل مجند فى الجيش و برفعله تعظيم سلام

أستاذى التثبيت ليس اخر المطاف لكن احنا عايزين حقوقنا كامله مينفعش نختصر مطالبنا فى التثبيت
مصر الان فى حاله مخاض سياسى فاما ان نكون او لا نكون بأيدينا ان نصلح جميع الاوضاع المقلوبه فى المجتمع ومن ضمنها طبعا"حالة المعلم المصرى الذى أصبح يتسول حقوقة
رفقا بالدوله الوضع حساس للغايه
على سبيل المثال سمعت انه خلال الفترة القليله الماضيه تم فقد 130 الف فدان من اجود الاراضى الزراعية فى مضر ودية كارثة بكل المقايس ده غير الوضع السيىء جدا" بالقاهره

يا جماعة الحكومة مش ناقصة ضغط عليها انا شايف نسيبهم اسبوع ونشوف هيعملو ايه ولو معملوش حاجة نعمل اعتصامات واظن احنا صيرنا كتير

انا موافق على ما تقولون

اولا أحب اوضح أكتر من نقطة:-
إلى كل جاهل يعيب في شخص د/ سمير رضوان وزير المالية أحب أقوله أن الراجل ده ناجح عالميا وهو أحد مؤسسي الأقتصاد في "ماليزيا" " جنوب أفريقيا " و" تركيا" ده على سبيل المثال غير أنه خبير أقتصاد عالمي ودي شهادة حق لوجه الله تعالى.
ثانيا: اللي عاوز يتساوي بالبترول والأطباء والبنوك
ممكن سؤال بسيط لو رحت تقدم في اي سفارة للعمل برا هل تشترط نفس الشروط انك تاخد نفس راتب الطبيب أو المهندس هناك في تلك الدولة. عاوز حد يرد عليا
ثالثا: بعض الوزارات بطبيعتها تدخل أموال للدولة لكن للأسف التعليم يعتبر مدعوم وببلاش ولكن
لايمكن أن تظل رواتبنا هكذا نحن نطالب بزيادة تحفظ للمعلم كرامته وأن يحيا حياة كريمة ولكن أحذر أي شخص مهما كانت مهنته أن يقول نريد رواتب مثل س او ص لأن هذا لا يوجد على وجود على سطح الكرة الأرضية بلاش جهل وتخلف
اقتراح ممكن يريح كل الناس
ان يكون هناك شريحة للمؤهلات العليا مثلا 800 جنيه ومن بعد ذلك تزداد وفقا لحوافز كل وزارة وسنوات الخبرة وهكذا لكن التساوي التام ده أمر مستحيل.
سؤال تاني جه فبالي وانا بكتب اللي عاوز يتساوي يشتغل نفس ساعات العمل اي موظف او محاسب في بنك بيطلع عينه من 8 ونص الصبح لحد 4 أو 5 العصر. ده مثال بسيط
والله كل كلامي لوجه الله تعالى ولمصلحة بلد في مرحلة استعادة توازن بلاش نخربها علينا وعلى الكل

أستاذى التثبيت ليس اخر المطاف لكن احنا عايزين حقوقنا كامله مينفعش نختصر مطالبنا فى التثبيت
مصر الان فى حاله مخاض سياسى فاما ان نكون او لا نكون بأيدينا ان نصلح جميع الاوضاع المقلوبه فى المجتمع ومن ضمنها طبعا"حالة المعلم المصرى الذى أصبح يتسول حقوقة
رفقا بالدوله الوضع حساس للغايه
على سبيل المثال سمعت انه خلال الفترة القليله الماضيه تم فقد 130 الف فدان من اجود الاراضى الزراعية فى مضر ودية كارثة بكل المقايس ده غير الوضع السيىء جدا" بالقاهره

تعليقى على كلام حضرتك فى نقطة واحده بس و الباقى انا متفق تماما معاك
التثبيت اول السلم و ليه صلاحيات كتير هتلاقيها لما تتثبت زى بدل المعلم المرحلة التانية و الخدمات النقابية اللى مبيتمتعش بيها الا المثبتين زائد النقلة فى المكافأة المربوطين عليها بمبلغ معين لاننا متعاقدين ناهيك على الراحة النفسية فى شغلك و نظرة اللى حواليك ليك

تعليقى على كلام حضرتك فى نقطة واحده بس و الباقى انا متفق تماما معاك
التثبيت اول السلم و ليه صلاحيات كتير هتلاقيها لما تتثبت زى بدل المعلم المرحلة التانية و الخدمات النقابية اللى مبيتمتعش بيها الا المثبتين زائد النقلة فى المكافأة المربوطين عليها بمبلغ معين لاننا متعاقدين ناهيك على الراحة النفسية فى شغلك و نظرة اللى حواليك ليك ان شاء الله كل اللى احنا عايزينه هيتحقق واكتر شويه كمان

فعلا البلد على قمه الانهيار ارحمونا وحاولوا تقنعوا الناس ترجع وتبطل وقف المصالح حرام نضيع كل حاجه
استرها يارب

ربنا يحمينا يارببببببببب

عمرو أديب يدعو المصريين إلى "ثورة العمل" وإيقاف الاحتجاجات
الثلاثاء، 15 فبراير 2011 - 22:25

الإعلامى عمرو أديب
كتب كامل كامل

دعا الإعلامى عمرو أديب جموع المصريين إلى التركيز فى أعمالهم لوقف تراجع الاقتصاد الوطنى، وحماية البلد من الانهيار، مشيرا إلى أن المجتمع الآن بدون شرطة وبدون بنوك الأمر الذى يعنى الكارثة.

وقال أديب خلال برنامج "القاهرة اليوم" على قناة أوربت، إن ثورة 25 يناير لم تأت للمصريين بكنوز قارون، وإنما جاءت بالحرية، ولأول مرة منذ سنوات طويلة تصبح مقدراتنا بأيدينا، الأمر الذى يستلزم الوعى بالحرية التى نمتلكها، وتوجيه طاقاتنا إلى العمل وإعادة البناء.

وأضاف أديب، بدلا من اتجاه جميع الفئات إلى الإضراب والاعتصام، لتحقيق مطالبهم فى يوم وليلة، علينا جميعا الوقوف بجانب الجيش والحكومة ومساعدتهم فى إقرار الأمن وإنقاذ الاقتصاد، مشيرا إلى أن الجيش والحكومة لن يستطيعا تحقيق أى مطالب للمواطنين طالما استمرت الأوضاع على ما هى عليه.

بجد يا ريت يا
جماعة نعطي فرصة للحكومة تشوف شغلها و تعمل الإصلاحات اللازمة وبعدين لو ما عجبنا نروح نتظاهر ونعتصم .
لازم نقدم مصلحة البلد علي مصلحتنا الشخصية , لازم نصلح نفسناونتقن عملنا ونعمل بحق علشان دي بلادنا ولو علي التثبيت يا جماعة احنا كدا كدا هنتثبت ,نظام البلد وسياستها اتغيرت للاحسن ولمصلحة الناس .انا مش مع اي مظاهرات او اضرابات الان .
والله الضرب في الميت حراااااااااام والبلد مش متحملة .

موافق طبعا وكنت من اول المنددين بعدم الاعتصام في الايام الحالية

نحن عقلاء مصر
ويجب ان تتحدث النقابة نيابة عن المعلمين
ولاداعى للأعتصامات

اي حد هيعتصم والبلد بتمر بالظروف دي يبقي انتهازي وبيستغل ضعف البلد والحكومة يجب ان نقف بجانب الحكومة والبلد في ظل هذه الظروف الصعبه يجب ان نضحي من اجل بلدنا العظيمة مصر ونحن لسنا اقل من شهداء الثورة تضحيه فهم ضحوا بارواحهم من اجل ان نعيش في حريه

الأخوة المعلمين الرجاء كل من يرى مطالب مشروعة لنا
الدخول والتعبير عن مطلبه

المطالب المشروعة لمعلمى مصر



http://www.facebook.com/pages/almtalb-almshrwt-lmlmy-msr/198871933459163 (http://www.facebook.com/pages/almtalb-almshrwt-lmlmy-msr/198871933459163)




أدخل وشارك حتى يصل صوتنا لصناع القرار

اولا أحب اوضح أكتر من نقطة:-
إلى كل جاهل يعيب في شخص د/ سمير رضوان وزير المالية أحب أقوله أن الراجل ده ناجح عالميا وهو أحد مؤسسي الأقتصاد في "ماليزيا" " جنوب أفريقيا " و" تركيا" ده على سبيل المثال غير أنه خبير أقتصاد عالمي ودي شهادة حق لوجه الله تعالى.
ثانيا: اللي عاوز يتساوي بالبترول والأطباء والبنوك
ممكن سؤال بسيط لو رحت تقدم في اي سفارة للعمل برا هل تشترط نفس الشروط انك تاخد نفس راتب الطبيب أو المهندس هناك في تلك الدولة. عاوز حد يرد عليا
ثالثا: بعض الوزارات بطبيعتها تدخل أموال للدولة لكن للأسف التعليم يعتبر مدعوم وببلاش ولكن
لايمكن أن تظل رواتبنا هكذا نحن نطالب بزيادة تحفظ للمعلم كرامته وأن يحيا حياة كريمة ولكن أحذر أي شخص مهما كانت مهنته أن يقول نريد رواتب مثل س او ص لأن هذا لا يوجد على وجود على سطح الكرة الأرضية بلاش جهل وتخلف
اقتراح ممكن يريح كل الناس
ان يكون هناك شريحة للمؤهلات العليا مثلا 800 جنيه ومن بعد ذلك تزداد وفقا لحوافز كل وزارة وسنوات الخبرة وهكذا لكن التساوي التام ده أمر مستحيل.
سؤال تاني جه فبالي وانا بكتب اللي عاوز يتساوي يشتغل نفس ساعات العمل اي موظف او محاسب في بنك بيطلع عينه من 8 ونص الصبح لحد 4 أو 5 العصر. ده مثال بسيط
والله كل كلامي لوجه الله تعالى ولمصلحة بلد في مرحلة استعادة توازن بلاش نخربها علينا وعلى الكل









لعلمك بقي انا شاكه انك مدرس اصلا بس ده مش موضوعي
ثانيا الدول الي بتفهم المدرس بياخد فيها راتب عالي جداااااااااااا زيه زي اي وزاره منتجه
لاننا بنخرج عقول بصشريه احنا الي بنطلع العالم والدكتور والمهندس الي بياخدو اكتر مننا
وبعدين انت حددت 800 جنتيه علي اي اساس ؟؟؟؟
ازا كان المحكمه قالت حد ادني الف وميتين جنيه
انا ضدد الاعتصامات بالزات دلوقت لاننا تحت حكم عسكري ومش وقته وهنستني نشوف موقفنا من الوزارة الجديده ايه وبعدين لو بتاع البترول شغال من 8 ونص احنا بنقف كل يوم ف الزفت الطبور من 7 الصبح واليوم الدراسي مبيخلصش قبل 3 وبنطفح الدم من تحضير لشرح لتصحيح لمراقبه امتحانت لقرف خلاص يخلو اليوم الدراسي يخلص الساعه 12 علي قد فلوسهم بقي وعلي كلامك لو البترول والسياحه والضرائب بتدخل فلوس للدوله اومال مش باين ع الدوله يعني وفقرانين ومفيش اكتر من العشوائيات عندنا

وليه هما كانوا مستغلين ضعفنا

لازم الحقوق تكون موجوده حتى يتم بناء الدولة

يا جماعة المطالبات السلمية دي مش مزايدة ولا تعطيل للبلد دي اهم حاجة دلوقتي حتساعد الحكومة الحالية واللي جاية انها تحط ايديها علي مواجع الناس والاسباب الحقيقية للثورة وتحل المشاكل بسرعة

وبلاش تلكيك بالوقت الراهن والظروف الراهنة

دا معلم مزلول ليه سنين وبيتهدد لغاية دلوقتي بفسخ عقدة كل يوم

حرية ايه وديموقراطية ايه اللي حتحصل من غير المعلم

الاعتصام حرام
لأنه وقف حال لجميع افراد الدولة

يا ريت يا أستاذ محمود لا تنقص من قدر نفسك كمدرس لأنك فعلا اللي بتشكل مستقبل مصر إما هطلع دكاترة ومهندسين وناس عايزة تنتج وده طبعاً لو انت مرتاح ومش حاسس انك مقهور ويا إما هطلع بلطجية وحرامية وناس متقاعسين لو لقيت نفسك مظلوووووووم ومش عارف تأخذ حقك وأحيانا الناس تيجي على كرامتك ----------شفت خضرتك مهم أد إيه بالنسبة للبلد؟؟؟؟

ياجماعة انا كنت شايف اننا لازم نعتصم و نتظاهر علشان ناخد حقنا
بس الوضع اللي فيه الدولة الان ميستحملش
ولازم الكل يعرف ان اي اعتصامات او تظاهرات الايام ديه هتيجي بالضرر علينا
و يمكن منلقيش مرتبا بعد كده

فارجو الهدوء حتي تستقر البلد

موضوع مميز وبارك الله فيكم

لابد من تهدئة الأوضاع

اشمعنى احنا

انا معاك فى الرأى

أنا موافق و بشدة لأن لو عجلة الانتاج و العمل و الاستثمار لم تعد كسابق عهدها و أكثر لن يحدث ما تريدونه فاصبروا و ادعوا الله أن يولي علينا من يخاف الله تعالى و يسير فينا بالعدل و الله الموفق

انل معاكم عاوزين نهدى عشان نعبر المرحله الصعبه دى

السلام عليكم يا ريت يا جماعة أحنا نموذج ومثل يحتذى بيه و كل ده بيتكتب في التاريخ يا ريت احنا ميبأش تاريخنا أسود يا رجالة لازم نخلي بالنا من تصرفتنا يا ريت يا شباب نأف مع مصر بجد ونترك المطالب الفئوية للناس الجهلة يا ريت يا شباب نفكر في المصلحة العامة

دعوة موفقة وفي وقتها الصحيح .. يجب أن نعطي للمسئولين فرصة لاعادة ترتيب الأوراق .. وذلك من أجل مصر ونحن أولي الناس بهذة المبادرة


العضو الذي أعطي مثالا بأن يكون راتب المعلم 800 ج أقول له .. راتب المعلم في الكويت يعادل 10000ج تقريبا .. وفي بريطانيا 20000ج تقريبا .. .. أ
مرتب المعلم المساعد الآن هو 350 ج تقريبا وهو نفس الراتب تقريبا الذي يتقاضاه عامل النظافة ( مع احترامي لجميع العمال)
أيها العضو إذا كنت معلمًا فعليك أن تراجع نظرتك للمعلم ومهنته .

يا جماعة مش مهم الوصول الى القمة المهم الحفاظ عليه وإحنا كدة بنضيعه ، وبنضييع دم الشهداء هضر ، أما موضوع التثبيت : اللى بقاله 6سنين ، واللى 8سنين عمل واخلاص وصبر ..... مجتش على شهور من العمل الجاد من أجل مصر ونفرحش الاعادى .

يجب الاتى كما قررنا على مستوى الادارة عمل استمارات توقيع على الاتى
1-التثبيت بدون شروط ازلال
2-الكادر على كل من يعمل بوزارة الترية والتعليم
3-العامل المادى للكادر يضاف على الدرجة المالية للموظف بدون ذل (امتحان كادر)
4- يجب وضع حد ادنى للمرتبات

مناجل كرامة المعلم

يجب الاتى كما قررنا على مستوى الادارة عمل استمارات توقيع على الاتى
1-التثبيت بدون شروط ازلال
2-الكادر على كل من يعمل بوزارة الترية والتعليم
3-العامل المادى للكادر يضاف على الدرجة المالية للموظف بدون ذل (امتحان كادر)
4- يجب وضع حد ادنى للمرتبات

مناجل كرامة المعلم

http://www.facebook.com/update_security_info.php?wizard=1#!/home.php?sk=group_191094257579258&ap=1


انضموا الينا للمطالبة بحقنا بشكل هادىء يليق بنا كمعلمين وسنكون العنصر الفعال فى المجتمع المصرى فى المرحلة المقبلة

لدي اقتراح أرجو منكم اخوتي الأفاضل مناقشته

و هو

أن نطالب بالتعيين دون أن نطالب بزيادة في المرتب حتي تمر الفترة العصيبة الحالية و تعود عجلة الانتاج و السياحة لما كانت عليه

بمعني آخر .........

يظل المرتب كما هو الآن ، و نصبر للفترة التي تراها الحكومة - التي نثق فيها بقيادة الفريق / أحمد شفيق - بعدها يتم صرف فروق المرتب من بداية تاريخ التعيين

و هكـــــــــذا ...
نكون قد ساهمنا في رفع العبء عن كاهل الدولة ، و قطعنا الطريق علي من يضع العراقيل في طريق تعييننا

و الله الموفق

لدي اقتراح أرجو منكم اخوتي الأفاضل مناقشته

و هو

أن نطالب بالتعيين دون أن نطالب بزيادة في المرتب حتي تمر الفترة العصيبة الحالية و تعود عجلة الانتاج و السياحة لما كانت عليه

بمعني آخر .........

يظل المرتب كما هو الآن ، و نصبر للفترة التي تراها الحكومة - التي نثق فيها بقيادة الفريق / أحمد شفيق - بعدها يتم صرف فروق المرتب من بداية تاريخ التعيين

و هكـــــــــذا ...
نكون قد ساهمنا في رفع العبء عن كاهل الدولة ، و قطعنا الطريق علي من يضع العراقيل في طريق تعييننا

و الله الموفق

أنا معاك فى الرأى ، بس المشكلة عدم الثقة بين الحكومة والشعب

اخواني ان امتنا تمر بمرحلة خطيرة جدًا وان لم نساعدها في هذه المرحله فإننا بذلك نقتلها

ارجوكم يا اخواني اصبروا الديمقراطية على الأبواب وسو تأخذون حقكم بأذن الله دون اعتصامات ودون ضغط على الدولة التي اصبحت مشلولة الأن بفعل الأضرابات والأعتصامات ولا تنسوا أن اسرائيل ترحب بالفوضى في مصر

معك 10000000000000000 حق
جزاكم الله خيرا

انا مع اننا نستنى شوية على الحكومة لكن انا شايفة ان الكلام اتغير جدا وطريقته اتغيرت ياترى ليه ممكن حد يفسر التغيير المفاجئ ده والوطنية الجامدة دى فين الاصوات اللى كانت متحمسة للاعتصام وليه اتغيرت سبحان مغير الاحوال

كمان انا موافقة على التثبيت بدون شروط ونستنى شوية على زيادة المرتب وكمان هو المرتب هيزيد شوية مع التثبي لكن التثبيت يكون بدون شروط احنا كفاية اللى شوفناه فى الدبلومة وغيره

وانا معاك في الراي
حمى الله مصر

أتمنى من الله التوفيق للجميع

بلدنا مصر
علينا ان ننتشلها من سنوت الضياع العابرة
علينا ان نرفعها لاعلي لنعيد مجدنا التليد
هيا للعمل
الله خلق الدنيا في ستة ايام وكان بمقدوره جل في علاه ان يخلقها بين كاف ونون ولكنه وله المثل الأعلي يخبرنا بالصبر والتمهل ومن يوم 12/2 ألي الأن لم يمر الكثير والقوات المسلحة عليها من المهام الجسام ما لا تحسد عليه
فرفقا ببلدنا الحبيب

اواحد عريان بقالة سنة إشتكى الخياط على اسبوع
تقريباً بتتقال كدة
من غير يا جماعة ولا غير
دي بلدنا مش تورتة وكل واحد عايز ياخد حتة ... سواء كان من حقة او لاء ... لازم ندي فرصة وبعدبن لو متحققش حاجة نعتصم تاني البلد اتغيرت ولن ترجع للوراء مرة ثانية ابداً

عزبة مبارك..

عزبة مبارك عزبة جميلة..
عمرك ما تلقى فيها فسيلة..
عايشين في هم ليلنا ونهارنا..
والغم ساكن معانا دارنا..
ولا مرة شوفنا راحة في ليلة..
في عزبة مبارك ..

عزبة مبارك عزبة غنيَّة..
فيها العدالة شحَّة شويَّة..
فيها الكآبة.. فيها المشقة..
اتنين معاهم وألف لأ..
ما يشوفوا لحمة غير في الضحية..
في عزبة مبارك ..

عزبة مبارك عزبة قلوب..
في قلب أسود مليان ذنوب..
وقلب فاكر الدنيا أمه..
وقلب عايش وكل همه..
يخلى شمس الوطن غروب..
في عزبة مبارك ..

عزبة مبارك عزبة سعيدة..
فيها العذاب له صنوف جديدة..
عذاب ملون.. عذاب مشجر..
عذاب يخلِّي قلبك يحجَّر..
والرحمة عن حياتك بعيدة..
في عزبة مبارك ..

عزبة مبارك عزبة أمان..
ضاع الأمل واليأس حان..
أوعاك تفكر إنك مواطن..
ليك حق عنده وفقلبه ساكن..
ده الحق باطل.. والخير شيطان..
في عزبة مبارك ..

عزبة مبارك عزبة كريمة..
طوابير كتيرة وجيوش عظيمة..
من الغلابة والمحتاجين..
مادين إيديهم.. حبة طحين..
بقت الكرامة موضة قديمة..
في عزبة مبارك ..

عزبة مبارك عزبة سعادة..
الحزن فيها له الريادة..
دموع بتنزل من كل حاجة..
وقلوب كسيرة.. وعقول سذاجة..
نسيوا السعادة.. ماالذل عادة..
في عزبة مبارك ..

عزبة مبارك عزبة إخوَّة..
حرافيش كتيرة تحت الفتوة..
يضرب ويقلع عين المخالف..
والقاضي قاعد باصص وحالف..
الخسة عدل.. والظلم قوة..
في عزبة مبارك ..

عزبة مبارك.. عزبة سوزان..
بإشارة تحكم في البرلمان..
وبغمزة يبقى الوزير غفير..
وبضحكة تبقى الأسود حمير..
وفي عيدها يرفع لها الأذان..
في عزبة مبارك..

عزبة مبارك.. عزبة جمال..
واد ابن أمه مش مالرجال..
فاكر إنه باشا وإحنا الوسيَّة..
يحكم ويأمر.. ماهى كت تكيَّة..
عزبة أبوه.. ليها اسم عال..
عزبة مبارك..

عزبة مبارك.. عزبة علاء..
راجل في حاله.. مش بالغباء..
اللى في أخوه راعى الحمى..
سمع الشباب راح ارتمى..
في حضن سوزى وهات يا واء..
في عزبة مبارك..

عزبة مبارك راحت خلاص..
لمَّا الولاد قالت خلاص..
بكفاية عدلك.. وعز عصرك..
بكفاية شرفك.. بكفاية قرفك..
قام البطل بالـ(جزمة) داس..
فوق راس مبارك.. في عزبة مبارك..

من أشعارى

انا مع الهدوأ وعدم التسرع و الضغط المهم انا نشتغل مصر كل يوم تفقد ملايين من ادلارات بسبب اغلاق البرصة



لازم نشتغل ونرجع البرصة

http://lh5.ggpht.com/_US3WnaVX3ac/TOGN9ib5J6I/AAAAAAAAAUU/eK8DdhwzE3E/s512/%D9%83%D8%A7%D8%B1%D9%87%D9%8A%20%D8%A7%D8%B3%D8%B 1%D8%A7%D8%A6%D9%8A%D9%84.jpg
http://www.thanwya.com/vb/image.php?u=435058&dateline=1290077503 (http://www.thanwya.com/vb/member.php?u=435058)

ابقي قابلنى