سر الرجل الذي كان واقفا خلف اللواء عمر سليمان

بعد 4 أيام على ظهوره التلفزيوني، تحول (الراجل اللي ورا عمر سليمان) إلى أحد أشهر الشخصيات المصرية على موقعي (فيسبوك) و(تويتر)، حيث تزايدت التكهنات حول شخصية الرجل الذي ظهر عابساً، خلف نائب الرئيس المصري السابق عمر سليمان، يوم إعلان تنحي مبارك عن الرئاسة.
فإلى جانب الرسائل والصور التي يتم تبادلها على (فيسبوك)، تم إنشاء صفحة خاصة باسم (رابطة محبى الراجل اللي ورا عمر سليمان)، ويحاول فيها الزائرون التندّر حول هوية الرجل، وعمله.
فيكتب أحدهم (حارس أوباما الشخصى.. مورد الأسلحة النووية لصدام.. قائد الاستخبارات فى الاتحاد السوفيتى سابقاً.. تورط فى مقتل كلينتون.. أحد المقربين لهتلر.. يقال إنه شارك فى هزم التتار والهكسوس.. موحد القطرين.. يقف هناك فى كل اللحظات الهامة فى التاريخ.. قلما تجد مثله فى هذا الزمن: الرجل إللي ورا عمر سليمان).
بينما يكتب يحيى عمر (عاجل وحصري على الصفحة الخاصة بالراجل اللي ورا عمر سليمان: بيان رقم 6 من القوات المسلحة بتقولكوا ملكوش دعوة بالراجل، والله الموفق). أما محمد فيقترح أنه (يكون ده أحسن واحد يمسك المنتخب الفترة الجاية).
كما تناقل الكثيرون صورة لعبارات مركبة تحمل اسم (الحقيقة الكاملة)، فتقول إن (أشهر 3 حاجات في مصر اليوم هي: ميدان التحرير، وائل غنيم، ثم الراجل اللي واقف ورا عمر سليمان)
ثم تنقل (في مفاجأة من العيار الثقيل: الراجل اللي واقف ورا عمر سليمان يعترف للنائب العام أنه الراجل اللي واقف ورا عمر سليمان)، و(الراجل اللي واقف ورا عمر سليمان يثير ضجة في الشارع المصري، وأوباما يعقد اجتماعات مكثفة لكشف هويته).
لكن يبدو أن الصفحة أثارت غضب البعض، فطالبوا بإغلاقها لاعتبارها مهينة بحق الرجل، ما استدعى دفاعاً من المسؤولين عنها بالتأكيد أن (هدف الصفحة الابتسام وليس الاستهزاء.. وهناك العديد من الصفحات التي تمثل شخصيات أخرى تظهر فى الخلفية، مثل الذى يظهر خلف محسن الفنجرى المتحدث باسم القوات المسلحة)


ويبدو أن نبأ هذه الرابطة وصل إلى شاب يقول إنه ابن (الراجل اللي ورا عمر سليمان)، ما دفعه لإنشاء صفحة مضادة، حملت اسم (أعتذر للمقدم أركان حرب حسين شريف -الراجل إللي ورا عمر سليمان- وكل أسرته). ويقول فيها إن الرجل هو (مقدم أركان حرب حسين شريف قائد المجموعة 64 قتال من القوات الخاصة)
وبالفعل، بادر الكثيرون إلى بث اعتذاراتهم على الصفحة، مكررين أن الدافع اقتصر على التسلية لا أكثر. أما اللافت فكان التزايد السريع لعدد معجبي هذه الصفحة، لتقارب الـ22 ألف معجب، بينما الصفحة السابقة لم تجمع أكثر من ألف شخص.
ومن المعتذرين المدّون وائل غنيم، الذي أكد أن التعليقات كانت مجرد (نكات لا يقصد منها الإهانة الشخصية له أو عائلته).

تكهنات في (تويتر)

وكما في (فيسبوك) كان حال (تويتر)، حيث تم إنشاء (هاش تاغ) خاص لـ(الراجل اللي ورا عمر سليمان)، حيث تنافس الجميع في تبادل الرسائل حول شخصية الرجل.
فيقول وائل عاشور (4 بنوك أوروبية تعلن عن تجميد أرصدة الراجل إللي واقف ورا عمر سليمان لحين الكشف عن هويته). بينما يقول بدر حلواني (لَيسَ الفَتى مَن يُقولُ كانَ أَبي.. إن الفتى من قال أنا الراجل اللي واقف ورا عمر سليمان).
ويقول أحمد (أنباء غير مؤكدة: جلوس الراجل اللي واقف ورا عمر سليمان).
بينما ينقل بلال (عاجل: بعد اتساع شهرة الراجل اللي ورا عمر سليمان، عمر سليمان يغير اسمه إلى الراجل اللي قدام الراجل اللي ورا عمر سليمان)
كما لم يسلم وائل غنيم نفسه من التعليقات، إذ يقترح مروان المريسي أن الرجل خلف عمر سليمان هو (وائل غنيم لابس قناع). ولا يغيب الخليج عن الموضوع، فيقول أحدهم (حل مشاكل الخليج يكمن في استقطاب الراجل اللي ورا عمر سليمان)
وكتب أحمد عماري (المستحيلات أربع: الغول والعنقاء والخل الوفي وجلوس الراجل الواقف ورا عمر سليمان).
وبين النكات، تنساب دعوات لوقف السخرية من الرجل، لكن بسخرية أيضاً. فيقول عمر عبدالوهاب (الإخوة اللي بيتريقوا على الراجل اللي ورا عمر سليمان.. الراجل ده حارب في 3 حروب واستشهد مرتين.. ياريت نقدره وكفاية).

طبعا كلنا دخلنا واعتذرنا ودي كانت فقط مزحة....
بس الظاهر إن الشعب المصري فكاهي شوية؟؟؟
كمان واحد عمل صفحة اسمها مين اللي يعرف حقيقة الرجل إللي ورا احمد شفيق؟؟

شكر على الخبر

طبعاااااااا موقف مش ظريف.. وضايق اسرته
لازم نتعلم نحترم غيرنا..واكيد جديته نتيجة
لحياته العسكرية..شكرا على الموضوع

انا سمعت ان اسرته تعيش حالة من الضيق والاستياء وابنه انشا جروب على الفيس
للاعتذار لوالده واكثر من الفين شخص قدموا له الاعتذار
هو حسين شريف قائد فى القوات المسلحة وعيب علينا صراحة نهين فيه
كان يقدم عمله بصرامة ملحوظة
وبرغم من انى لم اهينه
لكنى اقدم له الاعتذار
انا اسف وربنا يحفظ القوات المسلحة لنا

الراجل ده اخد اكتر من حقه واتشهر بدون مناسبة

انا ايضا ضد اهانه الاشخاص

لكى الله يامصر

فهو خير حافظ لكى

اقدم اعتذارى لحضرته
بجد يعنى لما شفت الصور وكده ضحكت جدا
يعنى غصب عنى
اسفه بجد

لا أبحث و لا أكتب ردا لاعتبار سيادة المقدم أركان حرب فسيادته ليس بحاجة لرأيى أو رأى غيرى و أعتقد أنه لن يجد الوقت ليقرأ هذه التفاهات .فقط أكتب من أجل كل من سولت له نفسه أن يستظرف ويصدر حكم على رجل أيا كان وهذا لا يدل الا على أن كل من كتب ملاحظته الذكية إنسان تافه ذو عقل مجوف أرجو أن نفيق يا سادة ونعلم ما آل اليه وضعنا العلمى والثقافى على مدى الأيام وننشغل بما يجب أن يشغلنا.

لاحول ولا قوة الا بالله

شعب متخصص فى االسخريه والنكات
عماااااااااااار يامصر

لا اله الا الله محمد رسول الله
شعب غريب
كل حاجة في ذات الوقت
تحية وتقدير لسيادتة الرائد
وجزاه الله كل خير

هو طبعاً كان شكله ملفت للنظر بس مش معنى كده ان احنا نسئ له وبالفعل انهالت الاعتذارات على الفيس بوك لهذا الشخص المحترم ...........شكرا على الموضوع

سمعت ان اسرته تعيش حالة من الضيق والاستياء وابنه انشا جروب على الفيس
للاعتذار لوالده واكثر من الفين شخص قدموا له الاعتذار
هو حسين شريف قائد فى القوات المسلحة وعيب علينا صراحة نهين فيه
كان يقدم عمله بصرامة ملحوظة
وبرغم من انى لم اهينه
لكنى اقدم له الاعتذار
انا اسف وربنا يحفظ القوات المسلحة لنا

نحن نأسف ونعتذر ولكن هذه مزحة غير مقصودة بالتأكيد فمعروف ان المصرى فى عز الشدة ينكت

الراجل ده اخد اكتر من حقه واتشهر بدون مناسبة


عندك حق

الراجل فعلا اشتهر جدا اكتر من عمرسليمان نفسة

ورابطة محبى الراجل الى ورا عمر سليمان


وهيصة لكن كانت صور مضحكة اوى


وطبعا الناس كلها اعتذرت على الصور

رب ضرة نافعة.......بقى اشهر راجل فى المنتديات

لا أبحث و لا أكتب ردا لاعتبار سيادة المقدم أركان حرب فسيادته ليس بحاجة لرأيى أو رأى غيرى و أعتقد أنه لن يجد الوقت ليقرأ هذه التفاهات .فقط أكتب من أجل كل من سولت له نفسه أن يستظرف ويصدر حكم على رجل أيا كان وهذا لا يدل الا على أن كل من كتب ملاحظته الذكية إنسان تافه ذو عقل مجوف أرجو أن نفيق يا سادة ونعلم ما آل اليه وضعنا العلمى والثقافى على مدى الأيام وننشغل بما يجب أن يشغلنا.
أوافقك الرأي

عندما قرأت الموضوع ورأيت الصور طلبت من إدارة المنتدى (أ/ ممدوح مصطفى الأنصارى) حذف الموضوع فلايحق لنا الاستهزاء بأى شخص سواء كنا نعرفه أو لانعرفه لمجرد أنه لفت أنظارنا

بصـــــراحة غلط نهين الراجل ده لانه قائد عسكري مهمــا كان و أنســـان فى المقــام الاول ..

بس بصـــراحة انا مكنتش أعرف مين هو غير لما دخلت الموضوع .. كان عندي فضول رهيب بصراحة ..

بس انا منكرش انى لما شوفت الجروب على الفيس ضحكت برضه زي الناس من كتر الكلام بس طبعا كلنا بنعتذر ليه ..

و المشكلة ان لما الجروب اتقفل فى ناس عملت جروب جديد اسمه ( بعد أغلاق جروب الراجل اللى وراء عمر سليمان .. الان جروب العــلم اللى وراء عمر سليمان )

هما شكلهم عايزين يجيبوا أى حاجة ورا عمر سليمان و خلاص ..