ظواهر عجيبه يا بلدي . [الأرشيف] - بوابة الثانوية العامة المصرية

احمد رضا

12-11-2007, 03:26 AM

السلام عليكم و رحمه الله و بركاته

فؤاد نجم و شعبان عبد الرحيم

ده موضوع نقاشنا انا و السادات و ياريت الكل يشارك فيه

احمد فؤاد نجم : اتسم شعره بالجرأة و قال عنه النقاد انه لسان حال للشعراء و الجانب الفقير الجرئ الذي عبر عن احوال بلاده بلا خوف

لو الموضوع ده بباسورد للرجاله بس و الله كنت وريتلكم ان الراجل ده مينفعش أصلا يطلق عليه لقب شاعر
ايه يا اخوانا هوا احنا مبنفهمش غير بقله الأدب و الله ما ينفع الكلام ده
يعني مينفعش الواحد يعبر عن وجهه نظره و احوال البلد الزفت اللي احنا فيها غير بقله الأدب و الكلام الخارج جدا
لاء و سمعته بيقول في الجزيره ايه ردا علي سؤال مش فاكره كان رد احمد فؤاد : انا مبصليش عشان احنا الطبقه الشعبيه طبقه طيبه اسلامنا في قلوبنا
والله ما هتكلم انا عايز اسمعكوا انتوا بقه

انا بجد مش عارف ليه احنا بنسمع للراجل ده
وزي ما قولت للسادات فيه يا جماعه شاعر اسمه " احمد مطر " لو تسمحولي ابقي احطلكم روابط لشعره و اوريلكم هوا بيتكلم ازاي و بدون ما يقل ادبه

بالنسبه لشعبان

أري في كلام محمد السادات نظره اعجاب و تقدير لجرأة المطرب العظيم شعبان عبد الرحيم نظرا لما قدمه من أغاني وطنيه و تعبيراته الجريئه لما يحدث في الوطن العربي حيث قال مطربنا العظيم " انا بكره إسرائيل و بقولها لو اتسأل ان شالله اموت قتيل او اخش المعتقل " و اييييييييييييه "

طالما سمعنا منه العبارات التي اطربنا بها هذا الفنان العظيم حيث قال بشئ من التصرف " مشيلي مصلحه امشيلك مصلحه مش عارف تجيبلي ايه كدا اجيبلك مروحه "

هههههههه بجد انا مش قادر اقول حاجة في البني ادم ده
هوا مين اللي جرئ يا سادات ؟؟؟!!!

انا حافظ كلمتين اطلع ابقي عامل زي العروسه اللي بتتحرك بدباره من فوق و اقولهم و اعمل بإيدي علي دماغي وش و دهر و ابقي مطرب جرئ
انا مش عايز اتكلم عن الإنسان ده عشان ابقي بديله قدر اكبر من قدره

لو كان في امريكا كانوا سجنوه من اللي بيقوله
انا معاك يا سادات انهم كانوا سجنوه بس عشان بيعمل تلوث سمعي !!
وبعدين حتي لو هوا حاجة محترمه مكنوش سجنوه عشان فيه اختراع اسمه ديموقراطيه

اتمني اني اشوف آرائكم
ودي مجرد رؤيا شخصيه
وياريت يا جماعه بلاش تعصب
واعذروني لو كان في تعصب في كلامي
اه و علي فكرة لو اعتبرنا فؤاد نجم شاعر
فعلينا ان نذكر قائد هذا المجال من الكلام الفارغ والجانب ال***** و هوا نجيب سرور غني عن التعريف
وانا اسف لو كنت خرجت بالإلفاظ شوية
بس دي حاجة منرفذاني جدا يا جماعه و الله

محبة الله

12-11-2007, 03:34 AM

احمد رضا

12-11-2007, 03:40 AM

مين احمد فؤاد نجم دا؟
اول مرة اسمع عنو الصراحة
لكن عموما احنا باه عندنا شوية مغنين بيتكلموا عن مصالح البلد بشكل غريب
اولهم الباش مهندس شعبان دا
وتلاقيه اصلا مش فاهم اللى بيقولو
تلاقيه بيقولو كام كلمة عشان يقول بعدهم ايييييييييييه
مع احترامى للجميع وليه انو تافه والاتفه اللى يسمع لو
وفى الاخر المغنى او(المصدع) دا حرية شخصية
شكرا على الموضوع يااحمد

نورتي بمرورك يا أصاله و كويس انك اول مرة تسمعي عن نجم و ياريت متسمعيش عنه تاني خالص بالله عليكي

وزي ما انتي قولتي كدا هوا اللي فالح فيه شعبان ده انه يقول ايييييييييييه

جزاكي الله كل خير

MohammeD el_SadaT

12-11-2007, 04:02 AM

محبة الله

12-11-2007, 04:08 AM

ما قلتلك يا سادات
عد الى صوابك
اسمعوا الكلام باه
اتكلموا فى حاجة اقيم منهم

احمد رضا

12-11-2007, 04:32 AM

بسم الله الرحمن الرحيم

السلام عليكم ورحمه الله وبركاته

لولا
إختلاف الرأى لبارت السلع

أحب بقه فى الأول أقولك إنى لا بسمع لشعبان عبدالرحيم ولا بسمع لفؤاد نجم
أنا بسمع لهم ساعات كده حاجات عابره

عملت في نفسك طيب

بس الحاجا دى فعلاً بحس وأنا بسمعها إن الناس دى مش خايفه
منتا ممكن عشان حاجه زى دى تروح فى دهيه بس مع
ذلك مش همه

بجد مش هينفع غير اني اضحك يا سادات و متزعلش مني

عارف إن إسلوبهم مش كويس وفيه تجريح وإهانه كبيره
بس صدقنى حتى ده مش بيحوق فى الحكومه
وفعلاً أحمد نجم
إنسان قليل الأدب فى شعره بس على فكره دا نوع من الشعر وإسمه على ما أعتقد الهجاء

يعني انت مقتنع بيه تمام الاقتناع و ان الراجل ده بيتكلم عن مصلحتنا

طيب هسالك سؤال يا محمد يا حبيبي
لو انت قاعد وسط العائله الكريمه انت و اخواتك البنات - حفظهما الله - و مامتك و باباك - رحمهما الله - و الراجل ده علي القناه اللي بتسمعوها و بيقول شعر قليل الأدب بس بيعبر عن مصلحتك و مصلحه البلد هتسمح لنفسك انك تكمل ولا هتغير القناة و لو هتكمل وضحلي و لو هتغير وضحلي برده

والراجل بردو أنا لسه عند رأيى
راجل مبيهموش حد ومتنساش إنه بيتكلم عن مصلحتك ومصلحتى حتى لو كان بإسلوب وحش
بس بيجسد حياتك وحياتى وحيات ناس تانيه كتير
بطريقه ساخره
قول طريقه مسخرة - طريقه داعره - طريقه فاجره
حاجة كدا مش تقولي ساخرة

احلي حاجة فينا يا جماعه ان احنا اخلاقنا عاليه اوي و نقول الإسلام شأنه في الأرض ليه و مش عارفين اكننا من مدغشقر
لما مثلا مسيحي - مع احترامي للمسحيين - يقعد و يتفرج و يشوف المسلم بيقول ايه ؟ هتقولي اشمعني بيسمعه هقولك ما انت لسه قايل مصلحه البلد
ويقعد يشوف الأخلاق العاليه
بجد يا جماعه انا فرحان و من كتر الفرحه انا زعلت

محمد رد علي سؤالي في تصرفك لو بتسمع انت و اهلك - حفظهم الله - لشعر نجم ؟

احمد رضا

12-11-2007, 04:35 AM

ما قلتلك يا سادات
عد الى صوابك
اسمعوا الكلام باه
اتكلموا فى حاجة اقيم منهم

استني يا أصاله خلي محمد يتكلم عشان احدنا يقنع الآخر

اينعم انا هرجعه بالعافيه هههههههههههه بس انا ديموقراطي لأبعد الدرجات

اينعم انا مش هسيبه يوضح فكرته بس انا برده ديمقراطي

تكلم يا ساادات ولا تخف

هل انت من المؤيدين لي و لحكمي :) ام لا قدر الله من المعارضييييييييين :mad:

لا بجد يا أصاله انا بحب المناقشه اللي بتنتهي في النهايه بإفاده ياريت تسبينا نتكلم و لو عايزة تشاركينا الحديث أهلا و سهلا بيكي

fares elnet

12-11-2007, 10:19 AM

mR . mOstafa Fathi

12-11-2007, 12:24 PM

احمد فواد نجم

مشوفتش وهو بقول القصيدة على الجزيزة

الراجل دا عندو جراء ودخل قبل كدا المعتقل وقال قصيدة وعندى على
الموبيل
...

يعنى الراجل دا مش بيهمو وعادى

ولا اكنو بتكلم تجاهلو

ثانكس احمد

MohammeD el_SadaT

12-11-2007, 12:50 PM

بص يا أحمد يمكن شعبان إنسان جاهل مش بيعرف يقرأ ويكتب لكن الأكيد
هو عارف بيغنى إيه

بس الجهل ده شىء مش يعيبه لأن من الواضح إن ظروفه مكنتش تسمح والدليل على
كده وظيفته قبل الغنء

فلما واحد يغنى يقول اللى هو قاله حتى لو كان جاهل مين فينا متمناش فى يوم يجيله
الجرأه ويطلع يقول أنا بكره إسرائيل وأميريكا والحاجات دى كلها
مين مكنش عاوز يجسد الحقيقه المره اللى بقت فى البلد الكوسه والوساطه فى أغنيه ساخره
مين مكنش نفسه يبقى مكانه مين مهوش عاوز يسرخ ويسرخ بس معندوش الشجاعه

الراجل ده بجد أنا بحترمه مش عشان صوت ولا يهمنى هو مين ولا عشان إيه
أنا بحترمه عشان بجد قال ومخفش
قال اللى أنا نفسى أقوله

*****************************

فؤاد نجم لو شغال وأنا قاعد أنا وأهلى هقلب لأنى مش هحب أسمعه قدامهم حيائى مش هيسمح
بس مين قالك إن لو كل واحد فينا لوحده قاعد مش هيسمعه
إحنا دلوقتى بنتكلم بصراحه أكيد هيسمعوه يبقى مكنذبش على بعض
هو الراجل أى نعم بيغلط فى الألفاظ كتير بس بردو كلنا نقول زيه دا لو مكناش بنقول ألعن منه 1000000000000000000 مره بس كلنا بنقول فى الخباثه ده طلع وقالها علنى
واللى مش عجبه يشرب من البحر
أنا بعلن هنه وقدام الجميع أنا نفسى أقول اللى فى قلبى قدام كل الناس
هتلاقى ألفاظ أسوء من دى 1000000000000000 مره بحملها للى بيحصل فى قلبى

سلام عليكم

احمد رضا

12-11-2007, 03:19 PM

شكرا يا احمد على الموضوع

وانا بتفق مع محمد فى الراى

حتى لوكانوا بيعبروا عن رايهم بالكلام ده

فهما بيعنوا فى كلامهم مصلحتك ومصلحة البلد

وهو ده اللى ماشى مع الحكومة دلوقتى ولا انت مش من هنا

على العموم شكرا للموضوع وجزاك الله خيرا

اشكرك استاذ حسام نورت بقلمك

احمد فواد نجم

مشوفتش وهو بقول القصيدة على الجزيزة

الراجل دا عندو جراء ودخل قبل كدا المعتقل وقال قصيدة وعندى على
الموبيل
...

يعنى الراجل دا مش بيهمو وعادى

ولا اكنو بتكلم تجاهلو

ثانكس احمد

نورت يا درش تسلم ايدك

[quote=CoMe frOM ThE DeaTh;314535]بص يا أحمد يمكن شعبان إنسان جاهل مش بيعرف يقرأ ويكتب لكن الأكيد
هو عارف بيغنى إيه

يابني متقولش بيغني عيب اللي انت بتقوله ده يا سادات و الله قول بيطلع ينشز

بس الجهل ده شىء مش يعيبه لأن من الواضح إن ظروفه مكنتش تسمح والدليل على
كده وظيفته قبل الغنء

فلما واحد يغنى يقول اللى هو قاله حتى لو كان جاهل مين فينا متمناش فى يوم يجيله
الجرأه ويطلع يقول أنا بكره إسرائيل وأميريكا والحاجات دى كلها

انا اطلع اقولها بس و انا محترم و رزين زي مثلا محمد صبحي زي احمد مطر

مين مكنش عاوز يجسد الحقيقه المره اللى بقت فى البلد الكوسه والوساطه فى أغنيه ساخره
مين مكنش نفسه يبقى مكانه مين مهوش عاوز يسرخ ويسرخ بس معندوش الشجاعه

الراجل ده بجد أنا بحترمه مش عشان صوت ولا يهمنى هو مين ولا عشان إيه
أنا بحترمه عشان بجد قال ومخفش
قال اللى أنا نفسى أقوله

*****************************

فؤاد نجم لو شغال وأنا قاعد أنا وأهلى هقلب لأنى مش هحب أسمعه قدامهم حيائى مش هيسمح

انا اعرف ان اي شئ بيتعمل في الخفاء يا اما بيكون عشان مصلحه عُليا يا اما بيكون غلط و حرام

بس مين قالك إن لو كل واحد فينا لوحده قاعد مش هيسمعه
إحنا دلوقتى بنتكلم بصراحه

وربنا يابني ما اقدر انزل بمستوايا كدا و اسمعه ده شئ حقيير اقل من اني اسمعه
طيب بالله عليك الواحد ناقص ذنوب و قرف يابني كفايا ده احنا هنروح في داهيه من امثاله و ربنا

أكيد هيسمعوه يبقى مكنذبش على بعض
هو الراجل أى نعم بيغلط فى الألفاظ كتير بس بردو كلنا نقول زيه دا لو مكناش بنقول ألعن منه 1000000000000000000 مره بس كلنا بنقول فى الخباثه ده طلع وقالها علنى
واللى مش عجبه يشرب من البحر
أنا بعلن هنه وقدام الجميع أنا نفسى أقول اللى فى قلبى قدام كل الناس
هتلاقى ألفاظ أسوء من دى 1000000000000000 مره بحملها للى بيحصل فى قلبى

صدقني يا سادات لو حسبتها من حيث ان فيه ناس بتعبر احسن منه و بطريقه افضل و انك مش ناقص ذنوب و انك و انك ووو هتلاقي نفسك في جزء من الخطأ

اه علي فكرة لو انت مشجع لفؤاد نجم بعد كدا اي غلطه منك او اي معارضه لفعل انت عملته او اي حد عمله هدخل اشتم كلام عيب
ههههههه موافق ياعم ؟

سلام عليكم
وعليكم السلام
بس تعرف يا واد يا محمد بالرغم من الإختلاف الفكري اللي بيني و بينك في النقطه دي بس انا بحب التناقش معاك

بس عايز اقول حاجة يا جماعه
بالنسبه لفؤاد نجم
وربنا يا جماعه احنا ما ناقصين ذنوب و قرف و هباب علي دماغنا
يعني خلاص هيا دي بقت طريقه التعبير عن الرأي
مفيش طريقه احسن
ياريت نعيد النظر تاني
وبعدين فين أصلا قضايا التكفير اللي بتحصل لإمثاله
مهي لما نوال السعداوي قالت ان الحج دعوه للوثنيه
وان الحجاب مش مظهر تدين البنت
وكدا المحكمه حكمت عليها بالتفريق بينها و بين زوجها لانها زي المرتده

بجد الراجل ده لو اعلن ان هوا يهودي وان رجع عن الإسلام هيكون احسن
ربنا ياخده عشان انا سمعت انه في المستشفي

M I D O

12-11-2007, 03:29 PM

شكرااا يا احمد على الموضوع

محبة الله

12-11-2007, 03:51 PM

الموضوع شد شدة جامدة
متهىء لى ان كلنا نفسنا ومش نفسنا احنا فعلا بنقول الكلام اللى بيقولوا شعبان
بس مش عارفين نقولوا ادام حد كبير مش خوف لاء
دا عشان احنا مش عارفين نوصللهم
هوا الاغانى شهرتو (ازاى مااعرفش) فقدر يقولها
ومتهىء لى ان لو حد فينا اتحط فى موقف ممكن يقول فيه الكلام دا هيقولوا
مش هيستنى
يباه مانعلقش شماعة اللى بيقولوه على انهم بيعبروا عننا
احنا نعرف نعبر عن نفسنا كويس اوى
بس مستنين الفرصة مش اكتر

احمد رضا

12-11-2007, 05:08 PM

شكرااا يا احمد على الموضوع

موضوع ايه ؟!!!!!

علي العموم منور

احمد رضا

12-11-2007, 05:09 PM

احمد رضا

12-11-2007, 05:14 PM

بالنسبه لشعبان النقاش فيه هيضيع وقتي
بالنسبه لفؤاد نجم هجيب للصبيان روابط توريكم الراجل ده بيقول ايه ؟ و هبقي اديكم كلمات البحث عن شاعر تاني هيجيب اللي معجبين بفؤاد نجم اسمه " نجيب سرور "

اما بالنسبه للبنات فهجيب روابط للشاعر احمد مطر اللي يستحق انه يمثل الوطن العربي في الشعر
وهبقي احطها في الركن الأدبي

بس ياريت تشاركونا برأيكم مع الاعتبار ان الراجل ده مسلم و بيقول الكلام ده

JusT l0sT

12-11-2007, 05:41 PM

انا سمعت عن شعبان دا
بس فؤاد نجم دا عمرى ماعرفت حاجه عنه
كمان سمعت اسمه كذا مرة
بس معرفش هوا مين ولا بيعمل ايه

احمد رضا

12-11-2007, 07:34 PM

انا سمعت عن شعبان دا
بس فؤاد نجم دا عمرى ماعرفت حاجه عنه
كمان سمعت اسمه كذا مرة
بس معرفش هوا مين ولا بيعمل ايه

احلي حاجة ربنا رحمك و الله
نورتي الموضوع يا آيه

الاسطورة

12-11-2007, 07:59 PM

بصراحة فؤاد نجم من احسن الشعراء الموجودين حاليآ
بل احسنهم بالمشاركة مع الابنودى

اما شعبان بقى
تبع قبيلة الفن الهابط

احمد رضا

12-11-2007, 10:25 PM

بصراحة فؤاد نجم من احسن الشعراء الموجودين حاليآ
بل احسنهم بالمشاركة مع الابنودى

اما شعبان بقى
تبع قبيلة الفن الهابط

مشكور يا حودا علي رأيك و هبقي اجبلك روابط تتأكد ان الراجل ده احسن الشعراء ولا لاء

محبة الله

13-11-2007, 10:45 AM

الصراحة يا جماعة انا دفعنى فضولى انى اقرا لفؤاد نجم دا
وعملت عنو سيرش
واول ماقريت اسامى الاشعار بتاعتو
شجعتنى انى اقفل الصفحة
عشان الاحراج زاد عن حدو
بس مااقدرش اقول غير انو
بييييييييييييييييييييييييئة

اسكندرية احلى دنيا

13-11-2007, 11:51 AM

الحقيقة اللي شدني اكتر من الموضوع طريقة النقاش فعلا عجبتني لانها بكل احترام واسلوب جميل
بس الحقيقة انا ماقريتش حاجة لنجم بس اسمع بابا بيقول انو مش كويس بس الحقيقة انا من غير مااقرالو كفاية اني اعرف ان شعرو في الفاظ هابطة الشعر دة وسيلة هو والغناء وسيلتان راقيين جدا المفروض بنستخدمهم عشان نعبر عن مشاكلنا وحياتنا وعاطفتنا والمفروض يتضمن التعبير دة الاحترام في الالفاظ والاداء
زي المسلسلات والافلام بالظبط في مسلسلات بتعبر عن مشاكلنا زي الزواج العرفي والمخدرات بس بصور خليعة ومناظر ملهاش لازمة هل ساعتها نقول وايه يعني مهي بتعبر عن مشاكلنا!!!
انا الحقيقة مش مقتنعة بالكلام دة مع احترامي بلي مقتنعين بيه وانا مع الاخ اللي بيقول اننا نقدر نعبر عن اللي احنا عايزينو باسلوب محترم من غير الفاظ خرجة وذنوب والمسلم مطالب بالامر بالمعروف والنهي عن المنكر تبعا لحديث افضل الخلق"من راى منكم منكرا فليغيره بيده فان لم يستطع فبلسانه فان لم يستطع فبقلبه وذلك اضعف الايمان"
ولو حد سمع شرح الحديث دة هيجد بيده يعني لو انت ليك سلطة تقدر تغير بيها الامنكر دة وبلسانه يعني بالنصيحة وبقلبه للي زينا كدة لا في ايديهم سلطة البلد ولا يقدرو يقدمو نصيحة خوفا من السلطان الجائر مع العلم بان السلطان دة اصلا مش محتاج لنصيحة وعارف اللي هو بيعملو كويس اوي وانو عكس شرع ربنا يعني ياجماعة احنا مش محتاجين نوصل صوتنا لان اصلا هما عارفين احنا عايزين نقول ايه وبعدين يعني هما اللي قالو زي شعبان عبد الرحيم واحمد فؤاد نجم عملو ايه ولا حاجة ماغيروش اي حاجة في البلد كل الفكرة انهم اعتقلو ومشاكل وبس
وع راي الاخ اللي اتكلم شعبان مش بيغني دة بيطلع نشاذ والغنا والشعر مستواهم هبط جدا
انا اسفة لاني طولت اوي بس فعلا لا شعبان بيغني ولا احمد فؤاد بيقول شعر مع احترامي ليكم
والموضوع رائع
السلام عليكم

MohammeD el_SadaT

13-11-2007, 01:15 PM

احمد رضا

13-11-2007, 01:16 PM

احمد رضا

13-11-2007, 01:18 PM

بجد يا أحمد أنا إستمتعت جدااااااااااااااااااااااا

بالنقاش معاك
وفعلا بعد ما قرأت لفؤاد نجم بتوسع وسمعت أغانى لشعبولا برزانه
إكتشفت إن إنت على حق

بنسبه 100%

ويا ريت متكونش زعلا من نشوفيه دماغى ولك منى كل تقدير وإحترام

طيب و الله انت راجل محترم
مش عشان وافقتني في الرأي و اقتنعت بكلامي
عشان انت عندك مرونه و تقدر تغير معتقداتك لو هيا غلط
وانا مش زعلان يا محمد باشا
ده انت اخويا و صاحبي
يعني مينفعش
نورت يا محمد و انا مبسوط بالمناقشه معاك جدا

اه و عشان اثبتلك الفكرة شوية هبعتلك رابطين علي يو تيوب تسمع الراجل ده برده بس متديهومش لحد
هبعتهوملك علي الخاص

دي برده نبذه عن احمد مطر يا سادات ابقي شوفه كدا
http://thanwya.com/vb/showthread.php?t=28827

احمد رضا

13-11-2007, 01:24 PM

محبة الله

13-11-2007, 01:29 PM

واخيرا
انتهى النقاش الى
فوز الحق والكلمة الصح
ومصافحتهما لبعضها
ونحيهم بكل الحب والود
وعقبال بائى المواضيييييييييييييع
الف مبروك يارجالة

dr.zomba

13-11-2007, 01:49 PM

عم احمد باشا استني مني رد كمان ساعه كدا عشان الموضوع دا جامد بس انا نازل دلوقتي ساعه بالكتير وهاجي اقول راي

لو مفيش مانع طبعا

MohammeD el_SadaT

13-11-2007, 01:52 PM

الاختلاف في الرأي ...لا يفسد للود قضيه

احمد رضا

13-11-2007, 02:00 PM

عم احمد باشا استني مني رد كمان ساعه كدا عشان الموضوع دا جامد بس انا نازل دلوقتي ساعه بالكتير وهاجي اقول راي

لو مفيش مانع طبعا

مانع ايه انت فوق راسي يا باشا

تحت امرك
مستني رأيك

احمد رضا

13-11-2007, 02:42 PM

واخيرا
انتهى النقاش الى
فوز الحق والكلمة الصح
ومصافحتهما لبعضها
ونحيهم بكل الحب والود
وعقبال بائى المواضيييييييييييييع
الف مبروك يارجالة

ولا فوز ولا حاجة يا أصاله مش حرب هيا
احنا اتناقشنا كلنا بدون ما نجرح بعض ولا نفرض رأينا علي حد لحد ما نستفيد كلنا
وبعدين علي فكرة النقاش مش بأخرته بأحداثه اللي مليانه معلومات و الحمد لله كلنا استفادنا يا أصاله و زي ما قال السادات الاختلاف في الرأي لا يفسد للود قضيه

احمد رضا

13-11-2007, 02:43 PM

الاختلاف في الرأي ...لا يفسد للود قضيه

اصلي يا سادات
تمام يا مان

dr.zomba

13-11-2007, 02:48 PM

الاول انا بجد عجبني اوي اسلوب الحوار والنقاش الي بينك وبين محمد وبحيكوا علي الاسلوب دا
لاني بقالي فتره مشوفتوش في منتدي الثانويه

تاني حاجه بقي يا عم احمد انا هحدد الي هتكلم عليه
انا ولا هدافع عن احمد فؤاد نجم ولا عن شعبان عبد الرحيم ولا هطلعه صح لانه غلطان
وشعبان عبد الرحيم دي مجرد اذواق وفي ناس ممكن تسمعه لانه لون غريب اي نعم بقي قديم بس اهو لون والسلام

اما بالنسبه لاحمد فؤاد نجم او ( الفجومي ) احمد فؤاد نجم قليل الادب ولسانه مش تبعه
وبيشتم اي حد يحس انه معارضه

بس انا هقولك حاجه انت دلوقتي واقف انت واصحابك واتكلمتوا علي السياسه والحكم والحكومه
واعدتوا تذكروا حوادث حصلت من الحكومه وفلان حصله كذا داخل المعتقل وفلان اتحبس عشان اتكلم في معرفش ايه واعدتوا تتكلموا عن الموضوع دا وسخنتوا في الكلام عن الموضوع مش ممكن حد منكم يشتم في الحكم او الحكومه ومش لازم حد واحد دا ممكن كلكوا تشتموا فيها لان محدش شايفها علي حق وصعبان عليكوا الظلم الي شايفينوا مش قادرين تتكلموا

اهو احمد فؤاد نجم كدا راجل قليل الادب بحكم التربيه والنشئه والبيئه الي ساكن فيها وكبر فيها

وهو الي بيعبر عنك وعن الي جواك واي لفظ بيقوله انت بتبقي نفسك تقوله وبيمنعك حاجات كتير منها الدين والخلق والتربيه

وزي ما انت متقدرش تتكلم مع اهلك زي ما بتتكلم مع اصحابك وبحريتك مع اصحابك متقدرش تسمع احمد فؤاد نجم قدام اهلك

ونجيب سرور انا سمعت القصيده بتاعته علي الموبيل وشوفتها علي النت وطبعا قصيده اقل ما يقال عنها انها مفيهاش ريحة الاخلاق

بس الراجل مخنوق وجايب اخره ومضغوط عليه من البلد زي مثلا لما انت يكون مضغوط عليك من اهلك ومن اصحابك وكل الي حواليك الي ليهم سلطه بسبب اي موضوع مش هتقدر تتكلم لحد لما يجي وقت وتنفجر فيهم وكل واحد علي حسب تربيته ودا الي حصل مع نجيب سرور اتخنق اتخنق اتخنق لحد م انفجر

ومش عايزك تجيبلي روابط لاحمد فؤاد ولا لنجيب سرور انا يمكن عارف كل القصائد بتاعتهم ومتابع برضو الشخصيات دي

ومستني ردك عشان اكمل بقي ومعلش صدعتلك دماغك بس انت الي قولت

استحمل بقي يا جميل عشان انا اصلا رغاي:D

احمد رضا

13-11-2007, 02:59 PM

الاول انا بجد عجبني اوي اسلوب الحوار والنقاش الي بينك وبين محمد وبحيكوا علي الاسلوب دا

لاني بقالي فتره مشوفتوش في منتدي الثانويه

تاني حاجه بقي يا عم احمد انا هحدد الي هتكلم عليه
انا ولا هدافع عن احمد فؤاد نجم ولا عن شعبان عبد الرحيم ولا هطلعه صح لانه غلطان
وشعبان عبد الرحيم دي مجرد اذواق وفي ناس ممكن تسمعه لانه لون غريب اي نعم بقي قديم بس اهو لون والسلام

اما بالنسبه لاحمد فؤاد نجم او ( الفجومي ) احمد فؤاد نجم قليل الادب ولسانه مش تبعه
وبيشتم اي حد يحس انه معارضه

بس انا هقولك حاجه انت دلوقتي واقف انت واصحابك واتكلمتوا علي السياسه والحكم والحكومه
واعدتوا تذكروا حوادث حصلت من الحكومه وفلان حصله كذا داخل المعتقل وفلان اتحبس عشان اتكلم في معرفش ايه واعدتوا تتكلموا عن الموضوع دا وسخنتوا في الكلام عن الموضوع مش ممكن حد منكم يشتم في الحكم او الحكومه ومش لازم حد واحد دا ممكن كلكوا تشتموا فيها لان محدش شايفها علي حق وصعبان عليكوا الظلم الي شايفينوا مش قادرين تتكلموا

اهو احمد فؤاد نجم كدا راجل قليل الادب بحكم التربيه والنشئه والبيئه الي ساكن فيها وكبر فيها

وهو الي بيعبر عنك وعن الي جواك واي لفظ بيقوله انت بتبقي نفسك تقوله وبيمنعك حاجات كتير منها الدين والخلق والتربيه

وزي ما انت متقدرش تتكلم مع اهلك زي ما بتتكلم مع اصحابك وبحريتك مع اصحابك متقدرش تسمع احمد فؤاد نجم قدام اهلك

ونجيب سرور انا سمعت القصيده بتاعته علي الموبيل وشوفتها علي النت وطبعا قصيده اقل ما يقال عنها انها مفيهاش ريحة الاخلاق

بس الراجل مخنوق وجايب اخره ومضغوط عليه من البلد زي مثلا لما انت يكون مضغوط عليك من اهلك ومن اصحابك وكل الي حواليك الي ليهم سلطه بسبب اي موضوع مش هتقدر تتكلم لحد لما يجي وقت وتنفجر فيهم وكل واحد علي حسب تربيته ودا الي حصل مع نجيب سرور اتخنق اتخنق اتخنق لحد م انفجر

ومش عايزك تجيبلي روابط لاحمد فؤاد ولا لنجيب سرور انا يمكن عارف كل القصائد بتاعتهم ومتابع برضو الشخصيات دي

ومستني ردك عشان اكمل بقي ومعلش صدعتلك دماغك بس انت الي قولت

استحمل بقي يا جميل عشان انا اصلا رغاي:D

يا باشا رغاي ايه قولتلك قبل كدا علي راسي من فوق

ام بالنسبه لكلامك يا دكتور و الله انا عندي حاجة ان المبادئ مش بتتجزأ
يعني مش عشان اصلح غلط اعمل غلط اكبر منه
يعني المبررات دي متناسبش ديننا و بيئتنا
ولا انت شايف ايه ؟

و بالنسبه للناس اللي بتسمع شعبان دول
فده مش لون صدقني
عارف بلايت الالوان في الاخر خلاص و هيا مش نضيفه كدا
اهوه شعبان ده كدا
من كل فيلم اغنيه
ساعتين و بنطلون قصير و بشل في وشه
بالزمه انا اسمع كلامه ازاي بوشه ده
شوف انت هتخليني ارتكب ذنب اني عيبت علي خلقته
استغفر الله العظيم لان الشكل مش مقياس
بس انا غير مقتنع تماما بالناس اللي بتسمع شعبان عبد الرحيم
و غير مقتنع بالطريقه اللي بيتعامل بيها نجم في اشعاره
ممكن اقول الحق بس بطريقه كويسه يا دكتور
وزي ما قولتلك مش عشان اصلح غلط اصلحه بغلط اكبر منه
والمبادئ مبتتجزأش
نورت يا دكتور

احمد رضا

13-11-2007, 03:02 PM

اما بالنسبه للكلام بيني و بين اصحابي فمش دايما علي فكرة
انا منقي شوية ناس نضيفه عشان مش ناقصه وبش
وبعدين الواحد اينعم عايش في وبش و قرف - سوري في الالفاظ - بس اهوه بيحاول يفصل دماغه
وانا حاطط فوق روابط لاحمد مطر ياريت تشوفها
و تشوف الجرأة اللي فيها و قوة التعبير
وشوف برده الاخلاق اللي فيها عامله ازاي
وشوف الراجل ده اتعذب أصلا اد ايه

نورت مرة تانيه يا دوك
و عايزك تعتقد ان المبادئ عمرها ما تتجزأ
ومنصلحش غلط بغلط و افتكر ان فيه ايه في القران بتقول كدا بس ذاكرتي مش مساعداني

dr.zomba

13-11-2007, 03:08 PM

احمد رضا

13-11-2007, 03:17 PM

بس يا احمد انت مشوفتش الي احمد فؤاد نجم شافه ولا عشت عيشته احمد فؤاد نجم اشتغل كل حاجه واكتر واحد شاف وشوش الناس من اوي الي في الحضيض لحد نجيب ساويرس

غير كدا انت متجيش لوحد اغلب حياته مقضيها في المعتقل وكل لما يخرج من المعتقل يدخل تاني وضيع عمره كله في المعتقل وتيجي تقوله عيب الكلام الي بتقوله دا

يعني راجل الي حد ما ليه عذره مع ان دا مش عذر اوي بس فعلا محدش شاف الي هو شافه ولا قد الي هو شافه

يا دكتور بصراحه دي مبررات لتحويل الأدب لدعارة
انا مش هقول اكتر من انه انسان سافل
وبعدين مفروض يعلن إلحاده احسن
و مينطقش مسلم دي خالص
و يغير اسمه لحاجه تانيه
و كل المبررات دي بجد يا دكتور متنفعش في مجتمعنا

وانا مش هتكلم عن فن الأدب يا دكتور عشان امثالك عارفين ان الأدب ده ذوق و اخلاق و غذاء للروح و ووو ... حاجات كتير
وزي ما قولتلك اللي بيقوله مش ادب ده دعارة ادبيه
و انا مشوفتش اللي شافه بس يكفي اني عارف الصح من الغلط
مهو احمد مطر منفي اهوه و راجل اخلاقه عشرة علي عشره
و اعتقل في بلده اكتر من 9 مرات
عايز ايه اكتر من كدا
نورت يا دكتور

احمد رضا

13-11-2007, 03:22 PM

اه و بالنسبه لنجيب ساويرس انت كدا بجد بترفعلي الضغط ههههههههه متقولش اسمه والنبي اللي كان بيعرض افلام بدون رقابه ده و عمل حملات للتحريض علي خلع الحجاب و عمل هيصه

dr.zomba

13-11-2007, 03:29 PM

اه و بالنسبه لنجيب ساويرس انت كدا بجد بترفعلي الضغط ههههههههه متقولش اسمه والنبي اللي كان بيعرض افلام بدون رقابه ده

باين عليك متابع يا جميييييييييل:p

بص انا هقولك علي حاجه بصراحه انت كلامك مقنع وكله تمام ومفيش فيه غلطه واحده

بس بالنسبه لذوقك

انا مثلا بحب جدا اشوف الشعر السياسي وبالذات السياسي الساخر واغلب الشعراء الي بيتكلموا عن السياسه اليومين دول بيشتموا وكل البلد بتشتم في الحكومه يعني تعرف الغلط علي مين من الاساس

من الراجل الي وصل الميكروفون للراديوا الي اذاعوا منوا انتهاء الملكيه واعلان الجمهوريه

ومن ساعتها يا احمد والبلد كلها بتشتم في بعض وانقسموا لقسمين قسم معارض وبيشتم وبيأيد الشعر الي بيشتم دا وقسم مدافع وبينقض الشعر دا والي بيشتموا في الحكومه

وحل الموضوع دا اننا نسافر مدغشقر وعمل هروب جماعي :D

احمد رضا

13-11-2007, 03:33 PM

ههههههههههه ياعم ولا هروب ولا حاجة

كفايا الاعتراف بان امثال الناس دي ناس زباله و مش محترمين و مفروض محدش يسمعلهم

وعلي فكرة لو دورت يا دوك هتلاقي ناس محترمين

و بيقولوا اللي هما عايزينه برده

نورت يا دوك

http://thanwya.com/vb/showthread.php?t=28827
احمد مطر

retag allah

13-11-2007, 05:30 PM

بصراحه انا متابعه الحوار ن الاول وعجبتني طريقه احمد في الموضوع وكلامه فعلا مقنع انا سالت بابا عن فؤاد نجم قالي ان هو شاعر لسانه فالت حبتين قول تلاته اربعه اما شعبان عبد الرحيم فبلاش الواحد يتكلم احسن وزى ما محمد قالالاختلاف في الراي لايفسد للود قضيه .... bosy cat

retag allah

13-11-2007, 05:33 PM

dr.zomba

14-11-2007, 01:24 AM

محدش يسمعلهم

اغلبة الشعب المصري بيسمعلهم علي فكره

والي بيشدالناس جرئتهم

مع انها جرئه بقلة ادب بس فعلا الناس شدادها طريقتهم وعدم خوفهم وهما اصلا مش بيشتموا في ناس عاديه دول بيشتموا في الحكم والحكومه

ومعلش علي التاخير في الرد بس النت فصل يا احمد والله :(

احمد رضا

14-11-2007, 01:47 AM

اغلبة الشعب المصري بيسمعلهم علي فكره

والي بيشدالناس جرئتهم

مع انها جرئه بقلة ادب بس فعلا الناس شدادها طريقتهم وعدم خوفهم وهما اصلا مش بيشتموا في ناس عاديه دول بيشتموا في الحكم والحكومه

ومعلش علي التاخير في الرد بس النت فصل يا احمد والله :(

لالالا يا عدول دي قله أدب بصراحه ومش عارف اقولك مع احترامي للي بيسمعوه

انا نفسي افهم
ليه يا جماعه بندور علي قلة الأدب
مع اننا نقدر نلاقي اللي احنا عايزينه بالأدب
بس بصراحه اللي شايف نفسه من بيئه مش كويسه هوا اللي بيسمعه و مبيحاولش انه يدور علي حاجة بمستوي ارقي شوية
علي فكرة انا مش بشتم الناس اللي بتسمعه
انا ببدي رأيي في فكرة سماع اي حاجة مش كويسه

بس علي فكرة يا عادل لو انت من محبيه يبقي انت برده تسمح لنفسك تسمع اباحي لو عملينه علي صيغه توضيح جريمه اعتصاب
و يبقي تسمع اباحي لتوضيح مدي اللي بيحصل في نواحي البلد
و يبقي تسمع اباحي لتوضيح مدي اللي بيعمله الوزراء و الرئساء في اليالي الحمرا

لو اتخليت عن مبدأك يا عادل و اتهاونت في قيمك و اخلاقك
هتعمل حاجات كتير مش كويسه

معلش يا عادل نبرتي ارتفعت شوية بس انا بجد مش متوافق ولا بحب الناس اللي بتسمع للوبش ده

متزعلش مني انا زي اخوك برده

dr.zomba

14-11-2007, 11:27 AM

احمد رضا

14-11-2007, 11:58 AM

عيب عليك يا ابو حميد مفيش زعل ولا حاجه

وعلي فكره انا مقولتش ان كلامك غلط والله انت كلامك صح وانا قولتلك في الاول انا مش هدافع عن فؤاد نجم لانه غلطان

بس انا بحاول اعرفك انا بسمعه ليه وبعدين احمد فؤاد نجم زي ما ليه شعر بيقول فيه الفاظ ليه شعر برضو حلو منغير الفاظ خارجه صح ولا لا

وفعلا بتحس ان في حاجه غريبه بتشد الناس ليه ومعاك انه ذوق عجيب بس متقدرش تنكر ان اغلب الناس مشدوده ليه

وبعدين انا هعملك مقارنه صغيره وبجد يا احمد عايزك تحكم عليها بعقل ومنغير تعصب:

احمد فؤاد نجم الي بيشتم في الحكم والحكومه وبيشتم في ناس محدش طايقها

ولا سعد الصغنون الي بيلف ورا الرقصات وحاجات كتير غير كدا وانت ممكن تكون عارف هو بيعمل ايه كويس؟

والله يا عدول الاتنين عندي سواء
بس عيد النظر تاني يا عادل ان الراجل ده مينفعش حد يسمعه
بجد تبقي بتوسخ ودنك و تملي عقلك بحاجات مش كويسه
زيه زي الاباحي كدا

و الاتنين ظواهر عجيبه أصلا مش ظواهر عجيبه دي ظواهر سافله
انا ملجأتش اني اسمعلهم غير لما كنت بدور نقط لنقدهم
لقيت ان نسبه قله الأدب عند فؤاد نجم 90 % متقنعنيش انك هتدور علي العشرة في الميه و تقعد تقراله
يكفيك و انت قاعد كدا عمال تتصب عليك انهار ذنوب
وهبعتلك روابط دلوقتي يا عدول و تقولي ايه رايك

الاسطورة

14-11-2007, 12:05 PM

برضو رغم ان السادات اقتنع
الا انى مصر على موقفى
فؤاد نجم احسن شعراء مصر

احمد رضا

14-11-2007, 12:06 PM

هههههههه يبقي انت متعرفش الشعر كويس يا اسطورة - انا اسف -

فيه مليون واحد في البلد يقدر يقول كلام قله أدب ابقي روح اسمعله

هتجد بغياك عنده برده

قله أدب و بيشتم في الحكم

مش ده اللي انت عايزة ؟

الاسطورة

14-11-2007, 12:10 PM

احمد رضا

14-11-2007, 12:14 PM

بص يا احمد
انا باعترف انى مش خبير فى الشعر
بس برضو مش جاهل
ادينا بنفهم على قدنا يا عم
بس يا عم ده مش كلامى لوحدى ده كلام ناس كتير قوى
فؤاد نجم ده لو عمل امسية شعرية او مناظرة او مؤتمر
شوف كام واحد بيحضر
شوف كام محطة فضائية بتفضل تعيدها كام يوم ورا بعض

وبرضو الراى رايك انتا اصلى ما بافهمش فى الشعر!!!

انا ما قولتش مبتفهمش في الشعر عيب عليك يا حودا انت حبيبي و انت عارف اني بعزك و الله
انا قولت انت متعرفش الشعر
اقصد المعني و الهدف من وراه

بس قولي يا حودا

الراجل ده كويس ليه عشان انا كدا مش عارف ارد عليك

اصلي معنديش غير تفسير واحد للحوار بتاع ان الناس بتتلم و تروحله

اصلي كنت بشوف في مقالب القمامه كدا

الذباب بيتلم علي الحاجة الوحشه

انا اسف في التشبيه

بس وضحلي عشان فكرتي غلط