تم حزف موضوعي مش عارف ليه
بس برده انا حر
انا قلت انا مش ضد الثوره عموما
انا ضد ما وصلنا ليه الان من ايقاف لكل المؤسسات مهما كانت فاسده
ليه مستنناش خمس شهور وكان التغيير هيحصل زي محنا عايزين
ليه وصلنا لاخر حاجه وبعدها الفوضي
اسأل نفسك لو الجيش طلع قرار مش عجبنا هنعمل ايه
لو بعض الشر حصل خلاف داخل القياده العسكريه هيحصل ايه
بعد يوم 28 يناير كنا بنأمر والنظام ينفذ وهنعمل الي احنا عايزينه
حد يقولي احنا فين طيب لو اعترضنا علي قرارات الجيش ده معناه ايه
هيقولو مش هنعترض مفيش قرار هيطلع يراضي الناس كلها
فكرو وشوفو لو الريس لسه موجود مش كان هيسمع اي كلام هيتقال في الوقت ده
بتقولو بيقول ومش هينفذ طيب ما الجيش الي قال انه مسأول عن تنفيذ الكلام ده مش واثقين في الجيش مهوا دلوقتي الي في ايده كل حاجه
محدش عايز يفهم احنا وصلنا لاخر حاجه قبل الفوضي ولو بعد الشر حصل حاجه الله واعلم ايه الي هيحصل
اخر حاجه دور قناه الحقيره
الاخ امير دويله قطر عايز يعمل نفسة كبير علي الدول العربيه وأوامره تنفذ واظن كان واضح الخلاف بينه وبين مصر
ورئيس مصر طيب هو دلوقتي ساهم بدور كبير أو صغير الايام هتسبته رئيس مصر القادم ممكن يختلف مع امير دويله قطر طيب ازاي وأزاي وهو عارف انه ممكن يعمل معاه زي معمل مع الي قبله وهي قطر اصل ليه بتتدخل في شؤنا

الاخ الحبيب اسامة

نعم انا معك ضد الفوضي الاتي احدثها النظام من أجل التغطية على أحداث الثورة

نعم انا معك ضد عدم استقرار بلدي و اتمني أن يعود الامن و الامان لها

نعم أنا معك و لكن نحن المصريين لا يعمل أحد علينا كبير

بس حال البلاد و العباد كان يرسى لها

المرض يزداد
الفقر يزداد

الجوع يزداد

الفساد ينهش فى الامة كالسرطان

و الخطة الجهنمية التى وضعها جمال واعوانه من الحزب أحمد عز و صفوت ( الشريف ) و فتحي سرور و كثيرون ممن لهم مصلحة فى تفشي هذا الفساد

بدء من انتخابات المحليات

ثم انتخابات الشورى

ثم انتخابات مجلس الشعب

معزرة وقبل هذا تغيير الدستور من أجل تفصيل بعض النقاط لصالح قضية التوريث

ايكفي هذا لقيام الثورة و ما تشاهده على شاشات التليفزيون المصري الان و ليس تليفزيون الجزيرة من قضايا الفساد و نهب البلاد من مجموعة فسدة

و ليس لنا الا أن نقول جميعا حسبنا الله و نعم الوكيل فى كل من أهدر حق هذا الشعب في عيشة كريمة

اقرا الرسالة يا غالي .. وبعدين ماتنساش .. ان البيت الآيل للسقوط عشان يبنو مكانه برج كبير بيضطرو يهدموه الاول ويبنو البرج على اساس قوي متين :) وان السهم بترجعه خطوة لورا عشان ينطلق بقوة للامام :) ماتقلقش وتفائل خير وان شاء الله الخير جاي جاي المهم انت كمان وكل واحد يشاركو ف التغيير دا .. :)

السلام عليكم ورحمة الله وبركاته
سلمت ايدى المصريين وشبابها الاحرار الذين لم ترهبهم يد الظالمين والفاسدين والمفسدين وانا مع هذه الثورة الا اننى اتفق مع اسامة فيما قاله ولكننى متفائل ان شاء الله خير فى المستقبل لان هؤلاء الشباب لم يسكتوا عن الحق ولم تخوفهم يد السلطان فابوا الا العزة والكرامة لا ن هؤلاء الشباب لم يقوموا بهذه الثورة لاجل مصلحة خاصة او مطمع فى سلطة لاننى اشاهدهم فى احاديثهم التليفزيونية ومن كلامهم ارى انهم ايضا لم يكونوا من الشباب العاطلين او الذين اكتتوا بظلم النظام ولكنهم حسوا باخوانهم المصريين وابناء بلدهم كما اننى لست متخوف من الفوضى لان هذه الاحداث اثبتت للعالم كله ان شباب مصر بخير ومهما غاب الامن فان شباب مصر هم حماة بلدهم من الفوضى كما رايناهم فى اللجان الشعبية وانا لا اخفى عليكم كم كنت متخوفا من حدوث الفوضى التى لو طالت البلاد قولوا عليها السلام لان اعدائنا كانوا متربصين الا اننى اتوقع ان الاعداء شاهدوا الشباب وهم يديرون الدولة فى فترة المظاهرات ولا تعتبرننى مبالغا اذا قلت ان الدولة فى فترة المظاهرات كانت بلا ادارة او امن ولكن المصريين هم الذين حموا بلادهم واداروها
وفى نهاية المقال اقول كلمة ليست نفاقا ولا متضامنا مع الفساد ولكننى حزين على الرئيس محمد حسنى مبارك لاننى اعلم علم اليقين انه هو من ولى جمال وحاشيته زمام البلاد واعتمد عليهم كما كانوا ياتون له بالتقارير غير الحقيقية ولكن يا جماعة الراجل ده كان رمز لمصر وانا اوجه اليه تحية اعزاز وتقدير لهذا الاب والقائد العظيم كما اننى اشكره لشخصه محمد حسنى مبارك وليس كرئيس وارجو الا تنكروا الجميل وافتكروا له الاعمال الحسنة

الغلطة مش من الثورة إذن الغلطة ممن يقوموا بإحتجاجات واعتصامات فى هذا الوقت الحرج
[/font]


ليه وصلنا لاخر حاجه وبعدها الفوضي

لأن الشباب طلع أعقل من الكبار
الشباب غير سياسة كسر حزب كتم على نفسنا 30 سنة
وآباء الشباب دول دلوقتى بيدورا على زيادة مرتب ومساواة فى الأجور
هى حقهم طبعاً ومن ينكر هذا ظالم
ولكن ربنا عرفوه بالعقل
نطمن على الأساس ونكون دولة ورئيس ولو محققش طلباتكم التحرير موجود


اسأل نفسك لو الجيش طلع قرار مش عجبنا هنعمل ايه
لو بعض الشر حصل خلاف داخل القياده العسكريه هيحصل ايه


إن شاء الله مش حيحصل لو اتصرفنا بالعقل والمنطق
بعد يوم 28 يناير كنا بنأمر والنظام ينفذ وهنعمل الي احنا عايزينه

ده كانت فترة مؤقته والله أعلم كان جمال ممكن يعمل ايه

حد يقولي احنا فين طيب لو اعترضنا علي قرارات الجيش ده معناه ايه
هيقولو مش هنعترض مفيش قرار هيطلع يراضي الناس كلها

ولا عمر حد ممكن يرضى الناس كلها



فكرو وشوفو لو الريس لسه موجود مش كان هيسمع اي كلام هيتقال في الوقت ده


كان سمع من زمان
كان فيه وقت ما الكل صرخ الانتخابات مزورة
طلع وعقد جلسة مجلس الشعب وخلاص


بتقولو بيقول ومش هينفذ طيب ما الجيش الي قال انه مسأول عن تنفيذ الكلام ده مش واثقين في الجيش مهوا دلوقتي الي في ايده كل حاجه
محدش عايز يفهم احنا وصلنا لاخر حاجه قبل الفوضي ولو بعد الشر حصل حاجه الله واعلم ايه الي هيحصل
اخر حاجه دور قناه((....))
الاخ امير دويله قطر عايز يعمل نفسة كبير علي الدول العربيه وأوامره تنفذ واظن كان واضح الخلاف بينه وبين مصر
ورئيس مصر طيب هو دلوقتي ساهم بدور كبير أو صغير الايام هتسبته رئيس مصر القادم ممكن يختلف مع امير دويله قطر طيب ازاي وأزاي وهو عارف انه ممكن يعمل معاه زي معمل مع الي قبله وهي قطر اصل ليه بتتدخل في شؤنا



فى ايدينا أن كل هذا لا يحدث

فى ايدينا مصر ترجع أم الدنيا


ليس لقطر دور فى رحيل النظام الفاسد هو بنفسه كان سبب فى انقلاب الناس عليه


ولو قولنا أن لها دور يبقى أعطيناها شرف لا تستحقه



إن شاء الله الجاى أفضل بس المهم الصبر

خالص تحياتى أخى الكريم

خير خير
إن شاء الله اللي جاى أفضل الصبر

اقرا الرسالة يا غالي .. وبعدين ماتنساش .. ان البيت الآيل للسقوط عشان يبنو مكانه برج كبير بيضطرو يهدموه الاول ويبنو البرج على اساس قوي متين :) وان السهم بترجعه خطوة لورا عشان ينطلق بقوة للامام :) ماتقلقش وتفائل خير وان شاء الله الخير جاي جاي المهم انت كمان وكل واحد يشاركو ف التغيير دا .. :)
دي مش بيت دي بلد وعشان تهدها مش هتعرف تبنيها واتفرج علي العراق

بجد أنا خايفة اوى على مصر فى الفترة دى

ياجماعة مش ينفع خالص اللى بيحصل فى مص ده دلوقتى

فيه ناس دلوقتى بيقللوا من منظر الثورة اللى قامت فعلا

لأن كل واحد بقى ليه مطلب مختلف

ونازلين تخريب فى البلد

يارب اهديهم واهدينا
واحمى مصر

والله لو تفاؤلت خير

حيكون خير

ولو انتم ظللتم تقولوا العراق واالكلاام ده الي ماله لزوم

وبعدين موضوعك اتحذف

تفتح غيره !

يعني انا معاها

افتح موضوع انا مع الثورة !

ولو اتحذف افتح غيره

الادارة حذفته منعاً للخلاافات

ورسلتك وصلت

.

قال تعالى "ادخلوها بسلام آمنين " صدق الله العظيم

دي مش بيت دي بلد وعشان تهدها مش هتعرف تبنيها واتفرج علي العراق

انا مش بقول هانهد البلد كلها ... بس لازم مرحلة تنضيف لكل الفساد اللي كان موجود ودا اكيد هيترتب عنه تعطيل في مؤسسات كتير و ف الشارع المصري دا طبيعي جدا ف اي ثورة ... دلوقتي لسه فيه ديول للنظام السابق ... وبيواجهو ويحاربو لاخر نفس ... لازم كل دول يتصفو والنظام السابق هوا اللي يتهد تماما عشان نبدا نبني نظام جديد .. ومتقارنش مصر بالعراق !!! ولا باي بلد تانية ..!! زي مافي دول خربت بعد الثورات فيه دول تانية بعد الثورات بقت من اكبر الدول ف العالم .. ليه بتتوقع الاسوأ ؟؟

احنا دلوقتي ضد اي احتجاجات او اعتصامات خاصة بجهة معينة ف مصنع كذا او شركة كذا لان دا مش وقته نهائي ... بس دول مش جزء من الثورة .. دول اللي الناس كلهم لازم توجههم ان دا مش وقته والثورة قدمت مطالب اساسية عامة للشعب كله وبعدها نشوف المطالب الخاصة ... وانهم كده هيعطلو البلد ع الفاضي ... بس برغم دا بردو بقولك اتطمن واتطمن اوي كمان ان شاء الله الجاي كله خير ... بس المهم الثورة ماتنامش ويفضلو كل جمعة ينزلو بمظاهرات مليونية مش هاتعطل البلد ولا هتخرب ولا اي حاجة بس عشان تفكر الحكومة وقيادات القوات المسلحة ان الثورة لسه مانتهتش وانهم مستنيين تنفيذ الوعود وعشان يفكرو الناس ان الثورة لسه مانتهتش ولسه مستمرين لحد ماتتحقق كل المطالب وعشان يثبتو تحكمهم ف الشارع المصري وان الشعب هو صاحب القرار ودا مهم ف وجود ذيول للنظام السابق الفاسد ... :)

انا مقدر قلقك على البلد بجد :) ... بس انا بقولك اهو .. تفاااااااااااااائل و حط ف بطنك بطيخة صيفي :d :)

ربنا يستر بس لازم نعرف احنا بنعمل ايه
والجيش كان زكي لما قال انه مش هيعمل دستور جديد هيعدل الموجود بجد دي ضربه معلم
لان كانت هتطلع مشكله هتدخل مصر في بحر دم الجيش غبر المشكله دي بذكاء