مشاهدة النسخة كاملة : ملحوظه غايه فى الاهميه ارجو الرد!!!!!!!!!


mmagdy_81
16-02-2011, 08:19 PM
السلام عليكم ورحمه الله وبركاته

اخوانى المعلمين المساعدين احنا طبعا كلنا عارفين ان العدد اللى دخل امتحان الكادر حوالى 70 الف معلم مساعد

وان اللى اجتاز الكادر حوالى 63 الف تقريبا وان اللى استوفوا الشروط حوالى 43 الف تقريبا وده كله احنا عارفينه


لكن الملحوظه ان العدد ده هو اللى اتكلم عليه قبل كده احمد زكى بدر وقال ان دول اللى استوفوا الشروط وانهم هيتسكنوا والكلام ده وطبعا كان الشروط وقتها معروفه وكلنا عارفينها لحد ما خرج علينا وزير الماليه وقال خبر ال 3سنوات ده

طيب احنا كنا مستوفيين فى كل المحافظات وعددنا 43 الف معلم مساعد اللى ماضى عقده فى 1 وفى ناس فى 3 وفى ناس فى 7\2008

طيب لو شلنا من 43 الف دول اللى مر عليهم 3 سنواتفقط يعنى المحافظات اللى عقدها انتهى فى شهر يناير اللى فات , هل يظل العدد هو نفسه 43 الف وده تاكيد اخر على اننا لانخضع لقانون ال3 سنوات

ارجو ان تكونوا فهمتم قصدى وانا منتظر ردكم وشكرا

مصطفى1234
16-02-2011, 08:27 PM
ياجماعة المدرسين لا ينطبق عليهم نظام الثلاث سنوات المعلمين لهم قانون الكادر الذى يشترط ان يحل المعلم على التربوى ثم يعقد له اختبار فأن اجتازه يتم تثبيته ولا يشترط مده زمنيه فلا تعيشو نفسكم فى الوهم
هم ان ثبتو مش حيثبتو الا الذى استوفت فيه الشروط واعتقد انهم بيتلاعبو بالناس دية كمان
فنبطل سذاجة شوية الناس دية ياما خدعتنا خداع واحنا برضو مش بنتعلم

MMYR14
16-02-2011, 08:29 PM
موضوع الثلاث سنوات لا ينطبق علينا وينطبق علينا القانون رقم 155 لسنة 2007

mmagdy_81
16-02-2011, 08:37 PM
الاقتناع بدا الحمد لله انكم فاهمين كده

hishamhassan
16-02-2011, 08:42 PM
موضوع الثلاث سنوات لا ينطبق علينا وينطبق علينا القانون رقم 155 لسنة 2007



مظبوط الكلام

الحقيقة المرة
16-02-2011, 08:49 PM
فعلا تفسير صحيح
لا يمكن ومن المستحيل ان يصل عدد من اسوفى الثلاث سنوات ال 43 الف
اذن لا ينطبق على المعلم المساعد الثلاث سنوات

المليح
16-02-2011, 08:50 PM
انا مش عارف الدد مابيذدش ليه هو معقول 20 الف لحد الان ماخلصوش icdlما ظنش و ربنا يستر و ماتقاش في مشكله

mmagdy_81
16-02-2011, 08:59 PM
فعلا تفسير صحيح
لا يمكن ومن المستحيل ان يصل عدد من اسوفى الثلاث سنوات ال 43 الف
اذن لا ينطبق على المعلم المساعد الثلاث سنوات


جزاك الله كل الخير

وليد غربية
16-02-2011, 09:07 PM
السلام عليكم دة موضوعى اول ما سمعنا عن موضوع الثلاث سنوات ومدى تعرضى للنقد من الزملاء

http://www.thanwya.com/vb/showthread.php?t=285209 (http://www.thanwya.com/vb/showthread.php?t=285209)

اخوانى الأعزاء نرجو أن نفرق بين موضوع تثبيت جميع العماله الموقتة فى الحكومه
وبين التثبيت فى التربية والتعليم
التربية والتعليم بعد صدور قانون الكادر فى مجلس الشعب فلا يطبق علينا قانون الثلاث سنوات
بل القانون الى كلنا حفظناه وهو من يجتاز امتحان الصلاحية بعد عام من تعينه بالعقد ومن لا يستطع فا يمد له سنه اخر بعد سنتين من التعاقد يعنى كلهم ثلاث سنوات
ولذلك
من استطاع النجاح فى شهادة الصلاحية فى التربية والتعليم فاله الحق ومن لسه لم يستطع فا هيتاجل لحين حصوله على شهادة الصلاحيه
يعنى بالعربى احنا لا يطبق علينا شرط الثلاث سنوات

مصطفى محمد ص
16-02-2011, 09:19 PM
طيب يا جماعة اللي مر علية سبع سنوات وعقدة عقد عمل مؤقت من 2004 ما يثبتش علشان ما دخلش الامتحان ولا انتم كل واحد بيبص لمصلحتة ويفسرها زي ما هو عايز الامتحان ليس مياس للتثبيت ولكن للتسكين ولا علشان دخلتم الامتحان واتعينتم بالواسطة وامتحان بالغش مالوش اي لازمة وعايزين تاخدوا حق معلم متعين من سبع سنين بحجة الامتحان اللي دخلتوة بدون وجة حق وشكرا

وليد غربية
16-02-2011, 09:25 PM
طيب يا جماعة اللي مر علية سبع سنوات وعقدة عقد عمل مؤقت من 2004 ما يثبتش علشان ما دخلش الامتحان ولا انتم كل واحد بيبص لمصلحتة ويفسرها زي ما هو عايز الامتحان ليس مياس للتثبيت ولكن للتسكين ولا علشان دخلتم الامتحان واتعينتم بالواسطة وامتحان بالغش مالوش اي لازمة وعايزين تاخدوا حق معلم متعين من سبع سنين بحجة الامتحان اللي دخلتوة بدون وجة حق وشكرا

تصريحات احد مسئولى الوزارة حول التثبيت

http://www.youtube.com/watch?v=4YXWDj2iR34 (http://www.youtube.com/watch?v=4YXWDj2iR34)

وهو هنا بيوضح ان فيه فرق بين المتعاقدين لدى التربية والتعليم حيث انهم يتبعون القانون 155 والمتعاقدون بالجهاز الادارى الدولة فى اى وزارة او مصلحة حكومية اخرى فهم يتبعون القانون 147

يعنى قرار التثبيت بعد مرور 3 سنوات لا ينطبق علينا ولكن لابد من اجتياز الشروط الخاصة بقانون 155 لكادر المعلم

المشاركه السابقة كانت خاصة للاستاذ vip_ame


وبعدين يا استاذ مصطفى نرجو عدم التعميم لاننا معظمنا تعب وبردة اشتغلنا سنوات عديدة سواء كانو الثلاث سنوات او الى امتحن الكادرربنا يوفقنا اجمعين الموضوع للتوضيح مش علشان اى شى على فكرة علشان ما تقولش وسطه او اى شى انا خريخ 2004 بامتياز مع مرتبه الشرف من كلية التربية قسم فنون تشكلية جامعه حلوان

ahmed_2040
16-02-2011, 09:25 PM
الكلام الي بتقولولة ان شاء الله مظبوووووووووووط
بس حد يعرف اي معلومة عن القرار 53 الصادر امس

mmagdy_81
16-02-2011, 09:44 PM
طيب يا جماعة اللي مر علية سبع سنوات وعقدة عقد عمل مؤقت من 2004 ما يثبتش علشان ما دخلش الامتحان ولا انتم كل واحد بيبص لمصلحتة ويفسرها زي ما هو عايز الامتحان ليس مياس للتثبيت ولكن للتسكين ولا علشان دخلتم الامتحان واتعينتم بالواسطة وامتحان بالغش مالوش اي لازمة وعايزين تاخدوا حق معلم متعين من سبع سنين بحجة الامتحان اللي دخلتوة بدون وجة حق وشكرا

عيب الكلام ده يااستاذ محمد احنا كلنا زمايل ومحدش بيفسر حاجه على كيفه وليس نحن من وضعنا قانون الكادر انا كنت متعاقد من عام 2002 واعلم زمايل ليا من 98 تمام وعشنا ب 105 ج لحد ما ربنا كرمنا بعقد المعلم المساعد ولعلم حضرتك كان لينا زمايل بتقبض 275ج وعمرنا ما اتكلمنا عليهم كده


وبعدين عيب اى واحد من دول احق منك بالتعيين مش علشان الامتحان وبس علشان الناس ده فيهم ناس اتبهدلت وبتحلم بالتعيين من 10 سنوات فاذا كان فينا حداتعاقد بالواسطه زى ماانت بتقول فمش كل الناس كده لازم تعرف ان فيه اللى يستاهل وفيه اللى مش يستاهل والعمليه فى الاخر نصيب ورزق لازم ترضى بيه

انما لغه الكراهيه ده عيب عليك طيب ما الاساسين غشوا ونجحوا يعنى المفروض ان كل واحد يولع فى واحد اساسى ولا احنا مش بنشطر غير على بعض


عيب قوى وشكرا

ايهاب بدر الدين
16-02-2011, 09:46 PM
شكرا لتحليلك

وليد عبد العظيم بركات
16-02-2011, 10:44 PM
يا رب كل الناس تتثبت وميبقاش فى حاجة إسمها معلم مساعد أو بالأجر

عصام ahm
16-02-2011, 11:35 PM
اخوانى اخواتى امتحان الكدار وضع للترقى وليس للتعين كما يحدث مع اعضاء هيئه التدريس بالجامعات
لذلك لابد الفصل فى طلباتنا بين التثبيت لجميع المعلمين بدون شرط ثم نرى من يستحق الترقى ممن اجتاز الامتحان
ومن يستوفى الشروط يذهب ليمتحن وتتم ترقيته

مس رانيا حسن
16-02-2011, 11:43 PM
اخوانى
يجول فى عقلى امرين
هل الوزير يدرك وضعنا الحقيقى كمعلمين مساعدين
فا وضعنا يختلف عن غيرنا من المتعاقدين فى المؤسسات الحكومية الاخرى
الثانى
قد قيل من قبل
ليس معنى الحصول على رخصة مزاولة المهنة ( من معلم مساعد الى معلم )
التثبيت
فهو بمثابة ترقيه للمعلم المساعد
اخوانى لا اريد احباطكم وانما لانى اريد خلق مناقشة موضوعيه ومفيدة بيننا جميعا

ayman3body
16-02-2011, 11:46 PM
أظن ان الشروط هي المنصوص عليها في قانون الكادر وليس الثلاث سنوات

Mark 2011
17-02-2011, 04:28 AM
علي فكرة يا جماعة علي الاقل فوق ال 50 الف من 63 الف اللي اجتازو امتحان الكادر حصلو ا علي اى سي دي ال و معاهم تربوي ازاي العدد 43 الف ما زادش منذ ايام بدر الي الان

مسيو/ محمد
17-02-2011, 07:19 AM
فعلا تفسير صحيح
لا يمكن ومن المستحيل ان يصل عدد من اسوفى الثلاث سنوات ال 43 الف
اذن لا ينطبق على المعلم المساعد الثلاث سنوات

Mark 2011
17-02-2011, 08:04 AM
أظن ان الشروط هي المنصوص عليها في قانون الكادر وليس الثلاث سنوات
لو كان كلامك مضبوط فهل ال43 الف العدد اللى استوفوا الشروط المنصوص عليها في قانون الكادر ما زادش الى الان عن ال43 الف ليه العدد ده ثابت اكيد العشرين الف الباقين من وقت ما صرح بدر ب 43 الي الان اكيد نصفهم استوفى الشروط حاليا و لا العشرين الف دول وافقين محلك سرت
يعنى ممكن يكون عدد الي استوفى الشروط المنصوص عليها فى قانون الكادر فوق ال50 الف علي الاقل

ابن الأكرمين
17-02-2011, 09:08 AM
طيب بس يعينوا حد


ماهم عمالين يقولوا كلام في كلام

لاطلنا عنب اليمن ولا بلح الشام

يارب يعينوا كل اللي يستحق التعيين وان شاء الله محدش يزعل منحد