قصيدة يا بلدى-شعر إلهام صلاح
لما نقول بلدنا
قلوبنا تقول كمان
لما نقول عيالنا
تبنى وتقول سلام
لما نقول تعبنا
يعنى هنقدر ننام؟!!
**********
يا بلدى
إنت الأصيلة
شعرمليون جديلة
كل جديلة شبابك
إيديهم شابكة ف إيديكى
وسمارك لوهحكى عنه
ما تكفى مليون قصيدة
*********
يا بلدى
منك كانت بدايتى
وفيكى بداية ولادى
دمك
أقصد ده دمى
يجرى
يروى
يخضر
بحر تتوه فيه سفينة
*********
يا بلدى
سفنك يا غالية
هتوصل بر الأمان
أمان جبناه بتعبنا
وعملنا له بيبان
لو يوم الريح تعربد
يحفظ ذرات ترابك
سعد ,محمد,وجرجس
مسلم مسيحى يضحى
يجمع بينهم ميدان
رفعوا رايتك بإيدهم
دابوا ف حبك سيان
**********
وتفضل قلوعك تبحر
توصل بر الأمان
لبلدى مليون تحية
لبلدى مليون سلام:av4056bb7jp3:

ولسيادتك مليون تحية على هذه العاطفة الوطنية الصادقة المخلصة المؤمنة ،حقا إن حب الأوطان من الإيمان .

كل حضرتك ذوق نورت الصفحة بنقدك الرقيق

كلمات رائعة ومعانى جميلة
سلمت يداكى

أشكرك أستاذ طاهر على مرورك العطر

كلمات رائعة ..
والاروع العاطفة الصارخة التي احتوتها ..
بوركتِ غاليتي ..

اى الشاعرة الجامدة دى بس

كلمات حلوة جزاكِ الله خيرا

شكرا يا آلاء على ذوقك ونورت الصفحة

شكرا لك نقاء الروح وأنت الغالية ونورت

إيه الوطنية دى جميلة جدا وربنا يسدد خطا مصر بأبنائها المخلصين

أشكرك أستاذ ناصر والوطنية دى فى دم كل مصرى

ونورت