قصيدتى عن حال مصر كتبتها قبل الثورة


بلدى يا أم العجايب

فيكى كل المصايب

ودايما أملك خايب

حرامية: كلاب وشوية ديابة وتعالب

وكأننا عايشين فى غابه

والله عجايب !

الكلب لابس بدله

راكب ( همر ) وعنده عزبه

والديب فى حضنه دايماً

ماهى بلد العجايب

وتعلب كانن فى جحره

مستنى يوصل زى صاحبه

وفى الغابه كمان

عصفور وكروان وبغبغان

عصفور عايش ياكل ويطير

اهو حاله احسن من كتير

وكروان عايش يغنى لزمااان

وبغبغان جاسوس .. دايما كسبان

أما باقى الغابه

كلهم غلابه

فراخ وانافد

كتاكيت وارانب

راس مالهم أحلام بسيطه

لقمة عيش وعيشه نضيفه

وبقالنا كتير على نفس الحاله

فى بلد العجايب


القصيدة الثانية بعد الثورة المصرية

أنا مصري ..

أنا مصري رافع صوتى

راحت ايام سكوتى

غارت ايام ركوعى

وإهانتى وخضوعى

أنا مصري رافع رايتى

بالعلم والعمل هتعود كرامتى

يابلادى هشيلك فوق كتافى

واطوف بيكى

كل شق وكل بحر وكل وادى

اتحدى لأجلك أى غازى

وروحى تروح فداكى

خلاص يابلدى من السعادى

هقول أنا مصرى

وأعلمها لولادى


تهنئة من قلبى لكل المصريين على الثورة المباركة

احسنت يا مستر
الكلام
ده بجد يمس حياتنا اليوميه وما تحرمناش من الحاجات الجميلة دى http://www.google.com.eg/images?q=tbn:vgmZCII6ExS3LM::files.fatakat.com/2009/12/

شكرا يامستنرنا الكبير
شرفتنا بردك

بجد جميل والقصيدة التانييية رائعة بجد انا كلى فخر انى مصريييييييييية

جزاك الله خيرا

متى تعودى يامصر حرة