السلام عليكم ورحمة الله وبركاته

اخوانى المعليمن
غدا ان شاء الله
الاحد 20 فبراير موعد اعتصامنا كما اتفقنا عليه كل مدرس يغير على هذه المهنة
ولا يرضى عن الظلم والقهر الذى نعيش فيه

غداً اعتصامنا لن يؤثر على العملية التعليمية

اعتصامنا حق مشروح تكفله لنا الدولة ولكم الدليل من موقع القوات المسلحة على ذلك بكل حرية

http://img441.imageshack.us/img441/6197/18559819141464754545919.jpg

هذا دليل وقفتنا

وندعو الجميع للوقوف غداً بكامل قوتنا
فقط يوم واحد وبعدها لك مطلق الحرية
ارجوكم أن نجتمع مرة واحدة غداً على كلمة رجل واحد

وهذا البيان الرسمى للمعلم

http://img228.imageshack.us/img228/1846/18407020009197667014910.jpg

ولنرتدى جميعاً زى أسود حداداً على وضعنا

نتمنى أن ينتهى الحال قبل بدء الدراسة
فحتى الآن لم نسمع سوى فرارات متفرقة من محافظات مختلفة ولا دليل على ذلك ختى الآن
يوم اختبارنا فى الاكاديمة كانت المحافظات تختبر فى يوم واحد
هل يعقل ان يتم الآن التعيين بنشرات وهمية لمحافظات ومحافظات أخرى لا
أبداً لن نرضخ لهذه المسكنات فقط سئمنا

نأمل جميعاً أن نرى المعلم المصرى بكل فخر فى أكبر اعتصام سلمى يليق بالمعلم المصرى
والله الموفق

عندك حق بس مش شايف ان سقف الطلبات عالى حبتين خصوصا الغاء الاكاديمية رغم اننا وغيرنا استفدنا من الكادر ماديا كذلك لايتعلق الامر بنا فقط بل بالاساسيين ايضا
عموما شكلها كدة هترسى على كدة لان فعلا كلها شكلها مسكنات وهمية

الله الله يا بطل بس اياك ميحصلش اللي حصل المرة اللي فاتت وربنا معانا ان شاء الله يارب نكون ايد واحده وننزل كلنا لاسف الشديد انا من بلد زينب ومش هقدر اجيلكم بكره بس زي بعضه هتابع اخباركم وربنا معاكم وينصركم ولو فيه اقتراح ليه اعمل ايه ياريت تطرحوها عليه ايوه يا احمد ان شاء الله انت تستحق ان تكون نقيبا للمعلمين بس فيه مطلب انت عامله مش هيتحقق وهو حكايه الترقيه دون امتحان متهيقلي صعبه شويه

عندك حق بس مش شايف ان سقف الطلبات عالى حبتين خصوصا الغاء الاكاديمية رغم اننا وغيرنا استفدنا من الكادر ماديا كذلك لايتعلق الامر بنا فقط بل بالاساسيين ايضا
عموما شكلها كدة هترسى على كدة لان فعلا كلها شكلها مسكنات وهمية

أختى جارة الوادى سقف الطلبات لازم يكون بالشكل دا احتياطياً .. لأن الناس دى طبعاً لسا هتفاصل معانا
وعلى فكره احنا لو هنرفع يبقا نقول كمان حد أدنى للأجور 1200 جنيه انما احنا محددناش مبالغ

وبعدين انا والله معلم خلصت كل حاكة اى سى دى ال وتربوى بس لازم نقف معى زمايلنا فى المهمنة
وطلباتنا لازم تكون عامة وليست خاصة
فى النهاية لابديل عن الاعتصام

الله الله يا بطل بس اياك ميحصلش اللي حصل المرة اللي فاتت وربنا معانا ان شاء الله يارب نكون ايد واحده وننزل كلنا لاسف الشديد انا من بلد زينب ومش هقدر اجيلكم بكره بس زي بعضه هتابع اخباركم وربنا معاكم وينصركم ولو فيه اقتراح ليه اعمل ايه ياريت تطرحوها عليه ايوه يا احمد ان شاء الله انت تستحق ان تكون نقيبا للمعلمين بس فيه مطلب انت عامله مش هيتحقق وهو حكايه الترقيه دون امتحان متهيقلي صعبه شويه


فقط يا سيد دعواتنا للجميع بالحضور أمام الوزارة الساعة العاشرة صباحاً
يوم واحد وهو بكره ياريت نتعب فيه يمكن يكون السبب ونرتاح باقى عمرنا
فلات تتخاذل فى حق وظيفتك
زى ما رديت على الخت جارة الوادى اننا لازم يكون فى بعض بنودنا سقفها على .. انت ناسى ان الناس دى لسا هتفاصل معانا .. يعنى لازم بنود تترفض وهيا دى اللى احنا مزودنها ومفيش مشكلة ولو اتحققت يبقا احنا رحمنا الأجيال القادمة من الذل اللى احنا شفناه
اراكم غدا ان شاء الله
إلى القاهرة بنت المعز

يا احمد كلنا هنا فى قليوب اتفقنا مع عربية هنمشى كلنا ان شاء الله الصبح على الوزارة انا لسة مربط مع الناس دلوقتى
بس قولى الاول انت هتكون مع بتوع قليوب مكان شغلك ولا بتوع الشرقية موطنك الاصلى

يا احمد كلنا هنا فى قليوب اتفقنا مع عربية هنمشى كلنا ان شاء الله الصبح على الوزارة انا لسة مربط مع الناس دلوقتى
بس قولى الاول انت هتكون مع بتوع قليوب مكان شغلك ولا بتوع الشرقية موطنك الاصلى
حبيبى يابو الفاروق
ان شاء الله انا معاكم هركب القطار واقابلك هناك ان شاء الله

ويا جماعة دا تقرير عن احداث اعتصامنا الاربعاء السابق

http://www.thanwya.com/vb/showthread.php?t=287612

واقدر اقولكم تفائلو خيرا باعتصامنما غداً
فالعدد سيكون ضخماً
والنتيجة ان شاء الله متوقعة بالنجاح هذه المرة فلا تتخاذل وتخسر فرصة الاحتفال معنا

مفيش اعتصامات في اسكندرية ؟؟؟؟؟؟؟؟؟؟؟

ربنا معاكم يااااااارب

ونسمع في tv خبر تثبيت جميع المتعاقدين

والله ولي التوفيق

بكره هتولع
ومتنسوش سلمية
سلمية سلمية سلمية
وكل المحافظات تتجمع بكره بس أمام الوزارة
الساعة 10 صباحا
الناس اللى فى اسكندرسة والمنيا وغيرهم اتعبوا اليوم دا بس

وبكره ان شاء الله فى ناس شغالة فى التليفزين هتساعدنا فى الموضوع دا بمساعدة المجلس الأعلى للقوات المسلحة
.........

ربنا معانا كلنا وان شاء الله خير وكل واحد هيرفع راسه بعد غدا اتحادوا يا معلمين مصر

بكره هتولع
ومتنسوش سلمية
سلمية سلمية سلمية
الناس اللى فى اسكندرية والمنيا وغيرهم اتعبوا اليوم دا بس
.........





معاكم يا ريس باذن الله بكرة بس يا ريت تجمعولنا اكبر قدر ممكن من الاخوة المدرسين كفاية كدا!!!!:049gc0::049gc0::049gc0::049gc0::049gc0::04 9gc0:
:022yb4::022yb4::022yb4::022yb4::022yb4::022yb4::0 22yb4:
:022yb4::022yb4::022yb4::022yb4:
:022yb4::022yb4:
:022yb4:

اولا : اظنك وعدتنى يا استاذ احمد هنا وع الفيس ان كلنا فى مركب واحدة ( المتعاقدين والعاملين بالاجر )
ولا اري فى الطلبات ما يخص العاملين بالاجر !!! المركب اتقسمت ولا ايه ؟؟؟؟؟؟؟؟
يا جماعة احنا بالاجر اه بس لنا قدرنا برضو - انا مثلا تربيه انجليزى 2001 + دباومة خاصة + شهادات خبرة
يعنى بلاش نظرة الدونيه دى للاجر

ثانيا : انا وناس كتير متحفظين على الوقت دة بالذات لان البلد مش مستحمله يا جماعة
مش عاوزين المدرسين يظهروا بمظهر الانتهازيين

هذا ما اري ولكم القرار والله الموفق

ربنا يوفقنا ياااااااااااااااااااااااااااااااااااااااااارب وان شاء الله ليا الشرف اني اكون معاكم

اولا : اظنك وعدتنى يا استاذ احمد هنا وع الفيس ان كلنا فى مركب واحدة ( المتعاقدين والعاملين بالاجر )
ولا اري فى الطلبات ما يخص العاملين بالاجر !!! المركب اتقسمت ولا ايه ؟؟؟؟؟؟؟؟



انا عقد مؤقت زيك ابو 105 وكلنا فى مركب واحد اكيد وان شاء الله خير جميع الوزارت التانيه ثبتوا المؤقتين من غير شروط واحنا الوزارة الوحيده اللى ملهاش كبير

كثرة المطالب مش كويس
دية حاجات صعبة وخيالية مصر ما تقدرشى تستوعبها فى هذه الفتره
يجيب التركيز على تثبيت المتعاقدين والغاء ما يعرف بكادر المعلم
هذين طلبين سهلين يمكن تحقيقهما
اما كثرة الطلبات فسوف تصعب الأمر ولن تجدو احد يسمعكم

اولا : اظنك وعدتنى يا استاذ احمد هنا وع الفيس ان كلنا فى مركب واحدة ( المتعاقدين والعاملين بالاجر )
ولا اري فى الطلبات ما يخص العاملين بالاجر !!! المركب اتقسمت ولا ايه ؟؟؟؟؟؟؟؟
يا جماعة احنا بالاجر اه بس لنا قدرنا برضو - انا مثلا تربيه انجليزى 2001 + دباومة خاصة + شهادات خبرة
يعنى بلاش نظرة الدونيه دى للاجر
ثانيا : انا وناس كتير متحفظين على الوقت دة بالذات لان البلد مش مستحمله يا جماعة
مش عاوزين المدرسين يظهروا بمظهر الانتهازيين
هذا ما اري ولكم القرار والله الموفق

ونحن لم نخلف وعدنا بتاتاً
اقرأى مطالبنا
سوف تجد بها التثبيت للجميع وبدون شروط
ونحن نطالب بالغاء المعلم بالخصى والعقد الموسمى
والله المستعان

ربنا يوفقنا كلنا ونحقق مطلبنا بالتثبيت ده اهم حاجة

انا معاكم ان شاء الله

المدرسون يخرجون عن الصمت: اختبارات الكادر.. إهانة للمعلم ومتطلبات الجودة.. تستنزف مجهوده

خرج المعلمون عن صمتهم بشكل غير مسبوق معلنين مطالبهم المشروعة وحقوقهم وآرائهم في العملية التعليمية بكل صراحة.
أجمعوا علي أهمية مشاركة المدرس ولو بالمشورة قبل إدخال أي جديد علي العملية التعليمية من منطلق أحقية المعلم في ذلك باعتباره المتعامل الأول معها بشكل مباشر.
انتقد المعلمون بشدة نظام الكادر الخاص المطبق عليهم كشرط للتعيين أو وسيلة لرفع المرتبات حيث وصفوه بالروتين غير المُجد والذي يجب أن تشهد الفترة القادمة نهاية له نظراً لانتقاصه من هيبة المعلم أمام تلاميذه.
كما انتقدوا استمرار عمل هيئة الجودة بنفس الأسلوب العقيم الذي تعمل به حالياً.
أكد علي سلامة مدرس بالمرحلة الابتدائية أن السبب الأول لضياع العملية التعليمية هو تطبيق نظام الكادر الذي لم يحقق هدفه في منع الدروس الخصوصية ولم يمثل سوي مزيد من العبء والضغط علي كاهل المعلم دون جدوي فعلية له مشيراً إلي أنه أحد أوجه الروتين التي تعاني منها منظومة التعليم ككل والتي يجب إلغاؤها أو إيجاد بديل أكثر فاعلية يحفظ كرامة وهيبة المعلم أمام تلاميذه.
قالت نيفين منصور ــ اخصائية اجتماعية ــ إنها أدت الامتحان للحصول علي الكادر الخاص ورغم نجاحها فإنها لم تحصل عليه حتي الآن رغم مرور حوالي سنة كاملة علي الاختبار موضحة أن أكثر ما يعاني منه المعلم أو الإخصائي هو التعقيد البالغ في الشروط التي تضعها الوزارة كل فترة كنوع من التعجيز أمام المعلم حتي لا يستطيع الحصول علي حقه في التعيين أو الدرجة المالية الأعلي وهو ما يتضح من خلال الشروط العديدة التي وضعتها الوزارة في العامين الأخيرين وهما الحصول علي الرخصة الدولية لقيادة الحاسب الآلي والدبلوم التربوي ومؤخراً إزداد الأمر تعقيداً بإدخال شرط محو أمية من 10 إلي 15 فرداً لا تتدخل الإدارة أو الوزارة في تحديدهم لنا مما يجعلنا نقع فريسة لابتزاز بعض منتهزي الفرص الذين يطالبوننا بمبالغ مالية مقابل محو أميتهم بدلاً من أن يحدث العكس.
قالت أمل إبراهيم ــ مدرسة بالعقد ــ إنها لم تؤد الامتحان في الكادر رغم حصولها علي الدبلوم التربوي ورخصة قيادة الحاسب الدولية وفوجئت بشرط محو الأمية أثناء استعدادها لدخول الامتحان ولا تدري إلي متي ستضع الوزارة التعقيدات أمام المعلم في سبيل عدم إعطائه حقوقه المشروعة.
طالب سعد زكريا ــ مدرس بإدارة المطرية التعليمية ــ بإلغاء شرط اجتياز اختبار الكادر الخاص الذي يعد عقبة أمام المعلمين وأن يكون التعيين بدون أي شروط ووفقاً للكفاءة وسنوات العمل فقط وبالأولوية لمن يصلحون مشيراً إلي أن مرتبه لا يتعدي 280 جنيهاً فقط شهرياً.
اشتكت آمال أحمد ومروة غرام اخصائيين اجتماعيين من شرط اجتياز اختبارات الكادر رغم أنها لا تعمل في التدريس ولا يتطلب عملها الحصول أيضا علي دبلومة التربوي التي تستهلك مزيداً من المال والوقت مما يجعلها لا تستطيع توفيق الأوضاع في عملها وطالبت أيضا بإلغائها.
اعترض مصطفي أحمد وأيمن مصطفي علي تعسف المسئولين في تكثيف الإجراءات الروتينية والتي تتكلف مبالغ كبيرة وأبرزها الحصول علي الدبلوم التربوي كشرط للحصول علي الكادر علماً بأنه يستنزف وقتاً ومالاً يفوقان طاقة المعلم الذي يعمل بالعقد أو بالحصة ولا يتعدي المرتب الشهري له 110 جنيهات فقط مما يعني معاناة فعلية للمعلم علي كافة المستويات.
طالبت إيمان محمد مدرسة لغة إنجليزية بالأجر من 3 سنوات وتتقاضي 39 جنيهاً فقط ولا تحصل عليها إلا كل 3 أشهر وقد أدي نظام الكادر إلي عدم توافر الفرصة أمامهم للتعيين أو الحصول علي حقوقهم الكاملة وهو ما يرغبون في تغييره في الفترة القادمة من أجل إصلاح فعلي للعملية التعليمية لمصلحة الطالب في المقام الأول.
اتسعت ردود أفعال المدرسين لتشمل كافة الأمور المستحدثة علي العملية التعليمية في السنوات الأخيرة ومنها تطبيق نظام الجودة الذي رفضه البعض وطالب البعض بتعديل تطبيقه ليشمل صلب العملية التعليمية وليس الشكل الخارجي لها فقط والذي يهتم بالمباني التعليمية فحسب.
تري المدرستان أسماء عبدالكريم وسماح صلاح أن تطبيق الجودة في بعض المدارس لا يتم علي الوجه السليم له ولا يهتم سوي بالمظهر الخارجي للمدارس فقط دون الإلتفات للجوهر كما أنه يستهلك مزيداً من الأموال دون أن يكون هناك جودة فعلية في العملية التعليمية بما يفيد التلاميذ.
أضافت نرمين رمزي وميرفت أحمد ــ اخصائيتان ــ أن تطبيق الجودة في المدارس يحتاج إلي إعادة نظر بشكل أكثر واقعية بما يخدم مصلحة الطالب في المقام الأول وليس أي مصالح أخري فردية لأن هناك بعض مديري المدارس الذين ينتهزون الفرصة لنسب كافة الإنجازات لأنفسهم في حين أن حصول أي مدرسة علي الجودة لا يتم دون تضافر جهود كافة العاملين بالمدرسة لإنجاح منظومة العمل بشكل شامل.
تري منال عبدالعاطي مدرسة بالتعاقد أن الاهتمام بتحسين أوضاع المعلمين أولا يعد أكثر جدوي من تطبيق الجودة الشكلية التي تنادي بها الوزارة لأن المهم في العملية التعليمية هو المنتج التعليمي المتمثل في الطالب وليس في شكل المباني الخارجية أو الفصول فحسب.
طالبت علا محمد ــ مدرسة ــ بوضع المعلم في أولويات تصحيح العملية التعليمية بصفته حجر الأساس فيها وليس شيئاً ثانوياً فمثلاً يتم الاجتماع بالمدرسين علي مستوي الإدارات التعليمية للإستفادة بآرائهم في تطوير جوهر التعليم والمدخلات التي تطرأ عليه علي أن يتم رفع توصياتهم إلي المختصين بالوزارة وأخذها في الاعتبار والاستفادة منها لصالح التطبيق الأفضل لنظم التطوير في العملية التعليمية.
قالت مريم ميلاد مدرسة لغة إنجليزية إن الجودة لا تفيد الطالب في شيء وكذلك المعلم وأن إصلاح التعليم يبدأ من المناهج وليس من المباني والمعامل التي يتم تجهيزها بمبالغ طائلة وغالباً لا تستخدم بالشكل السليم لخدمة العملية التعليمية.
أضافت هالة عمر ــ مدرسة ــ أن تحسين أوضاع المعلم أهم بكثير من تطبيق الجودة التي تستهلك مبالغ طائلة ويتجاهل حقوق المعلم الذي يبذل المزيد من الجهد لتكون مدرسته مؤهلة للحصول علي الجودة لذا فإنه يجب إعادة النظر في شروط حصول أي مدرسة عليها حتي لا يكون الأمر إهداراً للجهد أو المال دون تطوير فعلي في جوهر العملية التعليمية.
واقترحت إيمان صبري مدرسة لغة عربية أن يتم التعديل في نظام تطبيق الجودة ليكون فاعلاً وحيوياً بحيث يفيد في تطوير التعليم وليس العكس لأن فكرته في الأساس جيدة ولكن التطبيق فقط هو ما يحتاج لمزيد من التعديل وإعادة النظر.
أكدت سماح صلاح ــ مدرسة ــ بضرورة التسوية العاجلة لأوضاع المعلمين والاتجاه لصلب التطوير الذي يشمل الأساس .

كل التحية لمن يغار على وظيفته ويسعى للرقى بها
سؤال للقلة المعاكسة
قامت الشرطة باعتصامها واخذت مطالبها ماذا حدث ؟
ياترى معملوش حساب الوضع اللى مصر فيه والكلام لباقى الوزارات بل كلها
جايين على المعلم اللى مرتبه أقل مرتب فى مصر
فوقو بقا
حراااااااااااااااااااااام وضعنا وذلنا والمهانة اللى بنشوفها فى مهنتنا
لازم نتحرك من أجل التغيير
وفى النهاية اعتصامنا سلمى .. ومصر فوق الجميع

ربنا معاك يا أستاذ أحمد ويوفقك وتحقق كل الطلبات بإذن الله

الله معك يا بطل الله معنا جميعا

احمد قلانة الله ينور عليك يااستاذ انا وكل المحافظات على مستوى الجمهورية على موعدنا غدا ان شاء الله وعلى اتصال بهم وكلهم يحضروا انفسهم ويحشدون المعلمين بكافة فئاتهم ليوم غد

ليكن يوم المعلم غدا 20/2


لنجعله يوم المعلم يوم الحرية يوم الكرامة يوم الحق

ربنا معانا جميعاً
مش نازل المكتب بكره ورايح الاعتصام

ومعاً ليوم اعتصام المعلم
......

احنا عملنا اللى علينا وبعتنالهم دعوة قبل اعتصامنا لإتخاذ قرار سريع بطلباتنا
فلا بديل عن اعتصامنا

أنصفوا المعلمين :-
لا يخفى عليكم الواقع المرير الذي عاشه معلمو مصر في السنوات الماضية وهذا الواقع متمثل في
1- عدم التقدير الأدبي من المجتمع علما بأن المعلم هو المعد والمجهز لأعظم ثروات الدنيا ألا وهي الثروة البشرية
2- عدم التقدير المادي الذي لا يجعل من المعلم شخصا سويا مما يجعله يلتفت إلى ما يسئ إليه أو إلى مهنته الشريفة

فان المعلمون الشرفاء لهم مطالب نتمسك بها ونحرص عليها حتى تعود للمعلم منزلته في المجتمع وحتى يستطيع أن يؤدي دوره المنوط به على الوجه الأكمل ونرجو من سيادتكم عرضها على المسؤلين عملا بالحد من الاعتصامات والقيام بتسييرالعمل وعدم المساهمة في ظاهرة الفوضى




مطالب المعلمين الأساسية :-
1-التأكيد على كرامة المعلم وأنه أساس نهضة الوطن الحقيقية.
2-تعيين وزير تربوي متخصص مدرك لمتطلبات مستقبل الوطن.
3-حل مجلس النقابة فوراً وإقالة السيد /كمال سليمان وعمل انتخابات حرة ونزيهة.
4-التحقيق في الفساد المالي والإداري في النقابة والوزارة حيث تضيع المليارات من أموال الوطن، ونهيب بكل شريف التقدم بأي مستندات تخص الفساد للجهات المختصة.
5-تطبيق مراحل الكادر (الوهمي المتأخرة على الجميع وبدون استثناءات
6-رفع مكافأة الامتحانات إلى 500 يوم كما كان ينوي بعض الوزراء الشرفاء.
7-تثبيت العاملين بالأجر (مدرس- إداري- عامل.
8-رفع المعاش الشهري والنقابي ليكون على أخر مرتب وقت الإحالة للمعاش أسوة بالعاملين في الوزارات الأخرى.
9-رفع مكافأة نهاية الخدمة أسوة بوزارة الداخلية والبترول والخارجية
10- إلغاء امتحانات الكادر وتكون الترقية بعد الحصول على تدريب فعلى للانتقال إلى المستوى الأعلى
11- ضرورة نقل المعلمين العاملين خارج محافظاتهم لجمع شمل الأسرة ورفع العناء المادي والبدني والنفسي عن كاهل المعلم حتى يبدع فى مجاله.
12- تحسين الوضع المالي والاجتماعي للمعلم برفع راتبه ليتساوى مع القضاة وأساتذة الجامعات والبترول والاتصالات على أساس أن المعلم هو من يبنى العقول
13- منح الدرجات المالية لمن يستحقها بالمثل كجميع موظفي الدولةحيث يعاني الآلاف من عدم حصولهم على درجاتهم المالية بداعي الكادر الخاص للمعلمين وقد تم إيقافها منذ عام 2009 وكأن المعلمين لم يعودوا من موظفي الدولة
14- إلغاء تقيد المدارس بنسبة ما لعدد الناجحين للقضاء على ظاهرة الغش نهائيا

توكلنا على الله و ربنا يوفقنا كفانا ذل ومهانه ....اكتر من خمس سنين بهدله
اخصائيه اجتماعيه من اسوان ....وبالمناسبه هو موقعنا ايه بالظبط من الاعتصام والتعيين كأخصائيين ؟؟؟؟؟؟؟؟؟؟؟؟

عودة الانصبة الي ماكانت عليه قبل امتحان الكادر اللعين

جروبنا على الفيس بوك

الجروب الرسمى والأول لـ معلمى مصر (http://www.facebook.com/#%21/group.php?gid=198350450045)

الدقهلية وراك غدا

الدقهلية وراك غدا
مرحبأ بكل أهل الدقهلية وكل المحافظات ايد واحدة

انا اتفقت مع 15 من زمايلنا من المنوفية والكل جاى على الوزارة بكرة
المطلب الاول والاساسى الغاء قانون الكادر
مش عاوزين نسمع عنه ولا حتى فى طبق اليوم
والتعيين الفورى للكل سواء عقد مميز او مكافاة شاملة التعيين الفورى

انا وزمايلى مستعدين نبات امام الوزارة لمدة شهر وعاملين حسابنا اننا هنبات امام الوزارة الى ان يتم الغاء قانون الكادر ده

انا اتفقت مع 15 من زمايلنا من المنوفية والكل جاى على الوزارة بكرة
المطلب الاول والاساسى الغاء قانون الكادر
مش عاوزين نسمع عنه ولا حتى فى طبق اليوم
والتعيين الفورى للكل سواء عقد مميز او مكافاة شاملة التعيين الفورى

انا وزمايلى مستعدين نبات امام الوزارة لمدة شهر وعاملين حسابنا اننا هنبات امام الوزارة الى ان يتم الغاء قانون الكادر ده

هما دوول رجالة المنوفية
يا الف مرحبا بمعلمين المنوفية
ايوا كدا هو دا الشغل ولا بلاش
تعالى وجيب زمايلك معاك
ولا هنستنى نشحت على الوزارة الفقرية دى
حسبى الله ونعم الوكيل فى كل فاسد
حقوقنا ولازم نطلب بيها

الهمة يارجالة وعايزين العاشرة صباحا نكون كلنا هناك

معا لنجعله يوم التعيين
معا لنسترد كرامتنا
معا لنستعيد حقوقنا المسلوبة
معا لنلغى قانون الكادر
معا لاقالة كل وكلاء الوزارة ورموز الفساد فى كل المحافظات





معا الى الوزارة
..................

شمال سيناء معكم
انا معلم بشمال سيناء ارجو من الاخوه ان لا تقتصر مطالبهم علي التعيين والجانب المادي فقط بل وتشمل تطوير العمليه التعليميه كلها

يارب يارب بس الكلام يكون مترتب عشان محدش يقول دول شوية عيال ناخد صابونة لازم لافتات ونظام
الله المستعان وعلية التكلان (يا تربية ياتعليم عايزين عقد مستديم)



ممكن عنوان الوزارة بالتفصيل عشان انا من شبرا ومعى عدد كبير من المعلين نود المشاركة ولو ممكن رقم موبيل حتى يمكننا التواصل غدا ان شاء الله

اعتصامنا هوالحل لتحقيق مطالبنا ان شاء الله

لو سمحتم العنوان

يارب يارب بس الكلام يكون مترتب عشان محدش يقول دول شوية عيال ناخد صابونة لازم لافتات ونظام
الله المستعان وعلية التكلان (يا تربية ياتعليم عايزين عقد مستديم)



ممكن عنوان الوزارة بالتفصيل عشان انا من شبرا ومعى عدد كبير من المعلين نود المشاركة ولو ممكن رقم موبيل حتى يمكننا التواصل غدا ان شاء الله



اركب المترو وانزل محطة سعد زغلول
هتكون بجوار الوزارة

اشكر يا استاذى وجزاك الله خيرا (وقل ادعونى استجب لكم) صدق العلى الاعظم

ربنا معاكم ياشباب وان شاء الله ربنا هينصرنا عليهم وهناخد حقوققنا كامله بكره
التعين لجميع المعلمين المساعدين والمعلمين بالاجر ( جميع المعلمين)... وبدون شروووووووووط
غدااااااااااااااااا .......... سوف ترد كرامتنا .... ونستعيد لانفسنا مجدا .... يتشرف به ابنائنا ..
اخوكم ابراهيم معلم مساعد .... الاقصر ... تعاقد 1/1/ 2009 ..

يا جماعه حرام عليكم انتو مش كان مالبكم نتخلص من حكومه الفساد واهي غارت كلها انتو فاكرين البلد هتتحرك بعصايه سحريه اتقوا الله بقي وبطلو تركبو الموجه وادوا البلد وقت تقف علي رجلها

حراااااااااااااااام عليكم والله الثورة لما قامت طالبت بالعداله والمساواة اصلا حرام الي بيحصل ده بتعملو مظاهرات تاني ليه

الله ينور علينا كلنا وربنا معانا وينصرنا . ونحتفل ان شاء الله قريب جدا . بس كان نفسى نزود مطلب ارجاع امر التكليف من تانى

حراااااااااااااااام عليكم والله الثورة لما قامت طالبت بالعداله والمساواة اصلا حرام الي بيحصل ده بتعملو مظاهرات تاني ليه
واضح انك دخلت الصفحة دى غلط