كتب - مصطفى مخلوف:
يبدوا أن إصرارهم لن يهدأ.. وعزيمتهم لن تخمد.. وصبرهم لن ينفذ.. ومظاهراتهم المليونيه مستمرة، حتى تتحقق مطالب الثورة كاملة، كما أكد شبابها.
ففي دعوة لمليونية جديدة، بميدان التحرير الثلاثاء 22 فبراير، أكد الالاف من شباب ثورة 25 يناير أن المليونيه تهدف إلى إسقاط حكومة شفيق، وتطالب بتشكيل حكومة تكنوقراط جديدة.
وقال الشباب في الدعوة التي نشروها على الفيس بوك " هنرجع تانى ميدان التحرير، وهنفضل قاعدين فيه، المجلس الأعلى سايب حكومة مبارك تعمل اللى هى عايزاه، والاتحاد الأوروبي ريقه نشف عشان يطلبوا تجميد أرصدة مبارك، والفريق شفيق عمال يوعدنا بأمال وأحلام وخلاص، الثورة لم تخمد و لن تهدأ"
وأشار الشباب إلى ان عودتهم للتحرير، هدفها، تشكيل حكومة تكنوقراط جديدة فى أسرع وقت، وتجميد أرصدة مبارك و عائلته فى الداخل وطلب تجميدها فى الخارج.
وقال المشاركون في الدعوة إن " المعركة الآن أعنف و أطول، لقد قام الشباب بفصل الرأس عن الجسد؛ ولكن الجسد ما زال يتحكم فى كل شئ ، و يأخذ أوامره من الرأس المفصولة"
يذكر أن الحكومة التكنوقراطية، هي الحكومة المتخصصة غير الحزبية التي تتجنب الانحياز لموقف أي حزب كان وتستخدم مثل هذه الحكومة في حالة الخلافات السياسية، ومعنى تكنوقراط حكم الطبقة العلمية الفنية المتخصصة المثقفة.

مش معقول والله
لازم يا جماعة نديهم فرصة
مش معقول من يوم وليلة وعاوزين الدنيا حالها يتصلح
نديهم فرصة اكبر
كل ما بنتظاهر الدنيا امورها ببتعقد اكتر واكتر وبنعمل ربكة اكتر واكتر
وبعدين التظاهر موجود فى حال لو متنفذش شىء
لكن انا رايى الصبببببببببببببببببببببببببببببر

يعنى لو حد مننا مكانهم كان هيصلح كل شىء فى يوم وليلة كدا ؟؟؟؟؟؟
معتقدتشى

وأنا هبقى موجود يو الثلاثا إن شاء الله
والعدد هيبقى اتكثر من مليون
طلبة الأقاليم فى الطريق
لماذا لا يفرجوا عن المعتقلين السياسيين بعد ؟؟

انا بس عايزه اعرف الجيش مش بيكلم الشعب ليه؟ ويفهمنا النقط اللي مضيقانا

وبعدين الصفحه بتاعتهم علي الفيس بوك وظيفتها ايه ؟ مش يشوفوا الناس عايزه ايه؟
كمان اللي اعرفه ان الشباب عرضوا علي الجيش اسماء للوزاره مقبوله للشعب ليه مش بيبدلوا الناس ؟وايه هي وجه الصعوبه في الموضوع حد يدخل كده علي صفحتهم ويجرب يمكن التعليق مش يتحذف لاني علقت والتعليق اتحذف بتاع تغيير الحكومه

:giljotiiniug3:
مازال الرئيس يحكم :049gc0:

مبارك يحكم مصر من شرم الشيخ

لفظة التخلي عن الحكم اي ترك الحكم والعودة مرة لة اخري :bosyht9:


الرئيس مذاكر للغه عربية صح :stickjo4:

هدوء وانتظار لو حد فيكم عنده حلول جذرية وسريعة يعرضها علينا ونشوف هتعملوا ايه فى ايام

يجب ننتظر ونهدا شوية

انا شايف ان شفيق رجل محترم
المفروض عليه يغير الوزراء المكروهين
والمفروض علينا ننتظر

وأنا هبقى موجود يو الثلاثا إن شاء الله
والعدد هيبقى اتكثر من مليون
طلبة الأقاليم فى الطريق
لماذا لا يفرجوا عن المعتقلين السياسيين بعد ؟؟


جمييييل !!

مفيش فايدة

وانا وكل عائلتى هنكون موجودين
الشعب يريد اسقاط الحكومه

وكما كنا فى الاسكندرية

اخربو البلد و ارجعو قولو احنا مصريين
ايه يا جماعة ؟ده ربنا خلق الدنيا في ست أيام
و تلاقي اللي بيدعو للمظاهرات دي عجبتو اللعبة و خلاص و تلاقيه مدايق من حاجه و عايز بفرغ الكبت اللي جواه في اي حاجة يزعق فيها و خلاص
اصبرو يا جماعة
الصبر مفتاح الفرج

اخربو البلد و ارجعو قولو احنا مصريين
ايه يا جماعة ؟ده ربنا خلق الدنيا في ست أيام
و تلاقي اللي بيدعو للمظاهرات دي عجبتو اللعبة و خلاص و تلاقيه مدايق من حاجه و عايز بفرغ الكبت اللي جواه في اي حاجة يزعق فيها و خلاص
اصبرو يا جماعة
الصبر مفتاح الفرج

تماااااااااااااااااااااااااااااااام

انا شايف ان شفيق رجل محترم
المفروض عليه يغير الوزراء المكروهين
والمفروض علينا ننتظر

المفروض نعطي المجلس الأعلى للقوات المسلحة والفريق أحمد شفيق الفرصة
تم نرى ماذا سوف يعملون ونحن نحكم بحسب العمل

اخربو البلد و ارجعو قولو احنا مصريين
ايه يا جماعة ؟ده ربنا خلق الدنيا في ست أيام
و تلاقي اللي بيدعو للمظاهرات دي عجبتو اللعبة و خلاص و تلاقيه مدايق من حاجه و عايز بفرغ الكبت اللي جواه في اي حاجة يزعق فيها و خلاص
اصبرو يا جماعة
الصبر مفتاح الفرج
هو ده الكلام المظبوط
وهما مش هايهدو ولا يتهدوا الا لما البلد تخرب
ربنا يستر;)

نفسى الجيش يعمل انقلاب عسكرى بجد
يلغى كل حاجة ويعمل زى عبدالناصر زمان عشان الرجالة عايزين البلد تتخرب اكتر مااتخربت
الكل عاوز يتعين الكل عايز فلوس من غير تعب والله البلد ماهى هينصلح حاله الابالحكم العسرى بجد
بجد حكومه عسكرية عشن الكل يتخرص والبلد تفوق

كفي هذا
عايزين استقرار

أيه الكلام الفارغ ده هى اللعبة عجبتهم ولا أيه هو احنا ها نفضى نفسنا ونعطل البلد بالكامل ونقعد فى ميدان التحرير ... الناس بطلت تشتغل .... ما حدش عمل كده فى الدنيا أبدا ده حتى الحروب بتقف والطرفان المتحاربان بيدخلا فى مفاوضات بتاخد وقت وربما سنين واحنا مش فى حرب ... لازم نهدأ شويه علشان البلد حالها يمشى شويه .. اعملوا أهمية شوية للناس اللى محتاجة لقمة العيش باليوم .. انتم كده بتجوعوهم ... انتظروا شويه.

انتو ناس عايشين على القمر ومش فاهمين حاجة الفريق شفيق لو مؤمن بالثورة ومتفق معها كان من البداية الف حكومة من ابناء البلد المخلصين المتخصصين فى مجالهم ( تكنوقراط ) لكن الفريق شفيق يحاول الالتفاف على الثورة ويعمل على عنصر الوقت حتى يدفع الجيش بمرور الوقت للانقلاب على الشرعية ويفرض رئيس يحقق له وللحزب الوطنى بعض الامال ويحافظ على الرئيس المبجل الذى اقسم أن شفيق على ولاء له ولاسرته الى أبعد الحدود وليس ولاؤه للشعب المصرى