سلام عليكم
من الآخر كدا ونخش فى الموضوع طوالى
وركز معايا انت وهو وهى
النهارده طبعا كان يوم حافل وعظيم
رحنا النهارده للوزارة
ومش عايز اقولكم عاللى شوفته هناك .. عشان اللى شفته ميتوصفش وميتقدرش
شفت حاجات حلوة قوى والله
وانا رايح على اول شارع الوزارة لمحت كام معلم كدا
طبعا استغربت
الناس دى بتعمل ايه هنا وسايبين شغلهم ليه
اكيد فى حاجة غلط
ماهو ياما انا رحت متأخر و الناس دى خلعت بدرى بدرى وقلبوا على ماسبيرو
يا أما مش عارف
من الاخر كل الموجود مكنش يكمل 50 واحد وطبعا بلافخر
ومش عايز اقولكم كنت سعيد قد ايه
المهم رحنا وكام واحد صلينا الظهر فى الجامع ورجعنا لقينا العدد بسم الله ما شاء الله زاد وبقا بالصلى على النبى كدا يخشولهم على 100 واحد
رجع بيا طبعاً شريط الذكريات بكل رد قريته ادامى على شاشتى المنكوبة اللى قدامى دى
وقلت يااااااااااااااه
أمال فين الناس .. راحت عليها نومة ولا ايه .. ولا يمكن عندهم ماتش بلايستيشن
المهم ال 100 اللى اتلمو من هنا ومن هنا
رحنا على رئاسة مجلس الوزراء
والقوات المسلحة فوضت مننا 7 افراد باختيارنا طلعو للبهوات فى التكييف عشان يطلبو بمطالبنا
وزى ما راحت بتعة زى ما رجعت

طبعاً فرحونا بان الجماعة اللى فوق بتوع التكييف فتحولنا ملف عشات طلباتنا
وهيتعرض على سعادة البيه رئيس الوزراء النهارده

بينى وبينكم زعلت قوى والله على الملف اللى فتحوه خسارة والله كانوا استنفعوا بيه فى حاجة تانية افيد ..
واحنا أصلاً منستحقش منهم كل الاهتمام دا

نيجى بقا لتوثيق الاعتصام واحتفالاتنا
طبعا المرة اللى فاتت نزلتلكم صور للاعتصام بتاعنا وتصوير فيديو كمان
مظبطكو والله
بس النهاردة بقا بصراحة من كتر ما كنت مشغول معرفتش اصور
وبعد الموقف العظيم دا جت علينا الساعة 4
قررت انا وصاحبى وحبيبى واخويا محمد أبو فتحى اننا نحتفل باليوم العظيم دا
يوم الكرامة صحيح
خدنا بعضنا وطلعنا على ميدان التحرير واحتفلنا هناك بثورة مصر
ثورة كل المصريين
لا المعلمين
وياريت بعد كدا
محدش يتكلم عن اعتصامات تانى ولا غيره
ريحو نفسكم وروقو كدا ورشو ميه
كل اللى تقدرو عليه كلام ورا شاشة مخبياكم
وتيجو فى آخر اليوم تسألونا
ها عملتو ايه ؟؟
طمنونا فى تثبيت ولا مفيش ؟؟
العصر دا خلاص انتهى
اللى عايز حاجة يروح يدور عليها
ولا اقولكم كبرو مخكم على رأى الريس حسنى مبارك وارضو
باللى انتو فيه وربنا قسمهولكم
ومحدش يشتكى حاله لغيره
واللى له نصيب فى حاجة هايشوفها
فى النهاية بس أنا عايز أشكر كل الناس اللى حضرت الاعتصام النهارده وليهم منى كل تحية وتقدير

وعلى فكره انا ومحمد صاحبى من الشرقية يعنى المشوار مكنش سهل علينا
كان فى ناس كتير تقدر تساعدنا بأكتر من كدا بس للأسف كانوا بياكلو رز

نصيحة من اخوكم
انسوا كدا الموضوع دا ويلا بينا نحتفل بثورة مصر
واخرجو واتفسحو وفككو من الجو اللى انتو عايشين فيه ع الفاضى دا
يلا اشوفكم على خير

ودا كان حالنا بعد الإعتصام
http://img52.imageshack.us/img52/5328/87015563.jpg




http://img262.imageshack.us/img262/3189/25022219.jpg

http://img832.imageshack.us/img832/7392/42160581.jpg
http://img135.imageshack.us/img135/6403/photo0365v.jpg

http://img822.imageshack.us/img822/1209/25986995.jpg


وإن شاء الله المرة الجاية هبقا اشارك معاكم بس مش فى اعتصامات ولا كلام فاضى
ولا هوجع دماغى واشغل بالى الموقع قفل ولا فتح واقعد مستنى سعادته

لما نتثبت ان شاء هادخل ونقول ألف مبروك

الحمد لله علي سلامتك

عندك الف حق
احنا المفروض نضرب با .........

والله العظيم انت زى العسل والشربات كمان
بس من اجدع المعلمين المساعدين اللى قرأت لهم
وانا على الرغم من انك اثرت فيا بكلامك بس انا من الاول لم
اشارك فى فكرة الاعتصام .......... لعدة اسباب مش وقت سردها خالص
انا اتاثرت بكلامك وزعلت جدا جدا من الموقف المحرج دا ..............
لكن انا لما شفت مجموعة الصور اللى زى العسل فرحت واهو انت طلعت بحاجة
قبل ما كل مطالبك تتحقق .................وشكراااااااا ............................

هههههههههه معلش يا استاذ احمد
صورك منورة والله بقولك مش عايز عروسه

اتقوا الله بقي
هي الثورة لما قامت قامت عشان مصر كلها ولا قامت عشان فئه معينه
الثورة قامت وكان هدفها حريه وعداله اجتماعيه وشغل وكل حاجه
مالوش لاازمه اعتصامات ولا مظاهرات دلوقت
والحمد لله انهم 100 بس ويمكن اقل كمان
اتقوا ربنا بقي مصر اولاااااااااااااااااااااااااااااااااااااااااا والصبر

تفكيركم محدود قوي انت لخصت مشكله التعليم كلها ان العقود تتثبت وخلاص كده ؟؟؟؟
طب م ا نت عندك مدارس شكلها يقرف ومفيهاش مقاعد
عندك حصص ممكن توصل ل 30 حصه ف الاسبوع وضغط عليك ملوش اي لازمه
عندك منهج اصلا عاوز يتغير
عندك يوم دراسي طويل وملل من غير اي استفاده

احمد والله محدش ينكر الدور اللي انت قومت بيه بس انت والله كنت في الاعتصام وربنا كرمنا الساعه 11 الصبح وخلاص ياريس القرار53 بتاع التعيين طلع ويارب تكون وصلتك الرساله بتاع التهنئه ويلا ياعم علشان ندور انا وانت علي عروسه احسن من الوش والاعتصامات والف مبروووووووووووووووووووووووووووووووووك

علي فكرة اخي الفاضل انا الحمد لله شاركت في الاعتصام بس كنت واثق ان مفيش ولا مدرس هيحضر لان بالفعل الفئه الوحيدة في المجتمع اللي محضرتش بقوة هي فئة المدرسين موش عارف ليه رغم انهم ما شاء الله يعني عددهم كبير انا بفضل الله شاركت في الاعتصام وكان نفسي اكتب لافته باسم المنتدي علشان نجمع بعضنا لكن فعاليات الاعتصام كانت رائعه وجعلتنا مش قادرين نغمض عنينا ربنا يقدر لنا الخير حيث كان وجزاكم الله خير

مش عارف اقولك ايه يامحمد بس فعلا
السلبية
السلبية
السلبية

تخرج من اى حد الا المدرس

اخى اللى اللى قال الثورة قالت تغيير حرية عدالة اجتماعية ..ايه الذكاء ده انت جاوبت على نفسك دلوقت

الثورة لم تكن سياسية فقط

فوقوا بقى

الثورة مقلتش الريس الدستور مجلس الشعب


ومين قال مطالبنا فئوية ....مطالبنا كانت كثيرة والوقوف فى حد ذاته يعنى الكثير لك كمعلم مطالببحقوقك بأعلى صوتك

بس اوعدك يااحمد وانت معايا على الجروب ان مطالبنا هتحقق والله العظيم هتتحقق

وانا وانت وربنا شاهدين واخوانا السلبيين بالمرة

اخ احمد للاسف احنا اللي فالوا لينا زمان ايها الراقدون تحت اتراب

الحمد لله علي سلامتك

الله يسلمك ياريهمسة

عندك الف حق
احنا المفروض نضرب با .........

بالراحة :slap1qk6::slap1qk6::slap1qk6:

والله العظيم انت زى العسل والشربات كمان
بس من اجدع المعلمين المساعدين اللى قرأت لهم
وانا على الرغم من انك اثرت فيا بكلامك بس انا من الاول لم
اشارك فى فكرة الاعتصام .......... لعدة اسباب مش وقت سردها خالص
انا اتاثرت بكلامك وزعلت جدا جدا من الموقف المحرج دا ..............
لكن انا لما شفت مجموعة الصور اللى زى العسل فرحت واهو انت طلعت بحاجة
قبل ما كل مطالبك تتحقق .................وشكراااااااا ............................

مش عارف أقولك ايه
بس على رأيك أدينى طلعت بحاجة

هههههههههه معلش يا استاذ احمد
صورك منورة والله بقولك مش عايز عروسه


المعلش للمعلمين الحلوين
واحجزيلى اخت هيما بالمرة اهو تتربى على ايدينا ويادوبك نلحقها


اتقوا الله بقي
هي الثورة لما قامت قامت عشان مصر كلها ولا قامت عشان فئه معينه
الثورة قامت وكان هدفها حريه وعداله اجتماعيه وشغل وكل حاجه
مالوش لاازمه اعتصامات ولا مظاهرات دلوقت
والحمد لله انهم 100 بس ويمكن اقل كمان
اتقوا ربنا بقي مصر اولاااااااااااااااااااااااااااااااااااااااااا والصبر


الراجل دا بيقول كلام زى الفل والله
بس تقول لمين ؟؟؟


احمد والله محدش ينكر الدور اللي انت قومت بيه بس انت والله كنت في الاعتصام وربنا كرمنا الساعه 11 الصبح وخلاص ياريس القرار53 بتاع التعيين طلع ويارب تكون وصلتك الرساله بتاع التهنئه ويلا ياعم علشان ندور انا وانت علي عروسه احسن من الوش والاعتصامات والف مبروووووووووووووووووووووووووووووووووك


الكرم كرم ربنا .. بس للأسف يا سيد مش حاسس للقرار دا بأى طعم
بعيد عنك مكتوبلنا نبقا متبعترين

علي فكرة اخي الفاضل انا الحمد لله شاركت في الاعتصام بس كنت واثق ان مفيش ولا مدرس هيحضر لان بالفعل الفئه الوحيدة في المجتمع اللي محضرتش بقوة هي فئة المدرسين موش عارف ليه رغم انهم ما شاء الله يعني عددهم كبير انا بفضل الله شاركت في الاعتصام وكان نفسي اكتب لافته باسم المنتدي علشان نجمع بعضنا لكن فعاليات الاعتصام كانت رائعه وجعلتنا مش قادرين نغمض عنينا ربنا يقدر لنا الخير حيث كان وجزاكم الله خير


ياباشا انا عارف ومقدر موقفك الصدمة كانت كبيرة
واحنا يكفينا اننا عملنا اللى علينا وقلنا رأينا
نسيب الباقى بقا على ربنا

بس اوعدك يااحمد وانت معايا على الجروب ان مطالبنا هتحقق والله العظيم هتتحقق

وانا وانت وربنا شاهدين واخوانا السلبيين بالمرة

والله يا محمد مش عارف ؟
بس كان عندى الناس كلها تعارض أرحم
يا راجل داحنا هناك أدام مجلس الوزراء اختلفنا ولا اللى مش معلمين
اسكت ياراجل بلاش فضايح
هنخيى ليه هيا دى الحقيقة
اذا كان لحد دلوقتى
ناس تقول الاربعاء وناس تانية تقول الخميس
صلى ع النبى

وياريتهم يثبتوا عكس كدا

اخ احمد للاسف احنا اللي فالوا لينا زمان ايها الراقدون تحت اتراب


هههههههههههههه
انت وصفت حالنا فى سطر واحد .. بكلمة حق ..


معلش ياجماعة كلامى قاسى شوية
بس دى الحقيقة ولازم أقولها عشان أرتاح
وكل واحد أخطأ لازم يتحمل نتيجته وكل معلم قصر مع زمايله لازم يعرف أخطأ فى حق نفسه


:slap1qk6::slap1qk6::slap1qk6:

مفيش دلوقتى غير قرار صعب ادامكم

تحدوا أنفسكم
وربنا يوفقكم

انت رايح تاخد صور تذكارية في الميدان بعد ما المولد فض انتا سائح ولا ايه ان نفسي اسالك سؤال لما الصفحه بتاعه معلمون معتصمون اتقفلت انتا اختفيت ليه وخلتنا نسال عليك كنت خايف يا ماااااااااااان ولا ايه مجرد اسفسار

بسم الله الرحمن الرحيم
السيد رئيس مجلس الوزراء
بعـــد التحية .....
مقدمه لسيادتكم المعلمين في جميع أنحاء الجمهورية مطالبين سيادتكم

بعـدة مطالب وبياناتها كالآتي :
1- رفع الحد الأدنى الأجور إلى 1500 جنية وترقية المعلمين للدرجات المالية الأعلى وفقا لقانون كادر المعلمين وقانون العاملين بالدولة .
2- لا يقل المعاش عن 2000جنية .
3- عمل كادر خاص للإداريين والعمال والمشرفون ومساواتهم بالمعلمين .
4- إقالة نقابة المعلمين الحالية .
5- تعينات جديدة للشباب وخاصة المعلمين وذلك لسد العجز .
6- عدم مد سن الإحالة للمعاش إلى 65 سنة لإتاحة الفرص للشباب .
7- مساواة التربية والتعليم في المرتبات والبدلات بوزارات .( العدل - البترول - الكهرباء - الضرائب - هيئة مياه الشرب والصرف الصحي)
8- الرفع عن كاهل المعلم وعمل تعينات جديدة .
9- فتح باب الترقيات لخريجي المعلمين والمعلمات أسوة بزملائهم .
10- معالجة الرسوب الوظيفي الدرجات المالية.
11- رجوع الأنصبة الخاصة إلى ما كانت عليه قبل كادرالمعلم .
12- معالجة أبناء المعلمين وأسرهم بالتأمين الصحي

تنك اووى فى الصورة يا احمد ..... ومتردش زعلانه منك وانت عارف ليه

انت رايح تاخد صور تذكارية في الميدان بعد ما المولد فض انتا سائح ولا ايه ان نفسي اسالك سؤال لما الصفحه بتاعه معلمون معتصمون اتقفلت انتا اختفيت ليه وخلتنا نسال عليك كنت خايف يا ماااااااااااان ولا ايه مجرد اسفسار




وماخدش ليه صور تذكارية فى الميدان بعد اللى حصل وبعدين تقصد المولد بتاعنا هو اللى انفض من قبل ما يبدأ
وبعدين حضرتك بتتكلم .. تقدر تقولى حضرتك كنت فين
ياترى رحت معانا 16فبراير و 20 فبراير
تقدر تقولى قدمت ايه لقضيتنا
ولا ياترى زيك زى كتيير كانو منتظرين النتيجة لما نرجع وتعرف عملنا ايه

انت لخصت مشكله التعليم كلها ان العقود تتثبت وخلاص كده ؟؟؟؟
طب م ا نت عندك مدارس شكلها يقرف ومفيهاش مقاعد
عندك حصص ممكن توصل ل 30 حصه ف الاسبوع وضغط عليك ملوش اي لازمه
عندك منهج اصلا عاوز يتغير
عندك يوم دراسي طويل وملل من غير اي استفاده

كمان عندك غش في الأمتحانات وطلبة بتخرج من التعليم متعلمة اشياء كثيرة منه غش وكذب وكره للبلد ولا انتماء ولا حب للوطن
علينا ان احنا نغير من ده كله علينا انحب الوطن بجد

بسم الله الرحمن الرحيم

السيد رئيس مجلس الوزراء
بعـــد التحية .....
مقدمه لسيادتكم المعلمين في جميع أنحاء الجمهورية مطالبين سيادتكم



بعـدة مطالب وبياناتها كالآتي :
1- رفع الحد الأدنى الأجور إلى 1500 جنية وترقية المعلمين للدرجات المالية الأعلى وفقا لقانون كادر المعلمين وقانون العاملين بالدولة .
2- لا يقل المعاش عن 2000جنية .
3- عمل كادر خاص للإداريين والعمال والمشرفون ومساواتهم بالمعلمين .
4- إقالة نقابة المعلمين الحالية .
5- تعينات جديدة للشباب وخاصة المعلمين وذلك لسد العجز .
6- عدم مد سن الإحالة للمعاش إلى 65 سنة لإتاحة الفرص للشباب .
7- مساواة التربية والتعليم في المرتبات والبدلات بوزارات .( العدل - البترول - الكهرباء - الضرائب - هيئة مياه الشرب والصرف الصحي)
8- الرفع عن كاهل المعلم وعمل تعينات جديدة .
9- فتح باب الترقيات لخريجي المعلمين والمعلمات أسوة بزملائهم .
10- معالجة الرسوب الوظيفي الدرجات المالية.
11- رجوع الأنصبة الخاصة إلى ما كانت عليه قبل كادرالمعلم .
12- معالجة أبناء المعلمين وأسرهم بالتأمين الصحي

بالنسبة للرسوب الوظيفى فى فعلا قرار يتم دراسته
اما التامين فيتم ولكن بطريقة سيئة للغاية فالافضل ... رفع كفاءة هيئة التامين الصحى وعمل لجان متابعة للتاكد من تحقيق اهدافه بالنسبة للمعلمين
افكارك جميلة والله ياريت تتنفذ

http://img135.imageshack.us/img135/6403/photo0365v.jpg


الراجل الطيب ده منين ؟؟؟؟؟

انتا كنت فين 10 و 11 فبراير ممكن تقول انا عن نفسي كنت في التحرير في اليومين دول اما بالنسبه لاعتصامات 16 و 20 فبراير انا اعلنتها اني مش رايح لان مش ده اتلوقت اللي نطلب فيها مطالب فئويه وانا كنت هشارك في اعتصام 30 يناير بس الحمد لله ان الثورة قامت وبالتالي لازم نفكر في مصلحه البلد مش مجرد طلبات فئوية البلد اهم

انا بسالك سؤال واضح ليه اختفيت بعد ما صفحه معلمون معتصمون اتقفلت اختفيت ليه

تنك اووى فى الصورة يا احمد ..... ومتردش زعلانه منك وانت عارف ليه

أختى الفاضلة فى البداية بعتذر لكى أمام الجميع ولن أرسلها فى رسالة خاصة
لكننى قد أكون لم أفهم ماتقصدين بسؤالك
كنت أتمنى أن أقدم المساعدة لكننى لم أكن أعرف ما المشكلة
وأرسلت لكى بعض ما أعتقدت بأنه قد يفيدك فى الموضوع
فى النهاية رغم عدم الحديث المباشر بيننا لكنى والله على ما أقول شهيد بأننى أعتز بكى كعضوة بارزة فى المنتدى
ولكى منى كل التحية


انتا كنت فين 10 و 11 فبراير ممكن تقول انا عن نفسي كنت في التحرير في اليومين دول اما بالنسبه لاعتصامات 16 و 20 فبراير انا اعلنتها اني مش رايح لان مش ده اتلوقت اللي نطلب فيها مطالب فئويه وانا كنت هشارك في اعتصام 30 يناير بس الحمد لله ان الثورة قامت وبالتالي لازم نفكر في مصلحه البلد مش مجرد طلبات فئوية البلد اهم

انا بسالك سؤال واضح ليه اختفيت بعد ما صفحه معلمون معتصمون اتقفلت اختفيت ليه




للأسف أنا لم أشارك فى أحداث التحرير .. لكننى كنت أتمنى أن أنال هذا الشرف
فتفكيرك قد يتغير بعد أن تتضح لك الأمور بعد أن احتار الجميع بين الصواب والخطأ
ولكن ليس معنى ذلك أننا ضد مصلحة البلد عندما ندعو لاعتصامنا فى الوقت الحالى
فلقد كنا ننادى به قبل الثورة وبعدها ولم نتخذ الثورة سبباً للمطالبة والضغط على الدولة كما فعلت جميع الوزارات التى سبقتنا ونالو مطالبهم . والجميع يعرف ذلك جيداً
أما علاقتى بصفحة معلمون معتصمون فأنا آدمن الصفحة .. وواجهت مالم يواجهه الكثير
فى النهاية تمنياتى للجميع بالتوفيق
....................

ا/ احمد قلانه ياريت متزعلش من كلامي وحصل خير والف مبروك التثبيت علينا ويا ريت نبقي اصدقاء ده يشرفني جدا و

ولا هنقف ولا هنيجي كل سنة وانتوا طيبين

أستاذ أحمد
أول مرة فى هذا المنتدى أجد شخص يستحق الأحترام
أما بخصوص أعضاء المنتدى فرأيي فيهم واضح منذ زمن
ولو قرأت تعليقاتى عنهم لعرفت ماذا سيحدث
(أموات غير أحياء)

وبصراحة علشان خاطرك حبيت المنتدى
وحاسس إن شاء الله تعالى
بفضل أمثالك سوف يكون أفضل منتدى
لو كثر فيه أمثالك

ا/ احمد قلانه ياريت متزعلش من كلامي وحصل خير والف مبروك التثبيت علينا ويا ريت نبقي اصدقاء ده يشرفني جدا و



أبداً يا محمود بالعكس انا احترمت نقاشك جداً لطرحك رأيك بكل صراحة وحرية وبكل احترام
وأكون أسعد بمعرفتك
وان شاء الله نبارك للجميع على التثبيت فى أقرب وقت


أستاذ أحمد
أول مرة فى هذا المنتدى أجد شخص يستحق الأحترام
أما بخصوص أعضاء المنتدى فرأيي فيهم واضح منذ زمن
ولو قرأت تعليقاتى عنهم لعرفت ماذا سيحدث
(أموات غير أحياء)

الحمد لله .. والله فى ناس كتير كويسة فى المنتدى
وان شاء الله نحن باقون لما فيه خير لنا كمعلمين


وبصراحة علشان خاطرك حبيت المنتدى
وحاسس إن شاء الله تعالى
بفضل أمثالك سوف يكون أفضل منتدى
لو كثر فيه أمثالك

أنا سعيد جدا بكلامك دا يابحر العرب ودى شهادة منك أعتز بها
وكل ما نتمناه أن نتحد جميعا
حتى لو اختلف الأعضاء ففى النهاية قضيتنا واحدة
والله الموفق
.....

الى كل المعلمين فى جمهورية مصر العربية اناشدهم بضرورة التوجة غدا للاعتصام امام وزارة التربية والتعليم حتى تتحقق مطالبنا المشروعة ونكون على كلمة راجلا واحد ( لن نتحرك الا اذا تحققت مطالبنا كلها)

زمايلنا اللى مجلهمش التعيين بكرة عاملين اعتصام امام محافظة مطروح

لابد ان يكون التعين للجميع سواء معلمين مساعدين او معلمين بالعقد العادى او معلمين بالحصة دون شروط