Samir Elamir
21-02-2011, 11:27 AM
يوم الزفاف شعر / سمير الأمير
*****
على بُعد ما يمد الندا
قلبى اندبح يأس ورجا
رعش الحروف على شفتى
لميت ملامحى ف صرختى
فبقيت نِدا من غير جسد
وبقيت جسد من غير نِدا
تدخل مظاهرة فى قصيدة
تخرج مظاهرة من قصيدة
وانتى بعيده عن الى حبك ف القصايد
واللى حبك شوق وخوف
وانتى بعيده عن اللى سافر
واللى قتلاه الظروف
لحظة صفار الموت على سُتر العساكر
لكن سَمارِك يستحيل
يقبل يهاجر أو يميل
ياللى دليلك ضحكتك ساعة الرجوع
يمسح دلليلك دمعتك ساعة الرحيل
على قد عقلى ما يفهمك
على قد قلبى اللى اتنقش وردة حنين فى مخدتك
واللى اتنقش وردة وفاء
يوم تخرجى فرح الرفاق.. كل الرفاق
والحزن داء
زنزانه ليّا ف وحدتى
يو تخرجى يوم دَخلتى / حَسَب الظروف
والعشق ترسانة حروف تحدف قصايد ناحيتك
والعين تشوف حُريّتى
وردة ف غيطان حريتك
فجر اتولد صبر وجَلد من شهقتى
يوم دُخلتك يوم دُخلتى / حَسَب الميعاد
والعشق ترسانة سيوف.. تطلب ولاد
يا هلترى سِمعوا الندا/ فرسان جهاد
تفتح مداين فرحتك
يا هلترى ولاّ الزمان لسه ما حسش خطوتك
على بُعد ما يمد الندا وتشهق جروحى ف بحَتك
أموت جسد واعيش ندا
أعيش قصيدة تتولد.. بنت وولد
ترفع إيديهم طرحتك يوم الزفاف.
*****
على بُعد ما يمد الندا
قلبى اندبح يأس ورجا
رعش الحروف على شفتى
لميت ملامحى ف صرختى
فبقيت نِدا من غير جسد
وبقيت جسد من غير نِدا
تدخل مظاهرة فى قصيدة
تخرج مظاهرة من قصيدة
وانتى بعيده عن الى حبك ف القصايد
واللى حبك شوق وخوف
وانتى بعيده عن اللى سافر
واللى قتلاه الظروف
لحظة صفار الموت على سُتر العساكر
لكن سَمارِك يستحيل
يقبل يهاجر أو يميل
ياللى دليلك ضحكتك ساعة الرجوع
يمسح دلليلك دمعتك ساعة الرحيل
على قد عقلى ما يفهمك
على قد قلبى اللى اتنقش وردة حنين فى مخدتك
واللى اتنقش وردة وفاء
يوم تخرجى فرح الرفاق.. كل الرفاق
والحزن داء
زنزانه ليّا ف وحدتى
يو تخرجى يوم دَخلتى / حَسَب الظروف
والعشق ترسانة حروف تحدف قصايد ناحيتك
والعين تشوف حُريّتى
وردة ف غيطان حريتك
فجر اتولد صبر وجَلد من شهقتى
يوم دُخلتك يوم دُخلتى / حَسَب الميعاد
والعشق ترسانة سيوف.. تطلب ولاد
يا هلترى سِمعوا الندا/ فرسان جهاد
تفتح مداين فرحتك
يا هلترى ولاّ الزمان لسه ما حسش خطوتك
على بُعد ما يمد الندا وتشهق جروحى ف بحَتك
أموت جسد واعيش ندا
أعيش قصيدة تتولد.. بنت وولد
ترفع إيديهم طرحتك يوم الزفاف.