مشاهدة النسخة كاملة : مبروك ..... صرف شهر مكافأة
السيد خاطر 22-02-2011, 11:25 AM وصلت إشارة للمدرسة بعمل شهر مكافأة المولد النبوى لجميع العمال والإداريين فقط ( مبروك عليهم )
، والمعلمين لن يصرفوا ؛ لأنهم يحصلون على الكادر .
يأخذون كادر ومن يأخذ الكادر يدعو الله القادر أن يهلك الظالمين فى التربية والتعليم وسائر بلاد المسلميين
قولوا آآآآآآآآآآآآآآآآآ مييييييييين
السيد خاطر 22-02-2011, 11:38 AM اللهم احصهم عددا واقتلهم بددا ولا تبقى فى الوزارة الجديدة منهم أحدا واخرجنا من بين ايديهم سالمين واجعل يارب تدبيرهم تدميرهم واجعل الدائرة تدور عليهم واكشف اللهم تزويرهم واختلاسهم وتربصهم بالسوء للمعلمين واجمعهم مع العادلى وعز فى أردأ السجون والزنازين ، واجعل اللهم ما كادوه للمعلمين طوال عشرات السنين اجعله فى نحورهم يارب العالمين لأنهم جعلونا وأولادنا محرومين من الكرامة والعيش الكريم فاجعل اللهم أولادهم مشردين شحاتين على الأبواب طالبين مذلولين ،واشفى اللهم فيهم غل المعلمين المنقولين وكذلك الذين من الدرجة والترقيات والتثبيت محرومين .
قولوا معى آمين
:excl::excl::excl::excl:
توفيق رفعت عجيز 22-02-2011, 11:46 AM هي مكافأة المولد النبوي القادم انشاء الله وكل مولد وانتم بخير
alkateem12 22-02-2011, 11:47 AM كله كلام فى كلام ولماذا أنتم خلاف غيركم تحروا الدقة فى المداخلات
ابوفياض
على فكرة احنا فى الادارة بتاعتنا صرفوا شهر المولد النبوى والمدارس هتصرف الاسبوع ده وكمان فيه شهر على الاساسى جه فاكس به بس لسه ما حدش صرفه
السيد خاطر 22-02-2011, 01:20 PM هي مكافأة المولد النبوي القادم انشاء الله وكل مولد وانتم بخير
وانت بألف خير
العمدة الباشا 22-02-2011, 01:52 PM انا امبارح كنت في المديرية والفاكس بيقول ان تصرف شهر من الأساسي لجميع العاملين بالوزارة سواء كانو عمال او اداريين او مدرسين
والفاكس زمانه وصل المدارس
توفيق رفعت عجيز 22-02-2011, 02:05 PM يا جماعة ياريت الزملاء ايلي بيقولوا انا كنت في الادارة يذكر اسم الادارة والمحافظة علشان لو في حاجة حقيقية نعرفها
وده حالنا نحن العاملون في التعليم فرحانين بشوية فتات بيمنوا به علينا وحتي الفتات فيه كلام؟
shima'a 22-02-2011, 02:09 PM انا امبارح كنت في المديرية والفاكس بيقول ان تصرف شهر من الأساسي لجميع العاملين بالوزارة سواء كانو عمال او اداريين او مدرسين
والفاكس زمانه وصل المدارس
كلام مضبوط 100%
عبدالنبي الحداد 22-02-2011, 02:30 PM كلام مضبوط 100%
ربنا يجعله خير
eng_adonia 22-02-2011, 02:58 PM أنا شفت الكشوف فعلا معمولة
أحـمد قرنى 22-02-2011, 03:01 PM المكأفاة للجميع مدرسين وادرارين وعمال
السيد خاطر 22-02-2011, 03:02 PM انا امبارح كنت في المديرية والفاكس بيقول ان تصرف شهر من الأساسي لجميع العاملين بالوزارة سواء كانو عمال او اداريين او مدرسين
والفاكس زمانه وصل المدارس
وصل عندنا بدون معلمى الكادر
إلهام صلاح لاشين 22-02-2011, 03:38 PM يا جماعة سبق وقلت قبل كده فى المنتدي تم صرف الشهر للعمال والاداريين فقط فى إدارة ميت غمر -دقهلية
ganger 22-02-2011, 08:43 PM إحنا في الفيوم مجاش حاجة المدارس للآن
YaserTrboush 23-02-2011, 12:15 AM حسبنا الله ونعم الوكيل
منى حموده 23-02-2011, 12:57 AM اللهم احصهم عددا واقتلهم بددا ولا تبقى فى الوزارة الجديدة منهم أحدا واخرجنا من بين ايديهم سالمين واجعل يارب تدبيرهم تدميرهم واجعل الدائرة تدور عليهم واكشف اللهم تزويرهم واختلاسهم وتربصهم بالسوء للمعلمين واجمعهم مع العادلى وعز فى أردأ السجون والزنازين ، واجعل اللهم ما كادوه للمعلمين طوال عشرات السنين اجعله فى نحورهم يارب العالمين لأنهم جعلونا وأولادنا محرومين من الكرامة والعيش الكريم فاجعل اللهم أولادهم مشردين شحاتين على الأبواب طالبين مذلولين ،واشفى اللهم فيهم غل المعلمين المنقولين وكذلك الذين من الدرجة والترقيات والتثبيت محرومين .
قولوا معى آمين
:excl::excl::excl::excl:
آمين يارب العالمين
Fawzy Mhamd2 23-02-2011, 06:40 AM أنا من بني سويف
المكأفاة للجميع مدرسين وادرارين وعمال
وجاري الصرف
هيما هيما 23-02-2011, 11:42 AM اللى بيقولوا الكل يصرف ومنهم المدرسين ياريت صورة من المنشور ده اللى وصل عندهم وذلك للتاكيد
السيد خاطر 23-02-2011, 12:50 PM اللى بيقولوا الكل يصرف ومنهم المدرسين ياريت صورة من المنشور ده اللى وصل عندهم وذلك للتاكيد
ياريت المنشور بالصرف للجميع حتى نطالب بحقوقنا لأننا فى دولة واحدة على ما أعتقد
ربنا يحميك ِ لنا يامصر
ahmed saed 23-02-2011, 02:01 PM uلى فكرة انا اعتقد انه فى ظل هذه الاجواء المتوترة لايستطيع احد ان يزيد من التوتر بين الناس لذلك انا متاكد ان هذه المكافأة للجميع ان شاء الله
فعلا تم صرف اليوم شهر لجميع المدرسين والاداريين والعمال بادارة كفر الزيات غربيه
وانا قبط اليوم
محمد عاطف2 23-02-2011, 02:54 PM المنحة للجميع
قلب صغير2 23-02-2011, 06:18 PM فى دمياط لا حس ولا خبر
المرزاوى 23-02-2011, 07:52 PM واحنا الصعايدة فى سوهاج راتب مارس بدون كادر ولا سمعنا شهر ولا يحزنزون
قلب صغير2 23-02-2011, 07:57 PM الخبر لسى واصلنى حالا ان الموظف المسؤل عن المرتبات وصلته نشره بعمل المكافاءة للجميع (محافظة دمياط)
وطالما فيه مدرس واحد قبض يبقى الكل ان شاء الله هيقبض
بشره خير
السيد خاطر 23-02-2011, 08:43 PM الخبر لسى واصلنى حالا ان الموظف المسؤل عن المرتبات وصلته نشره بعمل المكافاءة للجميع (محافظة دمياط)
وطالما فيه مدرس واحد قبض يبقى الكل ان شاء الله هيقبض
بشره خير
ربنا يبشرك بكل خير
روكا دودو 23-02-2011, 09:28 PM انا سمعت فى سوهاج انهم عملوا الكشوف على 15 يوم فقط
haderya 23-02-2011, 09:53 PM السلام عليكم ورحمة الله وبركاته
بالرغم من وصول الفاكس لمديرية التربية والتعليم بالشرقية
بالصرف لجميع العاملين بالتربية والتعليم
لكن للأسف "أ/عبد المنعم لبيب عبد الرحمن ، مدير الشئون المالية والإدارية بالمديرية"
فسر الفاكس على أن الصرف للمديريات والإدارات فقط
وجهات نظر :006et4: ....
الله يسامحك يا عبد المنعم لبيب
عادل سالم محمد القصاص 24-02-2011, 01:31 AM اقدر افهم من الكلام دةكلة ان الدورى المصرى لسة ما اتحدتش
وممكن يتاجل السنادى
احمد-ندى 24-02-2011, 01:44 AM فعلاً الشهر للجميع وأنا قبت الشهر بتاريخ 22-2-2011 م على اساسيى المرتب وأنا من كفر الزيات
السيد خاطر 24-02-2011, 02:15 PM فعلاً الشهر للجميع وأنا قبت الشهر بتاريخ 22-2-2011 م على اساسيى المرتب وأنا من كفر الزيات
مبروك وعقبال عندنا
sayed57 24-02-2011, 03:22 PM إحنا في الداخلة الوادى الجديد مجاش حاجة المدارس للآن لا حس ولا خبر
zeyad22 24-02-2011, 05:14 PM فين الشهر المكافاة من الذي اخذ حد يجاوب حديجاوب
علاء الجمال 24-02-2011, 06:43 PM احنا فى إدارة طامية بمحافظة الفيوم لا يوجد أى اخبار عن المكافأة نهائياً
بحراوية من دمنهور 24-02-2011, 11:11 PM احنا فى محافظة البحيرة مكافاة 20 يوم للاداريين والعمال ولا عزاء للمدرسين الحكاية واضح ان فيها نصباية والباقى دخل جيب اللى فى المدرية الظاهر اننا رجعنا لورا 20 خطوة وربنا يستر على البلد بجد
tareqe012 25-02-2011, 01:26 AM فى المنوفية لا شىء
tareqe012 25-02-2011, 01:27 AM نحتاج صور الفاكسات اللى تم الصرف بناء عليها للضرورة
فكري ابراهيم 25-02-2011, 09:27 AM وصلت إشارة للمدرسة بعمل شهر مكافأة المولد النبوى لجميع العمال والإداريين فقط ( مبروك عليهم )
، والمعلمين لن يصرفوا ؛ لأنهم يحصلون على الكادر .
يأخذون كادر ومن يأخذ الكادر يدعو الله القادر أن يهلك الظالمين فى التربية والتعليم وسائر بلاد المسلميين
قولوا آآآآآآآآآآآآآآآآآ مييييييييين
سياسة الالنظام السابق هي العمل علي نشر الفتنة والتفرقة في كل شئ بين افراد المجتمع في مختلف المواقع
السيد خاطر 25-02-2011, 03:05 PM سياسة الالنظام السابق هي العمل علي نشر الفتنة والتفرقة في كل شئ بين افراد المجتمع في مختلف المواقع
يأخى من المفروض أننا فى دولة واحدة فكل الوزارات صرفت شهر ومنهم شهر ونصف ونحن فى وزارتنا كل مديرية عاملة
نفسها وزارة وتضع العراقيل أمام المعلمين ويتفننون فى إذلال المعلم وانتقاص حقه
مديرية صرفت للجميع وأخرى عشرين يوم وثالثة تحرم معلمى الكادر ورابعة ولاحس ولا خبر
وسلم لى على اللامركزية التى تنادون بها فى الجودة
samehbasha76 25-02-2011, 04:07 PM فى جرجا (سوهاج)
لا حس ولا خبر
احنا بس سامعين ان فى شهر
emtech 25-02-2011, 04:35 PM بصرابة لو وصل الكادر عمال واداريين فقط يبقى حرام علينا السكوت ولابد من التظاهر لان هذا ظلم والسكوت عليه ظلم
rashadbaker 25-02-2011, 06:29 PM فى شمال سيناء مش شايفين صرف
mostafa morsy 25-02-2011, 06:37 PM فى الاسماعلية لا حس و لاخبر منتهى الامبالاه لابد من وقفة حاسمة نداء لكل العاملين فى التربية و التعليم
dody sharazad English teacher 25-02-2011, 07:14 PM فى البحيرة لاسمعنا عن مكافاة و لا حاجة من الحاجات اللى الودن ماتقبلهاش و ياجماعة بلاش الاشاعات المغرضة دى
السيد ابو عمرو 26-02-2011, 12:00 AM للاسف فى مديرية التربية و التعليم بالدقهلية اقتصر هذا الشهر على الاداريين فقط و كأن الدقهلية تعيش فى عالم لوحدها و تستبد برايها و خاصة فى ادارة السنبلاوين اخر من يعمل شىء لصالح المدرسين
اتوقع ان يكون تمويل هذا الشهر من صندوق خاص بكل محافظة لذلك تجد محافظات تصرف و محافظات ترفض لكى توفر لنفسها.....
الدراويش 26-02-2011, 01:01 AM أول مرة أسمع إننا بناخد مكأفافأة على المولد
دى بقى حاجة جديدة ولا حصلت قبل كدة
السيد خاطر 26-02-2011, 05:35 PM أين حافز الاثابة مثل محافظة القاهرة
واين منحة المولد النبوى لمعلمى الكادر
هل مصر دول أم دولة
هل لكل محافظة قانون مثل أمريكا
وهل لكل مديرية قانون يختلف عن الأخرى
هل نحن فى حلم ولاعلم
هل يمكن أن تنطبق قرارات موحدة فى جميع المديريات
هل سيستطيع المعلم أن يعيش مثل البشر هو وأولاده
هل من حقنا أن نعيش من أصله
هل ........هل .........إلخ .
عاوز إجابة لو سمحتم يمكن أنا مش من مصر
التوقيع :
واحد منكم مازال يحب مهنته ولكن إلى متى !!!!!!!!!!!!!!!!!!!! لست ُ أدرى
icdl_man 26-02-2011, 06:37 PM عارفين معنى كلامك ايه اننا شغالين فى طابونة كل جعر مدير عام بيدى الوسية بتاعته زى ما هو عايز بدون رابط بدون ضابط
و بعدين عرفوا يهونا فى شهر و لا حتى شهرين مكافأة
أحنا فعلاً طيبين الناس بتاخد ألوف و احنا دمنا ممصوص
بجد عيب علينا ده احنا نرميها لهم على الجزمة لغيت ما يعرفوا أننا مش بيضحك علينا
maro_zaid 27-02-2011, 08:13 PM يا جماعة انتم بتتعرضوا لعمليات نصب وبلطجة من مديريات التربية والتعليم اللى انتم تبعها ولازم تأخذوا حقكم وتفضحوهم لأن فسادهم زاد عن الحد وخاصةً انهم شايفين ان مفيش صغير ولا كبير بيفد من الحساب يعنى ده بجاحة ترقى لمستوى الفجر لأن هذه الكافأة شهر من الاساسى لكل موظفى الدولة واحنا قبضناها بالقاهرة بحد ادنى 300 جنيه اياكم والصمت ولا لضياع الحقوق وانتم احرار بقى اللهم انى بلغت
myral 27-02-2011, 09:47 PM الدقهليه للاداريين فقط
الاستاذ22 28-02-2011, 10:53 PM فى كفر الشيخ بدأوا فى صرف 15يوم و بيقولوا فى الادارة ( الماهيات ) ان هناك 15يوم بعد دول و على حسب نصيحة الاخ فى الماهيات احنا تحت حكم عسكرى و على حسب الميرى ان جالك الموت الاول خده
samir100 28-02-2011, 11:42 PM ياخى الفاضل نرجواتحرى الدقة الشهر لجميع المدرسين والاداريين والعمال:av4056bb7jp3:
khory 28-02-2011, 11:53 PM فى الاسكندرية سمعنا فى ادارة المنتزة ان فى شهر المولد النبوى وكمان 20 يوم
magedhelal 01-03-2011, 03:28 AM فى أسيوط لا سمعنا عن شهر ولا حاجة
|