السلام عليكم ورحمة الله وبركاته

ذهبت الى اكاديمية القاهرة بالامس لاستفسر عن الاسماء الى اتعينت

ردت عليه استاذه محترمه جدا ان كل الى قدم كل اوراقه واستكمله خلاص اتعين والمهم ان اوراقه تكون سليمه

وان الى مستكملش اوراقه هو الى يقدم الورق بتاعه يعنى احنا مش مطلوب مننا اى حاجة خالص

وبعدين خرجت من عندها سمعت مدرس بيسال انه لسه مخلصش الدبلومه ينفع يقدم طبعا قالت مينفعش يقدم غير الى معاه الشهاده بتاعت التربوى

ولقيت لوحة متعلقة مكتوب عليها ان كل مدرس مقدم افاده اول ما تطلع شهادة icdl الاصليه يقدمها فورا

وكمان لقيت مكتوب ان بقيت اجراءات التعيين تستكمل فى مديرية التربية والتعليم فى قسم التعيينات

وطبعا فهمت ان كده ممكن اشوف الكشوف فى المديرية واشوف اسمى مكتوب والا لا

وبدات رحلتى الجديدة تانى يوم للمديرية وكلى امل انى اشوف اسمى واطمن ويا رتنى ما رحت لان بعد كل ده ردت عليه الاستاذه فى قسم التعيينات ان الاسماء بتتعرض على اللجنه لجنة ايه معرفش طيب يا ستى ممكن اشوف اسمى عشان اطمن قالت بعد 10 ايام والاسامى هتروح الادارات ويا ريت تريحوا نفسكوا وتستنوا الاسامى لما تيجى الادارة بتاعت كل واحد فيكو

وطبعا كنت مخنوقه جدا ومقدرتش اروح بس هعمل ايه حسبى الله ونعم الوكيل

وان شاء الله تنزل الاسامى ونرتاح بقى كلنا

على فكرة انا متابعة كويس جدا للمنتدى بس مبقتش احب اشارك قوى عشان كل واحد مبقاش يصدق التانى ودى حاجة بقت متعبه اوى بجد لان لازم يكون فيه ثقة

يا رب اكون افدتكم بشئ ووفرت عليكم الكام مشوار الى انا رحتهم

يا رب التوفيق للجميع

تحياتى لكل اعضاء المنتدى الكرام

لكى جزيل الشكر

السلام عليكم

شكرا جدا جدا جدا

انا من الصبح باسأل عن اخبار القاهرة

و خصوصا المديرية لأنى ذهبت للأكاديمية و لم اجد جديد و كنت ناويه اروح غدا ان شاء الله

شكرا مرة تانية و ربنا يطمنا و يوفقنا جميعا

لو سمحتى ياايمى هل فى الاكاديمية قالولك ان اللى موصلهمش رسالة التهنئة ومستوفيين للشروط ايه موقفهم

جزاكم الله خيرا جميعا على الردود الجميله

لا يا مارو مكنش فيه اى كلام عن الرساله كان الكلام كله عن استكمال الورق وان كل الى ورقه كامل وسليم مفيش عنده اى مشكله ويكون قدم شهادة ال icdl فى المبعاد المحدد او افاده بالمديولات لحد الشهاده ما تطلع وتتسلم على طول والى مستوفوش الشروط يقدموا بقية ورقهم وهيتم تعيينهم بعد ما يقدموا الورق ان شاء الله وكان فى ناس بتقدم ورقها هناك عشان تدخل امتحان الكادر

والله موضوعك و كلامك ومجهودك له كل التقدير

طيب معلش مكنش فىه كلام عن 3 سنوات

الف شكر يا نور على كلامك الجميل والله انا حبيت افيد الكل عشان محدش يروح مشاوير على الفاضى لان ده مجهود وتعب

حكاية ال 3 سنين مفيش لى كلام عنها كل الكلام عن استكمال الورق وبس لان احنا مالناش دعوه بال3 سنين دول احنا تبع قانون الكادر والعقد شريعة المتعاقدين لان لو على اساس ال 3 سنين دول يبقى كلنا مش هنتعين لاننا كلنا متمناش 3 سنين عقد مميز

ويا رب يوفقنا كلنا ان شاء الله لما فيه خير لنا جميعا

جزاك الله كل خير وبشرك بالتعيين

جزاك الله كل خير

جزاكم الله جميعا كل خير زملائى الاعزاء

وشكرا على ردودكم الجميله وبشركم بكل خير

شكرا وربنا يبارك فيكى ويوفق كل اللى تعب ويكرمه بالتعين إنشاء الله Thanks alot

جزاكى الله خير

ياخونا
نداء الي المعلمين المساعدين في جميع محافظات المحروسة
الرجاء الي من يصلة جواب التعيين اوسمع اي حاجة بخصوص التعيين وصرف بدل الاعتماد
يقولنا علي المنتدي ويذكر اسم محافظتة
وشكري للجميع

فعلا يا جماعه لا الاكاديميه تعرف حاجه ولا الادارة وفعلا ما علينا غير الانتظار قليلا حتى يتضح الامر امامنا وما علينا سوى اننا نطلع بعضنا البعض بالمعلومات الهامه ولكم جزيل الشكر وبالتوفيق لنا جميعاااااااااااااااااااااااااااااااااااا

جزاكم الله خير

الف مليون شكر علي الفاده

thanxxxxxxxxxxxxxxxxxxxxxxxxxxxxxx

طب لو سمحتى يا اييمى محدش قال قدمك الى ها يتعين الى ودىالicdl لحد تاريخ ايه يعنى فعلا الى ودى لحد نصف 8 وهل فعلا فى دفعة اسماء تانية بعد اسبوع.......شكرااااااااااا

شكرا على رددودكم الجميله

بالنسبه لل icdl معرفتش لحد انهى مرحله هى قالت المهم يكون الورق كمل فى الميعاد المحدد الى هما حددوه

وربنا يوفقنا كلنا

انا لسه مكلم اكاديميه دمياط وقال ان الى ورقه كامل يعنى اتعين
وكل يتابع فى الادارات وليس فى الاكاديميه
يارب يصل شئ الى اداره المطريه والمنزله

مفبش اخبار عن محافظة القاهرة لسه

يا جماعة فعلا لا يعنا جميعا الا الصبر

حسبي الله ونعم الوكيل
ربنا يثبتنا في الدنيا والاخرة

مفبش اخبار عن محافظة القاهرة لسه
لغاية دلوقتى مفيش بس مديرة المدرسة النهاردة طلبت مننا صور من القرارات الوزارية الخاصة بالتعيين

شكرا على مجهودك وتعبك

شكرا استاذ ايهاب

طب محدش سالها صورة القرار ليه ؟

مع ان لو فيه اجراء هيبقى مع نزول الاسماء وكل الاجراءات بتبقى فى المديرية والادارة

شكرا للجميع على المشاركة

ويا رب الكل يدعى بالخير لينا كلنا

شكرا استاذ ايهاب

طب محدش سالها صورة القرار ليه ؟

مع ان لو فيه اجراء هيبقى مع نزول الاسماء وكل الاجراءات بتبقى فى المديرية والادارة
هى قالتلنا ان القرار وكذلك بيان النجاح بتاع الاكاديمية دة مستند مهم ولازم نحتفظ بية
وانتى مفيش اخبار فى الادارة بتاعتك

لا مفيش اى اخبار

كل الى هما مشغولين بيه تقديم الورق بتاع الناس الى هيتثبتوا وعلى فكرة انا جبت التقارير الجديدة من موقع الاكاديمية للعقود الى عندنا ولما راحوا الادارة قاللهم لا اكتبوا كلمتين فى التقرير وخلاص مين قالكم ان دى هى التقارير وطبعا انا عرفت من الموقف ده انهم مش فاهمين اى حاجة خالص

خصوصا ان الى ادتهم التقارير الحمد لله اخدوها ومن غير شكرا ختى وصدقوا بتوع الادارة ده كان امبارح بس النهاردة طبعا لما طلعت انا الى صح سكتوا خالص وبرده مفيش شكرا

عموما الحمد لله على كل شئ

مسئولة الاحصاء فى الادارة اتصلت بيها امبارح قالتلى انتى خليكى مكانك وكل حاجة لما تحصل هتبقى تجيلك وطبعا اتكلمت باسلوب رخم اوى كانى باشحت منها


انا نفسى اروح المديرية اسال تانى بس الجدول بتاعى مش مخلينى اعرف اتحرك

على العموم ربنا يسهل ويا ريت الى يعرف حاجة يبقى يقول للكل

لا مفيش اى اخبار

كل الى هما مشغولين بيه تقديم الورق بتاع الناس الى هيتثبتوا وعلى فكرة انا جبت التقارير الجديدة من موقع الاكاديمية للعقود الى عندنا ولما راحوا الادارة قاللهم لا اكتبوا كلمتين فى التقرير وخلاص مين قالكم ان دى هى التقارير وطبعا انا عرفت من الموقف ده انهم مش فاهمين اى حاجة خالص

خصوصا ان الى ادتهم التقارير الحمد لله اخدوها ومن غير شكرا ختى وصدقوا بتوع الادارة ده كان امبارح بس النهاردة طبعا لما طلعت انا الى صح سكتوا خالص وبرده مفيش شكرا

عموما الحمد لله على كل شئ

مسئولة الاحصاء فى الادارة اتصلت بيها امبارح قالتلى انتى خليكى مكانك وكل حاجة لما تحصل هتبقى تجيلك وطبعا اتكلمت باسلوب رخم اوى كانى باشحت منها


انا نفسى اروح المديرية اسال تانى بس الجدول بتاعى مش مخلينى اعرف اتحرك

على العموم ربنا يسهل ويا ريت الى يعرف حاجة يبقى يقول للكل

انشاء الرحمن