مشاهدة النسخة كاملة : المعلمون المساعدون الذين تعاقدوا قبل تاريخ 31/10/ 2009 ...
اميمة طه 22-02-2011, 06:00 PM يجب ان يقوموا بتسليم ملف يحتوى على:-
1.اصل شهادة المؤهل التربوى لغير خريجى كليات التربية
2.اصل شهادة المؤهل الدراسى
3. عدد 4 صور شخصية
4. تقرير الكفاية من مدير المدرسة + تقرير من الموجه الفنى
5. شهادة الرخصة الدولية لقيادة الحاسب ICDL
6. خطاب ترشيح من المدرسة
7.صورة بطاقة الرقم القومى
8.صحيفة الحالة الجنائية
9.صحيفة الاحوال الالكترونية المطبوعة من موقع الوزارة معتمدة من شئون العاملين
على ان يقدم المعلم المساعد الملف متكامل لقسم الاحصاء بالدارة التعليمية التابع لها ،مع التمنيات بالتوفيق
الاكاديمية :http://academy.moe.gov.eg/
s.h.h 22-02-2011, 06:09 PM هل هذه الاوراق مطلوبة من اللى لسة هيمتحن ام من مين
s.h.h 22-02-2011, 06:17 PM هل هذه الاوراق مطلوبة من اللى دخل الامتحان خلاص ولا من اللى هيدخل لسه علشان العبارات دى مش واضحة
شريف الصعيدى 22 22-02-2011, 06:24 PM شكرا ليكى يااميمه
وبدأت رحلة المعااااااااااااااانااااة
بالتوفيق للجميع
تامر محمود مراد 22-02-2011, 06:27 PM الاوراق دي مطلوبه من المعلمين اللي هيدخلوا اختبارات الكادر ارحمنا يارب من الناس دي اللي مش عارفه اي حاجة دي
انتوا مدرسين ازاااااااااي
اميمة طه 22-02-2011, 06:33 PM الخبر ده بالنص على موقع الاكاديمية والرابط فوق كتبته
mega.teacher 22-02-2011, 06:34 PM .صحيفة الاحوال الالكترونية المطبوعة من موقع الوزارة معتمدة من شئون العاملين
على ان يقدم المعلم المساعد الملف متكامل لقسم الاحصاء بالدارة التعليمية التابع لها
ايه صحيفه الاحوال دي
؟؟؟؟؟؟؟؟؟؟
أم هيما 22-02-2011, 06:37 PM طيب واللى معهوش شهادة الاى سى دى ال يعنى خلصها بس لسه مطلعتشى يعمل ايه تنفع الافادة بالاربع مديولات
اميمة طه 22-02-2011, 06:37 PM .صحيفة الاحوال الالكترونية المطبوعة من موقع الوزارة معتمدة من شئون العاملين
على ان يقدم المعلم المساعد الملف متكامل لقسم الاحصاء بالدارة التعليمية التابع لها
ايه صحيفه الاحوال دي
؟؟؟؟؟؟؟؟؟؟
فيها كل المعلومات عنك المدرسة والمؤهل والكود وحاجات كتيرة ... المهم محدش يطبعها الا لما يحدث بياناته ... بمعنى لو خدت تربوى ودي الاصل شئون العاملين لوضعه فى ملفك وبعدين تاخد صورة منه تطلعها الاحصاء عشان يعدل البيانات ... وهكذا لو اتنقلت لمدرسة تانية خد جواب منها لتعديل البيانات
محمود سوهاجي 22-02-2011, 06:39 PM المطلوب من الذين لم يمتحنوا بعد
احنا خلصنا الموال ده من زمان
اميمة طه 22-02-2011, 06:39 PM طيب واللى معهوش شهادة الاى سى دى ال يعنى خلصها بس لسه مطلعتشى يعمل ايه تنفع الافادة بالاربع مديولات
معرفشى فى الوقت ده هينفع الاربع موديولات بس ....
انما لو امتحنتى كله يبقى الافضل تطلعى افادة بالسبعة موديولات
اميمة طه 22-02-2011, 06:41 PM المطلوب من الذين لم يمتحنوا بعد
احنا خلصنا الموال ده من زمان
على فكرة نفس الطلبات دى مطلوبة تانى للتعيين بالاضافة الى صورة التهنئة مطبوعة من الموقع وبيان النجاح فى الاكاديمية ..... وبعدين كمان بالنسبة للتعيين اكيد هيطلب فيش جديد ..صح
ماعدا خطاب الترشيح وتقرير الكفاية
اميمة طه 22-02-2011, 06:54 PM كمان لو سمحتوا اللى بطاقته منتهية يعدلها عشان فعلا بقوا بيدققوا على موضوع البطاقة المنتهية دى
أم هيما 22-02-2011, 06:58 PM شكرا يا اميمة على الرد ان شاء الله انا اخر مديول عندى الاربع الجى بس سؤال تانى بردوووو معلش انتوا لما دخلتوا لامتحان الكادر قدمتوا الورق دا لقسم الإحصاء على طول ولا للأكاديمية
اميمة طه 22-02-2011, 06:59 PM شكرا يا اميمة على الرد ان شاء الله انا اخر مديول عندى الاربع الجى بس سؤال تانى بردوووو معلش انتوا لما دخلتوا لامتحان الكادر قدمتوا الورق دا لقسم الإحصاء على طول ولا للأكاديمية
للاكاديمية
علوه الشريف 22-02-2011, 07:00 PM على فكرة ياجماعة انا متعاقد من 21/9/2008 والورق ده قدمنا من زمان عشان كده انا بعتقد ان الورق ده مطلوبة من الناس اللى هتدخل الامتحان لسه والله اعلم
أم هيما 22-02-2011, 07:05 PM للاكاديمية
امممممممممممممم :049gc0:كدة الفار بقى بيلعب فى دماغى ههههههههه
اميمة طه 22-02-2011, 07:09 PM امممممممممممممم :049gc0:كدة الفار بقى بيلعب فى دماغى ههههههههه
ليه........
ما هى الاكاديمية اللى بتاخد الورق
اميمة طه 22-02-2011, 07:13 PM ده اللى انا عارفاه واى حد من القدام اللى نجح فى الكادر ممكن يضيف اللى عارفه عشان الناس اللى لسه هتدخل
أم هيما 22-02-2011, 07:14 PM يعنى احنا هنترحم من طوابير الأكاديمية والزحمة ونسافر من الفجر عشان نلحق والحوارات دى مش زى المرة اللى فاتت
اميمة طه 22-02-2011, 07:15 PM يعنى احنا هنترحم من طوابير الأكاديمية والزحمة ونسافر من الفجر عشان نلحق والحوارات دى مش زى المرة اللى فاتت
مش فاهمة حاجة من الجملة دى
أم هيما 22-02-2011, 07:28 PM ليه يا اميمة يعنى الزملاء اللى امتحنوا الكادر كانوا بياخدو الملف دا على الأكاديمية على طووووووووووول مش على قسم الاحصاء وهى اللى تبعته
يعنى كان كل واحد بيروح يقدم ملفه بنفسه وطبعاااا الأكاديمية كانت بتفتح لمدة أسبوع واحد فقط تقبل فيه الملفات والزحمة بقى تخيلى لما كام محافظة يقدموا ورقهم فى مكان واحد فى اسبوع واحد وروح وتعالى والورقة دى ناقصه وفين الختم اللى هنا والفيش دا مينفعشى اعمل غيره وهكذا
وطالما الملف هيروح قسم الاحصاء يبقى المشوار والتعب وفروه علينا او يبقى فيه سبب تانى
والاول عاوزة اعرف الناس اللى تعاقدتت فى 2009 كانت بتاريخ كام بالظبط
اميمة طه 22-02-2011, 07:45 PM والله كل واحد يعمل اللى عليه وخلاص والكل سواء قديم او جديد يحضر:
صحيفة حالة جنائية
تحديث البيانات فى قسم الاحصاء
تحديث البطاقة
والولاد يشوفوا ورق الجيش لانه اكيد هينطلب فى التعيين
hossam85 22-02-2011, 08:18 PM والله كل واحد يعمل اللى عليه وخلاص والكل سواء قديم او جديد يحضر:
صحيفة حالة جنائية
تحديث البيانات فى قسم الاحصاء
تحديث البطاقة
والولاد يشوفوا ورق الجيش لانه اكيد هينطلب فى التعيين
قصدك اية بة الكل سواء قديم او جديد دة يخص اللي اتعينوا ولا لا
m_ezoo 22-02-2011, 08:21 PM يعنى اية خطاب ترشيح من المدرسة ؟؟
اميمة طه 22-02-2011, 08:23 PM قصدك اية بة الكل سواء قديم او جديد دة يخص اللي اتعينوا ولا لا
كل اللى قلته للى اتعين واللى لسه ماعدا ورق الجيش للى اتعين بس
تحديث البيانات طبعا فى قسم الاحصاء ولو معندكش جديد روح اتاكد ان بياناتك كاملة واسم المدرسة
البطاقة الشخصية طبعا لازم تتحدث لو كانت مدتها منتهية لانى فى الامتحان شافوا البطاقات وتاريخ الانتهاء
الصحيفة الجنائية مهمة للاثنين وطبعا التعيين هيطلب صحيفة جديدة لان الثانية مدتها خلصت من زمان
اميمة طه 22-02-2011, 08:25 PM يعنى اية خطاب ترشيح من المدرسة ؟؟
ان المدرسة بترشحك للتقدم لاختبارات الاكاديمية
وانا هادور فى الورق اللى عندى واكتبه هنا بكره ان شاء الله
s.h.h 22-02-2011, 08:31 PM كنا بنقدم الورق فى الاكاديمية
مصري13 22-02-2011, 08:34 PM يعني منين نجيب صحيفة الاحوال
طيب هما محتاجين صورة من العقد ولا لاءه
شريف الصعيدى 22 22-02-2011, 08:38 PM اميمه هو الفيش والتشبيه بنكتب فى الجهة المقدمه اليها مين بالظبط
الوزاره ولا الاداره ولا الاحصاء ولا الاكاديميه
اميمة طه 22-02-2011, 08:39 PM يعني منين نجيب صحيفة الاحوال
طيب هما محتاجين صورة من العقد ولا لاءه
مطلوب صحيفتين :
1- الجنائية : يعنى الفيش وده بيتعمل من المركز اللى انت تابع له واكيد كلنا عارفنينه
2- الاحوال : من على موقع الوزارة وبتدخل عليها ب ( الكود - الرقم القومى - كلمة السر ) واسمها استمارة المعلم ولو معرفتش انت تجيبها روح لبتاع الاحصاء فى الادارة التابع لها وهو هينزلها لك وكمان هيحدث بياناتك والافضل انك متطبعهاش الا لما تحدث البيانات وتتاكد ان مفيش حاجة غلط لان لو فيها غلط او غير محدثة هتظهر لك مشاكل بعد كده انت فى غنى عنها
اميمة طه 22-02-2011, 08:42 PM اميمه هو الفيش والتشبيه بنكتب فى الجهة المقدمه اليها مين بالظبط
الوزاره ولا الاداره ولا الاحصاء ولا الاكاديميه
الادارة التعليمية ب-------
قسم الاحصاء
وممكن متكتبش الاحصاء وتخليها عموما
ريهمسة 22-02-2011, 09:15 PM شكرا يا اميمة وربنا يوفقك
انا امتحنت الكادر وكنا بنجهز الورق بنفسنا وكنا حتي في رمضان ودخنا السبع دوخات
واحنا اللي كنا بنجهز الورق وبنملاه زي
1تقييم الموجه والمدير كنا بنشتري الورق ونملاه او الموجه يملاهونختمه من الموجه والرئيس اللي اعلي من الموجه مدير المدرسة ومدير الاداره
2 الفيش والتشبيه وياريت تعملوه دلوقتي علشان يلحق يطلع وعلشان الزحمه
3صور شخصية بس مش فاكرة كام
4 اصل المؤهل والتربوي
5 صورة البطاقة
6 الموقف من الخدمة الاجتماعية
7 طبعا icdl ودي شرط قبل الامتحان لكن كنا بنكتب نعهد
بصراحه مش فاكرة حاجه تانية
بس ياريت شوية نشااااااااااااااااط يعني اعملوا الفيش والصور
واحنا اللي كنا بنودي الورق ورحنا كم مرة ومواصلات وطوابير
والورق مش بيروح مكان واحد كل حسب محافظته يعني المنوفية كنت بروح طنطا مع بتوع الغربيه
يعني نفسنا انقطع والله كنت بروح طنطا وانا صايمة
والله ولي التوفيق
اميمة طه 22-02-2011, 09:47 PM يا رب الناس تستفيد .... احنا كنا مش عارفين حاجة وتعبانين عشان حد يفهمنا
احمدالفطاطرى 22-02-2011, 10:14 PM شكراً لكى يا أخت أميمه
اميمة طه 22-02-2011, 10:16 PM شكراً لكى يا أخت أميمه
عامل ايه ....
كنت هاسال عليك انت وعضاضلى وسلوى ومنار ..... بس مكنتش عارفه اسال ازاى
يا رب نتطمئن على الباقى
مروة شحاتة 22-02-2011, 10:19 PM اللى خلص الاى سى دى ال وعايز الشهادة يكتب فى جوجل الرخصة الدولية لقيادة الكمبيوتر ويدخل عليها هيلاقى كلمة تحقق يدوس عليها هيطلب منه ادخال الرقم القومى يدخله هتطلعله النتيجة
love_kadry 23-02-2011, 12:17 AM جواب الترشيح
تقييم الموجة
تقييم المدير
استمارة تسجيل الملاحظة المقيم
eslamkobessy 23-02-2011, 12:31 AM يجب ان يقوموا بتسليم ملف يحتوى على:-
1.اصل شهادة المؤهل التربوى لغير خريجى كليات التربية
2.اصل شهادة المؤهل الدراسى
3. عدد 4 صور شخصية
4. تقرير الكفاية من مدير المدرسة + تقرير من الموجه الفنى
5. شهادة الرخصة الدولية لقيادة الحاسب ICDL
6. خطاب ترشيح من المدرسة
7.صورة بطاقة الرقم القومى
8.صحيفة الحالة الجنائية
9.صحيفة الاحوال الالكترونية المطبوعة من موقع الوزارة معتمدة من شئون العاملين
على ان يقدم المعلم المساعد الملف متكامل لقسم الاحصاء بالدارة التعليمية التابع لها ،مع التمنيات بالتوفيق
الكلام ده على موقع الأكاديمية دلوقتي
http://academy.moe.gov.eg/
marwasamy 23-02-2011, 12:46 AM اشكر حضرتك جدا على تعاونك معنا
كنت عاوزة اعرف من حضرتك بالنسبة لاستمارة التسجيل
فى ناس منزلة اجاباتمقترحة للموجة دى تكتب الاجابات دى بخط اليد
ولا اكتبها على الكمبيوتر
ارجو سرعة الرد واشكرك
ثانيا الصيغة دى حضرتك جبتها منين
spidermane23 23-02-2011, 12:47 AM بس موقع الاكاديمية بيقول ان الورق ده يقدم للادارة قسم الاحصاء
وائل طوسون 23-02-2011, 12:48 AM سؤال بسيط وارجو الرد ؟
الورق ده مطلوب من المتعاقدين الجدد ولا الكل
ولو كان الكل:
طيب الجماعة اللي جاتلهم تهنئة بالتعيين قدمه الورق ده كله مرتين قبل كدة للاكاديمية والادارات
ارجو الافادة
اميمة طه 23-02-2011, 07:33 AM اشكر حضرتك جدا على تعاونك معنا
كنت عاوزة اعرف من حضرتك بالنسبة لاستمارة التسجيل
فى ناس منزلة اجاباتمقترحة للموجة دى تكتب الاجابات دى بخط اليد
ولا اكتبها على الكمبيوتر
ارجو سرعة الرد واشكرك
ثانيا الصيغة دى حضرتك جبتها منين
انتى بتعملى الورقة كمبيوتر وهو بيمضى عليها ويملاها
اميمة طه 23-02-2011, 07:34 AM سؤال بسيط وارجو الرد ؟
الورق ده مطلوب من المتعاقدين الجدد ولا الكل
ولو كان الكل:
طيب الجماعة اللي جاتلهم تهنئة بالتعيين قدمه الورق ده كله مرتين قبل كدة للاكاديمية والادارات
ارجو الافادة
حضر الورق وحدث البيانات لانه اكيد هينطلب تانى وان مكنش كله انما اكيد هينطلب
اميمة طه 23-02-2011, 07:37 AM اللى خلص الاى سى دى ال وعايز الشهادة يكتب فى جوجل الرخصة الدولية لقيادة الكمبيوتر ويدخل عليها هيلاقى كلمة تحقق يدوس عليها هيطلب منه ادخال الرقم القومى يدخله هتطلعله النتيجة
اللى قولتيه بالنسبة للناس اللى وخداها تبع التطوير او المنحة ......انما اللى تبع اليونسكو وتتم فى المراكز الخاصة لا يمكن التحقق منها الا عن طريق مندوب اليونسكو لدخوله على قاعدة بيانات خاصة لا يمكن الاطلاع عليها الا بمعرفته
|