إعلان ملوش لزمة [الأرشيف] - بوابة الثانوية العامة المصرية

_GUIDE_

15-11-2007, 07:04 PM

بسم الله الرحمن الرحيم

هل شاهد احد منا اعلان القطار (إعلان الشاب الذى ركب القطار ووصل وقدر يبئا حاجة والشاب الاخر الذى جلس على القهوة وفاته القطار) دعوة للعمل والعمل عبادة
ايه يعنى لما تشتغل عامل فى مصنع بالبكالوريوس مفهاش حاجة ما انتا اكيد بكرة هتوصل (ابئا قابلنى)
منذ عدة ايام تقدم احد اعضاء مجلس الشعب با استجواب رسمى الى الحكومة يتهمها فيه بالخيانة العظمة واهدار المال العام اتريد معرفة السبب
تم بيع 360 الف متر مربع لمستثمرين من اسرائيل فى طابا
المفاجاة سعر المتر ( 135) قـــــــــــــــــــــرش هذا الخبر ليس بالنكته انما حقيقى
تطلب منك الحكومة الركوب فى القطار لكى تصبح عامل وفى النهاية تقوم ببيع اراضى الدولة ببعض القروش لكى تعمل فى النهاية عامل فى احد مصانع اليهود
خيانة عظماء بكل ما تحمله الكلمة من معنى
هل تعلم ما هى الاثار المترتبه على بيع تلك الاراضى وهى ملصقه للشريط الحدودى مع اسرائيل ما لم تستطع اسرائيل اخذه بقوة السلاح وما استطاعت مصر الحصول عليه بعد التحكيم الدولى بالنسبة لطابا وما حدث مع فلسطين يحدث اليوم فى مصر
قامت الحكومة الوطنية ببيع هذه الارض فى النهاية ببضع جنيهات
السوال لك فى النهاية هل ما تزال ترغب فى ركوب القطار؟

الاسطورة

15-11-2007, 07:08 PM

ازيك يا اسلام
واحشنى والله

انتا متأكد من موضوع ال 135 قرش ده؟
لو متأكد تبقى كارثة!!!

_GUIDE_

15-11-2007, 07:11 PM

انا واثق والله مش متاكد
135 قرش للمتر الواحد
وزى ما قولت فى استجواب فى المجلس من نواب الحزب الوطنى
قبل النواب المستقلين والاخوان كمان

fares elnet

15-11-2007, 07:12 PM

يا اسلام البلد متباعه من زمان

وكل يوم بتتباع اكتر واكتر سواء لاسرائيل

او لغيرها وبعدين بالنسبة لركوب القطار

كل ده كلام فارغ بيضحكوا على الشباب

علشان يخلوا مسؤليتهم تجاه الشباب

وحسبى الله ونعم الوكيل

وعليه العوض

الاسطورة

15-11-2007, 07:13 PM

هههههههههه
وبيقولك حررنا ارضنا من اليهود
ونبيعهالهم تانى بجنيه ونص المتر!!!!

_GUIDE_

15-11-2007, 07:15 PM

احنا كان ممكن نفرح لو اتبعات لشباب
انتا عارف لو كل شباب اخد نص فدان ربع فدان
100 متر حتى يعمل عليه اى مشروع انما تقول ايه
البلد دى جبتلى الضغط

JusT l0sT

15-11-2007, 07:16 PM

احمد رضا

15-11-2007, 07:32 PM

السلام عليكم و رحمه الله وبركاته
هقولك ايه يا اسلام بس ؟! :( سيبك يابني من الطمع اللي فيك ده

عايز ايه اكتر من 135 قرش انت وديت البلد في داهيه يابني بطمعك

وبعدين فيها ايه لما واحد بقاله في التعليم 21 سنه علي الاقل و صارف في السنين دي كلها اكتر من 200 الف جنيه و في الاخر يطلع يشتغل عامل ياخد 150 جنيه وبعدين متستعجلش وبلاش طمع بالحوافز و المكافئات ياخد 165 جنيه

اسلام بجد انت وديت البلد في داهيه بطمعك ده :D

قال البري بيقولي يا احمد ان مش بتحب مصر ليه هيا مصر عملتلك حاجة ؟:mad:
ههههههه ماشي ليا تصرف مع البري تاني

MohammeD el_SadaT

15-11-2007, 08:53 PM

يا بنى هو إنت غاوى تحرق دمى
إنت بتنبسط لما تشوف ضغط بيعلى والسكر عندى بيزيد

والله يا اسلام انا ىبفكر أمنعك من الكتابه عشان استريح
هتموتنى ناقص عمر والله

_GUIDE_

15-11-2007, 10:49 PM

متستغربش يابنى من حال البلد
خلاص كلها خربت
هما بس باعوها بـ 135 قرش روتين بس ورسميات
عشان لو كانوا ادوهلهم ببلاش كانت هتقوم ثورة

ووالله مش بكالوريوس بس اللى بيشتغل عامل
انا اعرف دكتور وبيشتغل فى ورشة
يعنى هوا دا حال البلد ومفيش فى ايدنا حاجه نعملها

حسبى الله ونعم الوكيل

انا اعرف بكلوريوسات كتير جدااا وبيشتغله جرسونات فى قهاوى
وسريحه بشنط ولعات وامشاطت
ودكاترة بيشتغله على عربيات ميكروباص

السلام عليكم و رحمه الله وبركاته
هقولك ايه يا اسلام بس ؟! :( سيبك يابني من الطمع اللي فيك ده

عايز ايه اكتر من 135 قرش انت وديت البلد في داهيه يابني بطمعك

وبعدين فيها ايه لما واحد بقاله في التعليم 21 سنه علي الاقل و صارف في السنين دي كلها اكتر من 200 الف جنيه و في الاخر يطلع يشتغل عامل ياخد 150 جنيه وبعدين متستعجلش وبلاش طمع بالحوافز و المكافئات ياخد 165 جنيه

اسلام بجد انت وديت البلد في داهيه بطمعك ده :D

قال البري بيقولي يا احمد ان مش بتحب مصر ليه هيا مصر عملتلك حاجة ؟:mad:
ههههههه ماشي ليا تصرف مع البري تاني
ايوه انا اللى وديت البلد فى دهية
انا اللى دخلت امريكا فى العراق
وانا اللى بعت فلسطين لليهود
وانا اللى سرقت فلوس البنوك وهربت
وانا اللى ضربت برج التجاارة العالمية
اقولك حاجة
انا بن لادن :D

يا بنى هو إنت غاوى تحرق دمى
إنت بتنبسط لما تشوف ضغط بيعلى والسكر عندى بيزيد

والله يا اسلام انا ىبفكر أمنعك من الكتابه عشان استريح
هتموتنى ناقص عمر والله
ليه بس يامحمد عمتا ااااااااااااايه كل من عليها فان :D

dr.zomba

16-11-2007, 12:56 PM

هأهأهأ:D

اركب اركب القطر يمكن توصل دمنهور وبيقولك تفتكر لو انت رحت اتقدمت لواحده وانت عاطل كدا ابوها هيرضي يجوزهالك

اقوله هأهأ هأ تاني

دا ابوها عنده يجوزها للعاطل علي انه يجوزها للعامل

بس معلش يا سلوم هو بالنسبه لموضوع 135 قرش دا ايه مصدرك عشان انا بصراحه مش مقتنع بيه اوي

براءة

16-11-2007, 02:56 PM

هو ناقص ايه فى مصر تانى لينا

؟؟

اه

ناقص احنا

basmala

16-11-2007, 03:22 PM

هو ناقص ايه فى مصر تانى لينا
؟؟
اه
ناقص احنا

ههههههههههههه
ربنا يخلينا لبعضينا

Taleba Me7tasa

16-11-2007, 05:08 PM

بجد الاعلان دة من كتير حاجات كتير تحرق الدم عايزين يضربو عصافير كتير بحجر واحد منها يجيبوا (عمال) للمصانع الجديدة واللي مش عارفين بتاعت مين :rolleyes: ومنها يقولو مفيش بطالة ف مصر اللي بيقول مفيش شغل يتصل بـ 0900 وهيشتغل علا طول ومنها حبة مثالية ان مفيش حد ف مصر بيوصل بسهولة (بالكوسة مثلا) الناس كلها بتركب القطر وبعدين بتوصل (وابقى قابلني لو وصلو) وعلى راي بسملة ربنا يخلينا لبعضينا

اسكندرية احلى دنيا

17-11-2007, 01:55 PM

هو موضوع يصدم فعلا
بس كراي ذاتي اعتقد انك تشتغل عامل احسن بكتير من انك تبقى عاطل عن العمل ودة مش كلامي دة كلام افضل الخلق محمد صلى الله عليه وسلم
لان يذهب الرجل فيحتطب خير له من عدم العمل والسؤال
وبعدين خلاص احنا دلوقتي امام واقع مش قادرين نغيرو هنقعد بقى نعيط ونصوت ونقول الحكومة خربتها وهي السبب اكيد لا لازم نتحرك ولما تاخد 100 جنيه احسن مما ماتاخدش ولا هتقعد تستنى الفرج والقوى العاملة والكلام الفراغ دة
دة طبعا مش معناه اني مع الحكومة بس في نفس الوقت ماينفعش نقعد ع الرضيف ونقول هي السبب يبقى هنفضل قاعدين ع طول ولما تركب القطر احسن لما تفضل قاعد ع القهوة دة من وجهه نظري
مجرد راي
وشكرا ع الموضوع

عبقرينومان

21-11-2007, 09:44 PM

كما قال الشاعر المصري الكبير المعروف الذي يقول بيته المشهور في كل مكان
الشاعر عبقرينو

مصر هي أمي دايما حارقة دمي

_GUIDE_

22-11-2007, 11:35 PM

M.Neo

24-11-2007, 03:19 AM

انت مين مصادرك يا باشا

135 قرش ايه ده لو كيلو ليمون هيبقي اغلي

The Happy Angel

24-11-2007, 05:40 AM

انا بقي يا نيو معاك في دي تمام

كركركوكو

24-11-2007, 11:45 PM

حسبي الله ونعم الوكيل
المتر بكااااااااااااااااام ؟ 135 حسبي الله ونعم الوكيل
يعني نحارب ونصرف ودم الشهداء
وي الاخر يبيعو المتر ب 135 حسبي الله ونعم الوكيل
حسبي الله ونعم الوكيل حسبي الله ونعم الوكيل حسبي الله ونعم الوكيل

حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل
حسبي الله ونعم الوكيل حسبي الله ونعم الوكيل حسبي الله ونعم الوكيل

حسبي الله ونعم الوكيل حسبي الله ونعم الوكيل حسبي الله ونعم الوكيل

عشت ياريس وعاشت حكومتك

كركركوكو

24-11-2007, 11:53 PM

وشكرا لعبقرينو علي الشعر الجميل ده

M.Neo

25-11-2007, 02:20 AM

اشكركم ياجماعة على تفاعلكم وردودكم
بس الموضوع فعلا حقيقى وسعر الارض فعلا ده حقيقى
وانا تابعت الموضوع ده كتير من خلال الصحف
وايضا من خلال برنامج الطبعة الاول على قناة دريم
واعتقد ان نشره فى المصرى اليوم اكبر دليل على صدقه

ممممم انا اول مرة اشوف الرد ده مش عارف هو كان هنا لما انا رديت ولا اتكتب بعده ولا ايه

المهم ان المصري اليوم جريدة مستقلة محترمة فلو بتقل علي سيادتك تاريخ النشر في المصري اليوم

الطبعة الاولي مش ده بتاع الجرايد ايوه ممكن يكون جابها من المصري اليوم

واحـد من النــاس

25-11-2007, 11:42 AM

يا جماعة الخبر صحيح .. ومش غريبة .. اذا كان في مناطق في العريش من سنين سنة كان المتر بـ 10 جنيه عادي للمصريين ..

وبعدين طلعت السادات بردو كان بيقول كده في العاشرة مساءً من فترة .. ومصانع كبيرة جنب بعضها ييجي 6 مصانع كده بيتباعوا بأسعار زهيدة جدااااا لليهود ..

ما تستغربوش .. مصر أم الدنيا .. الله يرحم اما كنا بنتخانق في الشات مع العرب .. يشتموا مصر ونقولهم دي أم الدنيا ههههههه .. يا حسرة !!

شكرا ع الموضوع يا إسلام ..

كركركوكو

25-11-2007, 03:31 PM

فعلا انا حضرت مؤتمر للسيد هادي فهمي / رئيس الشركه القابضه وواحد قام وسأله السؤال ده
بس كان بيقول المتر بجنيه ونصف والمهم ان سامح فهمي ماانكرشي الموضوع ولا قال له ده غلط
علي شان كده انا عن نفسي وااااااااااااااااااااااااااااااااااثق من الخبر

M I D O

25-11-2007, 03:46 PM

لا الله الا الله

بكره تلاقوا فى مزايدة على الهرم كمان

ماخلاص

وقريبا رفع الدعم

وتخصيص التامين الصحى

ان لله وانا اليه راجعون

خلاص كله راح

تاريخ : شعب : قيادة : كل حاجة

am_online5

25-11-2007, 05:30 PM

كارثة من 100000000000000 الكوارث الي كل يوم مصر بتعملها

وفي الاخر بيقولك الحق القطر

شكررا علي موضوك

كركركوكو

25-11-2007, 05:38 PM

لا سيبك من موضوع الهرم ده ياباشا لانه احتمال يكون مرهون
ربنا يستر علينا احنا ممكن نتخصخص ونبقا عبيد
والامريكان والاسرائليين يشترونا من بابا حسني
ويستخدمونا في الحرب

واحـد من النــاس

25-11-2007, 05:49 PM

لا الله الا الله :confused::confused:

لا إله إلا الله .. وحط ألف صغيرة فوق اللام :)

شموخ مسلمة

25-11-2007, 11:39 PM

انا متوافقة تماما مع اسكنرية احلى دنيا
و بعدين معلش اللى قال مصر دى امى دايما حارقة دمى
ليه ماتقولش العكس
نعيب زماننا و العيب فينا و ما لزماننا عيب سوانا
بصو يا جماعة احنااااا اللى عملنا كده فى نفسنا و ياريت بالله عليكو ما حد يشتم مصر لانى بحس بضربة جامدة اوى ليا و و الله ما بهزر