|
مشاهدة النسخة كاملة : خبر عاجل رفع الكادر من مرتبات شهر مارس med9bb11 23-02-2011, 10:49 AM استغاثة اين حق المعلمين ؟!!!!! ادارة سوهاج التعليمية تعطي تعليمات برفع كادر المعلمين المرحلة الثانية لشهر مارس2011 من الراواتب و التالى باقي المحافظات med9bb11 23-02-2011, 04:39 PM ياجماعة الى عنده نفي أو تأكيد يكتب رد algazzr 23-02-2011, 04:42 PM ما معنى هذا الكلام ومعنى المرحله الثانيه وما هى المرحله الاولى المرزاوى 23-02-2011, 07:49 PM فعلا جاءتاشارة اليوم لمحررى المرتبات برفع الكادر من الراتب من شهر مارس 1 / 3 /2011 YaserTrboush 23-02-2011, 08:42 PM على حسب علمى حصل الكلام ده السنة اللى فاتت وكان يتم صرفة باستمارات منفصلة مع المرتب معلم من مصر 23-02-2011, 08:54 PM ما معنى هذا الكلام اللى عنده تعليق يرد handaha 23-02-2011, 09:01 PM زي ماقلت في العنوان الكلام ده عاري تماما من الصحة وذلك لانني في مدرستي ادارة العجوزة تم استلام راتب الشهر ده كامل وتم اعداد راتب مارس بالكادر وتقريبا بالزيادة الجديدة . روكا دودو 23-02-2011, 09:30 PM هى سوهاج كدة مفيش حتى بدل النقدى الله يجازى كمال شمخ السيد خاطر 23-02-2011, 10:05 PM زي ماقلت في العنوان الكلام ده عاري تماما من الصحة وذلك لانني في مدرستي ادارة العجوزة تم استلام راتب الشهر ده كامل وتم اعداد راتب مارس بالكادر وتقريبا بالزيادة الجديدة . تم اعداد راتب مارس بالكادر kerewy2010 23-02-2011, 10:18 PM كفاااااااية اشااااااااااااااااااعات الله يعمر بيوتكم هم بتوع الحكومة بيسمعوا اشاعاتكم وبينفذوهاااااااااا عادل سالم محمد القصاص 24-02-2011, 01:24 AM انا لا فاهم المرحلة الاولى ولا المرحلة الثانية حد بيفهم شوية يفهمنا لجل النبى ahmedhadieh 24-02-2011, 01:38 AM هى سوهاج كدة مفيش حتى بدل النقدى الله يجازى كمال شمخ هو لسة في شمخ ما خلاص تمت محاسبته على المخالفات ووقع عليه اشد العقاب بترقيته لمنصب كبير في الوزارة احمد-ندى 24-02-2011, 01:51 AM شوف يا استاذ عادل المرحلة الأولى وهى نسبة 50% من اساسي المرتب لجميع المعلمين المعينينوأيضاً العقود المميزة أما المرحلة الثانية فهى تطبق وفق شروط وايضاً لابد من إجراء الخاصة باكاديمية المعلم وتكون نسبة الزيادة وفقاً للدرجة المالية وذلك ينطبق على العينين فقط وهى كالتالي الدرجة الثالثة 50 % الدرجة الثانية 75 % الدرجة الأولى 100 % درجة كبير 125 % ..... 150 % وتح أمرك في اى استفسار .. حسام أ/حسام أحمد 24-02-2011, 11:38 PM الكلام ده صحيح ولا بد ان نقف وقفة حازمه فى وجه الظلم أستاذ/شفيق الأخضر 25-02-2011, 01:01 AM هي الناس دي لسة عايشين قبل 25 يناير كل حاجة اتغيرت عرفوهم ان احنا في عصر ما بعد 25 يناير عبدالعزيز السيد عرابى 25-02-2011, 01:27 AM سوهاج دى فى الماليات ربنا يرحمها اول ناس يتخصم منهم وآخر ناس ييجى لهم فلوس ومتعرفش مين عامل جمعية مع مين وهيقبضها امتى الاجور المتغيرة وبدل النقدى وكتير والشهر بتاع مولد النبى اللى صرفوه فى الازهرواحنا ولا احنا هنا نفسى اشوف تغيرات حقيقية بعد الثورة غير اسقاط النظام نفسى اشوف ارجاع الحقوق لاصحابها مدرسةالعجمى1 25-02-2011, 12:27 PM الموضوع دة صحيح 100% فى ادارة العامرية الاسكندرية . اثناء امتحانات نصف العام ارسلت نشرة رسمية بذلك . وكان فى حيذ التنفيذ فعلا . وتم عمل كشوف المرتبات بدون كادر المرحلة الثانية . لمدة ثلاث اشهر بداية من شهر مارس . ((((( وضع الفلوس فى البنك واخد الفوائد للعاملين بالادارة )))) ولكن بعد الاحداث الاخيرة تم التراجع عن التنفيذ . وتم عمل كشوف جديدة كاملة المرتب . (( مثال اخر )) يتم خصم الحوافر كل عام حوافز شهر 7 ثم يتم صرفة فى شهر 6 من العام التالى . ويحدث ذلك سنويا الموضوع صحيح وحقيقي 100% ..:040vk0::040vk0: الشادى افندى 25-02-2011, 01:42 PM المطلوب من معلمين سوهاج عمل اضراب عام عن التدريس لحين عودة الكادر انا مش عارف ايه الغباء ده بتاع موظفى الماليات فى سوهاج دول شوية اغبياء طيب انا نفسى اعرف مين اصدر هذا القرار وكيل الوزارة موقوف عن العمل وبتاع الميزانية موقوف ايضا دول بيألفوا من دماغهم والواجب على المدرسين ان يعلموهم الادب ونعمل اضراب حتى يتم عودة الكادر samehbasha76 25-02-2011, 04:13 PM الكلام صحيح جرجا سوهاج أبو إسراء A 25-02-2011, 04:49 PM المرتب + الكادر لا يكفيان ، والمطلوب المطالبة بالحد الأدنى للعيشة الكريمة . شكرا على الخبر Mark 2011 25-02-2011, 06:46 PM الشعب المصري ده كلمة توديه و كلمه تجيبه yasserframs1 25-02-2011, 07:27 PM اكتر ناس مشهود لها بالبيروقراطيه وفوت علينا بكره يا فندى والسرقه والنهب واختراع فتاوى خاصة بيهم يوقفو بيها المراكب السايرة بتوع مدرية التربية والتعليم فى سوهاج شله مع بعض وعاملينها سبوبه بيكسبو منها وتركه بيقسمو فيها والمشكلة مششششششششش فى وكيل الوزارة لالالالالالالالالا المشكله فى حيتان المدريه اللى بتنهب وعلشان تامن نفسها لازم يراضو وكيل الوزاره ولو لقيوه طماع وعايز يقسم معاهم يصدروه هو وهم يفضلو مستخبيين لحد ما الموجه تهدى ويبداو يقسمو فى تركت اباتهم و الغريبه ان من شكلهم معفنيين ونتنين ومقمللين وحالتم بالبلا ولو شفتهم تدى الواحد منهم نص جنيه مع انهم اصحاب ملايين من نهب فلوس الغلابه ياااارب حد ياخد بالو منه لان التعليم مش هينضف فى سوهاااااااااااج الا لو الناس دى اتكشفت وتحاكمو yasserframs1 25-02-2011, 07:34 PM احمد كمال شمخ الحرامى الموقوف عن العمل قبل ما يبقى وكيل وزارة كان قاعد فى كشك الامن قدام باب المديرية تخيلو واحد طول النهار قاعد على كرسى قدام البوابة يترقى ويقعد على كرسى وكيل الوزارة اكيد انتو كده عرفتو الدنيا ماشية ازاى فى سوهاج أحمد خالد خليل 25-02-2011, 09:52 PM ما زال الفساد مستمرا في سوهاج ووزارة التربية و التعليم تكافئ وكيل الوزارة الموقوف عن العمل بترقيتة لمنصب هام في الوزارة كوكيل أول و يتم إسناد وكالة الوزارة لوكيل المديرية الذي أتي بالواسطة و المحسوبية . مدرسي سوهاج وقفة جادة ضد كل الفاسدين: - وكيل الوزارة - الحرامي نقيب المعلمين خلف زناتي. وكيل المديرية المتكبرررررررررررررررررررررررررررررررررررررررررررر رررررررر - مدرس مقهور علي سلبية سوهاج semba31 25-02-2011, 10:16 PM احنا فى ادارة قنا التعليمية شالوا البدل النقدى وبدل الاعتماد من شهر فبراير مش مارس . عليه العوض ومنه العوض ومفيش فايدة walid1966 25-02-2011, 10:38 PM في الاقصرشهر مارس بدون كادر وبدل نقدي YaserTrboush 25-02-2011, 11:55 PM حسبنا الله ونعم الوكيل zeyad22 26-02-2011, 01:04 AM حد يقولي المرحلة الثانية من الكادر علي اي اساس سليم العو 26-02-2011, 03:19 AM ايه ده ايه ده ارفع راسك انت معلم اطلب حقك قوم اتكلم لو وطيتها ايه هاتعلم ولا معلم خاف هايعلم ذل ومهانة واردى مكانة ارفع راسك ارحم نفسك ارفع قلمك اكتب خطك قول مين ظلمك بعد اليوم خوفك ظلمك جبنك ظلمك اكرم نفسك وارفع راسك يوم الاحد ياترفع ناسك ياتبقى راسك تحت مداسك ارفع راسك ناصر عبد العزيز 28-02-2011, 11:18 AM وصلت تعليمات للمدارس الاقصر لتحرير بدل الاعتماد وبدل المعلم وبدل النقدى فى استمارات مفردة وتجمهر المعلمين وهددوا بالاضراب فقال وكيل الوزارة ان التعليمات صدرت عن طريق الخطأ وانه تمت احالة المتسبب للشئون القانونية ونفى ان ذلك سيحدث هكذا يجب ان يكون الدفاع عن الحقوق نحن لا نريد مطالب فئوية لكننا لن نسكت عن خصم مرتباتنا قوتنا وقوت اولادنا جورج م 28-02-2011, 01:04 PM الرجاء وضع بدل النقدى على المرتب فى سوهاج لانة مستقطع من شهر 9 ولما الناس اشتكت على استقطاع المرحلة الثانية من الكادر تراجعوا عن القرار حاتم الطائى 28-02-2011, 05:36 PM اخيرا وصل فاكس الىى ادارات التعليميه التابعة لسوهاج مفاده 0000عدم فصل الكادر عن كشف المرتب YaserTrboush 28-02-2011, 08:00 PM على فكرة يا جماعة النهاردة جاء تعزيز لميزانية بدل الاعتماد والبدل النقدى لمحافظة سوهاج |