اللى حاصل اليومين دول فى البلد وفى الوزارة تحديدا لا يسر عدو ولا حبيب ومبدئيا عايزين نتفق على شوية حاجات

اولا في ناس كتير دخلت كلية التربية وهى حاصلة على مجموع كبير فى الثانوية عشان التعين وبعد كدة اتلغى
التعين وهم لسة طلبة
ثانيا في ناس لو كانت اتعينت من وقت تخرجها كان زمانهم دلوقتي على الدرجة التانية
ثالثا من اكتر من ثلاثين سنة ونزيف اهدار كرامة المعلم مستمر ومفيش حد يوقفه
رابعا الاكاديمية دي اتعملت عشان تبقي سبوبة لناس تسرزق منها
خامسا مفيش حاجة فى قانون الكادر تنص على اننا لازم ناخد icdl
سادسا ليه يصدر قرار 53 اذا كان فيه قانون كامل اسمه قانون الكادر بيقول يتم التعين خلال سنتين بعد الحصول
على شهادة الصلاحية
سابعا ايه اللى يضمن انه مايكنش هناك قرار 54 و 55 و56 ......الخ وهكذا لحد م الناس اللى مدخلتش امتحان الكادر
تدخل وتمتحن وتنجح وبعدين الورق يتراجع وبعدين يطلع فيهم مزوريين وبعدين يطلبوا الاصول بتاعت
الورق بتاعهم ونكون وصلنا ل فبراير 2012 فيقولك هتتعينوا فى 7 الجاي
ثامنا البلد مش مستحملة طلبات فئوية دلوقت
تاسعا لو تركنا المدارس واعتصمنا هنفصل بسبب الغياب
عاشرا احنا مرتباتنا متستحملش اعتصام وسفر واكل وشرب بره البيت ونسيب اسرنا لاجل غير مسمي
طيب ايه الحل
اقترح اننا نقدم مذكرة للمجلس العسكري بمطالنا ونوضح اننا احق فئة وذلك لاننا المفروض كنا هنتعين حسب كلام الوزير السابق ولكن احداث الثورة هى اللى عطلت القصة دى ويكون اخر موعد لكي نحصل على الراتب المضاف اليه المرحلة الثانية من الكادر هو 25/ 4/ 2011 والا فسوف ندخل فى اعتصام مفتوح داخل مدارسنا بحيث نذهب الى مدارسنا ونمضى حضور وانصراف انما مش هندخل فصول



رجاء شارك برايك

كلام معقول معاك حق