مشاهدة النسخة كاملة : الكلام دا لو تم تعديل قانون 155 لسنة 2007 ..... شارك برأيك ...............


أحمد قلانه
26-02-2011, 04:56 AM
السلام عليكم ورحمة الله وبركاته

فى البداية لعلم الجميع فقد استوفيت كافة الشروط اللازمة للتعين وعقبال ما يتم فعلا رسمى وللجميع ان شاء الله

أما موضوعى هنا لايخصنى وحدى ولا يخصك أنت فهو يخص وضع مهنتنا وكرامة المعلم المتبقية


ماذا لو تم تعديل قانون 155 لسنة 2007 ؟؟؟

فليتقدم كل منكم باقتراحه

وهذا اقتراحى فى نقاط هامة :

1. يتم بداية السلم الوظيفى كمعلم مساعد لمدة عامان . إذا استوفى الشروط اللازمة للتعيين خلالها يتم التعيين فوراً بعد مرورهم وان لم يستوفى فله سنة اضافية اخرى كفرصة له ( سنة ثالثة).

الشروط اللازمة للتعيين

شرط واحد فقط

أن يحصل المعلم المساعد خلال العامان على دبلومة تربوى فى حالة عدم حصوله عليها .
ودا لأن مينفعش يكون واحد شغال فى التربية والتعليم مش معاه تربوى



ملحوظة:- لامكان لمعلم بالحصة ولا مكافآة شاملة واحتساب مدتهم السابقة ضمن العامين كمعلم مساعد ولا يبدأو العامان من جديد وتعيينهم فى حالة استيفاء شرط التربوى



2. بالنسبة للأكاديمية تتلغى فوراً . لأسباب كثيرة

كفانا ذل ومهانة ومصالح شخصية
يعنى ايه أكاديمية بدون تدريب
يبقا ايه لازمتها
والاخر نروح نختبر بدون اى تدريب ولا أى شيئ نهائى

تفضلو بقراءة هذا المقال
لمعرفة المزيد عن كوارثها والغرض منها

وقائع الفساد فى ألأكاديمية المهنية للمعلمين (http://www.rosaonline.net/Daily/News.asp?id=50772)



3. أما بالنسبة للـ icdl طبعا شيئ ضرورى جدا ولاغنى عنها بس المفترض انها تكون للترقية وليس شرطاً للتثبيت.

دى كانت من أهم النقاط التى تخص الجميع


وللعلم بالشيئ عشان تنال مرادك من وزارتنا لازم يكون سقف طلباتك عاااالى

متنسوش الناس دى لسا هتتفاوض وتعارض وتناقش
ومينفعش تنفذلك كل اللى انت عايزه
وطبعا أكيد فاهمين أقصد ايه

.................................

عصام الفنان
26-02-2011, 05:01 AM
تمام التمام

احمدخشيله
26-02-2011, 07:31 AM
انا معاك 100/100 عارف ليه لان ده الكلام المنطقى اللى الناس مفروض عاما تفكر فيه . ضرورى جدا يبقى المعلم اللى مش خريج تربيه يبقى معاه تربوى . وده فعلا يبقى شرط التعيين بالاضافه الى شرط الثلاث سنوات احتسابا من اى سنه للمعلم قضاها فى التدريس ولو حتى قضاها فى شغل حكومه اخر ما فيه ناس كانت اشتغلت فى مصلحه حكوميه اخرى غير التربيه والتعليم كموظفين مؤقتين برده اسمه قضى سنين فى الشغل الحكومى . تبقى بس موضوع ال icdl ده مايبقاش شرط ولكن الواحد من نفسه يطور نفسه ويبقى معاه شهادة كومبيوتر تفيده مستقبلا زى الشهاده دى ( مثال : لو عاوز تدرس فى الخليج وتسافر بره معظم المدارس عاوزه الشهاده دى فى ال cv ملك حضرتك )

mohammed ahmed25
26-02-2011, 08:08 AM
ممكن يكـــــــــون كلامى مش وقته دلوقتى : لكن اعتقد ان بالنسبه للمدرس بالذات لابد من تحسين الأجور و رفع الحد الأدنى . على الأقل يقدر يعيش و يصرف على الدبلومه . و بالنسبه للسنتين اعتقد انها فتره كويسه لغير التربوى .الاكاديميه لازم تستمر لكن يحصل فيها تطوير و دورات باستمرار , هى فكره كويسه لكن غلط ان يكون هدفها هو امتحان الكادر فقط, غير كده كان بيحصل غش فى بعض الاماكن .اما بالنسبة لشهادة الـــ
icdl للأسف اى حاجه ليها طريقه للفهلوه , الاغلبيه كانوا بيشتروا مذكرات و يحفظوها و يمتحنوا و ينجحوا بتفوق كمان , والحل هو الاستفاده منها وان الادارات والموجهين يطلبوا من المدرسين عمل عروض باوربوينت للمنهج او جزء منه وتكون عباره عن مسابقات و يتم تطبيقها فى المدارس فعليا , و بالتــــأكيد ناس كتيره هتلاقى حل و يلاقوا حد يعمل العروض دى , يعنى مفيش فايده , المهم الضميــر و الأمانــــــــــــــــــــه.

اشرف الشجري
26-02-2011, 02:43 PM
السلام عليكم ورحمة الله
لابد من التعيين بدون شروط وجعل حد ادني للمرتب ومن يرغب في الزياده عليه استكمال كل ماهو مطلوب

ايهاب2323
26-02-2011, 05:28 PM
انت عندك حق كفايانا زل ومهانه

محمد اثير
26-02-2011, 05:47 PM
تمام اتفق معك كل الاتفاق

مسطره
26-02-2011, 09:20 PM
كلام سليم وأنا معاك

أحمد قلانه
26-02-2011, 09:22 PM
شكراً لكل من شارك بالرد والتعليق ونتمنى المزيد من مناقشات وآراء الأعضاء

ريهمسة
26-02-2011, 09:39 PM
وللعلم بالشيئ عشان تنال مرادك من وزارتنا لازم يكون سقف طلباتك عاااالى

متنسوش الناس دى لسا هتتفاوض وتعارض وتناقش
ومينفعش تنفذلك كل اللى انت عايزه
وطبعا أكيد فاهمين أقصد ايه

مشكوووررر
لكن انت عامل الموضوع ده ليه

انت مش قولت قبل كده توبه وهتفضل قاعد لحد ما يجيلك التعيين
ومش هتعمل اعتصامات تاني

تقبل مروري

أحمد قلانه
26-02-2011, 10:51 PM
][/size]

مشكوووررر
لكن انت عامل الموضوع ده ليه

انت مش قولت قبل كده توبه وهتفضل قاعد لحد ما يجيلك التعيين
ومش هتعمل اعتصامات تاني

تقبل مروري



وأنا عند كلامى ياريهمسة
انا بس طرحت الموضوع دا لأنى بجد زعلت جداً من النزاع الى تم ما بين المعلمين
وحاولت انى أجمع الكل فى فكرة تجمعنا وتكون سليمة ودا مجرد رأى للكل يتناقش فيه
وشكرا لمرورك ياريهمسة
..........

رائحه الورد
26-02-2011, 10:57 PM
معاك حق ولكن لست مع فكره الغاء الاكاديميه ولكن الغاء الامتحانات التى تهين المعلم وتلغى كرامته ومن الممكن ان تظل الاكاديميه ودورها يكون تاهيلى وتدريبى ويكون هناك وسائل واسليب اخرى للتقويم والتقييم للمعلم بما يتلاءم مع كرامته وللرساله التى يقوم بها فهى رساله الانبياء والرسل

aleman
26-02-2011, 11:05 PM
كلام سليم
بس لى تعليق واحد
مع الغاء الاكاديمية يبقى انتا كده بتلغى الزيادة فى المرتب كمان
بمعنى احنا بالاسكندرية بنقبض268ج بالكادر
مكتوب كده فى مفردات المرتب ان الزيادة دى بالكادر
والاول كنا نقبض312ج
الاساسى كان 140ج
اصبح 180ج

sosoose
26-02-2011, 11:13 PM
هو الكلام في حد ذاته تمام واعتقد معظم الناس موافقة عليه بس فيه نقطة هي يمكن مالهاش علاقة اوي بس حابة اعرفها من باب العلم بالشيء المعتصمين لو قعدنا يوم 2 3 اسبوع او اكتر حتى الكل عارف اننا في العقد لينا 6 ايام او 7 عارضة طيب ايام الاعتصام دي بيتشطب فيها علينا او بتتحسب ازاي يعني عايزة اعرف موقفنا للي عنده علم شكرا

أحمد قلانه
26-02-2011, 11:22 PM
][/size]معاك حق ولكن لست مع فكره الغاء الاكاديميه ولكن الغاء الامتحانات التى تهين المعلم وتلغى كرامته ومن الممكن ان تظل الاكاديميه ودورها يكون تاهيلى وتدريبى ويكون هناك وسائل واسليب اخرى للتقويم والتقييم للمعلم بما يتلاءم مع كرامته وللرساله التى يقوم بها فهى رساله الانبياء والرسل


للاسف فقد تم استخدام الأكاديمية بأسلوب خاطئ ومصالح شخصية لجلالتهم من مكافأت غير مستحقة وخلافة من فساد
وكيف لنا ان نختبر بدون أى تدريب
ولا نعتقد بأنه سيتم استخدامها بأسلوب صحيح يخدم المعلم
فليس لديهم سوى ورقة واحدة هو اختبار المعلم
ونحن نرفض هذه
.....

aleman
26-02-2011, 11:23 PM
اكيد هتتحسبى عرضه بالمدرسة

dody. hassan
28-02-2011, 06:13 PM
لو سمحتم لازم كمان كلا منا يتم تعيينه على تخصصه طبقا للمؤهل الدراسى وليس بتخصص العقدفمثلا كثير منا تخصصه لغة عربية أو علوم أو رياضيات أو -------------- وتم تعاقده على مدرس فصل ابتدائى

dody. hassan
28-02-2011, 06:16 PM
لو فيه حد تانى له نفس المشكلة نرجو التواصل و المشاركة

هاجر موسى
28-02-2011, 06:22 PM
كلام سليم100%

أحمد قلانه
04-03-2011, 12:04 AM
ربنا يكرم الجميع