بسم الله الرحمن الرحيم
سألت فى الادارة ( ادارة دكرنس ) عن اسماء المعلميين المساعديين المستوفيين الشروط ما وصلتش لحاجة ؟؟؟؟؟؟؟؟؟
رجعت للمديرية " مدرية التربية والتعليم بالدقهلية " اليوم 28 /2 /2011 بعد مرور 14 يوم على صدور القررار كان سؤللى انا معلم مساعد عايز اسال عن الاسماء المستوفيه الشروط وصدر ليها قرار فى اداره محدش عنده معلومات ؟
كانت الإجابة من داخل قسم التعينات
ارجع مدرستك ولما يبقى فى حاجة هنبعتلك .
سألته فى قرار المفروض على موقع الوزارة ؟
كانت اجابتة نت ايه مفيش حاجة لسه فى اجراءات لما تخلص هنبعتلكوا الموضوع هياخد شهريين تقريباً على ماتتثبتوا .
اتمنى ان الكلام دا ميكونش حقيقه
يارب ارحمنا
اسف عل اكلام الى يدايق داه بس انا اتخنقت بصراحه

شهر سبعه السنة المالية الجديدة دا الكلام اللى اتقال فى الدقهلية

ربنا ينتقم منهم
اخر محافظة في كل حاجة وتعقيد بدون سبب في كل حاجة
بقالهم سنة ونص بعد النجاح واعتماد المحافظ مستنين اية
المجاملة والمحسوبية
والذل فينا
وبيطلبوا بكادر علي الي بيعملوا فينا
ربنا علي الظالم .........................

انا رحت الادارة النهاردة ادارة غرب التعليمية قلتلهم فين يا جماعة الاسامى ردت الموظفة بكل غباء انها عايزة دوسية وورق وبلاوى جديدة وكمان اكتب طلب عشان ادخل الامتحان
قلتها يا ستى انا دخلت الكادر ونجحت
وقدمت كل الورق فى الاكادمية فى الزقازيق مافيش فايدة فى التخلف تقولى عايزة طلب بردو
قلتها ممكن اشوف الاسامى طيب قالت مافيش حاجة جت من المدرية
خد تاكس وجرى على المدرية وسالت هناك قالو الاسامى بقالها اسبوع مع مدير شؤون عاملين فى ادارة غرب المنصورة
فيلم غباء فى غباء ادى مدرية التعليم فى الدقهلية

كنت اليوم فى ادارة دكرنس ووجدتهم يقومون بإستكمال بيانات أصحاب العقد المميز مثل تاريخ اول تعاقد المكافأة الشاملة وتاريخ العقد المميز سواء امتحن أملا لأن المديرية طلباهم من الإدارة
وعلى فكرة الأسماء فى المديرية تحتاج لواسطة لمعرفة الأسم موجود أم لا فى كشوفات التعين

يا اخى عمر انت منيين بالضبط من الدقهليه ام الزقازيق

الغباء مش فى الدقهلية لوحدها دا فى الغربية كمان

ولا والست هانم اللى إسمها شادية المسؤلة عن ذلك تتكلم معك بشكل مستفز جدا وفاكره نفسها وزيرة القوي العاملة وفعلا بعض الأسماء موجودة وتحتاج لمعرفة عشان تعرف اسمك موجود ولا لأ ..مش عارف الموظفين في التربية والتعليم بالدقهلية تشعر وانهم بجد والله معاهم محو أمية ...تأهيل مهنى ...حاجة زى كده مفيش عندهم أى زوق في التعامل تكلمهم محدش يرد عليك ..الموضوع محتاج لوقفة بجد من كل زملائي المعلمين لمحاسبة هؤلاء ومحاسبة الفساد اللى في المديرية ...علي أى حال الموضوع كله غير واضح المعالم وبإتصالي بالاكاديمية اللى في دمياط قال إحنا بعتنا كل الأسماء الي الوزارة وهي المسئولة عن إرسال الكشوف الى المديرية اللى للأسف متعرفش تسأل عندهم علي حاجة ومع ذلط طلبت 19126 وفينننننننننننننننن لغاية ما ردوا عليا قالوا ان الاسماء تصل إلي المديريات تباعا ولا يوجد تعين فعلي الا في شهر 7 علي أساس السنة المالية الجديدة ...فقمت بالاتصال بمكتب الوزير الراجل رد عليا وهو بيعيط ويقول انا مش عارف اكلمك لان المتظاهرين إقتحموا مقر الوزارة ...هذا ما لدس من معلومات وشكرا ومع تمنياتي للجميع بالتوفيق

ولا والست هانم اللى إسمها شادية المسؤلة عن ذلك تتكلم معك بشكل مستفز جدا وفاكره نفسها وزيرة القوي العاملة وفعلا بعض الأسماء موجودة وتحتاج لمعرفة عشان تعرف اسمك موجود ولا لأ ..مش عارف الموظفين في التربية والتعليم بالدقهلية تشعر وانهم بجد والله معاهم محو أمية ...تأهيل مهنى ...حاجة زى كده مفيش عندهم أى زوق في التعامل تكلمهم محدش يرد عليك ..الموضوع محتاج لوقفة بجد من كل زملائي المعلمين لمحاسبة هؤلاء ومحاسبة الفساد اللى في المديرية ...علي أى حال الموضوع كله غير واضح المعالم وبإتصالي بالاكاديمية اللى في دمياط قال إحنا بعتنا كل الأسماء الي الوزارة وهي المسئولة عن إرسال الكشوف الى المديرية اللى للأسف متعرفش تسأل عندهم علي حاجة ومع ذلط طلبت 19126 وفينننننننننننننننن لغاية ما ردوا عليا قالوا ان الاسماء تصل إلي المديريات تباعا ولا يوجد تعين فعلي الا في شهر 7 علي أساس السنة المالية الجديدة ...فقمت بالاتصال بمكتب الوزير الراجل رد عليا وهو بيعيط ويقول انا مش عارف اكلمك لان المتظاهرين إقتحموا مقر الوزارة ...هذا ما لدس من معلومات وشكرا ومع تمنياتي للجميع بالتوفيق

والله كل كلامك صح 100% دول عملين زي الفراخ مفكرين انهم فوق البشر واما تكلم حد يقولك احمد ربنا انك شغال غيرك قاعد علي الرصيف مش فهمين اننا اشتغلنا ب105 جنية في الشهرمن 5 سنين وفيه غيرنا معبرش وضحك علينا وقال انتم مجانين دلوقتي بيقلوا احمد ربنا واللي اسمها شادية بتكلمك من طرف منخيرها وكنهاوزيرة القوي العاملة ربنا يهدهم وينتقم منهم ومن كل واحد ظلمنا .........
ولازم واقفة ليهم زي زمايلنا الرجلة في المحافظات الاخري

علي فكرة انا امتحت ونجحت في الكادر وخلصت كل اوراقي من اول مرحلة

منهم لله

كمان الغباء فى ادارة السنبلاوين

طلبت الكشف الاهانم رفضت وقالت كل الاسماء نزلت طيب اشوفها

لا طبعا

تنا مش عارف انا كنت ضد الاعتصامات بس يظهر ان ده حل هذه البلد اللى عمرها ما هتتقدم هو كل واحد موظف بيتكلم معانا كاننا بناخد من ورث اهله ولا من تركت ابوه ولا فى ايه انا اتخنقت خلاص

يا باناء الدقهلية فى محافظات تانية اخدت جوابات التعين اشمعنا احنا ليه وكيل الوزارة بتاعنا والحاشية يتعته بيعملونا كده وماخرنا ليه عن الناس دى وبيكلمونا كاننا عبيد عندهم وبقلة ذوق ياجماعة انا كنت بقول انا ضد الاعتصام بس بجد بعد اللى حصل وان ناس تتعين واحنا لا لازم يبقى لينا واقفة كلنا ونعمل حاجة عشان نبقى زى زميلنا اللى اتعينو

:slap1qk6:صدقوني التثبيت مش تعيين ، التثبيت يعني عقد ثابت و مش على درجة مالية اعتقد ان بقايا النظام الفاسد لسه قاعدة و مش قادرين يفهموا ان النظام سقط بكل قوانينو يعني المفروض يلغو اي حاجة اسمها عقود احنا مش عاوزين حاجة اسمها عقد وبدأنا نعمل اعتصامات في المصالح الحكومية عشان يفهموا ايه مطالبنا و ارجوكم شاركونا لان مفيش حاجة هتحلص الا اذا فهموا اننا زهقنا من حاجة اسمها تعاقد

يا اخى عمر انت منيين بالضبط من الدقهليه ام الزقازيق


ياست الكل انا من المنصورة بس بنقدم فى الاكادمية فرع الزقازيق

كل الدقهلية بتقدم فى اكاديمية الزقازيق

تنا مش عارف انا كنت ضد الاعتصامات بس يظهر ان ده حل هذه البلد اللى عمرها ما هتتقدم هو كل واحد موظف بيتكلم معانا كاننا بناخد من ورث اهله ولا من تركت ابوه ولا فى ايه انا اتخنقت خلاص

عايز اعقب عل موضوع الاعتصام بس بدون زعل بصراح انا مع الى حصل فى 25 لكن الفساد منتشر من قمة الهرم " رئيس الجمهورية " الى قاعد ة الهرم " كافة افراد المجتمع الامن رحم ربى " فعلى مستوى كل المصالح الحكومية ينتشر الفساد ، لاكن هناك فرق بين الديمقراطية " الحرية " والفوضى ، فالبعض يرى ان التعبير عن الرأى حرية فهو ليس بحرية " فوضى " اذا لم يكن نابع من فرد يؤمن بقيمة الواجب والإلزام والمسئولية ، وان اعتقد ان دا مش وقت اعتصام لاكن فى مقبال ان حد من البنى أدميين المسؤليين يحث بمسئوليته ويفهم دا ويبطلوا مماطله وينهوا التعيين عشان خاطر مصر فوق الجميع ................. تحيا مصر ..........تحيامصر قبل كل شئ

كل الدقهلية بتقدم فى اكاديمية الزقازيق
ياعم الحج احنا بنقدم فى دمياط

انتى ادارة ايه يازينب انا ادارة السنبلاوين ومقدم فى الزقاززيق وادارة شرق وغرب المنصورة مقدمين فى الزقازيق

يازينب انتى لو شفتى المعملة اللى بنشوفها فى المديرية هتغيرى كلامك دول بيعملوا عبيد مش بنى ادمين دى حاجة تقرف ولما تسالى على حاجة لو مش ليكى وسطة جوا مش هتشوفيها انا لولا انى اعرف اوحد جوه مكنتش شفت اسمى فى الكشوف والله العظيم

حسبى الله ونعم الوكيل