يلا نشيل حكومة شفيق؟؟ [الأرشيف] - بوابة الثانوية العامة المصرية

**تسابيح**

01-03-2011, 07:55 PM

السلام عليكم ورحمة الله وبركاته

أنانفسي أعرف ليه الناس مش مدية فرصة الفريق أحمد شفيق
لما الناس طلعت تقول ندي الريس فرصة
اهو 6 شهور وهيمشي الناس قالت لا
مش ينفع لانه وانه وانه والريس مشي خلاص
وحتي الناس اللي كانت بتقول نصبر عليه
كانت عارفة كويس انه ...نظام فاشل
لكن أحمد شفيق متلقييش حد يقول انه راجل
مش نزيهه ولاحتي مش عنده شفافية
بس لا ازاي
دا الريس هو اللي معيينه ؟!!
يبقي مش يكون في الحكومة !!!
مع ان شفيق هو اللي خلي مصر للطيران في المقدمة بعد لما كانت متأخرة ...
بس ازاي الريس هو اللي معينه ؟!!
لو هنمشي بالنظرية دي
يبقي المجلس الأعلي هو كمان لازم يتشال
عشان الريس اللي معينه:d
معلش ياجماعة أنا مش مقتنعة :bosyht9:
استضافوا واحد من 25 يناير
المذيع يقلوا طيب هو عليه حاجة هو وحش
قال : لا احنا مش بنتكلم في شخصه
بس هو من بقايا النظام السابق!!
كلام مش مقنع
المذيع يحاور ورد الشاب دا مفهوش اي شيء يقنع
هو هنشيله يعني هنشيله هو كداا وخلاص :d
طيب علي الأقل نشوف شكله والراجل
الكل بشهد بنشاطه وشكله وجديته في العمل
وانه مش بتاع اقعد ع مكتبي ..لا دا شخص بتاع شغل
وبيراقب كل اللي بيشتغل معاه ....
وقمة في النزاهة ....وذكي في استغلال ...
وطبعا اللي مش عايزه بيطلع عليه اشاعات
زي كل الاشاعات اللي ملي البلد ...
ومش معني ان الراجل اتعاطف مع الريس
يبقي خلاص هو بئا عميل وخاين ومش عارفة ايه ....!!
عادي يعني نص المصريين كانوا بري ف الثورة
وبعد نجاحها الراي اتغير خالص
عايزة اعرف بئا انت مع ولا مش مع حكومة شفيق ولماذا؟
مع التعليل:d

نقاء الروح

01-03-2011, 08:23 PM

انا مع بقاءه ..
وزي مانتي قلتي لو كل شخص له علاقة بمبارك
او وُجد في فترة حكمه الاخيرة دي هنشيله
اولى بينا نشيل الجيش والمجلس الاعلى للقوات المسلحة ..
منطق مش مقنع عالاقل بالنسبة ليا ..

بس عاوزة الجد انا بقيت بتمنى انه يمشي
عشان يرتاح بس من الكلام الكتير ال بيتقال
والاتهامات ل بتتوجه ليه جزافا ..
مع اني ماسمعتش عنه حاجة مش كويسة غير الا لما الريس مشي
وفالاخر ربنا يقدم ال فيه الخير ..

**تسابيح**

01-03-2011, 08:27 PM

انا مع بقاءه ..

وزي مانتي قلتي لو كل شخص له علاقة بمبارك
او وُجد في فترة حكمه الاخيرة دي هنشيله
اولى بينا نشيل الجيش والمجلس الاعلى للقوات المسلحة ..
منطق مش مقنع عالاقل بالنسبة ليا ..

بس عاوزة الجد انا بقيت بتمنى انه يمشي
عشان يرتاح بس من الكلام الكتير ال بيتقال
والاتهامات ل بتتوجه ليه جازفا ..
مع اني ماسمعتش عنه حاجة مش كويسة غير الا لما الريس مشي

وفالاخر ربنا يقدم ال فيه الخير ..

بجد اكثر حاجة بتستفزني التريقة اللي عليه:(
حاجة متخلفة أصلا
طيب ع الأقل خلينا نشوف ونديه فرصة
مش هنخسر مطالب كثير اتحققت ...
ربنا ييسر الأمور يارب

T!to

01-03-2011, 08:41 PM

توفيق رفعت عجيز

01-03-2011, 08:57 PM

هوتقريبا لما نريد عمل ترميم للبيت بنرمم جزء جزء مش بنقلع كل الاعمدة ونوقع البيت وبعد كده نرممه ؟

ام حبيبه ان شاء الله

01-03-2011, 09:01 PM

انا مع بقاء الفريق احمد شفيق وحكومته الحاليه بعدالتعديلات
هذا رجل وطنى محترم نزيه وعقليه جديره بالتعاون معها

واللى بيقول لازم يقال
لأنه من النظام السابق
يبقى نطالب كل من تعين فى اى قطاع
فى عهد النظام السابق يقال
وكل اللى اتولد فى عهد مبارك يقال
وكل اللى اتعلم فى عهد مبارك يقال
فى النهايه سيتم اقالة غالبية الشعب بهذا المنطق

محمد حسين الشربينى

01-03-2011, 09:06 PM

انا مع بقاء الفريق احمد شفيق

honda

01-03-2011, 09:38 PM

انا مع الاستقرار

عاشق البلانكو الابيض

01-03-2011, 10:17 PM

http://www.youtube.com/watch?v=mLUYtbgyAGI&feature=player_embedded

هذا هو احمد شفيق وحكومته
حسبى الله ونعمة الوكيل

سمر2000

02-03-2011, 07:58 AM

يأخى اقسم بالله انى شغال فى البرج القدامو الطروود دى ودى طرود طلبات التوظيف الجاية من كل الجمهورية وبيدخلوها وزارة المالية يعنى الموضوع مش رمى للطلبات ولا حاجة وياريت نتقى الله فما ننقل معلومه انا مش شغال فى المالية انا شغال فى التجارة الخارجية ودى ليها برجين داخل ابراج وزارة المالية والحاجات دى قدام برج 6 لليحب يشووفها وجزاكم الله خيرا
الرد منقول اتقو الله وبلاش اثاره للفتنه لعن الله الفتنه ومن اشعلها

medo khalid

02-03-2011, 08:04 AM

مطالب 80مليون مصري

1- إقالة مَنْ تمت ولادته في عهد الرئيس السابق من الشعب المصري.
2- إقالة مَنْ تم توظيفه وتعيينه في عهد الرئيس السابق من الشعب المصري.
3- إقالة مَنْ قد نجح في المدارس والكليات في عهد الرئيس السابق من الشباب المصري.
4- إقالة كل مَنْ يعمل بالسفارات والقنصليات المصرية منذ عهد الرئيس السابق من الشعب المصري.
5- هدم كل المنشآت والطرق والكباري التي تمت في عهد الرئيس السابق " مش يمكن تكون موالية معه؟؟"
6- وممكن تلخيص 6 مطالب السابقة في مطلب واحد فقط ، وهو إقالة الشعب المصري بأكمله " لإنه عاش في عهد الرئيس السابق" و الإتيان بشعب آخر يكون وراد الخارج !!!!!!!!!!!!!!
وإن لم تُنَفَذ مطالبُنا في خلال يومين فقط فإننا سنترك منازلنا وبيوتنا للبلطجية والسفاحين ، وسنترك أعمالنا وأشغالنا للنصابين والمفسدين ، وسنترك أولادنا منهم لربنا .................................................. .........
.................................................. ................................... وسنلبد لكم في الذرة والجرجير كمان .
أنتم مَنْ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
ما أعرفش ومش عايزة أعرف وما ليش أصلاً دعوة ، أنا عايزة المطالب تتحقق وخلاص
وأحيط علم الجميع أنه تم نشر هذه المطالب في جميع المنتديات الخاصة والعامة حتى لا يُزايد على مطالبنا أحدو حتى يعرف الجميع أننا ايد واحدة .
والسلام عليكم ورحمة الله وبركاته
والله ولى التوفيق

للعلم التعليق منقول

**تسابيح**

02-03-2011, 08:09 AM

هوتقريبا لما نريد عمل ترميم للبيت بنرمم جزء جزء مش بنقلع كل الاعمدة ونوقع البيت وبعد كده نرممه ؟
معلش ياأستاذي
أنا ليه الجدار بتاعي كويس وتمام وفل وبعدين ارممه مع انه مفهوش حاجة!!!
غير ان الجدار دا جزء من البيت اللي كان فيه حته فاسدة وانا شلتها !!!!:bosyht9:

**تسابيح**

02-03-2011, 08:14 AM

الناس التى تطالب برحيل شفيق تريد ان تقضى على جميع من راى الرئيس حتى وجها لوجه
ويقولون ايضا ان حكومة الفريق احمد شفيق كانت تتفرج على المتظاهرين وهم يضربون بالرصاص الحى
ويقولون ايضا ان هناك وزراء من العهد البائس فى الوزارة كما هم منهم وزير الخارجيو ووزير الداخلية وغيرهم ووزير العدل
واحمد شفيق على راسهم
ويقولون بان الفريق احمد شفيق لم يعترف بثورتهم الى الان
ويقولون ايضا انه كان عضو فى الحزب الوطنى وهم يرفضون ذلك الحزب واتباعه
وغيرها من الاشياء التى تدور بعقلهم
لكن انا شايف انه شخصية محترمة وحتى لوكان غير ذلك فهذا العصر قد ولى وسيتوجب مرغما تغيير نفسه
وشكراااا على الموضوع
طيب يعني الناس اللي مشيت في الشارع وشافت الريس مرة بردو يتشاله:d
طيب أحمد شفيق كان هيعمل ايه اذا كان الريس الكبير كان بيتفرج واديه اتشال!!
انا متفقة في دا بتاعة الوزراء الفاسدين ولازم يتعدلوا وبالذات وزير الخارجية
لانه فاسد بكل المعاني ....ووزير العدل بيتحاكم اهو ...
بالعكس ازاي دا اعترف وهو مش ادامه حل الا انه يعترف
الراجل بتاع شغل مش فاضي يراضي دا ويراضي دا!!
هو فعلا شخصية محترمة جداا
وعايزة تعمل حاجة:bosyht9:بس نقول ايه بس
شكراا لحضرتك أخي

**تسابيح**

02-03-2011, 08:16 AM

انا مع بقاء الفريق احمد شفيق وحكومته الحاليه بعدالتعديلات

هذا رجل وطنى محترم نزيه وعقليه جديره بالتعاون معها

واللى بيقول لازم يقال
لأنه من النظام السابق
يبقى نطالب كل من تعين فى اى قطاع
فى عهد النظام السابق يقال
وكل اللى اتولد فى عهد مبارك يقال
وكل اللى اتعلم فى عهد مبارك يقال
فى النهايه سيتم اقالة غالبية الشعب بهذا المنطق

ههههههههههه
لا لازم اقالة الشعب المصري كله لانه كان في عهد الريس:049gc0:
شكراا لحضرتك

**تسابيح**

02-03-2011, 08:17 AM

انا مع بقاء الفريق احمد شفيق
شكراا لحضرتك

انا مع الاستقرار
كلنا مع الاستقرار ونفسنا ترجع مصر أحسن من الأول ...أكيد:)
وان شاء الله خير
شكراا لحضرتك

**تسابيح**

02-03-2011, 08:22 AM

http://www.youtube.com/watch?v=mluytbgyagi&feature=player_embedded

هذا هو احمد شفيق وحكومته
حسبى الله ونعمة الوكيل

يأخى اقسم بالله انى شغال فى البرج القدامو الطروود دى ودى طرود طلبات التوظيف الجاية من كل الجمهورية وبيدخلوها وزارة المالية يعنى الموضوع مش رمى للطلبات ولا حاجة وياريت نتقى الله فما ننقل معلومه انا مش شغال فى المالية انا شغال فى التجارة الخارجية ودى ليها برجين داخل ابراج وزارة المالية والحاجات دى قدام برج 6 لليحب يشووفها وجزاكم الله خيرا
الرد منقول اتقو الله وبلاش اثاره للفتنه لعن الله الفتنه ومن اشعلها

معلش أصلا الفيديو مش باين أوووي عشان نتهم حكومة شفيق انه بايظة للدرجة دي

لان الناس لسه منغاطة
فحتي لو فاسدة زي ما فيه ناس بتقول اكيد اكيد
مش هتظهر بالسرعة دي!!
وع فكرة وزير المالية كان بيشتغل بره وكانوا جيبيونه مخصوص
عشان ينمي اقتصادهم !!!
جزاكم الله خيراا

**تسابيح**

02-03-2011, 08:25 AM

T!to

02-03-2011, 08:53 AM

طيب يعني الناس اللي مشيت في الشارع وشافت الريس مرة بردو يتشاله:d
من الناحية ده حضرتك اطمنى لانه مش بينزل بينزل الشارع اصلا ويمشى مع الناس العادية
طيب أحمد شفيق كان هيعمل ايه اذا كان الريس الكبير كان بيتفرج واديه اتشال!!
ما هو احنا نشيل كل المتفرجين مع بعض والرئيس اساسا فى ناس بتتهمه انه هو اللى صدر اوامر الضرب بالصاص الحى
انا متفقة في دا بتاعة الوزراء الفاسدين ولازم يتعدلوا وبالذات وزير الخارجية
لانه فاسد بكل المعاني ....ووزير العدل بيتحاكم اهو ...
بالعكس ازاي دا اعترف وهو مش ادامه حل الا انه يعترف
الراجل بتاع شغل مش فاضي يراضي دا ويراضي دا!!
هو فعلا شخصية محترمة جداا
وعايزة تعمل حاجة:bosyht9:بس نقول ايه بس
شكراا لحضرتك أخي

انا عايز الاستقرارا مع محاسبة الفاسدين
وانا الى الان متردد فى اختيار الاستطلاع لانى لم اختار الى الان
وشكرااااا جزيلا

عاشق البلانكو الابيض

02-03-2011, 11:08 AM

ahlaoy50

02-03-2011, 11:23 AM

سمر2000

02-03-2011, 12:39 PM

احنا كمان من طرف الرئيس لانه كان بيحكمنا

**تسابيح**

02-03-2011, 01:06 PM

معاكي كلام زي الفل

طيب ماشي لما تكون زوجه د/ احمد شفيق صديقة لسوزان مبارك ايه رايك...... انا من وجه نظري دا استفزاز لينا احنا مش عايزين حد من طرف الرئيس

وأنا من طرف الريس لاني من المنايفة:av4056bb7jp3::av4056bb7jp3:
سبب غير مقنع الصراحة مع احترامي الشديد...:romarioxp6:

**تسابيح**

02-03-2011, 01:07 PM

انا عايز الاستقرارا مع محاسبة الفاسدين
وانا الى الان متردد فى اختيار الاستطلاع لانى لم اختار الى الان
وشكرااااا جزيلا
دا انا حتي حاطة 3 اختيارات مختلفة :d:d
الموضوع سهل أووي
اضغط ع اختيار واحد منهم:d
كلنا بنحب الاستقرار دا طبع فينا وكلنا بردو عايزيين نحاسب الفاسد
بس اكيد لازم نصبر شوية
مش كل حاجة هتتنفذ في اللحظة والتو ...:bosyht9:

مستر/ عصام الجاويش

02-03-2011, 01:21 PM

انا ضد بقاء احمد شفيق

T!to

02-03-2011, 01:22 PM

دا انا حتي حاطة 3 اختيارات مختلفة :d:d
الموضوع سهل أووي
اضغط ع اختيار واحد منهم:d
كلنا بنحب الاستقرار دا طبع فينا وكلنا بردو عايزيين نحاسب الفاسد
بس اكيد لازم نصبر شوية
مش كل حاجة هتتنفذ في اللحظة والتو ...:bosyht9:

:d
ايوه انا عارف الخطوات ده :p
بس اختار ايه بقى
خصوصا ان المؤيدين للرحيل عددهم ازداد
انا اخر ما ازهق هختار لا اهتم :d
واريح دماغى

محمد على المنياوى

02-03-2011, 01:29 PM

سبب غير مقنع الصراحة مع احترامي الشديد...:romarioxp6:
وهو السبب المقنع من وجهة نظر حضرتك اننا نشيل حكومة علشان صلة قرابة أو معرفة بحكومة سابقة أو نظام سابق حتى ولو كان هذا الشخص مشهود له بالكفاءة والنزاهة هو كل مشكلته إنه قريب فلان أو على معرفة بفلان
اتقوا الله ولنترك من تولوا أمرنا أن يتدبروا لنا حتى لا نغرق وتغرق بلدنا
ألا يفزعك ما حدث ببعض البلاد العربية من اختلاف حول شخص لتولى الوزارة وهم فى حروب دائمة واختلافات طاحنة
أل يقلقك ما حدث من دول غربية وأجنبية تنتهز الفرص للتدخل فى شئوننا كم يحدث الآن فى ليبيا
ألا يهمك تحرك بعض القوات المعادية بحجة الاستقرار فى المنطقة وتنوى التدخل العسكرى ببلادنا العربية
ألم تسمع عما حدث من دول حوض النيل واستهانوا بنا فوقعوا اتفاقيات تحرمنا من المياه
لنتريث ونترك هؤلاء يعملون لنثبت لمن حولنا عودة الاستقرار مرة أخرى أو على الأقل نثبت لشعبنا الذى للأسف اتخذ من الأحداث فرصة للفوضى والتظاهرات والإضرابات والتجمعات بل والسطو على بعضا البعض وترويع الآمنين
وفى النهاية ربنا يولى علينا من يصلح

**تسابيح**

02-03-2011, 01:37 PM

وهو السبب المقنع من وجهة نظر حضرتك اننا نشيل حكومة علشان صلة قرابة أو معرفة بحكومة سابقة أو نظام سابق حتى ولو كان هذا الشخص مشهود له بالكفاءة والنزاهة هو كل مشكلته إنه قريب فلان أو على معرفة بفلان
اتقوا الله ولنترك من تولوا أمرنا أن يتدبروا لنا حتى لا نغرق وتغرق بلدنا
ألا يفزعك ما حدث ببعض البلاد العربية من اختلاف حول شخص لتولى الوزارة وهم فى حروب دائمة واختلافات طاحنة
أل يقلقك ما حدث من دول غربية وأجنبية تنتهز الفرص للتدخل فى شئوننا كم يحدث الآن فى ليبيا
ألا يهمك تحرك بعض القوات المعادية بحجة الاستقرار فى المنطقة وتنوى التدخل العسكرى ببلادنا العربية
ألم تسمع عما حدث من دول حوض النيل واستهانوا بنا فوقعوا اتفاقيات تحرمنا من المياه
لنتريث ونترك هؤلاء يعملون لنثبت لمن حولنا عودة الاستقرار مرة أخرى أو على الأقل نثبت لشعبنا الذى للأسف اتخذ من الأحداث فرصة للفوضى والتظاهرات والإضرابات والتجمعات بل والسطو على بعضا البعض وترويع الآمنين
وفى النهاية ربنا يولى علينا من يصلح
أنا شايفة انه مش بسبب مقنع خالص اننا نشيل شفيق عشان كان يعرف الريس !!
وأنا متفقة مع كلام حضرتك

موضوع الاختلاف فهو سنة الحياة أخي
ولكن من قال أننا سنقتل بعض أخي ...لكل منا وجهه نظره
علي الأقل ان يحترمها ويتناقش لنصل للرأي الأصوب ....
وان لم يعجب أحد النقاش فنبقي أشقاء مهما حدث ...
هو مجرد نقاش للوصول إلي نقاط مشتركة!!
وربنا ييسر الأمور

**تسابيح**

02-03-2011, 01:40 PM

احنا كمان من طرف الرئيس لانه كان بيحكمنا
مش تخافي هنتشال قريب هههههههههههه:d

انا ضد بقاء احمد شفيق
لماذا؟

:d
ايوه انا عارف الخطوات ده :p
بس اختار ايه بقى
خصوصا ان المؤيدين للرحيل عددهم ازداد
انا اخر ما ازهق هختار لا اهتم
واريح دماغى
اختار وقف اقتناعك!!
حتي لو الكل كل مؤيد المهم حضرتك اقتناعك ايه!!
ام موضوع لا اهتم
انا حطيته عشان اعرف لسه فينا السلبية ولا لا!!
اظن ان نسبة السلبية مفروض تقل مش تزيد

اسد السنه

02-03-2011, 01:42 PM

لابد من اقصاء احمد شفيق عشان الحاجات دى
http://www.thanwya.com/vb/showthread.php?t=292084

**تسابيح**

02-03-2011, 01:45 PM

لابد من اقصاء احمد شفيق عشان الحاجات دى
http://www.thanwya.com/vb/showthread.php?t=292084
فين الدليل ..؟؟؟؟!!!
دا مش دليل لازم يكون فيه دليل
مجرد ناس بتكره كاتبة ع المنتدي
مش مصدر موثوق فيه يعني ...
ولو حقيقي كدا
ليه مفيش بلاغات ضده للنائب العام ...!!

T!to

02-03-2011, 01:46 PM

مش تخافي هنتشال قريب هههههههههههه:d

لماذا؟

اختار وقف اقتناعك!!
حتي لو الكل كل مؤيد المهم حضرتك اقتناعك ايه!!
ام موضوع لا اهتم
انا حطيته عشان اعرف لسه فينا السلبية ولا لا!!
اظن ان نسبة السلبية مفروض تقل مش تزيد

انا كنت عايز اختار لا اهتم لانى كنت محتار بين نعم ولا
لكنى خلاص قررت اختار لا
لما نشوف البلد هتروح بينا على فين

طالبة ولكن

02-03-2011, 02:11 PM

حسيت اكنك بتقولي يلا نلعب كورة

ياجماعة اصبروا شوية

وبعدين عندي ملحوظة صغيرة

يا ريت لو تغيري صيغة السؤال لحسن ده رئيس وزراء مصر

و كلمة يلا نشيل الى حد ما مستفزة

لو ممكن نستبدلها ب ( هل انت مع تغيير ؟ ) مثلا

يعني ...

اعتذر ولكن هذا رايي
وشكراااا

صوت الامة

02-03-2011, 02:27 PM

وانا ضد احمد شفيق
الى بيوصل الاخبار اول باول لمبارك
والى حكومتة متشكلة باكثر من 75 % حزب واطى
والى الى وقت قريب كان لا ينطق اسم ثورة دى خالص ومعترفشى بيها غير مع خلعان مبارك
يبقا احنا عملنا اية؟؟ غيرنا اشكال وخلاص
المنظومة هى هى وفكر الحزب مبيتغيرش وخصوصا الى بيدير الحزب هو الرئيس السابق
يبقا الثورة حققت اية من 10 مطالب غير حل المجلسين ورحيل صورى لمبارك
عايز اعرف اية الفرق بين نظيف وشفيق نفس الحزب ونفس السياسة ونفس الفكر
وحكومة الاغلبية حزب واطى الى الجميع بيطالب باسقاطة
وجهة نظرى انهم بيهدو الشعب وخلاص وارضو بقليلة احنا عملنا الى انتو عازينة
لو لو نظرنا للجوهر مفيش تغيرات ملموسة حقيقية الا قليل وقيام ثورة معناها تغير كل الفساد
والاخذ بارادة الشعب
وجهة نظرى

علي مخ

02-03-2011, 03:11 PM

المنظومة هى هى وفكر الحزب مبيتغيرش وخصوصا الى بيدير الحزب هو الرئيس السابق
يبقا الثورة حققت اية من 10 مطالب غير حل المجلسين ورحيل صورى لمبارك
عايز اعرف اية الفرق بين نظيف وشفيق نفس الحزب ونفس السياسة ونفس الفكر
وحكومة الاغلبية حزب واطى الى الجميع بيطالب باسقاطة
وجهة نظرى انهم بيهدو الشعب وخلاص وارضو بقليلة احنا عملنا الى انتو عازينة
لو لو نظرنا للجوهر مفيش تغيرات ملموسة حقيقية الا قليل وقيام ثورة معناها تغير كل الفساد
والاخذ بارادة الشعب
وجهة نظرى

لو الكلام ده صحيح يبقى فيه مشكلة أكبر من شفيق و هي المجلس العسكري
يارب يكون شكِّي مش في محلُّه ... دي تبقى مصيبة سودة
ربنا يستر و يكونوا صادقين

golshan

02-03-2011, 04:12 PM

المعروف عن مصر إن فيها كوادر من أعلى المستويات والدنيا ما وقفتش على الحزب الوطنى وأصحاب الرئيس السابق. البلد مليانة ناس ولابد من القضاء على جذور الفساد والموضوع كبير وعاوز وقت

Eng.Karamullah

02-03-2011, 05:25 PM

لن أنسى مواقف (تلميذ مبارك) عن الثورة والإستخفاف بشباب الثورة ....

يجب إزاله كل جذور النظام الفاسد

totahanem

02-03-2011, 05:27 PM

انا ضد بقاءه لان بقاءه ضد شرعية الثورة

و علي فكرة ده فضل ولاءه لمبارك حتي اخر لحظة

و كان بيفتخر ان اسرته خرجت في مظاهرات تاييد الرئيس المخلوع

amira elnaggar

02-03-2011, 06:10 PM

اعتقد ان فى خفايا كتير ممكن تظهر بعد حكومة شفيق

ahlaoy50

02-03-2011, 06:16 PM

وأنا من طرف الريس لاني من المنايفة:av4056bb7jp3::av4056bb7jp3:

سبب غير مقنع الصراحة مع احترامي الشديد...:romarioxp6:

انا عارف انه سبب غير مقنع حضرتك لكن انا واحد من الناس اللي نزلت ميدان التحرير من اول يوم الاربعاء 26-1 حضرتك ومش عايز حكومة شفيق وليس الحكومة كلها فهناك رموز فيها تدعو للاصلاح مثل وزير الماليه الحالي ووزير الاثار والتربيه والتعليم من وجهه نظري المتواضعه وشكرا تقبلي مروري

ahlaoy50

02-03-2011, 06:18 PM

ممكن اسئل سؤال مين لسه من اللي كانو مسكين مناصب عليا في النظام السابق ولسه ما تقدمش ضدة بلاغات !!!!!!!!؟

مستروجيه

02-03-2011, 06:31 PM

لو كان والدك بيشتغل فى اى مصلحه حكوميه لازم يتشال ايضا لان اللى عينه حكومة مبارك

مستر/ عصام الجاويش

03-03-2011, 12:40 AM

ارى ان يتم تعين الدكتور كمال الجنزورى رئيس للوزراء مره اخرى لانه عنده خبره سابقه ولا خلاف على شخصه
وان رفض هناك الدكتور احمد جويلى وهنا تنحل الازمه

صفصف الشرملسي

03-03-2011, 01:47 AM

حسبنا الله ونعم الوكيل في شفيق وحكومته وشلته كلهم ليسوا اهل للثقه ومنهم وزير الداخليه محمود وجدي مهندس التعذيب في السجون المصريه حاكموا وزير الداخليه علي تعذيبه للمصريين في سجون المعتقلات

سمسمه2005

03-03-2011, 02:56 AM

http://www.rofof.com/user/img2/11yrnvo14.gif

براءة

03-03-2011, 03:08 AM

انا مع بقاؤه مؤقتا
ونشوف ايه الى هيترتب ع ده
تسابيح شكرا ع موضوعك يا قمر :)

إيساف

03-03-2011, 01:23 PM

الموضوع مش محتاج براعة سياسية يعنى
شفيق كان يمثل النظام السابق ... وظل يدافع عن مبارك ونظامه إلى أخر لحظة
كيف يأتى الأن ليمثل الثورة ومطالها ؟؟
هل عقمت مصر على ان تولد أشخاص يتفق القاصى والدانى عليها ؟!
فليرحل شفيق ... ولترحل كل اذناب النظام السابق

مستر/ عصام الجاويش

03-03-2011, 01:41 PM

بفضل الله انتصرت اراده الشعب وتم حل وزاره شفيق نحن نعيش عصر جديد شرعيه الحكومه تستمد من الثوره ومن قام بها
لانريد اى من الوجوه التى كانت تفرض على الشعب ثم نفاجئ بملفات فساد مهوله لهم الحمد لله الذى نصر عبده واعز جنده وهزم الطغاه وحده ولاعزاء لمناهضى الثوره التابعين لحزب الثوره المضاده خيبهم الله

إيساف

03-03-2011, 01:47 PM

سمر2000

03-03-2011, 01:57 PM

لما نشوف كمان شويه الاعتراض هيكون على ايه ماحنا ناس فاضيه واقتصاد عال العال ولا فى تهديدات داخليه ولا خارجيه

**تسابيح**

03-03-2011, 02:40 PM

بجد شفيف رجل عنده كرامة جداا ومحترم أووووي :)
وفعلا دلوقتي هيستريح من التريق عليه ؟؟!!
والاتهامات الكذب اللي كانت بتطلع ...
ع العموم ان شاء الله نشوف الأحسن لبلدنا

حـHoSaMـسام

03-03-2011, 02:49 PM

**تسابيح**

03-03-2011, 02:59 PM

كل ما اشوف شفيق كنت احس اني شايف حسني مبارك يكفي انه بيقول على ثورة 25يناير حركة 25يناير ايه حركة دي ؟ من اول ما جه عمل ايه يعني غير اجتماعات وظهور اعلامي وطبعا فضايحه كلها معروفة من ايام ما كان رئيس مصر للطيران .. دحتى الراجل المحترم جابر عصفور مسلمش من لسانه في اجتماع وزاري وتطاول على الشباب وقال ما معناه ان الطلبات بتتنفذ بمزاجه
ياأخي الفاضل!!
أي فضايح دي
مصر للطيران في عهده كانت في القمة !!
كل الناس بتشهد بنزهته ونشاطه
وبعدين هو معاه جهاز الكتروني هينفذ كل حاجة في ثواني ....
وبصراحة لو فيه فضايح كانت ظهرت !!
ولا حتي حد قدمها للنائب العام
كل المشكلة في انه رجل مناسب ف المكان المناسب ف الوقت الغير مناسب!!!واللي حرقه هو مبارك !!
لانه قدمه للناس في الوقت الناس بتكره!!
حتي اللي كانوا بيتكلموا عنه من الثوار
قالوا ان مشكلتهم مش فيه شخصيا ..واعترفوا انه كويس
بس تبع الريس!!

نقاء الروح

03-03-2011, 02:59 PM

انا بجد بجد مابقتش اثق فكلام مخلوق
شفيق كان افضل وزير وطور مصر للطيران
فيومين اصبح اسوء شخص وله تاريخ من الفساد وماعملش حاجة عدلة فمجاله !!
عجبا !!

اتمنى بس اننا نفرق مابين انا مش عاوز الشخص دا فالمكان ده
وبين الشخص وتاريخه !
دا حتى ربنا هيحاسبنا على كل كلمة !
لا حول ولاقوة الا بالله

والله بقيت خايفة بعد يومين يطلعو القطط الفطسانة فالراجل الجديد
بعد وصلة المدح ال بتتقال دلوقتي ..
وهلم جرا !

T!to

03-03-2011, 03:13 PM

خرج ولن يعد
نستثمر الوقت فى حاجة مفيدة افضل

Mohamed.Helmy

04-03-2011, 02:27 AM

بأختصـــار .. د.أحمــــد شفيــق ( الراجل الصح فى الوقت الغلط )

ده رأيي ..

انا بحترم الراجل ده .. و الحمد لله انه استقال فى الوقت ده علشان ميتعرضش لاهانات أكتر من كده لانه راجل محترم بجد ..
بس مشكلته انه جه فى الوقت الغلط خالص و ملحقش يعمل أى حاجة ..

دى وجهة نظري و اختلاف الرأي لا يفسد للود قضية ..

و يارب مطلعش خاين و عميل ;)

الأميرمحمد

05-03-2011, 03:22 PM

للأسف الفريق شفيق ليس مسيس رجل عسكري و دا مش عيب :angry2:

رجل محترم جدا .. وشوفه تاريخه في الطيران

الشعب المصري دايما مالوش في الطيب نصيب

ولو كان لينا .. ما كنا خلعنا الملك فاورق

علشان ناصر و نجيب و كام ضابط يمسكوا البلد

مروة الصاوى

05-03-2011, 09:05 PM

احب اوضح لسيادتك الفريق شفيق لغاية اخر لقاء ليه معرفش يوحد كلمة الناس عليه الحاجة الاهم ان سيادته مع وزير الداخلية يابوا البلد فى وضع غامض جدا من ناحية الامن انا فى بورسعيد والبلد بجد فى الضياع وبرضو متكلمش بقوة فى حق الشهداء وكان سايب وزير العدل اللى له مساوئ كتيرررررررررررر وده حاجة بسيطة من وجهة نظرى الشخصية