ازاى نطبق العدل يامعلمين !!!!!!!!!!!!

السلام عليكم ورحمه الله وبركاته
استحلفكم بالله ان تقروا الموضوع للنهايه
فى البدايه احب ان اقدم التهنئه لكل من تم تعينهم ومن ينتظره التعيين سواء امتحن او فى انتظار الامتحان نحن طالبنا بالتعيين وتحقق .نحن طالنا بالمساوه بين كل المتعاقدين فى التعيين والحمد لله الهدف يتحقق .
هذا جزء من العدل وليس كل العدل يامعلمين , هل من العدل ان يتساوى خريج 2002 او 2001 او 98 بخريج 2006 و2005 و2007 و2008 مع كل الاحترام ليهم وشخصهم كمعلمين؟

,الوزير اعلنها صريحه كلنا هنبقى واحد يعنى كله ان شاء الله هيعين وده حق اصيل لكل معلم ليس من حقى ان اصادر على هذا الحق واحرمه منه ولكن كيف يروق لنا البال وكل هذه الناس توضع فى سله واحده.

ياجماعه لو كان التكليف مستمر حتى الان ماذا سوف يحدث؟ كان كل معلم اخد حقه بما يرضى الله وده الحق بعينه بمعنى اخر ان الخطوه التاليه بعد التعيين هو تثبيت او ضم المده السابقه من سنه التخرج لكل متعاقد وده حقه( الوزاره مش بتجبى علينا) انما من اصول تحقيق العداله ارجاع الحقوق الى اصحابها يااخوانى ,لانريدها ماديه حتى لايقول بعضنا اننا نستغل ظروف البلد رغم ان ده حقنا انما على الاقل تكون درجات تضاف الى المعاش وبذلك لايمكن ان يتساوى الكل لان ده حقنا حررررررررررررررررررررام اكون انا خريج وشغال من 2002 وزميلى شغال من 2006لا ونبقى واحد لالالا حرام ربنا ميرضاش بالظلم نحن لانتهكم على احد كل واحد اخد حقه وكل الناس هتتعين من الان وحتى شهر 7 هيكون باذن الله الكل معين ومرتاح نفسيا حتى الحصه والمكافاه هيتعينوا على معلم مساعد وهيثبتوا ان شاء الله لكن نفسيا الكل هيبقى تعبان ده سنين ضاعت من العمر ومش بمزاجنا. ارجوكم ساعدونى وساعدوا انفسكم من اجل المطالبه بهذا الحق الاصيل .
الرجاء الدعاء الى شهداء ثوره 25 اصحاب الفضل الاول والاخير بعد الله سبحانه وتعالى فى تحريك المياه الراكده وفيما وصلنا له الان وما سوف نصل البه فى المستقبل من خير باذن الله اسف على الاطاله
والسلام عليكم ورحمه الله وبركاته

جزاك الله خيرا

بالرغم من ان كلامك منطقى الا انة غير قانونى فقانون العاملين المدنيين فية بنود تتكلم عما تقول الان
ولكن للاسف السنين التى كنت متعاقد فيها او تعمل فيها على درجة غير دائمة لا تضاف بل بل عندما تعين او تثبت بعد العمل بالعقد المؤقت تعين او تثبت على الدرجة التى تناسب مؤهلك اى التالتة التخصصية

انا رآئي ان لكل مجتهد نصيب

يعني لو حضرتك خريج 2000مثلا واخوك خريج 2006 مثلا واتعينتوا معا ايه المشكلة واكيد هتفرح لاخوك وخريج 2006و2007و2009 مش مشكلتهم انهم اجتهدوا وحققوا نجاح وانت اكيد بتحب لاخيك كما تحب لنفسك

المشكلة كانت في النظام والفساد اللي مأخر كل حاجه ومأخرنا معاه يعني زميلتي خريجة 2000ولحد دلوقتي ما اتعينتش

رغم انها مستوفية الشروط وان 2006 والحمد لله اتعينت لكن والله انا مش عارفة افرح علشانه وبقوللك هي اولي مني بالتعيين

المصيبه بقي انها لما مضت معلم مساعد مضوها علي ورقه انها ملهاش حق باي سنين قبل كده وعلشان ما تطلبش حاجه منهم

وحسبي الله ونعم الوكيل في النظام الفاسد اللي لسه له جزور ممتده الي الان

يا جماعة المرحلة دى مرحلة تصحيح اخطاء عشرات السنين التى مضت وربنا يكون فى عون اى وزير فى الوقت الحالى مطلوب منة يحل مشاكل متراكمة منذ عشرات السنين
اعتقد لو قدروا يحلوا حتى نصها يبقى كتر خرهم جدا
والدور بعد كدة يبقى علينا احنا

لما كنا قدام الوزارة يوم الحد كلنا قولنا نتعين وبدون شروط وعندنا استعداد نمضى اقرار نعقد سنة على نفس الرواتب بس نتعين وتكون السنة دى مساهمة منا فى اعادة بناء البلد دى حاجة
الحاجة التانية بقى والاهم ودى هتبقى من ضميرنا نحن نتقى ربنا فى شغلنا مهما كان راتبنا نهتم بالطالب نهتم بالعملية التعليمية ككل حتى نثبت للجميع اننا مكناش طماعين ولا بنجرى ورا فلوس قد ما كنا محتاجين الاستقرار والامان المعنوى

ولو انت اللى كنت خريج حديث واتعينت زي اخواتك القدام كنت عملت ايه ؟؟ يا اخي ما انا خريج قديم وفرحان لكل الناس . الناس دي فاتحة بيووت وعندها عيال وربنا يرزق كل الناس بلاش بقى الانانية دي اشكر ربنا انك اتثبت اصلا

استاذ أدم كلامك مظبوطبس انا عايزة اقولك اللي اصعب من كدة انا خريجة1998 وكنت متفوقة لما رحت المدرسة وانا عقد لقيت زميلة لية كانت معايا في الدفعة بس هي تخصص تاني عارف انا عقد وهي مدرسه اولي في المدرسة تخيل النظرة ليها من الادارة والنظرة ليه درجتها ودرجتي مرتبها ومرتبي وحاجات كتيرغير الضغط النفسي مش ذنبي والله دي ذنب الحكومة يالاه
حسبي الله ونعم الوكيل

استاذ أدم كلامك مظبوطبس انا عايزة اقولك اللي اصعب من كدة انا خريجة1998 وكنت متفوقة لما رحت المدرسة وانا عقد لقيت زميلة لية كانت معايا في الدفعة بس هي تخصص تاني عارف انا عقد وهي مدرسه اولي في المدرسة تخيل النظرة ليها من الادارة والنظرة ليه درجتها ودرجتي مرتبها ومرتبي وحاجات كتيرغير الضغط النفسي مش ذنبي والله دي ذنب الحكومة يالاه
حسبي الله ونعم الوكيل


يا جماعة صدقونى بأيدينا ان نعوض ما فاتنا فما زال الوقت بأذن الله امامنا من الممكن ان نهتم فى الفترة القادمة ببعض الدورات التأهيلية تكملة الدراسات العليا وهذا من الممكن ان يؤدى الى تعويض الماضى

الحكاية مش بتتحسب كدا انا ليا زملتى فى الدفعة ومعايا فى نفس المدرسة بس هى اتثبتت ومش هقول ازاى اتثبتت المهم انها متثبتة وخلاص طبعا دا افترا ان حد لو واسطة يتثبت وحد لا يفضل عقد او ما يشتغلش اصلا
بس انا النهاردة بقول
يارب يارب
كل الناس تتثبت اللى بالحصة واللممميز والمكافاة وكلو ومش مهم قديم ولا جديد انا 2002 وبدعى ان 2009 يتعين معايا
وذا كان على المدة اللى فاتت يا اخى احتسيبها عند ربنا وقول ربنا يعوض علينا
وعلى رأى ياسمين عبد العزيز " احنا ضحية مجتمع فاشى "