مشاهدة النسخة كاملة : <<<أنا مابخفش وحفضل أقول>>>


الـشـيـمـ ء ـا
02-03-2011, 12:57 PM
كلمات أحمد فؤاد نجم .:.
================
أنا مابخفش وحفضل أقول
================
كلم...ة حق عليها مسؤل

إن الريس راجل طيب وبشعبه دايماًَ مشغول

مشغول إنه يلم فلوسهم

بره سويسرا يحوشهلنا

وف حسبات سريه يشلها …..نفسه يأمن مستقبلنا

شفتوا إزاي بقه قلبه رحيم

عنده إيمان وضميره سليم

بيجوعكوا لجل تخسوا

آه يا شعب محتاج لرجيم

من جهلكوا بتقولوا بطاله

وإن الأحوال مش شغاله

دا الراجل نفسه يريحكم

هي الراحه تبقي عواله؟؟

أما حكاية المنتجعات

ليه بتسموها معتقلات؟؟؟؟

ليه الظن…… وسوء النيه

نفسه يفسحكوا يا بهوات

أما الكرسي واللى تقال

دا كلام مش محتاج لسؤال

الغلطه دي غلطتنا يا عالم

إن مجبناش كرسي تيفال

والله إنتوا ظالمين الراجل

ضيع عمره ومين يستاهل

حتى الأكل بيكله بدالنا

طالع واكل نازل واكل

ماله الريس بعد دا كله >>!!!!

منقول

miss_me21
02-03-2011, 01:04 PM
هههههههههههههه

سخريه رائعه ومعبرة

تسلم ايديك

فعلا بياكل بدلنا وبيريحناااااااااااااا احنا شعب ملناش فى الطيب نصيب

الـشـيـمـ ء ـا
02-03-2011, 01:23 PM
هههههههههههههه

سخريه رائعه ومعبرة

تسلم ايديك

فعلا بياكل بدلنا وبيريحناااااااااااااا احنا شعب ملناش فى الطيب نصيب

ههههههههههههههههههه ناكرين الجميل احنا

شكرا ياقمر عالمرور

Heartbeat
03-03-2011, 11:42 AM
ههههههههههههههههههه

شفتى بقى احنا كنا ظالمينه ازاى وحشين احنا اوووووووى

مرسى مشمشة على النقل الجميل