كل اللي من الدقهلية يدخل
ناويين بكره انشاء الله نعمل اعتصام عند تمثال ام كلثوم نقول مطالبنا في تغيير التعليم وهى
1/تخفيض المناهج وازالة الحشو الطويل فيها
2/ان يصبح اليوم الدراسى قصير (مثلا من الساعة8صباحا الي الساعة12ظهرا )حتى لا يشعر الطالب بالمللمن الدراسة
3/رفع اجر المعلم كي يعمل جيدا و بذمة
4/عدم استخدام اسلوب العنف في المدارس وان يقدر المدرس العقليةالتي امامه كي يسود الاحترام بين الطالب والمدرس

هناك مطالب من عندي 1/ان تحسن الشرطة اسلوبهامع الشعب وعدم اخذ الامور بالعنف والسب دائما
2/ان يتم توفير الشقق السكنية للشباب بدلا من توفيرها لابناء الوزراء
3/خفض اسعار السلع الغذائية وغيرها من الاحتياجات الاخريالتى لاتتماشى مع الاجور والمرتبات
4/الافة التى انتشرت بطريقة هائلة (التوك توك) انها وسيله للنقل صحيح0 بس اصبحت وسيله للسرقة والخطف والكثيروالتى يقودها اعمار مختلفة من اللي عنده10سنين للي عنده50سنةكل هذا دون رقابة
((ان الله لا يغير ما بقوم حتي يغيروا ما بأنفسهم))
والله ولي التوفيق

طب وهتبدأو الساعه كام؟؟

وبكره دا اللى هو يوم الخميس ولا الجمعه؟؟

بس عالعموم مش هقدر اجى عشان بيبقى عليا 3 دروس ورا بعض بكره (الخميس)من الساعه 3 وبخلص 9 ونص

ربنا يوفقكم

بس ياريت بجد نشارك فى اعمار المنصورة والحاجات اللى بتبنى مصر وتنضفها من جديد احسن من المظاهرات والاعتصامات
ياريت تكون دى مرحلة بناء وتكون مرحلة الهدم خلصت:d

وانا شايفه ان المطالب دى بسيطه ومش محتاجة لمظاهرة او اعتصام لانها معترف بها

يعنى الاول المفروض يكون في بيان او طلب ويوقع عليه عدد كبير ويترفع للوزير او رئيس الوزراء واذا وافق يبقى كويس واذا موافقش يكون التفكير فى المظاهرة او اى حاجة تخليهم يوافقو

لكن مش يبقى الهدف الاول اننا نعمل مظاهرة لكن الهدف يبقى المطالب وازاى تتحقق

وكمان ياريت الاعتصامات دى تكون يوم الجمعه بس مش كل الايام

وربنا معاكم

انا من المنصورة بس مش جاى لأكتر من سبب

اولهم ان ده مش وقت مطالب من النوع ده خااااااالص وده شيىء انا مؤمن به جدا جدا لأننا لازم نشوف مصلحة البلد الأول

ثانيا بالنسبة للمطالب

تخفيض المناهج وفى وعد من الوزير بكده وفى اخبار انه هيتم الأعلان اول الأسبوع الجاى يبقى ملوش لازمة الأحتجاج

بالنسبة لمواعيد اليوم الدراسى طيب قولى كده كام طالب بيحضر فى المراحل التلاته فى جميع مدارس الثانوية اللى فى المنصورة ومن اصل كام طالب ؟؟؟

بالنسبة لرفع مرتبات المدرسين اعتقد بأنه لازم يصاحب الخطوة دى منع الدروس الخصوصية بشكل نهائى لأنه بجد المبالغ اللى بتتصرف على الدروس واللى بيطلبها المدرسين تحت مسميات غريبة منها الحجز فى بداية السنة او المراجعة ومذكرات بقت مبالغ كبيرة جدا جدا

بالنسبة للتعامل بدون ضرب فى المدارس ففى بعض المدرسين بيستخدموا الضرب وفى البعض الأخر لأ ولكن فى النهاية هو امر مرفوض بالتأكيد


واعتقد بأنه المنصورة كان فيها احتجاجات فى ايام قبل كده منذ تولى الوزير الجديد والحقيقة كان شكلها مش كويس ابدا وحتى الشعارات بتاعتهم كان مضحكة لكل اللى فى الشارع ومحدش كان فاهم هما عايزين ايه

يعنى فى ايام الثورة والمظاهرات اللى قدام مبنى المحافظة كانت المطالب واضحة فى المنصورة وفى مصر بحالها ولكن لما تسمع المطالب اللى كان بيقولوها لا تدل على اى طلب واعتقد بأنه الفكرة الأساسية كانت تخفيض المناهج يعنى كل مادة عايزين الوزير يشيل منها شوية وخلاااااااااااص

مجرد سؤال

لو تم تقليل المناهج ورفع الأجور وكل مطالبكم اتحققت حد هينزل المدرسة ؟ ولا برضة كل واحد هيكمل دروس خصوصية وخلاص زى ما بنعمل ؟

اولا تخفيض المناهج وازالة الحشو الطويل

المشكلة مش مشكلة الحشو الطويل .. المشكلة فـ المنهج ككل
وان لم يتم التعديل كليا فهذا الطلب ليس له داع
ومش وقته كمان

ثانيا ان يصبح اليوم الدراسي قصير

الاصل مش عدم شعور الطالب بالملل
مبدأيا نادرا ما فيه طلبه بتحب المذاكرة والمدرسة والجو ده
وليس الهدف الاول راحتهم ولكن ما تقتضيه المصلحة ومستقبلهم هو الاهم
وبعدين اصلا المدارس الحكومية كلها بتخرج بدرى

ثالثا رفع اجر المعلم

انا مع رفع اجره ولكن يعنى ايه علشان يشتغل بذمه ؟؟
ده مطلوب منه حتى وان كان المرتب ضعيف جدا لان دى امانة ف رقبته
واتقان العمل ليس فيه اختلاف و غير متوقف ع رفع الاجر من عدمه
انا مع رفع اجر المعلم ورفع الاجور كلها بصفة عامة

رابعا عدم استخدام العنف

انا عن نفسي لو مكانش فى حاجة بتخوفنى وانا صغيرة مكنتش هتعلم
انا مش مع منعه ولكن مع كونه مقنن ويكون عند وجود داعى وبشكل غير مؤذى

الباقي مليش انى ارد فيه
وشكرا

ههههههههههههههههههههههههههههه


حلوة

والله التربيه والتعليم فى نعمه
متبقوش تنسوا الازهر بكلمتين عشان خاطرى
احنا نازل قرار معاد الامتحان كما هو ومفيش تقليل فى المناهج
ولو تعرفوا عندنا مناهج قد ايه وحسبى الله ونعم الوكيل
بس استنوا ياجماعه نظبط احوال مصر العامه وبعدين نظبط مظاهرات بقى

تحذير محدش يروح


فى ناس راحت من مدرستى ههههههههههههه كلوا علقة مكلهاش حمار من الادارة والمدرسة

جزاك الله خيرا

طبيعى لا تعليق وكل اللى نزلوا لو كان قليلهم عاقل فكثيرهم نازل يهزر وهذا ما رايته لا ما سمعته

واظن فعلا العقاب كان واضح صحيح يا عنيدة انتى اكثر خبرة

ربنا يعينهم على العلقة

حد رايح مظاهرات المنصورة بكرة

ليس هذا وقت المطالب الفئوية
على الجميع الألتزام بمصلحة البلاد أولا" فهذه مرحلة عودة الهدوء والأستقرار للبلاد لا عموم الفوضى
على الجميع العودة لأعماله فى الوقت الحالى...................

الى جانب أن هذه المطالب لا تستحق وقفة أحتجاجية

انا من المنصورة ومش هاجى طبعا
لان مش مظاهرات المنصورة هى الى هتغير مصر كلها

لا جدوى لا جدوى