مشاهدة النسخة كاملة : نهــــــــاية , و لكــــــــن ............... !!!!


Mohamed.Helmy
03-03-2011, 12:26 AM
السلام عليكم ..
هي دي خاطرة و حكاية يعنى حاجة كده مش عارف هتبقى تحت بند ايه ..
بس بتعجبنى الحكايات اللى زي كده بتبقى غامضة شوية ..
انا حاولت أكتب حاجة زيها كده بس مازلت مش عارف دي تعتبر ايه :D

****


نهاية ولكن ..

حكايتى مع النهاية .. اما بجد حكاية .. النهاية معروفة من قبلها
.. بس مكانتش نهاية سعيدة .. بس اللى يحاول يغير النهاية و يخليها سعيدة .. يبقى يخلي باله كوييييس جدا !!
يومها كان الموضوع منتهي بس كان فى خلاف .. صاحبك بقى ايه ؟ .. قالك حرام ياعم تسيب الموضوع كده .. انت قبل ماتمشي خلي النفوس هادية خالص علشان محدش يشيل م التاني .. عملت كده ..

طب فين المشلكة ؟
المشكلة ان الموضوع كان ماشي تمام و الكلام كان كويس ..بس معرفش اللى حصل و الملفات القديمة اتفتحت .. و حصل كلام معجبنيش و معجبناش احنا الاتنين ..بس المشكلة انى مش بحب سوء التفاهم ابدا ...

و طلعت انا كالعادة غلطان .. ليه بقى ؟
ياسيدى مش الموضوع خلص و كل واحد راح لحاله .. جاي ليه و تتكلم تاني ؟
سؤال كويس ..بس ممكن يترد عليه
* هو فعلا الموضوع خلص بس هيبقى ذكري مش لطيفة حاولت أعدل الذكري دي .. علشان كده رجعت أتكلم و كنت همشي خالص و اتفقت قبل الكلام معاه على كده ...بس شكله نسي .. !!
و برضه حصل قبل كده ان كل واحد راح لحاله .. و هو رجع من نفسه .. بس انا مسألتوش و معاتبتوش أنه رجع و قولتله انت السبب علشان الموضوع انتهى رجعت تاني ليه ؟ ..

وحصل ان الكلام ابتدى يبقى مش ظريف .. و كان قصدي انه مايتكلمش فى حاجة و يقول كلام صعب يتقال لانه غالي ومش عايز أشوفه كده ..

طبعا كلمة خلاص... اللى انا قصدي بيها انه ميزودش فى الكلام لان الموضوع منتهي و هو كمان اللى نهاه من قبلها ...

بس النهاية ان مش عاوز أشوفه ضعيف...

هيبقى ذكري كويسة لصاحبنا .. بس المشكلة ان التاني بعد ده كله بيقول ان صاحبنا اللى غلطان .. و زمانه بيدعي عليه كمان .. !!

و هي الدنيا كده ليها نهاية و من النهاية بداية جديدة بس ممكن ترجع تاني للنهاية ..

علشان كده اسمها
نهاية و لكن .. !!

:078111rg3:

Jehad Mohamed
03-03-2011, 02:41 PM
جميل اوى اوى يا محمد

فلقد اعتدنا دائما على

كلماتك المشرقة

و احساسك الصادق

و حضورك المميز

فعلا فلكل شى نهاية ولكن

للأسف هذه هي الحقيقة مرة ، لكل بداية نهاية
للحياة بداية بالميلاد ، وتنتهي بالموت
للصداقة بداية ، وتنتهي بالغدر
للحب بداية ، وينتهي بالخيانة
لكل ما له بداية ، له نهاية ..

شكرا تقبل مرورى:d

samar saad
04-03-2011, 03:35 AM
اكيد الواحد مابيبقاش عارف النهاية ايه
بس لو كنا حكمناها بالعقل فى الاول ماكنش النهاية بقيت كده
لو كنا سمعنا بعض ماكنش حصل كده
لو كنا اتعلمنا من غيرنا ماكناش هنوصل لكده
ونطلع بعض غلطنين
ناس بتتغير وبتغيرها بتأذى ناس مالهاش ذنب لذلك اكيد النهاية اسواء ماتكون خصوصا للاتنين
ويارب كل نهاية تبقا سعيده
كلمات جميلة تقبل مرورى
تحياااااااااااااااااتى

Mohamed.Helmy
04-03-2011, 03:45 AM
تووووتة ..

سمر ..


شكرا ليكم على المرور .. نورتوني ..

moonmaster
04-03-2011, 01:00 PM
و حصل كلام معجبنيش و معجبناش احنا الاتنين ..بس المشكلة انى مش بحب سوء التفاهم ابدا ...


حضرتك بتقول حاولت اكتب زيه؟!

هو مش حضرتك اللي كاتب دي؟

hanona_nona_awy
14-03-2011, 09:30 AM
ما شاء الله
هو اي نعم مفيش وزن وقافيه بس انا حسيت الموضوع
تعددت مواهبك والرد واحد.........موهوب
شكرا لحضرتك على موضوعاتك الرائعه

LoOoLy El Treikawya
16-03-2011, 12:19 AM
كلمات بسيطة جدا

لكن بقدر بساطتها تحمل كثيرا من المعانى وحقيقى حلوة

جزاك الله خيرا

ضياء الدين سعيد
16-03-2011, 09:24 AM
الحكاية إن النهاية بدأنا بيها
لما نكره أو نقرب من بانيها
مش هنحكم عاللي كان مكتوب عليها
كل لغز وليه رواية نِحله بيها
أو في يوم يجي القدر يهدم بانيها
ما أحنا قلنا إن النهاية بدأنا بيها


.....
تحياتي،،،