مشاهدة النسخة كاملة : مظاهرات لاقالة عصام شرف رئيس الوززراء


الأمير محمد السيد حمودة
03-03-2011, 01:36 PM
السلام عليكم
طبعا العنوان مش صحيح بس انا حبيت اسبق مهو كمان يومين بالكتير هتلاقي العنوان ده مالي الدنيا وهتلاقي بالفعل مظاهرات بتطالب بأقاله رئيس الوزارة الجديد اصلها بقت موضه
ماعلينا
انا مش عارفه الناس بقت عايزة ايه ؟؟؟؟؟؟
وكمان مش عارفه هنوصل لفين باللي احنا فيه ؟؟؟؟؟
وياتري الثورة دي هتخلص وهيخلص المظاهرات ولا لا؟
وهل كل واحد عارف هو عايز اية ولا هنفضل نضغط علي القوات المسلحه ونقول شيلو ده وحطو ده
قلبي بيبكي عليكي يامصر

اشرف بيك
03-03-2011, 01:47 PM
ههههههههه

والله عندك حق

شر البلية ما يضحك

محمد ابوصلاح
03-03-2011, 01:52 PM
عندك حق والله

zyad2006
03-03-2011, 01:58 PM
اللي انت بتعمله ده غلط الناس عارف هي عاوزه ايه انما انك مش قادر تفهم رايهم مش معنا كده انهم غلط وياريت ماتسبقشي الاحداث لان الناس هي اللي اختارت الراجل ده وان شاء الله ربنا يوفقه للي فيه الخير لمصر ولازم تعرف ان الانسان لاز يقول لا للي يضره ومش في صالحه ولو انت مش مصدق ده وانت راجل معلم تبقي مصيبه لانك زي ما ربنا جعلك مخير تبقي كارثه لو عاوز تخلي بني ادم يخليك مسير

aleman
03-03-2011, 02:07 PM
ربنا يرحمنا يارب

English101
03-03-2011, 02:09 PM
ياريت الناس اللى مش عاجبها حاجة تهدى وتعرف مصلحة البلد بقى .. ويحمدوا ربنا ويبطلوا طمع

البلد هتضيع كده .. الشئ ان زاد عن حده انقلب ... ضده ..

miss_emy
03-03-2011, 02:10 PM
ايوه الحل مع شويه عيال

أ.حسين احمد
03-03-2011, 02:15 PM
يارب احمى مصر من كل سوء

بطوط55
03-03-2011, 02:18 PM
الراجل ده محترم وياريت الناس متعبطش تاني علشان بلدنا تقوم من تاني والدليل ما كتب عنه من سنه ف الدستور
http://dostor.org/people/egypt/10/january/9/2484

Le Samurai
03-03-2011, 02:25 PM
يعنى إية شفيق يستقيل من قبل المظاهرة
دا إستهتار بالثورة
لازم الإستقالة تنسحب ويستنى لبكرة
وإلا:1-مظاهرة مليونية الجمعة 4مارس فى جميع أنحاء مصر تحرق الأخضر واليابس
2-بعدين هو مين عصام شرف هما فاكرين عشان إسمة شرف هنسيبة(الشعب يريد إسقاط حكومة شرف)
يالا يا ثورجية شيروا بكرة مليونية رفض الإستقالة وإسقاط الحكومة الجديدة

memmy
03-03-2011, 02:37 PM
اولا الناس دي مش هبله ويتقول اي حاجه ، والانسان الشريف لايختلف عليه اتنين لما انسان يستقيل من حكومة احمد نظيف يبقى انسان محترم ، وبعدين الراجل المحترم ده من ضمن الاسماء الي رشحها اعضاء ائتلاف الثوره على المجلس العسكري لتولي رئاسة الوزراء
الناس الي مش عاجبه حضراتكم دي هي الي جابت حقكم الي كان بيتسرق سنين ورحمتنا من الفساد الي كنا غرقانين فيه ولا احنا شعب ما بيحبش النظافه ونموت في الي يدينا على دماغنا
وبعدين اقالة شفيق مطلب موجود من الاول مش اخترعوه من الهوا
ياناس حرام عليكم قال رسول الله ( من كان منكم يؤمن بالله واليوم الاخر فليقل خيرا او ليصمت )

محمودعيد
03-03-2011, 02:40 PM
uعرفتوا ياخوانا ان الريس مبارك كان لازم يستنى علشان الانتخابات تتم بسلا م شايفين البلد رايحه فين الفرق كان كام شهر دمرنا الدنيا ودمرنا اقتصاد البلد ومش هنستقر على ريس اهدوا وبلاش شوية ارزقية واصحاب مصالح ومنظرة يضحكوا علينا احنا اعقل من كده نعم كان فية سرقة وفيه افترى وفيه ظلم بس احنا اخدنا خطوات رهيبه نهدى وندى فرصة وناخد نفسنا ولو مفيش حاجة اتحققت يبقى احنا اخدنا نفس طويل وريحنا ونقوم من تانى بنشاط بس المهم اننا اخدنا خطوة نستنى ونركز وندرس احنا فين وبعدين ناخد القرار التالى بلاش نبقى زى الدبة اللى قتلت صاحبها

ashrafe2003
03-03-2011, 02:42 PM
من غير ما اعرفة ولا حتى اعرف عنة حاجة ....... مش عاوزة انا حر
.... هو ده مبدأ الثورة ...ويجعلة عامر

yasser2h
03-03-2011, 02:45 PM
وسوف نسمع بعد ذلك

الشعب يريد اسقاط الشعب

أحـمد قرنى
03-03-2011, 05:10 PM
وسوف نسمع بعد ذلك

الشعب يريد اسقاط الشعب

قريباً جداً
لا تستعجل الاحداث

مسيو عاطف
03-03-2011, 05:35 PM
كنت هقولها

مني 22
03-03-2011, 05:42 PM
حسبى اله ونعم الوكيل
على فكرة مستمرين بكرة لما يكملو مطالبهم منهم لله

MR : ABO BATTA
03-03-2011, 05:48 PM
كلامك مظبوط 100 %

funko2010
03-03-2011, 05:53 PM
بصراحه كان لازم شفيق يتشال هو وزير العدل والخارجيه ولازم الكل يتحاسب