مشاهدة النسخة كاملة : قرار التعيين للكل مش ظلم ولا حاجة
aleman 03-03-2011, 01:49 PM السلام عليكم
انا الحمد لله من المعينين باذن الله من الاسكندرية
احب اقول انى وصديقة لى نفس الدفعة2005
هى تقديرها كان جيد جدا وانا تقديرى كان جيد مرتفع
شاء ربنا اننا نقدم بالتربية والتعليم
انا جالى معلم مساعد
هى جالها تعاقد عادى معلم فصل
هى عملت قبلى الدبلومة الخاص
انا عملت بعدها دبلومتين وتمهيدى ماجستير
هى مرتبها140ج بعقد مش مكتوب به تثبيت نهائى
انا مرتبى كان 314ج بعقد معلم مساعد معروف انى كنت هتثبت بعد 3سنوات لان ده فى القرار اللى فى عقدى اللى مضيت عليه
زميلاتى كتير بقى فى ادارة العامرية وغرب تعاقد عادى 104 من 2001 كل سنة يتجدد عقدهم لحد اخر ستة ويقعدوا بالبيت يدعو ربنا انهم يخدوهم ويتعقدوا معهم السنة القادمة
انا اقعد فى بيتى عارفة انى مش بقطع مده تعاقدى
مستريحة البال 10على 10عارفة ان مافى حد يقدر ياخد مكانى
احنا اه اشتغلنا 3سنوات
اللى معوش تربوى اخده
اخدنا شهادة الكمبيوتر
امتحنا كادر ونجحنا الحمد لله
هم بقى مستخصرين فيهم انهم يتثبتوا علطول؟!
والله انا لى زميلات شغالة من2000عقد عادى وبتفصل وعمر ماحد وعدهم بالتثبيت حتى
لكن احنا دخلنا على المعلم المساعد كده كمن فى يده معلقة ذهب ورغم ان كتير اشاعوا ان مافيش تثبيت الا انى كنت متأكده من التثبيت لانى قريت عقدى كويس وعرفت ان بعد3سنوات هتثبت وكنت على يقين بكده
لذا والله انا فرحانة لقرار الوزير بتثبيت معلمى الحصة اللى اتموا ال3سنوات(عارفين لو كان قال هيثبت كلهههههه بمعنى اللى لسه متعاقد حتى كنت زعلت لكن الشرط بتاع 3سنوات ساوى مدرسى الحصة والعقود المؤقتة بينا نحن المعلم المساعد)
وممكن حد يقولى ازاى نساوى العقود بالحصة والمؤقتة اللى فيها محسوبيات وواسطة
اقولك مش كلهم واسطة زائد اننا كمان عقود المعلم المساعد كان في بعضها واسطة بس على كبير من وكالة الوزراة
ثم اتمنى انك تضع نفسك كواحد شغال من 2000 عقد عادى ومؤهلك عال وجالك واحد تعاقد مساعد 3سنين بس واتثبت وانتا لا هتزعل ولا لا؟
واخيرا ارجو محدش يزعل من كلامى
ربنا يكتبلنا الخير يارب اجمعين
هشام ابوحسين 03-03-2011, 02:16 PM القرار ظالم لاني فيه البعض من الزملاء خريجي تربية لم يعملوا بالحصة او بمعني اخر انهم لا يريدون احدا يبيع ويشتر فيهم والتريقه من المدرسين خريجي الدبلوم ومن هذه الاقاويل ( اسمك مكتوب بالقلم الرصاص - العشرة منكم بقرش ) فمعني هذا اني هؤلاء لا بعينون علي الرغم انهم خريجي تربية والمدهش ان القرار شمل الدبلومات المعينة كمدرسين سد خانة ونترك بتاع التربية فيجب ان نعين بتاع تربية اولا حتي ولو لم يعمل وبعدين ندور علي المؤهلات الاخري
سها أحمد شوقي 03-03-2011, 03:49 PM علي العموم مبرووووووووووووووووووووووووووووووووووووووووووك للكل
Mark 2011 03-03-2011, 04:05 PM القرار ظالم لخريخ التربية الي ما اشتغلش بالحصة و طالب كلية التربية لان الطالب لما يتخرج مش هيلاقى مجال للعمل وكل العجر سده غير التربويين
مصري13 03-03-2011, 04:40 PM تمام التمام ياايمان برافو عليكي
مستر/ عبدالكريم على عبدالنعيم 03-03-2011, 04:51 PM (عارفين لو كان قال هيثبت كلهههههه بمعنى اللى لسه متعاقد حتى كنت زعلت لكن الشرط بتاع 3سنوات ساوى مدرسى الحصة والعقود المؤقتة بينا نحن المعلم المساعد)
نحن المعلم مساعد وزير الداخلية هههههههههههههههههههههههههههههههه
رشادي 03-03-2011, 05:20 PM يا جماعة ممكن يكون معلم الحصة مش متخصص فلابد أن يكون مؤهل عالي تربوي أو متخصص +دبلوم تربوي علشان نخرج أجيال صح والا إيه رأيكم
داليا عبد الرحمن 03-03-2011, 05:29 PM الف مبرووووووووووووووووووووك للجميع
funko2010 03-03-2011, 05:57 PM طبعا فى ظلم كبير على الرغم من انى من المتعين معلم مساعد ومستوفى الشروط بس خريج التربيه مظلوم وبعدين فى ناس اشتغلت 5 سنين ومشتغلتش السنه دى بس طيب دول وضعهم ايه مش حرام
aleman 03-03-2011, 08:14 PM الناس اللى بتكلم عن ان لازم المعلم يكون مؤهله عال
مش شرط انا عندى المدرسة كلها قايمة على مدرسين اساسيين من معملى دبلوم المعلمين ومعلمات دبلوم معلمات وفيهم اللى كمل وعمل معادلة ودخل كلية التربية واصبح ذو مؤهل عال
زائد ان موضوع ان سد العجز بالغير تربويين احب ارض ان الرزق ده بتاع ربنا
الناس دى ماهى كانت شغاله فى أمكنها عادى يعنى
هو الوزير جاب ناس من بره
بالعكس هو ثبت اللى كانوا شغلين فعلا يعنى محدش اخد رزق حد
انا بصراحة مش قادرة افهم ايه الظلم اللى وقع على خريجى تربية؟
Azhar Aly 03-03-2011, 08:20 PM القرار ده فعلا ظالم جدا جدا لينا يعنى مثلا انا هتكلم عن مدرس الاجر ف مدرستى خريج حقوق بيشتغل مدرس انجلش والله العظيم ما يعرف يكتب اسمه حتى بالعربى ومعايا صور ع الموبايل لشرح احد دروس سنة خامسة ابتدائى وهو كاتب للعيال ع السبورة
how mony stsiers Ali got how many sisters
dougther daughter
von van
televison television
mather mother
bather brother
و بينطق لهم شهر 7 اسمه جوليا
والخيار كوكوممبرز
والقرد مونكى
دا غير انك تسمع دوشة الفصول من ع السلم والعيال بتجرى ورا بعض وعن وقت الامتحانات والتصحيح طبعا يطلبوا منى اعمل الامتحانات لكل السنين و اغشش كل اللجان
وافتكر ف مرة من سنتين كنت ف لجنة 6 وقعدت كتير اتحايل ع المراقب اكتب لهم ع السبورة لان الغش الشفوى مكنش جايب معاهم نتيجة و ده طبعا مش ذنب العيال المهم المراقب وافق و فجأة دخل رئيس اللجنة وقالى امال كنت بتعمل معاهم ايه يا متحرم طول السنة لما مش عارفين يكتبوا حاجة ولا يجاوبوا
لما ابقى خريج تربية عام انجلش ومعايا كورسات انجلش ومعايا Icdl قبل امتحان الكادر و ندخل الكادر و كل شويه هاتوا ورق وقدموا ورق مرة ف الاكاديمية و مرة ف المديرية و مرة ف الادارة يبقى نسميه ايه قرار الوزير
بيبو محمد أحمد 03-03-2011, 08:45 PM على فكرة يا أخت إيمان أحنا بنبادلك نفس الشعور وكلنا شباب لنا الحق فى الحياه ولكن فيه فرق بين التعيين والتثبيت
فالتعيين على درجة مالية أما التثبيت فهو تثبيت على الوضع حتى يتوفر درجة مالية واستيفاء جميع شروط التعيين
aleman 03-03-2011, 09:04 PM خريج حقوق مدرس انجليزى؟
ايه ده
اول مرة اسمع الكلام ده
انا اللى اعرفه ان معلمى الحصة مدرسين ومدرسات زينا
اول مرة اسمع الكلام ده
لاااااااااااااا طبعا
انا مع تعيين معلمى ومعلمات الحصة والمؤقتين من خريجى التربية وما يعادلها مع وجود تربوى
لكن حقوق بعيدة دى جداااااااا
aleman 03-03-2011, 10:44 PM بجد ياجماعة فى عقود مؤقته من خريجى حقوق وكده؟
انا معرفش
يعنى معنى كده ممكن اشتغل بالمحاماة بقى؟
لاااااااااااااا
اتمنى تثبيت كل من هو حاصل على تربيةوما يعادلها ومعه تربوى
مستر/ عبدالكريم على عبدالنعيم 03-03-2011, 10:57 PM ايه ده يا معلم يا مدرس الانجليزى
يا راجل عيب عليك ديمكن هو احسن منك على كدة وبتقول اكتب لهم
دانت اسخم منه " من غشنا فليس منا "
وعايز التعليم يتقدم يا بتاع الدورات هههههههههههههههههههههههيييييييه
aleman 03-03-2011, 11:23 PM يارب يظل وزير التربية والتعليم الحالى فى الوزارة الجديدة
وبجد اتمنى تثبيت وتعيين كل من هو من خريجى كلية تربية
أيمن الشابوري 04-03-2011, 07:12 PM احمدددددددد ربنا
مصطفى عبدالبديع 04-03-2011, 09:57 PM يارب وزير التعليم احمد جمال الدين يستمر
شيماء20 04-03-2011, 10:31 PM القرار ده فعلا ظالم جدا جدا لينا يعنى مثلا انا هتكلم عن مدرس الاجر ف مدرستى خريج حقوق بيشتغل مدرس انجلش والله العظيم ما يعرف يكتب اسمه حتى بالعربى ومعايا صور ع الموبايل لشرح احد دروس سنة خامسة ابتدائى وهو كاتب للعيال ع السبورة
how mony stsiers ali got how many sisters
dougther daughter
von van
televison television
mather mother
bather brother
و بينطق لهم شهر 7 اسمه جوليا
والخيار كوكوممبرز
والقرد مونكى
دا غير انك تسمع دوشة الفصول من ع السلم والعيال بتجرى ورا بعض وعن وقت الامتحانات والتصحيح طبعا يطلبوا منى اعمل الامتحانات لكل السنين و اغشش كل اللجان
وافتكر ف مرة من سنتين كنت ف لجنة 6 وقعدت كتير اتحايل ع المراقب اكتب لهم ع السبورة لان الغش الشفوى مكنش جايب معاهم نتيجة و ده طبعا مش ذنب العيال المهم المراقب وافق و فجأة دخل رئيس اللجنة وقالى امال كنت بتعمل معاهم ايه يا متحرم طول السنة لما مش عارفين يكتبوا حاجة ولا يجاوبوا
لما ابقى خريج تربية عام انجلش ومعايا كورسات انجلش ومعايا icdl قبل امتحان الكادر و ندخل الكادر و كل شويه هاتوا ورق وقدموا ورق مرة ف الاكاديمية و مرة ف المديرية و مرة ف الادارة يبقى نسميه ايه قرار الوزير
اول مره اسمع ان ممكن خريج الحقوق يبقى مدرس
اللى اعرفه ان خريجى تربيه واداب وعلوم واحيانا تجاره هما دول اللى بيكونو معلمين بالحصه
دا على حد علمى والله اعلم
Azhar Aly 04-03-2011, 10:45 PM يا جماعة انتو مش مصدقين ليه ....طيب اقسم بالله ان كلامى صحيح ميه بالميه ومعايا الصور وعندنا ف المنيا كتير حقوق بيشتغل انجلش و منهم ناس بالاجر وناس تانى عقد مميز ( معلم مساعد ) وخصوصا دفعة 1/1/2009 وبالنسبة للاستاذ اللى بيتكلم عن انى بتاع كورسات وبيضحك ع كده فانا بتعلم عشان ازود معرفتى وعن الغش اللى بيحصل فده كان غصب عنى لان الطلبة بقى لهم 6 سنين محدش متخصص بيشرح لهم من اول ما دخلوا سنة اولى ابتدائى وانا عارف ان الغش حرام بس لو رفضت تبقى مش متعاون مع المدرسة وبتثير مشاكل ف المدرسة و بتحاول تثبت لهم انك احسن من زميلك الغير متخصص و كمان ف الاخر لما النتيجة بتاع الشهادة بتطلع وحشة يتحول فيها للشئون القانونية الاساسى او شبيه الاساسى ( عقد مميز) زى ما بيقولوا عننا انما بتاع الحصة فهو غير مسئول عن النتيجة و ده كان كلام مدير المدرسة ليا لما حاولت ارفض انى احضر معاهم الامتحان
عموما الله يسامحك ع سوء ظنك فيا
مستر/ عبدالكريم على عبدالنعيم 04-03-2011, 10:57 PM يا جماعة انتو مش مصدقين ليه ....طيب اقسم بالله ان كلامى صحيح ميه بالميه ومعايا الصور وعندنا ف المنيا كتير حقوق بيشتغل انجلش و منهم ناس بالاجر وناس تانى عقد مميز ( معلم مساعد ) وخصوصا دفعة 1/1/2009 وبالنسبة للاستاذ اللى بيتكلم عن انى بتاع كورسات وبيضحك ع كده فانا بتعلم عشان ازود معرفتى وعن الغش اللى بيحصل فده كان غصب عنى لان الطلبة بقى لهم 6 سنين محدش متخصص بيشرح لهم من اول ما دخلوا سنة اولى ابتدائى وانا عارف ان الغش حرام بس لو رفضت تبقى مش متعاون مع المدرسة وبتثير مشاكل ف المدرسة و بتحاول تثبت لهم انك احسن من زميلك الغير متخصص و كمان ف الاخر لما النتيجة بتاع الشهادة بتطلع وحشة يتحول فيها للشئون القانونية الاساسى او شبيه الاساسى ( عقد مميز) زى ما بيقولوا عننا انما بتاع الحصة فهو غير مسئول عن النتيجة و ده كان كلام مدير المدرسة ليا لما حاولت ارفض انى احضر معاهم الامتحان
عموما الله يسامحك ع سوء ظنك فيا
حضرتك بتتكلم عن الغش كانه حاجة عادى زى الاكل والشرب
امال ايه فايدة التعليم والشهادات دى لما انت بتغشش وانت بترفع مستواك ليه اصلا
" من ارضى الله فى سخط الناس رضى الله عنه وارضى علية من شخط عليه فى رضاه" هو ده اللى اتعلمناه فى الشريعة
aleman 04-03-2011, 11:13 PM ربنا يرحمنا
|