ثورتنا ثورة أجيال خايف تبقى لعب عيال
يخرج لميدان التحرير كل مهرج أو محتال
في دماغه وش وتضليل أو نفسه يبقى تمثال
أو لعبة ع الإنترنت أو يخطف أمل الأطفال
فاضي وقاعد في الميدان أو آبض م الشيخ متقال
أحسن له يدرس تمثيل أو أزهر ويروح ف الحال
لقناة يقبض منها كثير ويسخر علمه الدجال
ليروج ليهود أمريكا والي مايشوف م الغربال
قاعدتها مزروعة هناك وقناتها عاملة أبطال
بتشوف بس اللي بعيد عنها وبلدها هتشوفها؟ محال
بكرة هنخرج ونقولها مصر بلدنا مش أطلال
بيغني عليها اعلام وبيلعب بيها الأندال
اسمع يابني انا هقول لك اسمع ياللي فهمك ضلك
بص هقول لك حاجة تهمك اهدأ وارسى يابن الخال
قبل ما نكره حتى نشوفك سيبنا نبني للأجيال
رووح شوف شغلك وارحمنا رووح تبقى من الأبطال

يبدو أن الثورة بدأت تلهم الجميع
بالتوفيق أستاذنا