فض اليوم المئات من المتعاقدين والأجر والمكافأة الشاملة بتعليم الإسماعيلية تظاهراتهم التى استمرت لأكثر من خمسة أيام أمام مديرية التربية والتعليم بعد تسليمهم صورة من قرار وزير التربية والتعليم العالى، الدكتور أحمد جمال الدين موسى فى الوزارة المقالة، والذى وقعة أمس بتعيين جميع العاملين بالأجر والمكافأة الشاملة والعقود، دون التقيد بالحصول على دبلومة تربوى أو الرخصة الدولية لقيادة الكمبيوتر فى الوقت الحالى، ولكن من الممكن استكمالها فى وقت لاحق، حسب قولهم.
وكان المئات من تعاقدات التربية والتعليم قد تجمعوا اليوم أمام مديرية التربية والتعليم بالإسماعيلية مطالبين بقرار الوزير والتأكيد على تفعيله، خاصة بعد قرار إقالة وزارة الدكتور الشفيق، وأكد لهم المسئولون أن قرار التعيين سار، وسوف ينفذ خلال الأيام القادمة.


حد يفهمنى شرط ال3 سنين
ولا الكل هايتثبت الواحد بجد اعصابه باظت
يارب الكل يتثبت

الوزير كان قرارة تثبيت كل من مضي عليه 3 سنوات علي ان يتم تصحيح الاوضاع لاحقا يعني نبقي تاخد دبلومه وتقدم اكاديميه بعد ما تتثبت دا اللي انا فهمته والله اعلم

سلام من بلد الكلاااااااااااااااااااااااااااااااااام

قرار فاشل
ومبهم وغير مموضح بالمرة
كان فى تفصايل يجب ذكرها كتير

ده معناه انا كل من يعمل ثلاث سنوات متواصلة حيتثبت بـــــــــــــــــــــــــــــــــــــــــــــــــ ـــــــــــــــــــــــــــــــــس انما الوزارةى كانت بتعمل حاجة ان كل اخر كل عام دراسي يتم الفصل ثم نعود في بداية الدراسة فمفيش كم يعمل ثلاث سنوات متواصلة ابدا الا العقود المميرة فقط لانهم يجدد له على طول انما اللى بالاجر فلا فلا فلا فلا فلا فلا فلا والمفاجأة انه الوزير لم يأتي بجديد لان هناك قانون 47 لسنة 78 يقول من يعمل ثلاث سنوات يرفع قضية ويتم التثبيت ثاني يوم والجديد في الامر انه قال ثبت يعني مش حنرفع قضية ولا يحزنون

لا استاذى الثلاث سنوات تحسب من بداية عملك سواء بالحصه او المكافاءه او العقد وعليه تم احتساب المده الموجوده قبل العقم بتاع المعلم المساعد هذا الكلام معلق عندنا فى ادارة المنزله دقهليه وتم تعين كل متعاقدى المنزله الذين اتمو ثلاث سنوات سواء بالحصه او غيره بصرف النظر عن الكادر او الرخصه كلها مسائل ماليه

القرار 53 قال تعيين لمن امتحن واجتاز
القرار 75 قال تثبيت ؟؟؟؟؟؟؟؟
هناك فرق أكيد

ياعم بطلو استهبال اللى اشتغل 3 سنوات دراسية متواصلة هايتم تثبيتة وهايمتحن يوم 15 7 لانة اتحسب انو كان عامل عقد مميز لان شغل الحصة مش موجود فى القانون انا من الاسماعيلية وكنت فى المظاهرة وكنت فى الوزارة وكنا الاسبوع اللى فات مع الوزير

التثبيت ليس على درجه ماليه وليس له حقوق المعينين من اجازات وخلافه وليس هناك تعين الا للمعلم المساعد الذى حصل على الكادر والرخصه وهذا واضح من قرار الوزير حين قال تثبيت لحين استكمال الاجراءات القانونيه من كادر ورخصه حتى يتم التعين الرسمى وموجود فى بوابة المعرفه على موقع الوزاره اولا تثبيت المتعاقين والحصه لمن امضوا ثلاث سنوات وعلى فكره تحسب الفتره من بداية العمل بالحصه او الممافاءه او العقد
ثانيا تعين المعلمين المساعدين الذين اجتاذو الكادر وحصلوا على الرخصه واتموا الشروط كامله من 1/3/2011 اذهبوا لبوابة المعرفه على موقع الوزاره

يا جماعة لابد من الغاء الاكاديمية الاهانية للمعلمين اشمعنا احنا اللي بنمتحن انا عاوز شهادة صلاحية منالوزير انه وزير وشهادة صلاحية للاطباء والمهندسين والصيادلة والشيوخ اشمعنا احنا وعلى فكرة اي واحد مش مع الغاء الاكاديمية يبقى من فلول الحزن الوطني الفاسد السابق لازم نعمل اعتصام مفتوح زي يوم الاحد القادم لالغائها ومحدش ينسى ان كل لعقود المميزة مرتبطة بالقرا الفاشل رقم 155 الله ينتقم من اللي وضعة وينتقم من حسني مبارك اللي وافق عليه ويشرد ولاده

حد عارف حاجة

يا جماعة بصراحة الواحد خلاص بقي متلخبط
يعني دلوقت احنا متثبتين ولا إيه ؟
إيه التضارب الكتير ده؟

فض اليوم المئات من المتعاقدين والأجر والمكافأة الشاملة بتعليم الإسماعيلية تظاهراتهم التى استمرت لأكثر من خمسة أيام أمام مديرية التربية والتعليم بعد تسليمهم صورة من قرار وزير التربية والتعليم العالى، الدكتور أحمد جمال الدين موسى فى الوزارة المقالة، والذى وقعة أمس بتعيين جميع العاملين بالأجر والمكافأة الشاملة والعقود، دون التقيد بالحصول على دبلومة تربوى أو الرخصة الدولية لقيادة الكمبيوتر فى الوقت الحالى، ولكن من الممكن استكمالها فى وقت لاحق، حسب قولهم.
وكان المئات من تعاقدات التربية والتعليم قد تجمعوا اليوم أمام مديرية التربية والتعليم بالإسماعيلية مطالبين بقرار الوزير والتأكيد على تفعيله، خاصة بعد قرار إقالة وزارة الدكتور الشفيق، وأكد لهم المسئولون أن قرار التعيين سار، وسوف ينفذ خلال الأيام القادمة.


حد يفهمنى شرط ال3 سنين
ولا الكل هايتثبت الواحد بجد اعصابه باظت
يارب الكل يتثبت



ياجماعةت اللى يتكلم يتكلم رسمى بالنسبة للمعلمن المساعدين تعين

فين الفاكس اللى بيثبت كلامك

الثلاث سنوات تبدأ من اول يوم استلمت فيه العمل في اول مدرسة عملت بها فلو واحد اشتغل لأول مرة مثلا عام 2006 حتى الآن تحسب له 2006 و 2007 و 2008 و 2009 و 2010 وهكذا

ياريت الكل ياخد بالة من القرارات الصادرة من وزير التربية والتعليم
أولا : بالنسبة لقرار74 الخاص بالمعلم المساعد لم يذكر موافقة وزارة المالية ولا التنظيم والإدارة .
ثانيا : القرار 75 واضح إن فية موافقة وزارة المالية والتنظيم والإدارة
يعنى التثبيت واضح لمين أى متعاقد مر علية ثلاث سنوات من حقة التثبيت لكن المعلم المساعد على مستوى الجمهورية لم يكمل الثلاث سنوات وحضراتكم إتأكدوا من ذلك ومش معنى كدة إن المعلم المساعد مش هيثبت لاء طبعا هيثبت بس بعد ما يكتمل الثلاث سنوات ولكنة هيتعين لكن بدون درجة وهياخ الماليات بتاعتة لإنة دخل الإمتحان
ولكن التثبيت الفعلى بالدرجات لمن أمضى ثلاث سنوات
بدليل إن فية ناس بتشتغل منذ عام 2002 والوسطة والمحسوبية مخدتهمش فى العقد المساعد يعنى فية ظلم وإتضح الظلم بعد المظاهرات ئل الناس عملتها فوضحت فى التنظيم والإدارة وبانت على الطبيعة
فهل يعقل متعاقد تم التعاقد معاة عام 2007 رسمى يثبت قبل متعاقد تم التعاقد معاة 2002 رسمى
هناك أخطاء كثيرة
فمحدش يزعل من الحقيقة لإن دة هو العقل والمنطق التثبيت بالأقدمية هو دة الصح

أنا دفعة 2007واشتغلت 1/1/2008 بعفد عادى وبعد ذلك حصلت على العقد المميز 1/7/2008 لان تقديرى كان امتياز مع مرتبة الشرف ومكتوب فى صحيفة الاحوال الالكترونية تاريخ العقد المميز اللى هو 1/7/2008 فهل سوف يتم احتساب مدة العقد العادى ولا لا وهل كدة يبقى انا بقالى 3سنوات ولا هاانتظر لشهر 7
ارجو الافادة

احنا مخدناش صورة قرار ولا حاجه
ده كان كلام بس
والقرار اللي اخدنا صورته كان قرار عام من التنظيم والاداره بخصوص المؤقتين
وقالو كل واحد هيتعملو عقد يقول انت اشتغلت يوم كذا وسيتم تعيينك يوم كذا بس كده

ياجماعة جميع القرارات بهذا الشأن موجودة علي موقع الوزارة "قرارات وزارية2011 رقم75 ، 74 ، 53 "

يا بتاع 2007 انا من 2000م ايه رأيك
عيب عليك تطالب بالتعيين لم يتعين بباك الاول
الفرق بيني وبينك 7 سنين يعني لما انا اتخرجت انت كنت في الاعدادي
ويلا سلام

محدش عارف حاجة............

ارجو من زملائنا الافاضل ان يجيبوني على هذا السؤال من يعمل بالحصة لا اقل من ثلاث سنوات ايه مصيره ؟ ارجو المساعدة

والله ياأخ برنس أنا زى حالك لا أعرف مصير من لم يستكمل الثلاث سنوات ويعمل بالاجر والحصة أو المكافأة الشاملة فمثلا أنا شغال أخصائى بالمكافأة من العام المضى أى من 2009 و 2010 وحتى الان ولكن يبقى السؤال لمن عنده الجواب ما مصير مدرسى الحصة الذين لم يستكملوا مدة الثلاث سنوات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أفيدونا يرحمكم الله؟؟؟؟؟؟؟؟؟؟؟؟؟؟؟؟

السلام عليكم اخواني واخواتي الكرام
احب اعرف هل المتعاقدين بعقد مجلس امناء اي عقد داخلي من المدرسة يطبق عليهم تلك القرارات لاني اعمل بعقد مجلس امناء

ياريت الكل ياخد بالة من القرارات الصادرة من وزير التربية والتعليم
أولا : بالنسبة لقرار74 الخاص بالمعلم المساعد لم يذكر موافقة وزارة المالية ولا التنظيم والإدارة .
ثانيا : القرار 75 واضح إن فية موافقة وزارة المالية والتنظيم والإدارة
يعنى التثبيت واضح لمين أى متعاقد مر علية ثلاث سنوات من حقة التثبيت لكن المعلم المساعد على مستوى الجمهورية لم يكمل الثلاث سنوات وحضراتكم إتأكدوا من ذلك ومش معنى كدة إن المعلم المساعد مش هيثبت لاء طبعا هيثبت بس بعد ما يكتمل الثلاث سنوات ولكنة هيتعين لكن بدون درجة وهياخ الماليات بتاعتة لإنة دخل الإمتحان
ولكن التثبيت الفعلى بالدرجات لمن أمضى ثلاث سنوات
بدليل إن فية ناس بتشتغل منذ عام 2002 والوسطة والمحسوبية مخدتهمش فى العقد المساعد يعنى فية ظلم وإتضح الظلم بعد المظاهرات ئل الناس عملتها فوضحت فى التنظيم والإدارة وبانت على الطبيعة
فهل يعقل متعاقد تم التعاقد معاة عام 2007 رسمى يثبت قبل متعاقد تم التعاقد معاة 2002 رسمى
هناك أخطاء كثيرة
فمحدش يزعل من الحقيقة لإن دة هو العقل والمنطق التثبيت بالأقدمية هو دة الصح


بابن الى العك ده
1- بالنسبة لقرار74 الخاص بالمعلم المساعد لم يذكر موافقة وزارة المالية ولا التنظيم والإدارة (دة قرار تفيذ قانون 155 لسنة 2007 )
2: القرار 75 واضح إن فية موافقة وزارة المالية والتنظيم والإدارة لان ده مش حق المعلم بالحصة التثبت اوالتعاقدين العادين من غير امتحان فكان لابد من موافقة المالية والتنظيم والادارة
كل الاعاوز اقولة المعلم المساعد على قانون خاصة بيها الى حد الان اما العادى والحصة فيثبت على القانون العادى من غير كادر مرحلة تانية و يكمن اولى كمان وهو قانون الوظفية العامة لان لو كان كلامك سليم مكنش حد استلام جواب التعشن لانة حاصل
3- اما الاقاديمة سوف تحسب على حد اقصاء خمس سنوات يعنى من 2002 الى حد 2005 كل واحد وتصريح موجود على الموقخ للنحاس
ارحم الناس من التاليف ده
العادين والمعلم بالحصة لن يحصل على الكادر وخاصة المرحلة الثانية

نسبت حاجة القرار كاتب فى اخره (على ان يتم تسوية اوضاعهم القانوية لاحقا ) لازم الامتحان علشان التعين على درجة مالية
اصح شوية وخالى بلك شوية

قررت وزارة التربية والتعليم تعيين المعلمين المساعدين الذين اجتازوا الاختبارات الخاصة بكادر المعلم ، وحصلوا على شهادة الصلاحية واستوفوا كافة الشروط المطلوبة في وظيفة معلم أو ما يعادلها وفقاً للمادة 73 من القانون رقم 155 لسنة 2007 المعدل بالقانون رقم 198 لسنة 2008 ، على أن يتم التعيين اعتباراً من 1/3/2011 .

ويصدر المحافظون كل في نطاق اختصاصه القرارات اللازمة لتعيين المعلمين المساعدين في الوظيفة المستحقة لكل منهم ومنحهم بدل الاعتماد المقرر قانوناً .

موجود على موقع الوزاره كمان المعلم المساعد لا بنبطق علية شرط الثلاث سنوات ياعم

انا اسف لم افهم حتى الان ما موقف منيعمل بالحصة ولم يكمل ثلاث سنوات وبمعنى اخر ما موقف العاملين بالحصة والاجر من العام الدراسى 2009/2010 و2010/2011 ارجولمن يعرف الجواب ان يوضح لنا هذه المشكلة

طيب بالنسبة للى اشتغل عقد عادى 3سنين ثم عقدمعلم مساع سنتين وهيكمل الثالثة من 1/12/2008

من الآخر اللى اشتغل ثلاث سنوات متواصلة سواء كان حصة ومعاها مكافأة شاملة أو عقد مميز يعنى برده من الآخر اللى عدى عليه 3 سنوات متواصلة فى التربية والتعليم ((( هيجيب اول اقرار القيام بعمل لحد آخر قرار القيام بعمل ))))
يعنى 3 سنوات سواء كانت ايه مش مشكلة
هذا والله اعلى واعلم

كل المعلم المساعد هيتثبت رايح دمغاك

فى ناس جالة التثبيت قبل مايعدد 3 سنوات لان المعلم المساعد لايشرط الكلام دة راجع قرار 74 وبلاش دة لايغلية قرار 75

الثلاث سنوات تبدأ من اول يوم استلمت فيه العمل في اول مدرسة عملت بها فلو واحد اشتغل لأول مرة مثلا عام 2006 حتى الآن تحسب له 2006 و 2007 و 2008 و 2009 و 2010 وهكذا

'المشكلة بقى
2011 اللى احنا شغلين فيها حاليا هاتتحسب
ولا ايه النظام

انا اسف لم افهم حتى الان ما موقف منيعمل بالحصة ولم يكمل ثلاث سنوات وبمعنى اخر ما موقف العاملين بالحصة والاجر من العام الدراسى 2009/2010 و2010/2011 ارجولمن يعرف الجواب ان يوضح لنا هذه المشكلة


نفس مشكلتك بالظبط
السوال 2011 هاتحتسب ولا لازم تتنهى السنه
ياريت اللى عنده معلومات موكده يريحنا

وسوف تبقى المشكلة قائمة هل السنوات الثلاثة متتالية : أى 2009-2010-2011 ام ثلاث سنوات دراسية : 2009/2010 يعتبر عام و2010/2011 يعتبر عام اخر وفى هذه الحالة " حالة الثلاث سنوات دراسية " لم نكمل شرط الثلاث سنوات ، وإنا لله وإنا إليه راجعون

انا سمعت ان 2010/2011 هاتتحسب سنه
هل الكلام ده حقيقى
ياريت تتحسب لانها هاتخدم فئة كبيرة من المدرسين لتكميل الثلاث سنوات

ربنا يكرم الجميع ،،،