شغال فى غير تخصصك ....اجمع هنا بالخطوة السريعة (ارجو التثبيت للاهمية) [الأرشيف]

ranad2003

04-03-2011, 05:35 PM

مستر محمد ناصف كتبلنا صيغة فاكس جماعى نبعتة كلنا فى وقت واحد وهو

صيغة الفاكس

بسم الله الرحمن الرحيم
تظلم
السيد الأستاذ المحترم /
تحية طيبة وبعد
مقدمة لسيادتكم /
حيث انني حاصل علي ( بكالوريوس - ليسانس ) تربية عام قسم /
ونعمل بالمرحلة ( الاعدادية / الثانوية ) لفترة من الزمن وعندما تم التعاقد في التربية والتعليم تم التعاقد معنا (علي المرحلة الابتدائية ) وحاولنا بشتي الطرق تغيير التعاقد علي المرحلة المناسبة لنعمل في تخصصنا والمرحلة التعليمية المناسبة لة لكن نظرا لكثر الفساد والواسطة والمحسوبية في العهد السابق ضرب بكلامنا عرض الحائط وكانت النتيجة الحتمية لهذا الجمود هو اننا امتحنا علي تخصصات ومراحل لا تتناسب مع تخصصاتنا التي درسناها لمدة اربع سنوات فقد ادينا امتحان لمدة نصف ساعة ادي تغييير تخصصاتنا ومراحلنا فباللة عليكم كيف يغير امتحان هذه الاكاديمة العقيم ما تعلمناه 4 سنوات فان دل ذلك علي شئ يدل علي عدم اعتراف الدولة بجامعاتها العريقة
ولذا نرجو من سيادتكم العمل علي اصلاح ما افسدة النظام السابق واعادة الحق لأهلة وذلك من اجل تطوير التعليم في مصر وذلك بان يعمل كل مدرس في تخصصة و المرحلة التعليمية المناسبة لذلك

Rafael.Nadal

04-03-2011, 05:56 PM

انا معاكم امتحنت الكادر ابتدائى بس انا خريجه تربيه عام هنعمل ايه بقا

ا/عبد الفتاح شبانة

04-03-2011, 05:57 PM

والله انا معاك لانى مدرس دراسات ومتعاقد مدرس فصل

mhegazi

04-03-2011, 06:00 PM

استاذي الموضوع ده متكرر وياريت نركز في مكان موضوع واحد
حتى الان لدينا خيارات
رفع قضايا كل مدرس بمفرده
رفع قضية جماعية
ارسال الفاكس المقترح في المشاركة السابقة
التجمع والذهاب للوزارة وانا لا اؤيد هذا الحل لانه كفانا مظاهرات

wael mostafa

04-03-2011, 07:20 PM

القضايا مشوارها طويل
لازم يكون قرار سريع ومنشوار رسمى يصدر من الوزير بتعديل التخصص كل مدرس حسب شهاده الكليه بتاعته
وممكن يتم التنفيذ بعد انتهاء الترم الثانى علشان كل مدرس فصل او اى مدرس مش شغال مش فى تخصصه الاصلى يكمل مع التلاميذ لانتهاء الامتحانات وبعدها يتم تعديل التخصص علشان لو تم التعديل دة الوقتى محدش هيوافق انى كل مدرس واخد فصل او بيدرس ماده هيسيبها ويمشى وبكده الدراسه طبعا هتتوقف .........
يبقى لازم دة الوقتى نعدل التخصص بتاعنا الاول ويصدر قرار رسمى من الوزير ويتم بيه فعلا التنفيذ بعد انتهاء الامتحانات فورا
لو سكتنا حقنا هيضيع دى الفرصه الوحيدة كل واحد دة الوقتى بيطالب على لازم ياخده
كفايا اشتغلنا ثلاث سنوات واحنا مش فى تخصصنا

honeynoga3

04-03-2011, 07:46 PM

انا خريجة تربية فلسفة واجتماع ودبلوم مهنية ودبلوم خاص تكنولوجيا التعليم واعمل مدرسة كمبيوتر ابتدائي مع انه من المفروض اكون مدرسة ثانوي

ranad2003

04-03-2011, 07:50 PM

طيب اية رايكم نعمل الاول موضوع الفاكسات
بعدها نشكل وفد مننا 50 مثلا يروحوا الوزارة ويتكلموا فى الموضوع دة باسمنا
اخر حاجة هنلجأ لها هية القضاء
بس يا جماعة عايزين ننشر لينك الموضوع دة فى كل الموقع علشان نجمع اكبر عدد ممكن

tryurty

04-03-2011, 08:41 PM

انا دكتوراه مناهج وطرق تدريس دراسات اجتماعية واعمل مدرس فصل ابتدائي

محمد أحمد ناصف

04-03-2011, 08:41 PM

معاكي يا ا/ دينا دا مطلبنا من زمان وحاولنا كتير تغير الكلام ده بس للأسف مفيش فايدة دلوقتي لازم يكون لينا دووووووووووووووور

micha sam

04-03-2011, 09:20 PM

انا خريج تربية عام لغة فرنسية واعمل مدرس فصل...ههههههههه

مسيو عاطف

04-03-2011, 10:02 PM

وانا زى حضرتك بالظبط

شريف الهادى

04-03-2011, 10:23 PM

وانا تربية عام فيزياء وكيمياء 2003 جيدجدا واعمل مدرس علوم اعدادى ومقيد فى الأدارة مدرس فصل تعاقد1/12/2008

nagwa2010

04-03-2011, 10:33 PM

انا مدرسة دراسات اجتماعية وعقدي مدرس فصل ولكن ادرس الدراسات الاجتماعية

emey_102

04-03-2011, 10:36 PM

انا تربية عام لغة عربية ونفسى اثيت على مرحلتى اعدادى كفاية شغل فى ابتدائى ده فية خرجين اصغر مننا شغالين اعدادى وفية متعاقدين نعليم اساسى اصلا وشغالين اعدادى وحدين مكانا انا معاكم يا ريت نكون ايد واحدة ونصلح فساد الموظفين اللى وزعونا ابتدائى لازم نكون مجموعة مننا تذهب تتكلم مع الوزير باسمنا كلنا التثبيت يكون بالمؤهل على حسب المرحلة حرام كفاية ظلم

عصام ahm

04-03-2011, 10:53 PM

الله المستعان

عصام ahm

04-03-2011, 10:56 PM

انا دكتوراه مناهج وطرق تدريس دراسات اجتماعية واعمل مدرس فصل ابتدائي

ايه دكتوراه وتعمل مدرس فصل:o:o:o

نور البدور

04-03-2011, 11:00 PM

أنا كمان خريجة تربية عام قسم تاريخ أنا بقول نبدأ بالفاكسات والايميلات الأول

رناتا

04-03-2011, 11:13 PM

وانا معاكم انا تربيه عام لغه عربيه ودبلومه مهنيه وخاصه وتمهيدي ماجستير
وعلى قوه الابتدائي والله حرام
ياربيت نوحد صيغه ويوم ارسال الفاكس

نادر ابراهيم

04-03-2011, 11:21 PM

انا مدرس دراسات اجتماعية بشتغل فى التخصص بتاعى لكن امتحنت الكادر على مدرس فصل وحتثبت مدرس فصل
نحنوا فى شمال سيناء يزيد عددنا عن 280 مدرس تم امتحاناتهم على مدرس الفصل وهم تخصص دراسات اجتماعية

زياد الشلقامى

04-03-2011, 11:31 PM

انا عاوز اعرف مين رايح يدرس فصل بعد كدة لما كله عاوز يغير من مدرس فصل الى مدرس مادة
ولا كل واحد بيدور على مصلحته وبس
تقدروا تقولوا ليا مين اللى مفروض يدرسوا فصل

ranad2003

04-03-2011, 11:34 PM

كويس احنا بنكتر ودة كوبس ياريت ننشر لينك الموضوع فى المنتدى كلة علشان نكتر لان القوة فى كثرة عددنا علشان يحسوا انها مشكلة كبيرة

ابو نعيم

04-03-2011, 11:36 PM

وانا كمان تخصص دراسات وشغال من عشر سنوات وامتحنت على مدرس فصل

darsh25

04-03-2011, 11:56 PM

كويس احنا بنكتر ودة كوبس ياريت ننشر لينك الموضوع فى المنتدى كلة علشان نكتر لان القوة فى كثرة عددنا علشان يحسوا انها مشكلة كبيرة
انا معاكم نفس الفكره معلم مساعد لغه انجليزيه تربيه عام واعمل في مدرسه ابتدائي وخايف اتثبيت علي هذه المرحله بعد امتحان الكادر مش عارف اعمل ايه

ايهاب العراقى

04-03-2011, 11:59 PM

سيبوا البلد تشتغل يا شياب

سيبوا الحكومه تعمل كل الى احنا عايزينة

samirwei

05-03-2011, 12:17 AM

انا تمهيدى ماجستير فرنساوى ودبلوم عام تربوى وشغال مكتبات وابشرو معايا ما لايقل 570 فى ادارتى فقط فمال بالك بباقى ادرات الشرقيه

E-TEACHER

05-03-2011, 12:20 AM

طيب هنبعت على رقم اية واى فاكس؟؟؟؟؟؟
اللى يعرف رقم الفاكس يقولنا

magedmak88888888

05-03-2011, 12:44 AM

انا كلية تربية قسم علوم بيولوجية وجولوجية دفعة 2002
وبدرس علوم ابتدائى

ranad2003

05-03-2011, 01:00 AM

يا جماعة المهم اننا لما نيجى نبعت صيغة الفاكس نكون كلنا فى يوم واحد ودة كان رأى عضو من الاعضاء علشان نبقى مؤثرين
هو قال اننا لو بعتنا كمية فاكسات فى يوم واحد هيخدوا بالهم من المشكلة
احنا عايزين نجمع اكبر عدد ممكن وبعدين نبعت الفاكسات كخطوة اولى ولو منفعتش نجرب غيرها المهم العدد والاستمرارية حتى لو وصلنا اننا نعمل قضية جماعية هنعملها معاااااااااااااانا؟؟؟؟؟؟؟

محمد أحمد ناصف

05-03-2011, 01:13 AM

وزارة التربية والتعليم (02 )
27942502
22796295
رئاسة مجلس الوزراء (02 )
7958016
7356449
بس يا ريت نتفق علي يوم معين نبعت فية الفاكسات للجهات دي وانا شايف ان انسب يوم يوم الحكومة الجديدة ما تحلف اليمين
نبدأ بعدها احنا تاني يوم ونبعت علي الجهتين يعني لو الحكومة حلفت الأحد نبعت الفاكسات يوم الإثنين

محمد أحمد ناصف

05-03-2011, 01:20 AM

ودي صيغة الفاكس للمرة التانية

بسم الله الرحمن الرحيم
تظلم
السيد الأستاذ المحترم /
تحية طيبة وبعد
مقدمة لسيادتكم /
حيث انني حاصل علي ( بكالوريوس - ليسانس ) تربية عام قسم /
ونعمل بالمرحلة ( الاعدادية / الثانوية ) لفترة من الزمن وعندما تم التعاقد في التربية والتعليم تم التعاقد معنا (علي المرحلة الابتدائية ) وحاولنا بشتي الطرق تغيير التعاقد علي المرحلة المناسبة لنعمل في تخصصنا والمرحلة التعليمية المناسبة لة لكن نظرا لكثر الفساد والواسطة والمحسوبية في العهد السابق ضرب بكلامنا عرض الحائط وكانت النتيجة الحتمية لهذا الجمود هو اننا امتحنا علي تخصصات ومراحل لا تتناسب مع تخصصاتنا التي درسناها لمدة اربع سنوات فقد ادينا امتحان لمدة نصف ساعة ادي تغييير تخصصاتنا والمراحل التعليمية التي يجب ان نعمل بها فباللة عليكم كيف يغير امتحان هذه الاكاديمة العقيم ما تعلمناه 4 سنوات فان دل ذلك علي شئ يدل علي عدم اعتراف الدولة بجامعاتها العريقة
وخاصة كلية التربية والتي هي انشأت خصيصا لتخريج المدرسين ولذا نرجو من سيادتكم العمل علي اصلاح ما افسدة النظام السابق واعادة الحق لأهلة وذلك من اجل تطوير التعليم في مصر وذلك بان يعمل كل مدرس في تخصصة و المرحلة التعليمية المناسبة لذلك
وفي النهاية نحن لا نطمع في اي شئ اكثر من ان نحصل علي ابسط حقوقنا التي سلبت منا عنوة وهي ان نعمل بمؤهلاتنا

ranad2003

05-03-2011, 01:23 AM

يا جماعة انا جبت ايميل وتليفون وفاكس د/ احمد جمال تفتكروا نفعل الاميل ولا التليفون؟؟؟
agamal*gamal-eldin.com
gamalmoussa1***********
ودة الفون والفاكس
: الهاتف والفاكس +20 (02) 26706071 / +20 (02) 26706072
رقم الموبايل 0123962627

E-TEACHER

05-03-2011, 01:25 AM

mfish

05-03-2011, 01:55 AM

انا ل . تربيه عام انجليزي و اعمل ابتدائي
و خايف فعلا ان اتثببت علي كده لاني امتحنت علي انجليزي ابتدائي
بجد لازم يبقي في حل الموضوع ده شاغلني جدا من اول موضوع التثبيت

elmister_79

05-03-2011, 11:44 AM

انا كنت مدرس فصل بس حولت الي مدرس لغة انجليزية بناء علي قرار وزير التعلبم السابق احمد زكي بدر

محمد فيثاغورس

05-03-2011, 12:21 PM

نبعت الفاكس على الوزارة ازاى تليفون ايه اى معلومات نبعت ازاى وامتى وانا معاى عدد كبير من الزملاء فى الدقهلية والشرقية

محمد أحمد ناصف

05-03-2011, 03:42 PM

نبعت الفاكس على الوزارة ازاى تليفون ايه اى معلومات نبعت ازاى وامتى وانا معاى عدد كبير من الزملاء فى الدقهلية والشرقية

ما ارقم وزارت التربية والتعليم ورئاسة مجلس الوزراء فوثق اهية وللمرة التانية

وزارة التربية والتعليم (02 )
27942502
22796295
رئاسة مجلس الوزراء (02 )
7958016
7356449

ranad2003

05-03-2011, 04:09 PM

يا جماعة الفاكسات تكون كلها فى يوم واحد علشان يحسوا انها مشكلة كبيرة

طارق جربوع

05-03-2011, 04:27 PM

انا برده تربيه انجليزى عام بتقدير جيد و عقدونى اقصد و متعاقد على انجليزى ابتدائى المصيبه الكبيره ان فى المدرسه الاعدادى واحد متعاقد خريج ترجمه ازهر مش ده حرام ..... انا معاكم بس حد يقول ليه كيف اسجل معكم

طارق جربوع

05-03-2011, 04:30 PM

انا ل . تربيه عام انجليزي و اعمل ابتدائي
و خايف فعلا ان اتثببت علي كده لاني امتحنت علي انجليزي ابتدائي
بجد لازم يبقي في حل الموضوع ده شاغلني جدا من اول موضوع التثبيت
تاتتل لبلبل لبلبل

ranad2003

05-03-2011, 04:30 PM

الغريبة بقى ان معانا فى المدرسة مدرس اصلا تربية اساسى ولانة منتدب للاعدادى زيي هيخش الامتحان ع الاعدادى مش بالزمة دة ظلم بتوع اعدادى يتثبتوا ابتدائى وبتوع ابتدائى يتثبتوا اعدادى بس عن نفسى مش هسكت نهااااااااااااااااائيا

mhegazi

05-03-2011, 05:04 PM

مسيو عاطف

05-03-2011, 05:16 PM

باذن الله انا رايح للوزارة فى القاهرة يوم الثلاثاء 8/3 اللى عاوز يروح يقابلى هناك واقسم بالله ان شاء الله هروح لو الحال ده نا اتعيرش
ياريت كلنا نروح ونتعب المرة دى
تعب يوم ولا اتنين ولا اسبوع افضل ما نتعب باقى عمرنا ودى فرصة
موعدنا بإذن الله الثلاثاء الساعة 10 ص قدام الوزارة
واللله المستعان

اشرف عبد الحى

05-03-2011, 05:16 PM

تربية فرنسى و التعاقد مدرس فصل

مسيو عاطف

05-03-2011, 06:29 PM

انت منين يا استاذ اشرف
انا من سوهاج وتربية فرنسى- متعاقد مدرس زفت

مسيو عاطف

05-03-2011, 07:12 PM

انا بتصل برقم تليفون الوزير
جرس ومحدش بيرد

mhegazi

05-03-2011, 09:35 PM

انا بتصل برقم تليفون الوزير
جرس ومحدش بيرد
لو رد عليك قول لنا النتيجة

مسيو عاطف

05-03-2011, 10:05 PM

الظاهر ان دى مشكلتى لوحدى

مسيو عاطف

05-03-2011, 10:08 PM

وعاوز اقول حاجة كمان
لازم نتحرك من دلوقتى حتى لو مفيش وزير لحد دلوقتى
لسه الدكتور احمد جمال الدين موجود لحد ما تتشكل الحكومة الجديدة
ولو مش موجود اكيد فيه المساعدين والموظفين اللى فى الوزارة
كل لحظة ليها تمن

ranad2003

05-03-2011, 10:53 PM

يا جماعة احنا قلنا الاول هنبدأ بموضوع الفاكس وصيغتة نشرماها قبل كدة بس عايزين عدد ويوم محدد واصرار بقى مش ندخل نتفرج ونخرج

mhegazi

05-03-2011, 11:07 PM

يا جماعة احنا قلنا الاول هنبدأ بموضوع الفاكس وصيغتة نشرماها قبل كدة بس عايزين عدد ويوم محدد واصرار بقى مش ندخل نتفرج ونخرج
الاول نعرف عددنا عشان نحدد اليوم لحد دلوقت احنا مش منظمين نفسنا
على كل حبدأ انا بالعد
1- عبدالله حجازي

ranad2003

05-03-2011, 11:08 PM

اى حد عندى اى خبر يقولة هنا اول باول

ranad2003

05-03-2011, 11:10 PM

2- دينا محمد

تاناة

05-03-2011, 11:19 PM

السلام عليكم معاكو معاكو
انا ليسانس اداب قسم جغرافيا اول شغل كان دراسات ابتدائى
الكلام دة عام 2002 ولما حصلت على تمهيدى ماجستير
قالوا لاة انتا تشتغل للغة عربية قلت لا قالوا لا انتا كدة تشتغل عربى
خفت على العقد وحاوالت كتتتتتتتتتتير قوى اغير معرفتش
وامتحنت عربى وانجحت الحمد لله نعمل اية علشان نرجع تخصصنا هل ممكن يمتحنونا
تانى ياريت لوحد عارف حاجة يقلى وعلى فكرة انا انشاء الله هتثبت معاكوا لان انا شغال من حوالى 9 سنين

wael mostafa

05-03-2011, 11:25 PM

لو هما يوافقوا انهم يمتحنونا تانى يااااااااااااااااااااااااااريت نمتحن تانى
احنا موافقين
بس نرجع لتخصصنا تانى

wael mostafa

05-03-2011, 11:27 PM

3- وائل مختار

ranad2003

05-03-2011, 11:28 PM

عندك حق استاذ وائل

محمد أحمد ناصف

05-03-2011, 11:33 PM

عندك حق استاذ وائل

بصي يا دينا احنا ان شاء الله نتفق علي يوم السبت اللي جاي كلنا نبدأ نبعت الفاكسات علي الارقام اللي انا حاططها اصلي جبتها من بوابة الحكومة الالكترونية مش بتاعتك انتي
يا ريت بقي نبدأ نحشد الاس علي يوم السبت كل واحد من الناس دي مطلوب مه يبعت فاكسين
الأول / لوزير التربية والتعليم
والثاني / لرئيس مجلس الوزراء الجديد
وصيغة الفاكس انا كاتبها قبل كدة ( الفاكس المعدل )
وربنا يوفقنا يا جماعة

ranad2003

05-03-2011, 11:39 PM

ماشى يا محمد الله المستعان
ومسيو عاطف هينزلنا بكرة صورة القرار المعدل بتعديل التخصصات نروح بية ع ادارتنا

محمد أحمد ناصف

05-03-2011, 11:51 PM

قرار اية مش فاهم

مصر حره

06-03-2011, 03:23 PM

يا جماعة انا كنت اليوم في الاكاديمية فرع كفر الشيخ وقابلت المدير وشرحت له حكاية تغير التخصص لينا وقال لى ان الحل الوحيد لينا ان نحن ندخل الامتحان في شهر 6 القادم ورفض اني اقدم في امتحانات شهر 3 القادم وهذا ظلم لينا كبير جداً
نحن نفذنا قرار الوزير بالتغيير من اجل مستقبل افضل وليس من اجلان ننال عقاب على ذلك يجب ان نفعل شئ سريع ارجوكم اتحدوا وحددوا يوم قريب لمقابلة الوزير حتى يعطي اوامره بالتثبيت الفوري على تخصص الشهادة فوراً

aaaaa_s

06-03-2011, 03:29 PM

aaaaa_s

06-03-2011, 04:10 PM

يا جماعه انا رحت الاداره وجه فاكس النهارده و اصحابي قدامي غيروا التخصص لكن المرحله لا

wael mostafa

06-03-2011, 04:20 PM

لاستاذ اللى الفاكس وصل عندهم بتغير التخصص فى اداره ايه ؟
يا ريت الرد مشكورا

alostaz20072001

06-03-2011, 06:04 PM

وانا معكم انا مدرس لغة عربية ليسنس اداب ومعى دبلومه واعمل فى الابتدائى

شيموشيمو

06-03-2011, 06:56 PM

وانا كمان معاكوا

تربية عام عربى و على قوة الابتدائى

Mr Munir

06-03-2011, 07:08 PM

يا استاذ /نادر ابراهيم
منور المنتدى
ان شاء اللة هتغيرو المسمى الوظيفى ل دراسات
اخوك منير الهوارى

صبحى غريب عبدالعزيز

06-03-2011, 08:14 PM

كل واحد منكم عايز يدرس فى الاعدادى او الثانوى ويسيب الابتدائى مع ان كلكم حفى علشان يكون لو مدرس بالحصة فى الابتدائى وبعد كدة مين هيدرس فى الابتدائى اهه يا ناس ماكنا سكتين وراضيين اشمعنا دلوقتى

مسيو عاطف

06-03-2011, 08:33 PM

فاكس يؤكد على تغيير المسمى الوظيفى
وده غير الفاكس الاول
ده بيأكد على الكلام اللى فى الفاكس الاول
وهو بيأكد على ان امتحنوا يقدروا يعدلوا التخصص

مصر حره

06-03-2011, 08:45 PM

لو سمحت يا مسيو عاطف الفاكس لايفتح
ولو سمحت فين الفاكس الاول

محمد أحمد ناصف

06-03-2011, 08:47 PM

فاكس يؤكد على تغيير المسمى الوظيفى
وده غير الفاكس الاول
ده بيأكد على الكلام اللى فى الفاكس الاول
وهو بيأكد على ان امتحنوا يقدروا يعدلوا التخصص

مسيو عاطف برجاء اعادة رف الفاكس مرة أخري لأن المرفوع فاضي مفيهوش الفاكس المرفوع عبارة عن فولدر فاضي مع شكرررررررررررررري

مسيو عاطف

06-03-2011, 09:02 PM

حاضر من عنيه

شريف الهادى

06-03-2011, 09:07 PM

يا جماعه وانا النهارده بسلم اوراقي في اداره المنتزه في اسكندريه الناس كانت بتغيير التخصص حسب المؤهل قدامي لكن المرحله مشفتش لاني كنت غيرت انا ثانوي او اعدادي ونازله علوم ابتدائي لكن فكس تعديل التخصص شفته في مكتب المدير العام واصحابي غيروا قدامي

اصل التغيير من واحد زميلنا بادارة المكنتزة اسمة اسامة العسكرى راح هو وواحد زميلة الى المنطقة الشمالية العسكرية بسيدى جابر وقابلو قائد المنطقة وعرضو علية المشكلة وتم الأتصال بوكيل الوزارة وعقد معهم اجتماع يوم السبت وتم الأتصال بمديرى الأدارات لتغيير المسمى الوظيفى فقط وليس المرحلة والحمد لله عدلت لمدرس علوم وانا منقول للمرحلة الأعدادية وان شاء الله امتحن علوم اعدادى يا جماعة فى كل محافظة يا ريت توصلو طلباتكم للجيش بدون مظاهرات زى اسكندرية واللى عملوة 2 فى اسكندرية ان شاء الله يوفقكم وتقدرو تعملوة ربنا يجازى استاذ اسامه وزميلة كل خير عنا :078111rg3:

مسيو عاطف

06-03-2011, 09:09 PM

اتفضلوا مرة تانى صور الفاكس
الاول بتاريخ 1/3/2010
والثانى بتاريخ 9/3/2010

محمد أحمد ناصف

06-03-2011, 09:21 PM

اتفضلوا مرة تانى صور الفاكس
الاول بتاريخ 1/3/2010
والثانى بتاريخ 9/3/2010

بس الكلام يا مسيو عاطف مش واضح هو عايز يقول ايه بالظبط يا ريت لو سمحت انته يكتب اللي اتقالك لما رحت الأكاديمية وهل الأكاديمية وانته رايح كانت عارفة ان انته امتحنت الكادر وجاي عايز تغير ولا لاء

مصر حره

06-03-2011, 09:25 PM

يا جماعة الفاكس الثاني حسب ما فهمته لمن لم يدخل الكادر ولكننا دخلنا
هل ماقهمته صحيح ؟؟؟

وايضا انا رحت الاكاديمية وقال لي المدير اني يمكنني رفض التعيين وانتظر حتى ادخلامتحان مرة اخرى في 24-6 القادم بسكلالناس بتخوفني ان البلد ليست مستقرة وممكن التعيين يروح عليكي وميحصلش تعيين مرة ثانية

من فضلكم قولو لي بامانه :هتقبلوا التثبيت ؟
ولا هترفضوا وتنتظروا 25-6 القادم للامتحان ثم ننتظر النتيجة ثم ننتظر التعيين؟؟

emey_102

06-03-2011, 10:00 PM

يا جماعة ليه مش ذاكرين تغيير المرحلةعايزين نتكلم كلنا باسم بعض مش تغيير التخصص فقط تغيير المرحلة طبقا للمؤهل اللى مؤهلة اعدادى يروخ اعدادى وانتم بتتكلموا على الاكادروالامتحانات اصلا هما بيطالبو بالغاء امتحانات الكادر ياريت نركز ونتكلم فى الاتنين تغيير المرحلة والتخصص وبدون اختبارات ده حقنا

مسيو عاطف

06-03-2011, 10:41 PM

الفاكس التانى بيوضح ان الفاكس الاول اللى بتاريخ 1/3 كان للى امتحن ويقدر بيه يعدل تخصصه
وكمان يمكن للمدرسين اللى لسه يقدر يستفادوا منه ويعدلو
هو ده مضمون الفاكس
بس فعلا لازم نتحد على تغيير التخصص
وممكن كلنا نتصل ب 140 دليل ونعرض شكوانا

طارق جربوع

06-03-2011, 10:42 PM

هل فى حد عمل حاجه علشان نبعد الظلم ده ونشتغل وحنا مرتحين نفسينى

wael mostafa

06-03-2011, 11:00 PM

يا جماعه لازم نتحد ونغير التخصص من غير امتحانات تانى مش لازم ننتظر 24-6 تانى
محدش عارف ايه اللى هيحصل بعدين
هتبقى انتخابات مجلس شعب
وانتخابات رئاسه جمهوريه وتشكيل وزاره جديد
ومحدش بعد كدة هيكون فاضى لينا تانى
وفى ناس بتقول انالامتحانات الاكاديميه ممكن تتلغى ويبقى مفيش امحانات تانى

محمد أحمد ناصف

07-03-2011, 12:40 AM

آآآآآآآآآآآآآآآآآآآآخر كلاااااااااااااااااااااااااااااااااااااااااااااااا ااااااااام
اخر كلام عندي يا جمتعة انا خلاص زهقت ومليت احنا نبطل كلام كتير ونبدأ نبعت فاكسات من يوم السبت باذن الله ومش هطول في الكلام كتير صيغة الفاكس عندكو بعنوان (الفاكس المعدل )
يا ريت كل واحد يقولرأية سواء بارفض او الموافقة عشان اعرف مين معايا زمين مش معايا

محمد أحمد ناصف

07-03-2011, 12:44 AM

احنا ان شاء الله هنبعت في جهتين
الأولي رئيس مجلس الوزراء ورقم الفاكس

7356449 - 7958016 (202)

وزير التربية والتعليم
ورقم الفاكس
27947502

ماجد جمال

07-03-2011, 01:41 AM

انا خريج2000 تربية عام انجليزى تقدير جيد و دبلومة خاصة تقدير جيد جدا واعمل الان مدرس انجليزى ابتدائى و مضطر ادى اولى ابتدائى عشان ابقى صباحى.فى حين انى لا اعرف اتعامل مع سن ابتدائى بل اعدادى و ثانوى حتى الدروس باديها اعدادى و ثانوى لانى قبل التعاقد كنت اعدادى.المهم نشوف حل لنغير المرحلة و انا معاكم فى شئ

ماجد جمال

07-03-2011, 01:43 AM

نا خريج2000 تربية عام انجليزى تقدير جيد و دبلومة خاصة تقدير جيد جدا واعمل الان مدرس انجليزى ابتدائى و مضطر ادى اولى ابتدائى عشان ابقى صباحى.فى حين انى لا اعرف اتعامل مع سن ابتدائى بل اعدادى و ثانوى

مسيو عاطف

08-03-2011, 08:52 AM

هل من جديد

مستر محمد ابو مريم

08-03-2011, 01:01 PM

emey_102

08-03-2011, 01:05 PM

لازم نتكلم عن الاتنين المرحلة والتخصص ويكون التعيين طبقا للمؤهل بتاعنا وكل واحد ياخد حقه ونتكلم باسمنا كلنا يالفكسات وكمان نكون مجموعة مننا تذهب للوزارة وتتكلم مع الوزير بدون اعتصامات ونقول اننا هانصبر لما السنه دى تخلص علشان منبوظش المدارس على ان يتم تعيينا طبقا للمؤهل والتخصص

محمد أحمد ناصف

08-03-2011, 06:16 PM

ياجماعة ياريت:022yb4::022yb4: كل واحد مظلوم يبعت فاكس النهاردة قبل بكرة وانا اول واحد عايزين خطوة ايجابية////

انا خريج تربية عام انجليزي ومنتدب الي مدرسة اعدادية ولكن اسمي منتدب

طيب نبدأ من بكرة وكل اللي يبعت يدخل ويقول انا بعت كام فاكس هو وأصحابة يعني

wa7ed_bey7ebak

08-03-2011, 06:39 PM

يا جماعة لازم نقف كلنا ايد واحدة وكل واحد مننا يبعت الفاكس دا للوزير لحد ما يصدر قرار بتغيير المسمى الوظيفى لكل واحد مننا على حسب تخصصه وبكده هنبعد عن الاعتصامات وان شاء الله الوزير دا هيستجيب لمطالبنا (انا تربية كيمياء وفيزياء وشغال معلم علوم ابتدائى ) بس لازم نحدد فى الفاكس اننا عايزين ندخل امتحان الاكاديمية علما بإننا فيه كتير مننا ليه ما اشتغلش فى تخصصه ولا فى مرحلته

مصر حره

08-03-2011, 08:30 PM

انا حاولت ان اتصل بقائد المنطقة العسكرية في محافظة كفر الشيخ حتى يطلب من المحافظ اصدار قرار بتغيير المسمى الوظيفي بعد التعيين ولكنه رفض واعتزر لي بزوق بالغ

يظهر ان الحل الوحيد هو رفع قضية
بس ياترى القضاء الاداري هينصفنا ؟ وبعد كام سنه ؟
يا ريت لوحد عنده فكره عن نوعية هذه القواضي يقول

E-TEACHER

08-03-2011, 11:34 PM