[COLOR="Blue"]تشهد مصر الليله استفزاز من جانب بعض المتظاهرين للمصريين الى زينا الى عايزين البلد تمشى بمزاج ميدان التحرير
البلد بتنهار واحنا مش حاسين الاحتياطى والا غذيه والاقتصاد بينهار ولن يكون هناك مرتبات او اكل لكى نعيش فلهذا انا بقول ان الى بيحصل ده لمصلحه مين كفايه اعتصامات كفايه مظاهرات لو لينا مطالب نطلبها ونصبر لحد البلد ماتقف على رجليها تانى والله انا لا حزب وطنى ولا ثورة مضاده انا واحد خايف على بلدى والى بيحصل دلوقتى لتدمير امن الدوله بالاسكندريه والقاهرة ده استفزاز للشرطه وامن الدوله مهم لينا وللثوار لحمايتنا من الارهاب ولكن يقنن دوره لحمايه الوطن والمواطنين كفايه كفايه مطالبكم اتحققت نصبر

وانا عارف ان الموضوع هيتشال لان القائمين على المنتدى مش بيعجبهم كلامى قال ايه مش مع الثورة احنا مع الثورة ولكن هنندم لو السقف على عن كده مش هنلاقى بلدنا واتوقع اشياء لا يحمد عقباها ارحموا مصر [/COL
مصر مش ميدان التحرير OR]

مصر مش ميدان التحرير
بجد كلمة معبرة جدااااااااااااااااااااااااااااااااااااااااااااا

كلام كويس المفروض الناس تهدى بقى كفاية ونصبر شوية الجيش كلامه واحد

يا اخى الكريم هذه المظاهرات ليست استفزازا ولكنها بحثا عن الحقوق الضائعة من 30 سنة.....عمر ما هيكون واحد مرتاح ويروح يعمل اعتصام او مظاهرات ........ بلاش لهجة الاحباط دى للناس .... هنطلع مظاهرات لغاية لما ناخد حقنا

يا باشا انت بتقول الكلام ده ازااااى امن الدولة ده جهاز فاسد و ملوش اى قيمة فى حماية البلد بل بالعكس هو الجهاز المسؤل عن الفتن و الحوادث الارهابية و الناس اللى فى ميدان التحرير لا بيعطلوا عجلة انتاج و لا حاجة و اللى بيعطل و بيخرب هم الحرامية و الفاسدين من النظام الظالم القذر و لحد دلوقتى ديول النظام بتحاول تربط بين المظاهرات و بين عدم انتشار الأمن و استقرار الاحوال لكن العكس هو الصحيح هم اللى بينشروا الفوضى و يخلوا الناس تعترض على الشرفاء الموجودين فى الميدان

عندك حق والله دا استفزاز وقلة ادب

لازم يتغير اسمه ويكون أمن الشعب مش امن الدولة

[quote=m_ezoo;3184369]يا اخى الكريم هذه المظاهرات ليست استفزازا ولكنها بحثا عن الحقوق الضائعة من 30 سنة.....عمر ما هيكون واحد مرتاح ويروح يعمل اعتصام او مظاهرات ........ بلاش لهجة الاحباط دى للناس .... هنطلع مظاهرات لغاية لما ناخد حقناحسبي الله انت كده بتضيع حقك وحقنا

حسبي الله ونعم الوكيل البلد بتضيع وبيقولو حقنا جاك كسر حقك النت والمتظاهرين تاخد حقك من ميت ازاي استني لما يقف علي رجليه وخد حقك خدكو ربنا

ياااااااااااااااااااااا رب كل واحد بيحب البلد يستنى شويه والمطالب كلها هتتحقق ان شء الله

انا راجل من الشعب ولازم يفضل امن الدوله احسن للمصريين كلهم ونقول نصلح ولاااااااااااااااا نلغيه تماما وشكرا

خايف علي مباحث امن الدولة
يا حرام
!!!!!
اعتقد انك لو رحت هناك يوم واحد ولو حتي ساعة واحدة ايام زمان مكنتش هاتيجي دلوقت تقول الكلام ده

اصحي يا عم الحج

[color="blue"]تشهد مصر الليله استفزاز من جانب بعض المتظاهرين للمصريين الى زينا الى عايزين البلد تمشى بمزاج ميدان التحرير
البلد بتنهار واحنا مش حاسين الاحتياطى والا غذيه والاقتصاد بينهار ولن يكون هناك مرتبات او اكل لكى نعيش فلهذا انا بقول ان الى بيحصل ده لمصلحه مين كفايه اعتصامات كفايه مظاهرات لو لينا مطالب نطلبها ونصبر لحد البلد ماتقف على رجليها تانى والله انا لا حزب وطنى ولا ثورة مضاده انا واحد خايف على بلدى والى بيحصل دلوقتى لتدمير امن الدوله بالاسكندريه والقاهرة ده استفزاز للشرطه وامن الدوله مهم لينا وللثوار لحمايتنا من الارهاب ولكن يقنن دوره لحمايه الوطن والمواطنين كفايه كفايه مطالبكم اتحققت نصبر

وانا عارف ان الموضوع هيتشال لان القائمين على المنتدى مش بيعجبهم كلامى قال ايه مش مع الثورة احنا مع الثورة ولكن هنندم لو السقف على عن كده مش هنلاقى بلدنا واتوقع اشياء لا يحمد عقباها ارحموا مصر [/col
مصر مش ميدان التحرير or]


يا اخى والله تسلم وكتر الله من امثالك

نفسى اللى فاهم بس هو اللى يتكلم

والله اشكرك على كلمة قلتها ..

انا نفسى اعرف اللى بيتظاهروا دلوقتى .. بيتظاهروا ضد مين .. ما خلاص الرئيس مشى والحكومة لمت ورقها وتوكلت على الله .. شوية شوية نتظاهر ضد الجيش كمان .. تبقى كملت .

لا حول ولا قوة الا بالله

سكون وتعقل بوعي كامل .... خير من ثورات بنصف وعي .......

ربنا يهدى الجميع لكن انا شايفه ان الراجل اللى اتكلم مش خايف على امن الدوله زى ما الاخ قال له يا حرام خايف على امن الدوله ؟؟؟؟؟؟؟ لاااااااااااااااا غلط الرجل بيتكلم من خوفه على مصر وأمن مصر وولادك ومستقبلك كله اعتصامات ايه اللى الناس عماله تعملها وناس عمله الاعتصامات دى استهبال فى استهبال ومش بيبقى ليها الحق فى حاجه ربنا يستر علينا وعلى بلدنا يا رب

لااااااااااااااااااااااااااااااااااااااااااااااااا اااا............................ يا اخى
مش المظاهرات
مش المظاهرات
مش المظاهرات هى اللى حتوقع البلد
ده جهل المسئولين وبقايا النظام الفاسد المتعفن
المظاهرات دى معظمها ( ما قلتش كلها ) مطالب مشروعه وحقوق ناس ضايعه بقالها سنين
اسألك شوية اسأله وجاوب عنها فى سرك ؟ وانت حتعرف ليه الناس مش عايزه تمشى
1- ليه حتى الان الامن منزلش البلد ؟
2- ليه الفلوس المسروقه ما رجعتش؟
3- ليه البطء الشديد فى محاكمة الفاسيد رغم ان فسادهم واضح يعنى ماتقليش هو فى يوم وليله ؟
4- حبيب العدلى مستنين عليه ايه؟ ان يلاقى سكه علشان يهرب

انا مستغرب من كل الاراء المكتوبة دى......علشان مافيش مبرر للى بيحصل دا بالمرة,,,احنا صابرين وساكتين على الظلم والقهر ,,,والذل والمهانه والاستفزاز والفقر والمرض وسوء التعليم وسوء التصنيع وسوء المعاملة والمحسوبيه والكوسة والرشوة و......... من 30 سنة زى ما الكل بيردد ويقول,,,,,,............,,,,,,,......,,,,,,,....... ,,,,,,,,وعاوزين دا كله يتغير فى ساعة.........كلنا كنا ساكتين عن الحق وما كنش واحد يقدر يتنفس بلفظ ولا حرفدلوقتى البلد كلها لازم تتغير فى ثانية واحدة وبقا فيه فساد ومش عارف مين ثروته قد ايه؟ومين كان عميل وخاين وابن مش عارف ايه؟احنا لازم نكون اكثر موضوعية وحيادية حتى ولو مع انفسناوكمان نعرف امتى نخد البلد اللى احنا عايشين على ارضها وبنتنفس من هواهايعنى شوية صبر من اللى بيحب البلد وخايف عليها والله العظيم اى حد بيشارك فى اعتصام او اضراب او اى حاجة تعطل سير العملفى هذه الفترة هوا لا يقل فى الجرم عن اللى سرق وقتل و..............والله المستعان................. والهادى الى الرشد:angry2::blush::blush::angry2:

انا مستغرب من كل الاراء المكتوبة دى......علشان مافيش مبرر للى بيحصل دا بالمرة,,,احنا صابرين وساكتين على الظلم والقهر ,,,والذل والمهانه والاستفزاز والفقر والمرض وسوء التعليم وسوء التصنيع وسوء المعاملة والمحسوبيه والكوسة والرشوة و......... من 30 سنة زى ما الكل بيردد ويقول,,,,,,............,,,,,,,......,,,,,,,....... ,,,,,,,,وعاوزين دا كله يتغير فى ساعة.........كلنا كنا ساكتين عن الحق وما كنش واحد يقدر يتنفس بلفظ ولا حرفدلوقتى البلد كلها لازم تتغير فى ثانية واحدة وبقا فيه فساد ومش عارف مين ثروته قد ايه؟ومين كان عميل وخاين وابن مش عارف ايه؟احنا لازم نكون اكثر موضوعية وحيادية حتى ولو مع انفسناوكمان نعرف امتى نخد البلد اللى احنا عايشين على ارضها وبنتنفس من هواهايعنى شوية صبر من اللى بيحب البلد وخايف عليها والله العظيم اى حد بيشارك فى اعتصام او اضراب او اى حاجة تعطل سير العملفى هذه الفترة هوا لا يقل فى الجرم عن اللى سرق وقتل و..............والله المستعان................. والهادى الى الرشد:angry2::blush::blush::angry2:

اعلم يا استاذى انه من يقوم بنصف ثوره فى ظل بقايا نظام فاسد فانه يحفر قبره بيده

مع الثورة المباركة الى ان تتحقق مطالبها كاملة

[color="blue"]تشهد مصر الليله استفزاز من جانب بعض المتظاهرين للمصريين الى زينا الى عايزين البلد تمشى بمزاج ميدان التحرير
البلد بتنهار واحنا مش حاسين الاحتياطى والا غذيه والاقتصاد بينهار ولن يكون هناك مرتبات او اكل لكى نعيش فلهذا انا بقول ان الى بيحصل ده لمصلحه مين كفايه اعتصامات كفايه مظاهرات لو لينا مطالب نطلبها ونصبر لحد البلد ماتقف على رجليها تانى والله انا لا حزب وطنى ولا ثورة مضاده انا واحد خايف على بلدى والى بيحصل دلوقتى لتدمير امن الدوله بالاسكندريه والقاهرة ده استفزاز للشرطه وامن الدوله مهم لينا وللثوار لحمايتنا من الارهاب ولكن يقنن دوره لحمايه الوطن والمواطنين كفايه كفايه مطالبكم اتحققت نصبر

وانا عارف ان الموضوع هيتشال لان القائمين على المنتدى مش بيعجبهم كلامى قال ايه مش مع الثورة احنا مع الثورة ولكن هنندم لو السقف على عن كده مش هنلاقى بلدنا واتوقع اشياء لا يحمد عقباها ارحموا مصر [/col
مصر مش ميدان التحرير or]


بكرة تعرف ان اللي بيحصل ده اكبر صح
والبلد والشعب لازم يحاربوا الفساد
وحرب الفساد يقوي الاقتصاد ولا يضعفه
ولي ليه مصالح خايف عليها يصبر شوية وميزعلش كل واحد بياخد رزقه

مطااااااااالب ايه بس البلد بتقع

خايف علي مباحث امن الدولة
يا حرام
!!!!!
اعتقد انك لو رحت هناك يوم واحد ولو حتي ساعة واحدة ايام زمان مكنتش هاتيجي دلوقت تقول الكلام ده

اصحي يا عم الحج


قلت نفس كلامي يامستر
ههههههههههههههههههههههههههههههههههههههه

البلد بتقع بجد وكل واحد بيدور على مصلحته

مش المتظاهرين اللى فى ميدان التحرير هما اللى هيوقعوا البلد هما ليهم مطالب ومطالب مشروعة جهاز امن الدولة ده جهاز فاسد ووظيفته عمرها ما كانت امن البلد ده كان كل همه امن الرئيس وبس ممكن تسأل اى حد وقع تحت اديهم وضرب النار اللى حصل منهم امبارح على المتظاهرين فى الاسكندرية بيؤكد ان عمرهم ما هيتغيروا

كمان شباب التحرير وغيرهم كتير من الاغلبية الصامتة بينادوا بالافراج عن المعتقلين السياسيين تخيل حضرتك لو تم القاء القبض عليك وقعدت فى المعتقل 5 او 10 سنين بدون ما تقف قدام محكمة تدينك ده حلال ولا حرام عشان كان بيختلف مع نظام فاسد

ده غير ان مظاهرات التحرير ما بتعطلش العمل فى حاجة ما كل واحد يروح شغله
انت عارف ايه اللى هيوقع البلد لا قدر الله المظاهرات والاعتصامات الفئوية هما دول اللى كل واحد ليه طلب يضرب عن العمل لحد البلد ما هتخرب ودول ليس لهم علاقة باللى فى ميدان التحرير ده كل واحد عايز يخطفله اى حاجة من البلد ونسينا ان احنا لازم نحافظ عليا وكل واحد يأدى عمله باتقان لان البلد دلوقتى بقت بتاعتنا مش مسيطر عليها حسنى بابا والاربعين حرامى زى الاول

لازم نواجه الفساد والفاسدين ويخضعوا للمحاكمة عشان نعرف نرجع ولو جزء من فلوسنا اللى بتتسرق بقالها 30 سنة

كلامك مقيول جدا
انا معاك

لى صديق فى الاسكندريه قال لى ان بتوع امن الدولة هم اللى استفزوا المتظاهرين بطريقة غير لائقة وكانوا متعمدين انه تحصل مواجهات بينهم
وده سيناريو معروف

نصف ثورة= ضياع أمه

البلد بتقع بجد وكل واحد بيدور على مصلحته


دا الواضح وضوح الشمس

إنتو عارفين بقى هايعملوا إيه بعد نجاح جمعة الرحيل بتاعه أحمد شفيق ......هيعملوا بقى "سبت الخلاص" و "أحد الصمود" و "إثنين الإطاحة" و "ثلاثاء الإرادة" و "أربعاء التصميم" و "خميس الإعتصام" و "جمعة الوداع" و نضرب لنا أسبوع كمان يعملوا فيه "سبت الضياع" و "أحد الزهق" و "إثنين الفضا" و "ثلاثاء الخفة " و "أربعاء اللذاذة" و "خميس اللطافة" وهكذا كل اسبوع لغايه ما نوصل لغايه " جمعه الشحاته " أصل إحنا ...شعب فاضى

يا ما ناديت بمثل هذا الكلام .. البلد بتقع والناس مش حاسة .. كله عايز وللأسف مفيش حاجة كل المخزون السلعي والتمويني والمالي بينفد والناس ولا هي هنا ..
يا رب بعد المنظر اللي كان في التحرير امبارح الناس تهدأ شوية علشان البلد تقوم تاني ... كفاية .. حراااااااااااام

اللهم اجعل مصرنا بلد أمنا وارزقنا البطانة الصالحة ( أمين )

http://files.thanwya.com/do.php?img=3654

[quote=m_ezoo;3184369]يا اخى الكريم هذه المظاهرات ليست استفزازا ولكنها بحثا عن الحقوق الضائعة من 30 سنة.....عمر ما هيكون واحد مرتاح ويروح يعمل اعتصام او مظاهرات ........ بلاش لهجة الاحباط دى للناس .... هنطلع مظاهرات لغاية لما ناخد حقناحسبي الله انت كده بتضيع حقك وحقنا

المطالب الفئوية حق محدش يختلف على كدة.. بس بالشكل اللي احنا شايفينه دة كارثة..
والله فيه بعض الفئات انتهازية وميهمهاش البلد.. ممكن ناخد حقنا بس منضرش بلدنا..
ياريت نطالب بالحقوق وفي نفس الوقت نشتغل .. ولما نلاقي مفيش استجابة يبقى اللي عايزين يعملوة بقى يعملوة..

حسبي الله ونعم الوكيل البلد بتضيع وبيقولو حقنا جاك كسر حقك النت والمتظاهرين تاخد حقك من ميت ازاي استني لما يقف علي رجليه وخد حقك خدكو ربنا

الله يكرمك .. هوة دة الكلام المظبوط

يا اخى الكريم هذه المظاهرات ليست استفزازا ولكنها بحثا عن الحقوق الضائعة من 30 سنة.....عمر ما هيكون واحد مرتاح ويروح يعمل اعتصام او مظاهرات ........ بلاش لهجة الاحباط دى للناس .... هنطلع مظاهرات لغاية لما ناخد حقنا
يبقى خلاص نسبها تتخرب علشان سعتها نقول كدة وصلنا للعوزينه يجماعة ندى فرصة للناس تشتغل الراجل نزل وسطهم امبارح وقالهم ادونى فرصة شهر لو مقدرتش هنزل معاكم يبقى لازمتها ايه القعدة ولا هى غتاته وخلاص بصراحة مفيش اى مبرر لهم تانى واللى كان ضايع فى 30 سنه الناس بتحاول ترجعة بس بالصبر والهدوء كدة بجد وصلنا للهمجيه بعد مكان العالم كله متعاطف معانا الناس هتسخر مننا بعد كدة لما اقتصدنا مايقع وتحصل مجاعة فى البلد انا عارفة ان ده مش من الثوار اللى فى التحرير بس هما مدين فرصة للخارجين انهم يعملوا كل حاجة لان الجيش مشغول معاهم فى الميدان ومش فاضى لحل المشاكل التانيه

ليه فى ناس لسه مش مصدقه ان المظاهرات لو انتهت وسابوا المسئولين على راحتهم واقل من مهلهم
ان الثوره سوف تباع بارخص الاتمان
هل كان احد من الذين ينادون الان
البلد هتوقع ......... وارحموا البلد .......... الضرب فى الميت ......... الخ والكلام اللى مايقدمش خطوه
انه سوف ياتى يوم ونرى رااااااااااااااااااااااااااااائيس وزراء مصر بين الجموع ..... هى ده الثوره
يجب ان يعلم كل مسئول ان منصبه لا تشريف بل تكليف وانه سوف يواحه مشاكل جما فاما ان يواحهها ويعمل على حلها او يرحل
باذن الله مع استمرار الثوره سوف ياتى علينا زمن جميل نرى فيه الناس يفروا من السلطه ويكرهونها بعد ما كانوا يتكالبون عليها

بالعقل
1- أشعر بأن هناك إسترداد لعافية فلول النظام البائد 0
2- المجتمع ليس كله فى نفس المستوىالفكرى ، والتجرد عن الذاتية 0
وإنما هناك مجموعات متباينة ألحظها ، ومنها:-
**الشباب الواعى الذى يطالب بمطالب لمصلحة الوطن 0
**العمال الكادحون الذين يبحثون عن حقوقهم المسلوبة وبخاصة فى ظل إستجابة بعض الجهات(الأقل إحتياجا منهم مثل الشرطة والبنوك والبترول) دون غيرها ، وهو ما جعلهم يشعرون بالإحباط أكثر واكثر 0
**الطابقة التى ستضار فى حالة تنفيذ العدالة الإجتماعية وبخاصة فى الأجور وبقايا النظام والمستفيدين منه 0
لذا 00
** أرجوا من الشباب الواعى أن ينتبهوا جيدا لما قد يحاك بالثورة ، وأن
نطالب بمطالبنا المشروعة
ولكن00
1- بتنوير طوائف الشعب بحقائق الموقف ( وبخاصة الطبقة الغير مدركة بحقائق الأمور ) 0
2- أن نضيق الخناق على فلول النظام القديم من خلال خطوة أولى هامة وهامة جدا ، وهى تفكيك
بنية الحزب الوطنى كاملة ، وعدم لسماح لأى من رموزه وأعضائه بممارسة أى دور سياسى مستقبلى0
3- أن يساهم الشرفاء المقتدرين من أبناء الوطن المخلصين فى التكافل مع المواطنين
البسطاء الغير مقتدرين حتى لا نترك لهم المجال فى الإنقلاب على الثورة عن غير قصد أو علم ، وذلك
من خلال آلية معينة لمساعدتهم 0
وما أريد إلا الإصلاح
والله الموفق

الواحد احتار مش عارف فين الصح وفين الخطا الاول قلت لاء مبارك ميتنحاش علشان الفوضى وعدم الاستقرار وقلت كفايه لما فوض عمر وطلعت انا غلطانه لانه لو فضل مبارك مكنش الناس اتحاسبت وبقت فى السجن ياترىة بتوع التحرير صح ولا غلط بس اعتقد كفايه كده علشان خاطر البلد وعلشان خاطر مصر واقتصاد مصر اما عن امن الدوله يفضل موجود بس لصالح ا اشعب وامن المواطن مش النظام زى زمان يعنى تتغيرمهمته

مصر دلوقتي في أيد أمينة ومش عايزين ناس من أتباع الحزب الوطني تتكلم واعتقد انه فعلا الان وقت العمل بعد تعيين الشريف عصام شرف

انتي انسانة مغيبة وكأنك من كوكب اخر لاتعرفي شئ خالص خالص
التخلص من هذا الجهاز الظالم الاستبدادي الذي قتل الاف الابرياء من رجال في الحزب الوطني للتخلص من اوراق تودي في دهية

أتمنى ان نكون يد واحدة متعاونيين .

كما أتمنى الإنضمام الى جروب ( مدرس بالقلم الرصاص )
http://www.facebook.com/?ref=home#!/home.php?sk=group_128732913864265&ap=1

[quote=Mr/shukran;3184636]خايف علي مباحث امن الدولة
يا حرام
!!!!!
اعتقد انك لو رحت هناك يوم واحد ولو حتي ساعة واحدة ايام زمان مكنتش هاتيجي دلوقت تقول الكلام ده

اصحي يا عم الحج
[/quot

عندك الف حق

انا معاك ياوائل هما ليهم مطالب بس ازاى رئيس الوزراء الجديد يستمد شرعيتة من الميدان بس؟
يعن هما يكتبو اسماء الوزراء الجدد واحنا نقول امين..!
ويجيبو رئيس دولة جديدة واحنا نقول امين........! مثلا
ويلغوا امن الدولة ونقول ماشى .....يلا
ويحطو محافظين جدد لكل المحافظات ....! على فكرة كدة استفزاز .ويتكلمو على لسان كل مصر ازاى.
طب على كدة هينتخبلنا رئيس جديد ولا اية ؟
وحنا بقى وراهم.

اخى هو المتظاهرين بيعملوا ايه غلط انا ميش فاهم المطالب دى كلنا متفقين عليها
نشتغل ازاى قبل ما نطهر البلد ولا انت عايزنا نشتغل و شغلنا يرح لغيرنا تانى

هو ينفع نبنى عمارة على ارض خرابة كلها زالة ميش لازم ننظف الزبالة الاول و بعدين نبنى

وهو ينفع نبى الاول و بعدين نقى نفكر ننظف الزبالة دى حاجة بالعقل كده

وبعدين امن دولة ايه اللى انت بدافع عنه قولى كده ميزة واحدة عنه

انت عارف انه كان مشارك فى تفجير حادثة القديسين عشان يكسروا عين المسحين و يبطلوا يطالبوا بحقوقهم

بلاش شوفت كمية الورق المفروم و المحروق هو اللى شغال صح يحرق و يفروم المستندات ليه

مش المتظاهرين اللى فى ميدان التحرير هما اللى هيوقعوا البلد هما ليهم مطالب ومطالب مشروعة جهاز امن الدولة ده جهاز فاسد ووظيفته عمرها ما كانت امن البلد ده كان كل همه امن الرئيس وبس ممكن تسأل اى حد وقع تحت اديهم وضرب النار اللى حصل منهم امبارح على المتظاهرين فى الاسكندرية بيؤكد ان عمرهم ما هيتغيروا

كمان شباب التحرير وغيرهم كتير من الاغلبية الصامتة بينادوا بالافراج عن المعتقلين السياسيين تخيل حضرتك لو تم القاء القبض عليك وقعدت فى المعتقل 5 او 10 سنين بدون ما تقف قدام محكمة تدينك ده حلال ولا حرام عشان كان بيختلف مع نظام فاسد

ده غير ان مظاهرات التحرير ما بتعطلش العمل فى حاجة ما كل واحد يروح شغله
انت عارف ايه اللى هيوقع البلد لا قدر الله المظاهرات والاعتصامات الفئوية هما دول اللى كل واحد ليه طلب يضرب عن العمل لحد البلد ما هتخرب ودول ليس لهم علاقة باللى فى ميدان التحرير ده كل واحد عايز يخطفله اى حاجة من البلد ونسينا ان احنا لازم نحافظ عليا وكل واحد يأدى عمله باتقان لان البلد دلوقتى بقت بتاعتنا مش مسيطر عليها حسنى بابا والاربعين حرامى زى الاول

لازم نواجه الفساد والفاسدين ويخضعوا للمحاكمة عشان نعرف نرجع ولو جزء من فلوسنا اللى بتتسرق بقالها 30 سنة


كلام مظبوط

الاخ صاحب الموضوع قبل ما تاخدك الجلالة وتتكلم بشكل مش كويس علي ثوار التحرير وتتهمهم او بتتهم ناس تانية انهم حرقوا مبني امن الدولة احب اقولك معلومةصغيرة حالياً النائب العام بيحقق فيها وهي ( الي حرق مبني امن الدولة هما ظباط الشرطة نفسهم علشان في ملفات داخل قضايا بتدين ظباط الشرطة وامن الدولة نفسهم ) يعني بالبلدي الي خرب وعاوز يخرب
البلد هما ظباط الشرطة مش الي في التحرير الي رحلوا الفرعون وخلوا امثالك يتعينوا !!!!!!!!!!!!!!!!!!!!!!

من يقوم بنصف ثوره فى ظل بقايا نظام فاسد فانه يحفر قبره بيده

شوف البلد كانت رايحة على فين ودلوقتى بنفكر تروح على فين

النظاهرات والمطالبات شرعية
ويجب تنفيذها دلوقتى حتى نبنى أساس جيد لديموقراطية فى مصر

[quote=مدرس علي ما تفرج;3186933]الاخ صاحب الموضوع قبل ما تاخدك الجلالة وتتكلم بشكل مش كويس علي ثوار التحرير وتتهمهم او بتتهم ناس تانية انهم حرقوا مبني امن الدولة احب اقولك معلومةصغيرة حالياً النائب العام بيحقق فيها وهي ( الي حرق مبني امن الدولة هما ظباط الشرطة نفسهم علشان في ملفات داخل قضايا بتدين ظباط الشرطة وامن الدولة نفسهم ) يعني بالبلدي الي خرب وعاوز يخرب
البلد هما ظباط الشرطة مش الي في التحرير الي رحلوا الفرعون وخلوا امثالك يتعينوا !!!!!!!!!!!!!!!!!!!!!![/quoانا عارف انى هتهاجم بدال كلامى مش على مزاج الثوار فعلا هى دى الديمقراطيه وحريه التعبير والرأى والرأى الاخر
انا لست هنا لادافع عن جهاز امن الدوله او اهاجم الثورة كلنا كان نفسنا فى التغيير بس طول ما احنا بنبص تحت رجلينا مش هنتقدم لازم كل شئ يبقى مدروس ومحسوب خطواتنا واهدافنا وايه الى هيترتب عليها بدل منضيع
اسألك ( الان هم جابوا الدكتور عصام شرف واستقال الفريق احمد شفيق انا مش ضد الدكتور عصام لانه مصرى ومحترم وانا عارفه من ايام الوزارة 2004 ولكن هلى محاربه الفساد واسترداد الاموال ستتم بين يوم وليله كلا يا اخى سوف تأخذ وقت لو احنا نصيبرنا ونظمنا نفسنا وهدينا وفوقنا لعملنا اؤكد ان فللول النظام السابق والفاسدين سواء فى الاجهزة الامنيه او الوزارات المختلفه ستتكشف انما بهذا الاسلوب والضغط والهرجله فنحن نوفر لهم المناخ المناسب للفساد مرة اخرى والعبث بالوطن
1- استمرار عدم العمل الاعتصام اليس هذه بيئه مناسبه لهم لتدبير الخطط
2- استمرار عدم العمل والاعتصام سوف تقل الانتاج والدخل القومى من اين سنثبت ويزداد راتبنا
3- الفلوس الى برة وجوة مش هتيجى فى يوم وليله يبقى نصبر ونعمر بلدنا
4- التحقيقات شغاله والفاسدين محبوسين وهيتحكم عليهم قريب بس من كل واحد فى يدافع عن نفسه لاننا دوله قانون ومؤسسات هتقولى كانوا فين من زمان متهيألى الاجابه انت عارفها يبقى الهدوء والمثابرة وننظر للامام حتى نستعيد الدوله وهيبه الشرطه وامن الدوله ولكن بفكر مختلف يحمى المواطن والوطن من الارهاب والبلطجة والمخدرات والقضاء على التسول وقطاع الطرق وشباب النواصى وتجارة المخدرات وحمايه الوطن من الاعداء الى انت عارفهم ده هو دور الشرطه وامن الدوله
بس لازم يكون بالاحترام المتبادل والفيصل هو القانون يعنى مش تكسر اشارة ويتعملك مخالفه تضرب الضابط
مش تسيب الموقف بتاعك وتحمل من برة وتقول حقى مش تمشى مخالف وسرعه جنونيه وتقول حقى مش تعمل تنظيم سرى وسلاح ومليشيات وتقول حقى مش تبيع مخدرات وتقول حقى مش تبلطج وتثبت الناس وتقول حقى
الضابط اخويا واخوك ابنى وابنك احنا واحد لو تجاوز يتحاسب بالقانون مش بالدراع وانت كمان لو تجاوزت يبقى بالقانون
انا هدفى البلد ترجه امنه السياحه تيجى والمصانع تشتغل والحياه تعود صدقنى لو كلنا اخلصنا البلد هتبقى كويسه
وكلمه اخيرة منى ليكم علشان تصلح عمارة مش الترميم يبقى من فوق لا من تحت ابتدى بنفسك انت وغيرك هتلاقى القاعده سليمه يبقى القمه سليمه لو عشت شريف وغيرك شريف وتدرجت فى العمل من تحت لفوق انت والى تحتك هتبقوا شرفاء انما النظام السابق انتهى بس الفساد كان فى الرأس والى تحت كان بدأ يعمل زيهم بمعنى اشمعنا انا الى فوقوا بيسرق ليه انا مش اسرق هى كده انما دلوقت الى فوق هيخاف والى تحت لانهم مراقبين لبعض
يبقى نصبر ونتعلم من اخطاءنا ومنرميش التهم بالباطل ليا او لغيرى انا مصرى وعيب لما نصنف بعض انت مع او ضد الثورة احنا مصريين واختلفنا فى مش المبدأ للثورة لانى انا معاها ولكن ان بقول الاولويه للوطن لو مصلحه البلد اهم من مصلحتى معلشى انا اسف يبقى البلد اهم ) ولو رجال اكتوبر 73 فكروا زينا دلوقتى والله مكنا هنرجع سيناء تانى بس هم كانوا حطين بلدهم اولا بدليل ان اقتصادنا ايامها كان اقتصاد حرب واحنا مجربناش ده لاننا معظمنا كشباب من مواليد بعد 73 ومحسناش بده البلد كان فيها انتماء مفيش سرقه حتى الحرميه مشرقوش ولا نهبوا مع الاختلاف الان لانهم مكلفين بده ولكن عملنا واخلاصنا وشغلنا وعدم اعتصامنا هيقضى عليهم انما التظاهرات والاعتصامات دى بيئه غير مستقر للقيام بدورهم المكلفين بيه انا الاستقرار وعودة الامن هيكشفهم هم ومخططهم والى موصيهم
مصر يا اخى مش ميدان التحرير مصر اكبر من كده لازم نعرف ده هما ليهم حق الى فى التحرير وانا معاهم بس انا مع المقوله ( الشئ الى بيزيد عن حده ممكن يقلب ضده وبكده هم الى هيعملوا الثورة المضاده صدقنى )
وياريت تشوف مين الى فى الميدان كل جمعه مش دول 25 يناير ابدا ولا الشعب دول الى عايزين يحققوا مكاسب سياسيه واحنا وانت وغيرنا من الشباب الواعى هيحبط محاولتهم زى مخلصنا على الحزب الوطنى لازم دول يختفوا كمان لانهم معلشى من اركان النظام السابق والمهادنين معه والمتفقين معهم فى الصفقات المشبوهه وانت عارف قصدى
هما بيقولوا احنا اتبهدلنا واتقبض علينا وامن الدوله عمل وسوا بس هم كانوا مهادنين معه وبيعقدوا صفقات وخافوا يطلعوا يوم 25 يناير وانا عارف ده مويس والاحزاب والاخوان مطلعوش الا فى يوم 28 يناير الساعه 3 ظهرا لما لقوا الشعب طلع ركبوا وسيطروا على الميدان والمنصه والتليفزيون والفضائيات لو انا غلطان رد
مش كلنا 6 ابريل ولا كفايه ولا البرادعى ولا نور ولا وفد ولا تجمع ولا ناصرى ولا جماعات ولا بكرى ولا محمود سعد
كلهم ركبوا ودلدلوا كلهم والتفوا حول مطالب الثورة وبدأو تصفيه الحسابات الشخصيه والتشفى بداعى انهم مفجرى الثورة الشعب خرج يا احبائى بسبب القهر والظلم والفقر مش علشان يحل حزب او امن الدوله او مطالب سياسيه
شعبنا عمره مكان عايز يتشفى فى حد شعبنا عايز حياه كريمه يحس انه انسان ودى بلده عمره مبص من ال بيحكم
او مين او معاهدات او اتفاقيات مش معنا كده اننا سلبيين بس الى بيتكلموا دلوقتى مش هم ابويا وابوك ولا حد مننا هما بينادوا بالحريه والديمقراطيه بس اؤكد لك انهم مش بيطبقوها بينهم والاحزاب والاخوان قدامنا من جواهم غير متفقين وبيحاربوا بعض على المناصب وتقسيم التورته وفى الاخر احنا هندفع الثمن تانى
نفوق نشتغل نجتهد ننتج نطلع ننتخب بصوتنا ونمارس حقنا مش نمشى ورا شعارات اهم حاجه مصلحه مصر فين
شكرا
صاحب التعليق امثالى زيك مصرى ولا انت ليك راى تانى واظن انك برده اتعينت زى ولا انت من حته تانيه واؤكدلك انى اتعين زيك بموافقه امن الدوله وقعدت فى المدينه الجامعيه برده بموافقه امن الدوله ودخلت اتحاد الطلبه برده امن الدوله
واتقبض عليا فى مظاهرات حرب العراق بالجامعه والى خرجنى امن الدوله للامانه متعذبتش ولا اتهانت لانهم برده كان فيه وطنين وحاسين بالعراق والى بيحصل بس اوامر وانت عارف الاوامر العسكريه مش كل الجهاز فاسد لو عممنا يقى هنضيه البلد