الغيورة على الدين
06-03-2011, 07:53 PM
السلام عليكم ورحمة الله وبركاته
ازيكم يا بنات
الموضوع ببساطة
انهابنت لسه متخطبتش بيجلها خواطر
وعايزة تشاركم فيها
الموضوع هيكون عبارة عن قصص منفصلة لخواطر منفصلة
لهذه الفتاة
ممكن تكون بتكلم نفسها بتكلم صحبتها او اي حد
المواقف منها ما هو واقعي ومنها ما هومجرد قصة من الخيال
شدوا حيلكم معايا عايزة تفاعلكم وارائكم في هذه الخواطر
:)
الغيورة على الدين
06-03-2011, 07:55 PM
الخـــــــــاطرة الاولي
مني تحدث نفسها
مش كنت اتجوزت قبل ما التزم احسن زي بنات كتير
دلوقتي انا ضيقت علي نفسي اوي
لازم يكون ملتزم ويكون بيصلي الفروض في الجامع
ويكمن مش بيتفرج علي التليفزيون
يلا حصل خير
ايه ده
ايه الكلام الفارغ اللي بيجي علي ذهني ده
استغفر الله العظيم يارب استغفر الله العظيم
يارب اغفرلي
ده انا المفروض احمد ربنا اني متجوزتش وانا علي المعاصي ده
ده ربنا سبحانه نجاني والله
نجاني من شر نفسي ونجي اولادي وروجي من شري
مش كل المعاصي اللي كنت هوافق عليها زي التليفزبون وغيره كانت هتكون في ميزان سيئاتي
والله الحمـــــــــــــــــــــــدلله
الحمدلله يارب من قلبي ان متجوزتش اللي لما اتعلمت الدين صح
ومشيت في طريق الالتزام
مني تبتسم لنفسها وتقول
سبحان الله في بداية التزامي كان اقصي طموحي ان البس اسبنش في الفرح
دلوقتي والله والله لو مش هيكون غير علي شرع الله
مفهوش اختلاط واغاني اسلامية
مش هعمل فرح
والله ماعايزة فرح اغضب ربنا في ببداية جوازي
الحمدلله يارب الحمدلله
اللهم ارزقني الثبات وفضلك يارب
..............
احلام طهطاوي
10-03-2011, 01:04 PM
فعلا عندك حق في بنات كتير بسمعهم بيقولوا كده
بس الحمد لله علي نعمة الهدي والعفاف
جزاكي الله كل خيرات الدنيا والاخرة
الغيورة على الدين
12-03-2011, 11:57 AM
وخيرا جزاكِ يا احلام
ربنا يبارك لك
omar25
12-03-2011, 12:49 PM
ربنا يجزيكي كل خير علي مشروعك ده ويجعله في ميزان حسناتك
الغيورة على الدين
14-03-2011, 05:58 PM
الخاطرة التانية
ريم تحضر نفسها للقاء طالما انتظرته
اليوم قد اعلن في منزلهم الطوارئ لقدوم العريس
ريم تبتبسم قائلها لنفسها
سبحانك يارب
كل لما افتكر اللي كان في قلبي ساعة ما عرفت الخبر
ازعل اوي واضايق لكن يارب انا تبت
وحسن ظني بيك انك غفرتي اللي كان في قلبي
بجد بجد سبحان الودود
وتردد قائله
و علمتم كيف يدبر الرب أموركم لذابت قلوبكم من محبته
ريم لماذا تقول هذه العبارات
في البوست القادم سنرجع للخلف لمعرفة ما كان في قلب ريم
الغيورة على الدين
14-03-2011, 06:15 PM
((الخاطرة الثالثة ))
ريم لسه راجعة من الكلية حالا
هدي :ريم ريم شفتي اللي حصل
ريم : حصل ايه يا هدي
هدي:واحدة نعرفها هتكتب كتابها قريب قولي مييييييييييين خمني
ريم : قولي يا هدي انا راجعة تعبانة من الكلية اخلصي بقي مين
هدي: طيب هقولك بس متتصدميش ماشي
بنت جارتنا طنط اماني
ريم : قصدك مين ايمان انت بتتكلم جد يا هدي ولا بتهزري
هدي :يا بنتي بقولك كتب كتاب بهزر ايه بس
ريم تترك هدي وتذهب الي غرفتها وعلي وجهها علامات الحزن اكثر من علامات الدهشة
هدي: ريم انت رايحة فين
ريم : انا داخلة انام
ريم تحدث نفسها
يعني ايمان بنت طنط اماني اللي عمرها 16 سنة يتكتب كتابها ولسه كمان في الثانوية
وانا اللي قربت اخلص كلية صيدلة محدش عبرني
ليه هي احسن مني في ايه
انا كمان نفسي اتخطب واتحب واتجوز
ليه
ومن شدة الحزن تذهب ريم في نومها
وبعد مرور ساعات ومع أذان الفجر تستيقظ ريم حتي تصلي فرض ربها
وبعد الصلاة تنهمر في بكاء حار
انا وحشة اوي يارب ازاي افكر كده
انا بحسد ايمان انها هتتجوز وانا لسه
انا فعلا وحشة
يارب انت اللي عالم اني بكره نفسي لم بحس الاحاسيس ديه
الحسد ده بياكل من حسناتي
وانا حسناتي قليلة اوي يارب
يارب قلبي بين يديك تقلبه كيفما تشاء فثبته علي الايمان
يارب انزع من قلبي اي حسد اواي غل من قلبي لا حد
وانزع اللي في قلبي من حسد لايمان
...........................................
الغيورة على الدين
16-03-2011, 12:21 PM
(( الخاطرة الرابعة ))
و ذهبت ريم الى الجامعة و بين المحاضرات ذهبت لتأدية صلاة الظهر فى مسجد الكلية و هناك
و بعد الانتهاء من الصلاة وجدت صديقتها ساره و دار هذا الحوار
ساره: ريم انت يا بنت يا وحشه بقالى كتير مشوفتكيش ايه اخباراتك عامله ايه فى الدنيا
ريم: ساره واحشانى جدا والله سبحان الله كنت لسه بفكر فيك
ساره: ريم مالك انت تعبانه شكلك مش عاجبنى
ريم: ............... زعلانه شويه
ساره: زعلانه من ايه يا جميل
ريم: زعلانه من نفسى اوى اوى
ساره: ليه كده بجد يا ريم فيه ايه
............ وهنا اخذت ريم فى البكاء مره اخرى
اخذتها ساره بين ذراعيها وبدأت ترقيها بالفاتحه وبعدها ريم بدأت تتحدث
ريم: انا هقولك انا زعلانة ليه بس متفهمنيش غلط
امبارح لما روحت البيت هدي قالتي ان واحدة جارتنا هتكتب كتابها
مش ده اللي مزعلاني
اللي مزعلاني اني حسيت في قلبي احساس مش حلو لما سمعت الخبر
حسيت اني انا كده بحسدها
واستمرت في البكاء
سارة:ايه يا ريم هوني علي نفسك انا فهمتك
بصي يا قمر الاحساس اللي انت حستي ده مش نهاية الكون احنا بشر
بس الغلط اني اسيب نفسي للاحساس ده
لازم اقاومه
جميل انك عرفتي المرض اللي في قلبك عالجي بقه
ريم: ازاي
سارة: تستغفري كتييييييييييييييير اوي
وتدعي لجارتك ده بالبركة في رزقها
كل لما تفكتريها تدعلها ممكن الاول تكوني بتجهادي جامد علشان تدعي لها باخلاص
لكن ربنا لطيف بعباده وهيلطف بقلبك وبيك ان شاء الله
بصي ياريم ربنا بيقول ايه في القرأن الكريم
وَجَعَلْنَا بَعْضَكُمْ لِبَعْضٍ فِتْنَةًأَتَصْبِرُونَوَكَانَ رَبُّكَ بَصِيراً
هتصبري يا ريم
ريم وعينها مبللة بالدموع
يارب ارزقني الصبر يارب
...................
شعبان رجب
18-03-2011, 10:06 PM
كملى بجد حلو اوى بس خلى بالك انا عندى 16سنة هههههبس مش هيتكتب كتابى يعنى بس فى كلام الستات اللى من تحت لتحت ايه رايك