السلام عليكم ورحمة الله وبركاته اما بعد ارجو ان الفت انظاركم الى شىء مهم جدا وهو قانون 155 لكادر المعلم الذى يشبه العسل المدسوس فيه سم قاتل واعنى بهذا انه فى ظاهره الارتقاء بالعملية التعليمية والنهوض بالمستوى المادى والتربوى للمعلم ولكن هذا غير صحيح فهذا الكادر اضاع حقوق المعلمين و الاداريين ومشرفى النشاط كما اضاع حقوق خريجى الجامعات بتصغير وتهميش شهاداتهم الجامعية وعدم الاعتراف بها واضرب لكم مثلا لو كان معلم مساعد لغة انجليزية بالتعاقد حاصل على ليسانس اداب قسم لغة انجليزية وجاء ليتقدم لاختبار الكادر فلا يصلح فيقولوا له لابد من حصولك على دبلومة تربوية و icdl وبعد ذلك تتقدم للدخول لاختبارات الكادر فى ظل انه مثله معلم لغة انجليزية اساسى ونفس المؤهل يدخل اختبارات الكادر دون الدبلومة التربوية و دون ال icdl ومن بعد اجتيازه هذه الاختبارات يصرف له بدل الاعتماد فاين هنا العدل والمساواة هذا خطأ و ظلم متعمد وايضا هناك من يكون حاصلا على بكالوريوس خدمة اجتماعية ويعمل اخصائى اجتماعى مساعد بالتعاقد ايضا فلا يصلح لدخول اختبارا الكادر الا وان يكون حاصلا على الدبلومة التربوية فى ظل انه لايوجد قسم للاخصائى الاجتماعى فى كليات التربية فيضغطوه فى قسم الدراسات الاجتماعية وهو لاعلاقة له بهذا القسم فهو لايدرس الدراسات الاجتماعية ويعطوا له تدريب المعلم المساعد الذى كله يشرح عن التدريس داخل الفصل وهو لا علاقة له بالتدريس وايضا لابد من حصوله على icdl فى ظل انه هناك اخصائى اجتماعى اساسى ونفس المؤهل يدخل اختبارات الكادر دون الدبلومة التربوية و دون ال icdl ومن بعد اجتيازه هذه الاختبارات يصرف له بدل الاعتماد فاين هنا العدل والمساواة هذا خطأ ثانى ايضا ثم ارتباط تغيير مسميات الترقيات والدرجات طبقا لقانون الظلم قانون الكادر وارتباطها باختبارات الكادر والدبلومة التربوية لمن هو غير تربوى وال icdl حتى يحصل على الترقية والدرجة ومن بعد ذلك مستحقات اجتياز اختبارات الكادر المادية ومن هنا يعجز المعلمون المساعدون عن تهيئة هذه الشروط للتعيين ويعجز الاساسيين للمطالبة بالترقية والدرجة المستحقة والمستحقات المادية وتربطها الحكومة بالتعبير البلدى حسب مزاجها تعمل اختبارات فى اى وقت حاسة انها تصرف مستحقات الكادر لترقياته ودرجاته المختلفة وتقليل او بمعنى اكثر تقليص عددهم حتى لايأخذ هذا اموال طائلة خصوصا اكبر نسبة عمالة فى الدولة هى عمالة التربية والتعليم فلا تصدقوا هذا القانون الظالم ( قانون 155 لكادر المعلم ) الذى وضعه الطاغية حسنى مبارك حتى يسيطر على مستحقات المعلمين فهو قد رحل فليرحل معه هذا القانون الظالم ( قانون 155 لكادر المعلم ) ويا اخوة الدستور تم تعديله ويمكن يتغير خالص وده وزير التربية والتعليم لايلغيه فلابد من تكاتف كل معلمى مصر للمطالبة بالغائه فورا ولاتتخلوا عن هذا المطلب

المفروض ان المدرس الحاصل علي ل اداب ياخد دبلومة تربويه حتي يكون مؤهل تربويا مثل زميله خريج كليه تربية ايه الظلم في كده

انا مع حضرتك يااستاذ تامر لازم نكون كلنا مؤهلين تربويا اصل التدريس دة مش معلومات لا التدريس دة فن التعامل مع الطالب اللى هو دراسة التربوى

انا ملاحظة ياجماعة ان معظم الاعضاء الجدد بيدعو لللاضراب والاعتصامات ياريت لو عندكو كلمة حلوة قولوها مكنش اصمتو البلد مش ناقصاكو بجد ليه ظهرتو دلوقتى وكلكو قبل كدة كنتو شايفين ان القانون دة كويس بلاش لو سمحتو تستغلو ظروف البلد السيئة فى تحريض الاخرين على التمرد لمصالحكو الشخصية ياريت نحب بلدنا بزيادة ومش نهد فيها ارجوكو

خريج تربية يكون ايه غير مدرس
اداب وتجارة مدرسين
واحنا نروح فين
ليس لنا اي مجال تاني

انا اخصائى اجتماعى وخدت الدبلومة التربوى وicdl مع ان الاخصائى الاجتماعى مؤهل تربوى للتعامل مع التلاميذ سنة بالكامل فى كلية التربية فى ذل وقرف من المواد والموصلات وكل شى

السلام عليكم ورحمة الله وبركاته اما بعد ارجو ان الفت انظاركم الى شىء مهم جدا وهو قانون 155 لكادر المعلم الذى يشبه العسل المدسوس فيه سم قاتل واعنى بهذا انه فى ظاهره الارتقاء بالعملية التعليمية والنهوض بالمستوى المادى والتربوى للمعلم ولكن هذا غير صحيح فهذا الكادر اضاع حقوق المعلمين و الاداريين ومشرفى النشاط كما اضاع حقوق خريجى الجامعات بتصغير وتهميش شهاداتهم الجامعية وعدم الاعتراف بها واضرب لكم مثلا لو كان معلم مساعد لغة انجليزية بالتعاقد حاصل على ليسانس اداب قسم لغة انجليزية وجاء ليتقدم لاختبار الكادر فلا يصلح فيقولوا له لابد من حصولك على دبلومة تربوية و icdl وبعد ذلك تتقدم للدخول لاختبارات الكادر فى ظل انه مثله معلم لغة انجليزية اساسى ونفس المؤهل يدخل اختبارات الكادر دون الدبلومة التربوية و دون ال icdl ومن بعد اجتيازه هذه الاختبارات يصرف له بدل الاعتماد فاين هنا العدل والمساواة هذا خطأ و ظلم متعمد وايضا هناك من يكون حاصلا على بكالوريوس خدمة اجتماعية ويعمل اخصائى اجتماعى مساعد بالتعاقد ايضا فلا يصلح لدخول اختبارا الكادر الا وان يكون حاصلا على الدبلومة التربوية فى ظل انه لايوجد قسم للاخصائى الاجتماعى فى كليات التربية فيضغطوه فى قسم الدراسات الاجتماعية وهو لاعلاقة له بهذا القسم فهو لايدرس الدراسات الاجتماعية ويعطوا له تدريب المعلم المساعد الذى كله يشرح عن التدريس داخل الفصل وهو لا علاقة له بالتدريس وايضا لابد من حصوله على icdl فى ظل انه هناك اخصائى اجتماعى اساسى ونفس المؤهل يدخل اختبارات الكادر دون الدبلومة التربوية و دون ال icdl ومن بعد اجتيازه هذه الاختبارات يصرف له بدل الاعتماد فاين هنا العدل والمساواة هذا خطأ ثانى ايضا ثم ارتباط تغيير مسميات الترقيات والدرجات طبقا لقانون الظلم قانون الكادر وارتباطها باختبارات الكادر والدبلومة التربوية لمن هو غير تربوى وال icdl حتى يحصل على الترقية والدرجة ومن بعد ذلك مستحقات اجتياز اختبارات الكادر المادية ومن هنا يعجز المعلمون المساعدون عن تهيئة هذه الشروط للتعيين ويعجز الاساسيين للمطالبة بالترقية والدرجة المستحقة والمستحقات المادية وتربطها الحكومة بالتعبير البلدى حسب مزاجها تعمل اختبارات فى اى وقت حاسة انها تصرف مستحقات الكادر لترقياته ودرجاته المختلفة وتقليل او بمعنى اكثر تقليص عددهم حتى لايأخذ هذا اموال طائلة خصوصا اكبر نسبة عمالة فى الدولة هى عمالة التربية والتعليم فلا تصدقوا هذا القانون الظالم ( قانون 155 لكادر المعلم ) الذى وضعه الطاغية حسنى مبارك حتى يسيطر على مستحقات المعلمين فهو قد رحل فليرحل معه هذا القانون الظالم ( قانون 155 لكادر المعلم ) ويا اخوة الدستور تم تعديله ويمكن يتغير خالص وده وزير التربية والتعليم لايلغيه فلابد من تكاتف كل معلمى مصر للمطالبة بالغائه فورا ولاتتخلوا عن هذا المطلب


اؤيد كل كلامك وفى نفس الوقت اقول للزملاء لا مانع من ان خريج الاداب يحصل على الدبلوم التربوى التى لا جدوى منها فى طريقة عملة

ولكن عندما يأخذ الدبلومة التربوى فلا معنى لوجود الاكاديمية لان المعنى الحقيقى لها قد تهمش مع حصولة على ما يؤهلة للتدريس

وايضا الاكاديمية قد طبقت بشكل سىء وفادح على الجميع

فما الفائدة من الاكاديمية مع اخصائى
المكتبات
الاجتماعى
النفسى
التطوير

فعملهم ليس تربويا بل فنى مساعد للتربويين
كما ان خريج معهد الخدمة الاجتماعية قد درس التربوى فى المعهد على سبيل المثال

لا مانع من وجود الاكاديمية ولكن بشىء من التقنين واعادة الرؤية فى وظيفتها بحيث تكون وظيفتها الارتقاء بمستوى المعلم المهنى والثقافى والفنى

لا معنى مطلقا لشخص عمل بمهنة التدريس لمدة لا تقل عن 6 سنوات وتأتى بعدها وتقول لة يجب ان تحصل على شهادة مزاولة المهنة فأين كنت طوال سنوات عملة وهل هذا يعنى ان الاجيال التى تخرجت من تحت يدية اجيال لم تتعلم

اقترح ان تكون الاكاديمية لها دور اكاديمى بمعنى
1- اعطاء بعض الدورات محددة المدة لكل التخصصات وبمنهج علمى واضح وبكتب ومن ثم اختبار فعلى يتضح منة المستوى الحقيقى للمعلم
2- اعطاء بعض الدورات فى الادارة لمن يريد تقلد مناصب تربوية فى التربية والتعليم
3- اعطاء دورات فى تأهيل المعلمين العاملين فى مدارس التربية الفكرية ( لان القائمين عليها فى الاصل يحتاجون تأهيل فكرى )
4- اعطاء دورات فى طرق التدريس الحديثة والنظم التربوية الناجحة فى العالم مع عمل اختبارات فى نهاية كل هذه الدورات وتكون هى المقياس لمستوى المعلم

المفروض ان المدرس الحاصل علي ل اداب ياخد دبلومة تربويه حتي يكون مؤهل تربويا مثل زميله خريج كليه تربية ايه الظلم في كده


اؤيد كلام حضرتك لان التعليم اساسه تربوى ولمعلم لو مكنش عنده فن التواصل التربوى مش هيكون لديه قدرة ايصال المعلومة والتواصل مع تلاميذه على جميع المستويات

ياجماعة احنا مدرسين حاسب متعاقدين ابتدائي وكل جدولنا اعدادي وثانوي وما بنشتغلش ولا حصة ابتدائي ودة في الدقهلية
الطلوب :
نمتحن كادر اعدادي
نتثبت اعدادي علشان مؤهلنا
ارائكم
دعم القضية

فبدلا من الاكاديمية المهنية والتى بنظامها الحالى وطريقة عملها تعتبر اهدار للمال العام

فموظفين الاكاديميات بجميع فروعها لا عمل لهم طوال السنة سوى ايام وفترة وجود امتحانات وعلى الرغم من لك لم يقوموا بعملهم على الوجة الاكمل وكان السبب الرئيسى فى البلبلة والتخبط الذى حدث للمعلمين فى الفترة الاخيرة سواء المعلمين المساعدين او حتى الاساسيين

فبدلا من كل هذا نطالب بحد ادنى للاجور ، ومع ذلك لا مانع من وجود ملف متكامل لكل معلم يقوم بتغذية هذا الملف كل عام بما هو جديد من تطور فى كل ما يشمل العملية التربوية ، ويقوم على متابعة هذا الملف كلا من الموجة او حتى وكلاء الوزراء او حتى موظفى الاكاديمية واختبار المعلم فيما انجزة وليقوم كلا بعملة على الوجة الامثل علا وعسى يساهم ذلك فى رجوع المعلم والتعليم الى مكانتة الطبيعية فى المجتمع

انا ملاحظة ياجماعة ان معظم الاعضاء الجدد بيدعو لللاضراب والاعتصامات ياريت لو عندكو كلمة حلوة قولوها مكنش اصمتو البلد مش ناقصاكو بجد ليه ظهرتو دلوقتى وكلكو قبل كدة كنتو شايفين ان القانون دة كويس بلاش لو سمحتو تستغلو ظروف البلد السيئة فى تحريض الاخرين على التمرد لمصالحكو الشخصية ياريت نحب بلدنا بزيادة ومش نهد فيها ارجوكو
كلامك مظبوط وصح الصح

يا عمنا يا رجل التربية العبرة والفيصل هو الفصل الدراسى فليس كل خريجى التربية عباقرة فى فن التدريس فكم من خريجى دار العلوم والاداب الذين درسوا المناهج بعمق لانهم درسوا فى شكل اكاديمى اكفء من خريجى التربية لان خريجى التربية درسوا قشور الماد ة الدراسية ولم يتعمقوا فيها واتحداك لو نوازن بين اثنين احدهما من خريجى التربية واخر من اداب او دار علوم وسنجد ان الاكاديمى يتفوق فى النهاية لان فلسفة التربية بعيدة تماما عن الحقل التعليمى وعن الجو العام داخل الفصل المدرسى ونلاحظ ان واضعى سياسات كلية التربية فى واد والمدارس فى واد اخر ولا احدثك عن خريجى الازهر لانهم افضل من الجميع

اولا للاسف فعلا كل من يدعو للاعتصامات بيدعو لمصلحته الشخصيه وطظ في البلد فياريت ميلاقيش اقبال من حد احنا عاوزين البلد تهدي:friendsxs3:ثانيا انا بعترف ان خريج الاداب متمكن اكتر في مادته من التربويين بس برضو لازم يكون مؤهل من الناحيه التربويه فمفيش مشكله من الدبلومه يا جماعه :bosyht9:حتي التربويين بيطلع عينهم تدريبات بصراحه كل مرة اطلع تدريب بحس اني بستفيد الموضوع مش لعب عيال ومنزعلش من التطور ونقول عليه تعجيز والهي المدير بتاعي لما بيحب يشغل الكمبيوتر بينادي حد يشغله ده كده كويس :028ja7:مع العلم انه جااااااااامعي مش دبلوم

يا جماعة احنا لينا مطالب مش مستحيلة ولاحاجة عشان وزير التعليم والمالية مينفذوهاش

يا عمنا يا رجل التربية العبرة والفيصل هو الفصل الدراسى فليس كل خريجى التربية عباقرة فى فن التدريس فكم من خريجى دار العلوم والاداب الذين درسوا المناهج بعمق لانهم درسوا فى شكل اكاديمى اكفء من خريجى التربية لان خريجى التربية درسوا قشور الماد ة الدراسية ولم يتعمقوا فيها واتحداك لو نوازن بين اثنين احدهما من خريجى التربية واخر من اداب او دار علوم وسنجد ان الاكاديمى يتفوق فى النهاية لان فلسفة التربية بعيدة تماما عن الحقل التعليمى وعن الجو العام داخل الفصل المدرسى ونلاحظ ان واضعى سياسات كلية التربية فى واد والمدارس فى واد اخر ولا احدثك عن خريجى الازهر لانهم افضل من الجميع

ارجوا من المولى عز وجل ان لا يتحول المنتدى ساحة للمبارزة بين خريجى اداب او تربية او خلافة
فلب الموضوع هو الجهد والعرق الذى بذل من هذا او ذاك طوال سنوات ماضية فوقت العمل لا نستطيع التفريق بين خريج تربية او اداب او غيرة فكما قولت الموضوع هو عرق وجهد ومصاريف ضاعت طوال السنوات الماضية

هاتكلم عن موضوع الدبلومة بغض النظر عن اهميتها من عدمه انما :
بالنسبة ليا انا لما اخدت الدبلومة بكلية التربية اقسم بالله انى مكنتش مصدقة كمية الاستهتار اللى فى الكلية دى وكمان بصدق ماستفدتش بالدبلومة غير فى حاجة واحدة وهى كتابة الاهداف والتحضير غير كده ماستفدتش من حاجة بكلية التربية خالص

بعض المعلمين المساعدين اللى جاتلهم رسالة التهنئة فى المرة التانية هل فى حد منهم اسمه نزل فى كشوف فى اى ادارة من الادارات او اللى عنده معلومة ياريت يفيدنا بيها

يا استاذ باهوق ارحمونا بقا وكفاية استغلال للظروف لايمكن اللى بيقول كده يكون معلم او يمت للتعليم بصلة البلد بتنهار واحنا عاوزين نهدا شوية مش كل شوية اعتصامات والله بعد كده هانندم بجد على اللى بنعملة فى نفسنا وفى البلد المفروض اننا نحاول نهدى الناس ويكون لينا دور فعالا فى عودة الهدوء يبقى اكيد احمد عز واصحابة كانوا احسن مننا لانهم كانوا بيسرقوا فى البلد وهى واقفة على رجليها اما احنا المعلمين بنهدها وهى ضعيفة كفاية بالله عليكم كفاية اعتصامات لله

السلام عليكم ورحمته وبركاته
انا يا اخوانى أخصائى اجتماعى بالتعاقد والله الذى لا الاه غير ه أنا كرهت التربية والتعليم بسبب هذا الظلم وهذا الفساد وهذا الجهل المفروض وزارة التربية والتعليم يتغير اسمها لوزارة الذل وفقدان الكرامة يا اخوانى انا ازاى ابقا اخصائي اجتماعى وأخد دبلومة في كلية تربية انا مالى ومال تربية . طيب انت عاوزنى أخد دبلومة اديهانى فى مجال تخصصى لكن اخدها فى كلية تربية ليه دى حاجة
الحاجة التانية الذل وقلة الادب والجهل اللى الواحد بيشوفها في مشوار الأكاديمية وتدريب المعلم المساعد كلها بتتكلم عن دور المدرس فى الفصل والكلام الفارغ ده كله طيب يبقا انا مالى بيها وهل الوزير ممكن يعين حد خريج من كلية تربية يعينه اخصائي اجتماعى ؟
يا اخوانى والله الذل اللى شفناه فى الادارة التعليمية لدرجة انى والله قلت الكناس اللى فى الشارع احسن من المدرس وليه وضع اكتر من المدرس
يا اخوانا المفروض يتحاكم الوزير الفاشل يسرى الجمل صاحب القرار البائس واللى ضيع معاه التربية والتعليم انا مش فاهم ازاى واحد وهو قاعد على كرسيه تحت التكييف بقرار جاهل من وزير فاشل يذل أكتر من 180 ألف على مستوى الجمهورية ازاى انا اروح الادارة ويكلمنى واحد موظف واخد دبلوم ويقولى اركن على جمب او استنى شويه
انا والله يا اخوانى مكتئب وعاوز اسيبها الشغلانة المنيلة دى كرهونا فيها حسبى الله ونعم الوكيل
انا بتمنى ان الدكتور أحمد جمال موسى يكون بيدخل على الموقع ده ويقرا ويشوف بنفسه الذل اللى احنا عايشين فيه راجين من الله عز وجل ان يرقق قلوب هؤلاء علينا وان نحيا حياة كريمة بعيدا عن ذل الاكاديمية وقرف الدبلومة
بس انا اسف فى سؤال بسيط جدا ؟ وهو هل اى مسئول لما يكون هيمسك منصب بيدخلوه اكاديمية مش يمكن الراجل ده مش يصلح انه يكون مدير ادارة مثلا أو كيل وزارة او يكون وزير مش لازم برضه يقيموه ولا يمكن الموجه بتاعه لسه ما وصلش
لازم كل ده يتغير فلنرفع أكف الضراعة الى الله عز وجل ان يخفف عنا ما نحن فيه
أ . محمد
إدارة اخصائى اجتماعى بإدارة أخميم التعليمية - محافظة سوهاج

عندما يدخل الواحد ابو 70% كلية التجارة ويتخرج بمقبول ويتثبت ويبقي معلم
عندما يدخل الواحد ابو 92% كلية التربية عام قسم الرياضيات ويتخرج وبتقدير جيد جدا ويشتغل"عامل نظافة في الشارع"
هو ده العدل
هو ده الحق
هي دي الثورة
الله يرحمك يا كلية التربية
الله يرحمك يا خريج التربية
"قال إنما أشكو بثي وحزني الي الله"
" اللهم اني مظلوم فانتصر "

مفيش حد عاوز يتعب خالص
حضرتك وافقت علي الكلام دا لية من الاول ؟

يا اخوانى هما عايزين يزهقوكم بهذا القانون 155 ويخليكوا تسيبوا التدريس ويبوظوا التعليم

ياجماعة احنا مدرسين حاسب متعاقدين ابتدائي وكل جدولنا اعدادي وثانوي وما بنشتغلش ولا حصة ابتدائي ودة في الدقهلية
الطلوب :
نمتحن كادر اعدادي
نتثبت اعدادي علشان مؤهلنا
ارائكم
دعم القضية



وانا كدا وزمايلى كتير نفس النظام بس مش عارفين نعمل ايه لان احنا مش متجمعين ومحدش فاهم حاجه ف اللخبطه دى ياريت لو الكل ال حالته كدا يتجمعو فى موضوع ويشوفو حل

يا اساتذه سيبكم من القانون155 والكادر
هو وضع المعلم كله سئ
ولازم كل ده يتغير
حتى لو كنت خريج تربية واخدتicdl وكل اللى الوزارة طلبته والكادر والكلام الفاضي ده كله
فى النهايه هيقبض كام فى الشهر يعنى
هيكون مرتب محترم يقدر يعيش بيه
مفتكرش