طايل: إضراب عام للمعلمين 15 مارس


أعلن عبد الحفيظ طايل المتحدث الرسمي باسم نقابة المعلمين المستقلة،عن قيام المعلمين بإضراب عام عن العمل داخل المدارس،علي مستوي المحافظات،حتي يتم تحقيق مطالبهم بالكامل، وذلك في 15من مارس القادم.
وأشار"طايل" إلي توحيد اللوائح والقرارات الخاصة بشروط العمل لجميع العاملين في قطاع التعليم ،سواء في مدارس حكومية أو خاصة أو دولية أو أزهرية بغض النظر عن نوعية العمل ، الذي يقوم به المعلمون أو الإداريون أوعمال، مشدداً علي تجريم المدرس قانونياً في حالة إعطائه الدروس الخصوصية.

وقال: هل يعقل وجود فجوة الأجور بين العامل، الذي يتقاضي 85 جنيها شهرياً، وراتب وكيل أول الوزارة الذي يصل إلي 40 ألف جنيه بعد خصم الضرائب، وأن الحد الأدني لرواتب التعليم تبدأ بـ 200 جنيه شهرياً عند التعيين، مستشهداً بعمال المدارس الذي يصل أجورهم ما بين 200 إلي 300جنيه شهرياً بعد بيع الأغذية للطلبة، بالإضافة لتنظيف حمامات المدرسة بـ15جنيهاً تحت مسمي بدل بيت يحسب عليه اليوم بجنيه، في حين مساعد أول وكيل وزارة يأخذ 6 اّلاف ضعف شهرياً تحت مسمي بدل توقيع اجتماعات!!.

وطالب طايل قيادات الجيش، بالتحفظ علي مستندات اللجان النقابية والنقابات الفرعية والنقابة العامة وتسليمها للنيابة العامة، خوفاً من التخلص منها علي يد الفاسدين بنقابة المهن التعليمية علي كافة مستوياتها المختلفة.

وشدد طايل علي سحب الثقة من اللجان النقابية والنقابات سالفة الذكر، وتشكيل لجان تسيير أعمال داخل نقابة المهن التعليمية علي مستوي المحافظات، لتكون مهمتها إدارة أعمال النقابة لحين تعديل القانون الخاص بها،حتي يتم اجراء الانتخابات، مؤكدا أنه تم الاتفاق علي ذلك مع نقابة المعلمين المستقلة ومجموعة صوت اتحاد المعلمين المصريين، ماعدا مجموعة معلمون بلا نقابة المنتمية إلي الإخوان المسلمين.







ياريت كلنا ننشر الخبر ونشارك لاننا لازم نتعين بدون شروط زينا زي باقي المصالح الحكوميه اللي تم تعيين المتعاقدين فيها بدون شروط احنا ليه نتعذب ونستني 3 سنين ونتذل الذل ده

نتعين الاول ونجيب ال icdl والدبلومه التربوي وباقي الاوراق في مده زمنيه معينه

كلام جميل جدا ... وبخاصة حكاية نقابات المعلمين اللى بقى الفساد فيها للركب

لا طبعا امش موافقة لازم نحترم القانون كفاية فوضى خلوا البلد تمشى بجد ده بمثابة خيانة للبلد ده مش وقت اعتصامات خالص اه عاوزين زياده فى الاجور بس ده مش وقته خالص نصبر شوية

المره دى لازم نكون رجاله
ولو مرة
ونكون ايد واحدة
وشكراً

لا للاضراب لا للاضراب لا للاضراب

لا للتعين بدون شروط لا للتعين بدون شروط لا للتعين بدون شروط

حرام عليكم عيالنا حيدفعوا السبب

مش عايز يعلم عيال واحد ضد التعلم


نريد كل مدرس يكون مداوم علي التنمية المهنية

شروط التعين التربوي وال icdl

لا يليق بالمعلم ان يتصرف بهذا الاسلوب
انا معكم ان هناك حقوق كثيرة للمعلمين ولا يمكن ان يكون وضع المعلم كما نعيشه الان
ولكن ......
المعلم قدوة
ارجو الصبر من الجميع
البلد كدة هتقع
المطالبة بالحقوق لازم وضرورى ولكن اختيار الوقت المناسب

يعنى الشرطة اللى بتموت الناس تاخد زيادة 100%
و الاطباء يكون الحد الادنى 1200 للطبيب الحديث
و يتم زيادة مرتبات البريد والبنوك
ده هنا فى بلدنا ولا كوكب تانى

وهل من التصرف الحضارى ان يتقاضى المعلم343جنيه لمده 5سنوات وهل من الحضارى ان يضطر للعمل بفرن للخبز انا مع الاعتصام قلبا وقالبا ونحن اولى من انديه البترول وقطاع الكهرباء ومع وضع حد اقصى الان وليس غدا وتلقائيا الحد الادنى سيرتفع

لا للاضراب لا للاضراب لا للاضراب

لا للتعين بدون شروط لا للتعين بدون شروط لا للتعين بدون شروط

حرام عليكم عيالنا حيدفعوا السبب

مش عايز يعلم عيال واحد ضد التعلم


نريد كل مدرس يكون مداوم علي التنمية المهنية

شروط التعين التربوي وال icdl
اختى الفاضله انا حاصل على بكلوريوس تربيهقسم رياضيات بتقدير عام جيد جدا حاصل على الicdlحاصل على التويفل حاصل على دوره mathمن جامعه القاهره والى الان لم اعين اى تنميه تتحدثين عنها انها الحجج يا اختى فلا تنخدعى بها

هذه ابسط الحقوق لنا كبني ادمين اولا ثم كمعلمين انا مع الاعتصام حتي تتحقق العدالة للمعلم وللمواطن المصري الذي عاش عصور طويلة من القهر والذل وارجوا من الاخوة الذين استلموا خطابات التعيين ان يقفوا بجانب اخوتهم من المعلمين المساعدين الذين لم يثبتوا الا بتلك الشروط المجحفة

كلنا مع الاضراب العام ١٥ مارس

رجاء خاص ياريت كلنا نوقف مع بعض

لا تعليــــــــــق

والله اللى فيه خير يقدمه ربنا

ياااااااااارب ارحمنا والله خلاص لخبطتونا ياتتحدو ياتبطلو مطالب انجزو السنادى بقا اللى مش مقتنع باهميه ال icdl سورى من العصر الحجرى انما الكادر امتحناة وربنا ماعارفه ايه وجه الفايدة منه اصلا كلام فاضى لو فى شروط يبقى شروط بجد تنمى مش هبل وعبط ع الفاضى

اول مرتب كان 307 جنية من 3 اعوام.............والان مرتبى 314 جنيه
لا تعليق

معــــــــــــــــــــــــــــــــــــــــــــــــ ــــاكم

ارجوكم بلدكم لو كنتوا بتحبوها بجد المفروض اننا قدوة (قدوة في الالتزام ,العمل الجاد ، الصبر )
حرااااااااااااااااااااااااام علينا بلدنا بصراحة انا مجروحة من انحدار مستوى المعلم في معظم حقوقه لكن !!!!!!!!!!!!!!!!!!!
ممكن احنا صبرنا 30 سنة علي الظلم والاستبداد والوساطة والمحسوبية خلاااااااااص مش قادرين نصبر شهرين تلاته لحد البلد ما تقف علي رجليها
اتقوا الله في عملكم
احنا بنطلب من الله مش من بشر اشكو ربك وهو القادر مثلما رأينا لاتستعجل رزقك سيأتى سيأتي سيأتى
انا مش معاكم بصراحة

اتمني ان الناس كلها تبقي ايد وحدة والكل يتعين يااااااااااااااارب

لا للأضراب لا للأعتصامات ارجووووووووكم البلد الى خراب لازم نشتغل مش نعمل اخلال بالأمن اكتر من كدا حراااااااااااااااااااااااااام

وانا معاكم فى الاضراب وياريت نتثبت من غير شروط وياريت الناس الى اتثبتوا يبطلوا انانية احنا من حقنا اننا نتثبت زيهم واذا كان على الدبلومة والicdlاحنا هانعملهم بس نتثبت الاول ولا حد عنده راى تانى

لأ لأ لأ لأ لأ لأ .. دى هيصة مش اضراب

الاضراب اللى بتقولوا عليه مش وقته ولا مكانه مناسب .. واتعلموا تقولوا الحمد لله

الطمع قل ما جمع

واللي متخرج من 1999 قسم انجليزي وتقدير جيد ومعاه اي سي دي ال وكلية تربية وواخدة دورات في المحادثة والتويفل وشهادة في الترجمة من الجامعة الامريكية ب3000 جنيه وحاطينها في ابتدائي وهي تربية عام ولسه بالعقد ومطالبينها تستنى كمان
تروح تعمل قي نفسها زي بو عزيزي ولا ايه؟؟؟؟؟

انا كنت بفكر اجمع عدد من عقود المكافأة الشاملة عشان نبعت شكوى لان الوزير لم يصدر اى قرار بالنسبة لنا وميرضي حد اننا نقبض 100 جنية وكمان تنتهى عقودنا فى نهاية الدراسة وكمان ملناش حق لا فى كادر ولا اكاديمية وليه مش نتثبت وفى مننا مستوفى الشروط بس فيه عدى عليه تلات سنين وفيه لا

الاخت ام هايا والتانيه اللى بطالب بعدم الاضراب هوه احنا السبب فى التعطيل حرام عليكى حسوا بالناس ارحمونا دى فلوس اللى بناخدها دى ملاليم بالنسبة لباقى الوزارات شوفى الاتصالات شوفى البترول وليه كل الوزارات ثبتت من غير شروط الا وزارتنا العبيطة ده استهبال احنا كمان مش السبب فى تاجيل المدارس

مش عارف اللى مش موافق دا بيضحك على نفسه ولا ايه ؟؟؟؟؟؟؟؟؟؟؟

لا للاضراب نحن صفوة المجتمع ولسنا حفنة من الانتهازيين نعم للعمل نعم للاستقرار نعم للانتاج

تمر مصر خلال هذه الايام بمرحله دقيقه ومعقده للغايه فيجب منا نحن ابناء هذا الوطن ان نعمل بكل جهد ونشاط ونرفض دعوات المغرضين والانتهازيين الذين يدعون الي الاضراب والاعتصام لكي نحصل علي حقوقنا فهذا الوقت وقت عمل لا وقت اعتصام واضراب دلوقتي المدرسين بيعملوا اضراب علشان عايزين حقوقهم اللي طيب انا معاك ممكن تقولي حضرتك لما موظفي وعاملي شركات المياه والكهرباء والمطاحن والمستشفيات واقسام الشرطة وجنود الجيش يضربوا عن العمل ماذا ستكون النتيجة ستكون كارثه حقيقية وساعتها مش هنلاقي كوب ماء ولا رغيف خبز وسيختفي الامن

هل هذا هو المطلوب ارحموا مصر مصر لا تستحق كل هذا يجب ان نكون نحن المعلمون قدوة حسنه لباقي افراد المجتمع فنذهب الي مدراسنا ونوضح للناس خطورة الاضراب والاعتصام في هذا الوقت ونحثهم علي العودة الي اعمالهم ومصانعهم حتي تدور عجله الانتاج فلن نحصل علي حقوقنا و نحن لا نعمل وندمر اقتصادنا فكل من يدعو الي الاضراب والاعتصام هم بقايا النظام البائد ليخلقوا في مصر فوضي ويجعلوا الناس تقول كانت ايامهم افضل وهذا ما يسمي بالثورة المضاده فيجب انا نعاهد انفسنا علي بذل الجهد لكي تتقدم مصر وتزدهر وساعتها سيحصل كل فرد في البلد علي حقوقه من غير ان يطالب بها فلسنما اقل ممن ضحوا بانفسهم لكي نعي في حريه وديمقراطيه ونقضي علي الفساد افيقوا قبل ضياع مصر افيقوا يرحمكم الله

مش عارف ليه معظم العضويات الجديدة في المنتدي هي اللي بتشجع علي الاضرابات والاعتصامات انا حاسس انهم جزء من الثورة المضاده فاكرين بعد اول خطاب للرئيس المخلوع المنتدي اتملي موضوعات تدعو الي التهدئه واعطاء الرئيس المخلوع فرصه لتسليم السلطة بعد 9 شهور وبعد ما حسني اتخلع المنتدي اتملي عضويات جديده تدعو للاضراب والاعتصامات وتعطيل العمل المفروض اكيد دول من بقايا امن الدوله والداخلية والحزب الواطي عايزين البلد تفضل في فوضي وعدم استقرار علشان يلتفوا علي اهداف الثورة يجب عدم الانصات الي دعوات الاعتصام وتعطيل العمل في هذه المرحلة

انا مع الاضراب ويلاش احباط من اللي خايفين من الدروس الخصوصية تضيع
بلاش انانية وبصوا علي مستقبل ووضع المعلم ككل
واذا كنت خايف علي الطلبة فابائهم في الوزارات التانية هم اللي بدأو بالاضرابات

دي اسمها صيده فى الميه العكرااااا .. اصبحتم اخطر على البلاد من اعدائها الخارجيين .. حسبي الله ونعم الوكيل

لالالالالالالالالالالالالالالالالا بلاش اضراب ولا اعتصامات ودي مش انانيه ولا حاجه اكيد يعني كل الي بعقود عاديه هيثبتو بس علي درجه معلم مساعد ليه بقه الاعتصامات مانتو هتضمنو حقكوم في التعيين والا هوة طمع مادي وخلاص اول ما تستوفو الشروض هتتم الترقيه علي درجه معلم وتصرفو الكادر عاوزين ايه تاني وما ملاء عين ابن ادم الا التراب

وبعدين لاحظو ان الاستاذ ماندو 2000 عامل عضويه مخصوص عشان يدعو للاعتصامات لتحقيق مطلبه الشخصي بلاش ننقاض ورا اي زوبعه والسلام يا ريت نتعقل شويه ونفكر في بلدنا الحبيبه والهي عمري ما كنت بتكلم بالوطنيه دي قبل كده ولا كنت بطيق اسمع اغنيه وطنيه بس دلوقت مشاعري ناحيه بلدي اختلفت خااااااااااااااالص دلوقت دي بلدنا بجدددددددددددددددد خافو عليها :bosyht9::bosyht9::bosyht9: