]لكل طلاب يهمة الامــر هذا رابط مظاهرة سلمية مطالب طلاب الثانوية العامة لمن يهمة الامـــر:

مظاهرة سلمية لتحقيق مطالبنا وهى كالاتى :
------------------------------------------------------
1-تأجيل فترة الامتحانات فترة لاتقل عن 3 أسابيع
2-أزالة باب من كل مناهج
3- عدم ألزام البنات بالذهاب الى المدارس نظــرا لما تمر بة البـــلاد..
--------------------------------------------------------------------------

دة رابط المظاهرة على الفيس بوك
lnk.co/gxcba
أسف ياجماعه علي الخطأ تم تعديل الرابط.. الرابط مختصر بمجرد وضعه بمتصفحك سيتم تحويلك علي الرابط بالفيس بوك ..‏‎
مشاركتك تعنى الكثير

ميرسي
بس اللينك ده ندخل عليه منين؟؟؟؟؟ م الفيس؟

مش عارفه ده ندخل عليه ازاى ؟؟؟؟؟

الرابط مش صح اكتبه تانى

انا عاوزه اقول علي حاجه الامتحانات و اتاجلت شويه بس حكاية حذف من المناهج انا شايفه مش من حقنا ورغم ده في حاجات فعلا هتتلغي بس نستني شويه
لان بجد انا ضد اي مظاهره الان لان البلد مش نقصانا احنا كمان
نصبر شويه يا جماعه ارجوكم حبة صبر قبل ما تقرروا انكوا تنزلوا تتظهروا
انتوا كده بتدوا فرصه للبلطجيه انهم يعملوا فينا كل الي بيعملوه ده
وتقبلوا رأيي و شكرا

Ya gma3a mozhrat a ya gma3a mynfa3sh kda l wazer m2adr l by7sl w akid motfahem enma mesh ay 7aga 3aiznha dlw2ty tb2a mozahra e7na b2ena 3aizen l f dma3'na w 5las mesh 3aizen l sa7 mynfa3sh kda l 7koma d ht3ml a wala a wala a

اولا شكرا لذوقكم وتحضركم في الحوار ثانيا انا طالب مثلي مثلكم مصري خايف علي البلد وخايف علي اخواتي البنات عشان كده اجلنا المظاهره لقدام شويه لغايه استقرار البلاد مايعود لنا ثانيا ثالث مطلب لنا هو عدم إلزام البنات الذهاب للمدرسه ده من منطلق الخوف علي اخواتنا من تعرض بلطجيه لهم او من شباب غير واعي لعدم حدوث المشاكل لهم وأظن ان الامثله كثيرا لا تحتاج الي توضيح .. ثالثا : احنا اقل فئه في مجتمعنا موضعين علي الهامش لايسمع صوت لنا مش محتاجه توضيح رابعا : الامتحانات لم تؤجل 11/6 ده ميعاد الامتحان في السنه السابقه إين التأجيل ؟؟ تم تعديل الرابط وشكرا

على فكرة
احنا معناش بنروح المدرسة

و حكاية المظاهرة
مع احترامى ليكوا طبعا

مش اى حاجة نكون عايزنها نطلع و نعمل مظاهرة

احنا نهدى كده يا جماعة
و بلاش نضيع و قت فى المظاهرات
و هما راعونا جامد
و دى مسيرة تعليمية ليها قانون
متخلهومش يقولو نلغى السنادى
الواحد مش مستحمل

Kalamk gamel , bs t2dr t3ml kda btlb t2dmo w men 3'er mozhrat lwala 7aga

ياجماعه ده هو يوم او يومين بالكتير اووي هنضيع وقتنا فين ؟؟ وثانيا لي امتي هنفضل ساكتين كلنا لينا طالبات عايزين علي الاقل نحقق واحده منها مش يضحكو علينا ويقولولنا 11/6 ده مش ميعاد امتحان السنه السابقه ول ايه هما عملو ايه يعني .. انا نفسي اشوف وزير الكتروني بيشوف مشاكلنا ويدخل علي الانترنت يحاورنا .. احنا مش سلبين .. شوفو بره في الدول المتقدمه بيعملو مظاهره علي ايه ؟؟ أظن انتو عارفين مبالك بقي لمطالب جيل بحاله .. طلبنا مش صعب .. مش هتخسر حاجه لما تحضر لافته فيها مطالبك اوتيجي تقف تعرض مشاكلك قدام العالم ونقدم درس في التحضر. ديه فرصتنا عشان نحارب فيها الفساد.. << ياجماعه انتو وخدين كلمه مظاهره بشكل كبير اوي ده مجرد وسيله لتعبير عن الرأي بشكل متحضر لوقاعدنا ساكتين الفاسد هيفضل فاسد ومطالبنا عمرها ما هتحقق وبعدين ياجماعه انا مجتش قولتلكم عايز اشيل الوزير انا بقولكم عايزيين نحاوره بطريقه سلميه ونعرض له مطالبنا ويستمع لينا ده عيب ؟؟ لو انا بتكلم غلط حد يقولي >>

اولا شكرا لذوقكم وتحضركم في الحوار ثانيا انا طالب مثلي مثلكم مصري خايف علي البلد وخايف علي اخواتي البنات عشان كده اجلنا المظاهره لقدام شويه لغايه استقرار البلاد مايعود لنا ثانيا ثالث مطلب لنا هو عدم إلزام البنات الذهاب للمدرسه ده من منطلق الخوف علي اخواتنا من تعرض بلطجيه لهم او من شباب غير واعي لعدم حدوث المشاكل لهم وأظن ان الامثله كثيرا لا تحتاج الي توضيح .. ثالثا : احنا اقل فئه في مجتمعنا موضعين علي الهامش لايسمع صوت لنا مش محتاجه توضيح رابعا : الامتحانات لم تؤجل 11/6 ده ميعاد الامتحان في السنه السابقه إين التأجيل ؟؟ تم تعديل الرابط وشكرا
يعني هما يقعدوا يدحوا طول اليوم واحنا ف المدرسه
قمه العدل فعلا
"ده علي اعتبار اننا مش ثانويه كلنا
وهما بيمتحنوا امتحانات غيرنا"

انا معاك يا عصام ف كلامك و انا بنت زيي زي باقى اللى رد ف الموضوع
بس اانا رايي ان المدرسه تتلغى بنات او شباب البلطجى مبيميزش اوى بين البنت او الولد و اللى عايز يضر بيضر و لا انتو ايه رايكو

لو علينا احنا مش مهم روحنا فداكم

امتى المظاهرة دية

ياArabian‏ انا معاك لازم يكون فيه عدل انا شاب مش بنت خايف علي اخواتي البنات . انت ممكن تكون لك اختك بس انت مترضهاش ان يحصل لها مشكله احنا شباب ممكن نتصرف انما هما ؟

انا عايز اقول حاجة واحدة بس لو عايزين تطالبوا بحاجة فهي تكون تغيير نظام التعليم بحاله واكيد حد هيعارضني لكن احن بقينا بنكره المدارس ونكره الكتب ونكره التعليم واي انظمة تانية غير نظام علمي بيعمل على التطور الفكري وتحضره فهو مش نافع أنا برفض ان احنا نفضل على حاجة غلط ونفضل راضيين بيها يا اخواني العلم هو الوسيلة الوحيدة عشان نطور مصر ومش كتاب نستمر في حفظه عشان نحطه في الامتحان ومنستفدش بيه ......وانا اسف على التطويل عليكم

احنا ان شاء الله نتناقش في موضوع الشرط الثالث مش قضيتنا المظاهره ان شاء الله 17 او18مارس يعني خميس او جمعه سيتم عمل استفتاء حسب الحاضرين ان شاء الله مش هنقل بأذن الله عن 1000 طالب والتفاصيل كلها والمشاركه معنا في اللينك ده : ‏lnk.co/gxcba

messam ممكن أكلم حضرنك على الفيس بوك لو كنتي/ كنت عايز /عايزة تديني الايميل بتاعك

ماشى بس التعليم كله ف الوقت ده صعب لازم يجى تدريجى و حبه حبه يبقى العاصى متقى و لا ايه

احـنـا بنقول انـ مطالبنــا هتـكون وحـدة وحـدة بأذن الله يـــRukawa يشرفنــى اكون صديقـك احترامى لكم جميعا ولقواعد المنتدى وعشان محدش يقول انى بعمل اعلان لنفسى معاكم الاكونت بتاعى فى رابط المناسبة على الفيس بوك تقدر تعملى أضافــة يــwargreymon
دة لينكـ المناسبة على الفيس بــــوك : lnk.co/gxcba

اخر الاخبار: عملنا في مظاهرتنا مجموعه لمعرفه مشاكل الطلاب وتقديم الاقتراحات والحلول

وأنت هتستفيد إيه لما الامتحانات تتأجل ؟ في ناس ليها مصالح و بعدين كل واحد مش عاجبه حاجة يطلع يعمل مظاهرة؟ ده كلام يعني؟ وبدل متطلع مظاهرة و تضيع وقتك روح ذاكر كلمتين و بعدين يبقى تكلم عن تأجيل الامتحانات

حضرتك في ثانويه عامه ؟ ثانيا انت عارف يعني ايه مظاهره ؟ ثالثا انت مش بتشوف الدول المتقدمه بيعملو فيها مظاهرات عشان ايه ؟؟ رابعا انا في ثانويه عامه ازاي مش هستفيد لما الامتحانات تتأجل يافندم حضرتك ايام المظاهرات في ناس كتيره اوي مكنوش بيروحو الدروس خوفا من بطش البلطجيه انا نفسي اتأجل ليا 5 دروس وضاعواا علي الفاضي!! حكم قلبك قبل عقلك خامسا مذكرتي ده مستقبلي اظن انو مش هيفيدك في حاجه .. ارجو اكون وصلت لو في حاجه كنت قاسي فيها شويا ده منطلق العصبيه مش اكتر

وأنت هتستفيد إيه لما الامتحانات تتأجل ؟ في ناس ليها مصالح و بعدين كل واحد مش عاجبه حاجة يطلع يعمل مظاهرة؟ ده كلام يعني؟ وبدل متطلع مظاهرة و تضيع وقتك روح ذاكر كلمتين و بعدين يبقى تكلم عن تأجيل الامتحانات

مش فاهمه ازاى يعنى ملناش مصلحه فى التأجيل ؟؟؟؟ ايه الكلام الغريب ده ؟؟؟؟
وبعدين احنا فعلا مش قادرين نذاكر من التوتر ده غير ان اجازة الترم احنا كان المفروض نلم فيها اللى فاتنا ومقدرناش بسبب اللى حصل
ياريت كل واحد وهو بيتكلم يعرف هو بيقول ايه

انت بتكلم كويس بس انت عيل ملكش لازمه وكلكو عيال ملكمش لازمه وابقي قابلني ان حد سمعك او يتحرك معاك

انت بتكلم كويس بس انت عيل ملكش لازمه وكلكو عيال ملكمش لازمه وابقي قابلني ان حد سمعك او يتحرك معاك

ممكن توضح معنى كلامك يعني أيه يعني أيه كلنا عيال ملناش لازمة؟ هما مش العيال دول هما اللي عملوا الثورة وكان لهم الفضل في تغيير حال البلد
ثم وإن بلغت من العمر ما بلغت ألم تكن ذات يوم من هؤلاء ( العيال )
لم لا تكون اللغة المتبادلة بيننا لغة أحترام وإن أختلف العمر؟
تذكر أن من حقك التعبير عن رأيك عن رأيك بحرية ولكن عليك أحترام آراء الآخرين

يا messam مهما الوزارة عملت هيكون في حدود للتأجيل لأن رمضان السنادي بدري وفي تنسيق وفي سنة دراسية جديدة المفروض تدخل وبرده لازم تكون الاجازة مدتها معقولة علشان ندخل الكلية بمعنويات عالية (وجهة نظر)
تقبل مروري

و الله يا صاحب الموضوع إنني أفهم المظاهرات أكثر منك و مثقف أكثر منك و بلاش دلع و كلام فاضي و تضييع وقت وخلي فيه ذوق في الكلام

هو في ذوقك إكتر من اني قولتلك حضرتك ويافندم ده مش ذوق علي العموم المشاركات موجود والاعضاء يحكمو بنا ثانيا حضرتك مردتش ليه علي اللي بيقول علينا عيال وملناش لازمه ثالثا عصر الرئيس مبارك خلص من بدري خلص زمن السكوت علي الفساد وبالنسبه لاخ او الاخت المياه رأي حضرتك فوق راسي وشكرا علي ذوقئك وبالنسبه لأخ ذكي شكرا العيال ده انا شاء الله هتشفوف هتعمل ايه مش هنسكت لازم المسئولين علي نقاط الفساد

حصل خير بيننا و الذي يقول عيال فالعيال دول رجالة بتصرفاتهم و مش بسنهم يا باشا

يا شباب مش كل حاجة عاوزنها تبقى بالمظاهرات احنا ممكن نحققها من خلال النت او على لينك وزارة الدخلية على الفيس بوك
الصبر يا شباب

اكييد من حقنا بس انا من رايي اننا لو ضغطنا عليهم ممكن ينتقمو مننا في الامتحانات

حصل خير .. ثانيا ياسندريلا مش لدرجه الانتقام مننا زمن الرئيس مبارك خلص من 11فبراير .. ثالثا : ايه رأيكم في المحذوف ..

مصر اولا قبل مطالنا انقذوا البلد قبل الانهيار لا للمظاهرات والاعتصامات والاضرابات