أناشد كا معلمى مصر إننا نقف إيد واحدة لنحقق كل مطالبنا من تلك الوزارة اللى نهبانا وعلى الفكرة التظاهر مش هيكون أمام الوزارة لأن من الأخر الوزير واللى معاه مش هيعملوا أى حاجة لينا الكلام حصل النهاردة بالوزارة وبعد البهدلة وقلة القيمة اللى شفناها من الأمن ومن موظفى الوزارة اللى حابوا يجملوا بعلم الوزير اللى كان جالس فى مكتبه و بعد الإحتكاك اللى حصل بينا طلب وزيرنا الهمام 10 مننا لمقابلتوا وبعد المقابلة عرفنا إن مفيش أى حاجة من مطالبنا هتتنفذ بمنتهى البساطة ... إخوانى معلمى مصر كلها لو فيكوا ذرة نخوة أو شهامة ولو أنتوا رجالة بجد نقف كلنا إيد واحدة ضد فساد الوزارة وتكون واقفتنا أمام المجلس الأعلى للقوات المسلحة ( بشارع الطيران ) ويتم تحديد الميعاد فيما بعد
** على فكرة أحد موظفى الوزارة أثناء التظاهر قالها كدة بصريح العبارة إنتوا جايين تقسمونا فى فلوسنا ؟ دا معناه إيه

الاتحاد مطلوب بقوة في هذه الايام ولنكن سويا ضد الاستبداد لان الديكتاتورية زمنها انتهــــى

لابد من الاعتصااااام حتى يصل صوت المعلمين

بدر شال العمالة المقنعه بالوزارة وجمال الدين رجعهم تانى
ياترى هيحاسبو الناس دى بحد أقصى للمرتبات ؟
لما نشوف هيعملوا ايه

العدالة تبدأ بتحديد حد ادنى وحد اقصى للأجور

والله ما حد هيعبرنا لأن إحنا أكدنالهم إننا فنجرية بق وكدابين زفه ومافيش مننا فايدة وأنا أعلنها صراحة إن لفظ مدرس عار وندمان ع اليوم اللي تم وصفي بيه بكلمة مدرس لأنها كلمة ف الزمن ده تعتبر قليلة الأدب وبتدل على عدم النخوة

على فكرة معلمون الوادي الجديد يواصلون اعتصامهم لليوم الثالث مما ادي الى توقف الدراسة بسبب خلو المدارس من المدرسين بجد جدعان وربنا يوفقهم لانه ماضاع حق ورائه مطالب

اطالب معلمى مصر بالاضراب عن التدريس من يوم الخميس القادم على مستوى الجمهوريه

والله العظيم رجالة معلمين الوادى الجديد

مجرد ملاحظة
كل الموضوعات التحريضية كتبها مجموعة اعضاء جديدة
ربما يكون الهدف من تسجيل هذه العضويات الجديدة التخريب والمساهمة فى الثورة المضادة
الرجاء الانتباه ايها المعلمون لمثل هذه المخططات
وحفظ الله مصر

ياناس حرام عليكم
اللي بتعملوه في مصر
دعوها حتى تقف على ارجلها مرة اخرى
ثم نجني ثمار خيرها

اتقووووووووووووووووووووووووووووووووووووووووووووووا الله
عضو جديد كذلك يمارس تحريضا سيئا
ويسجل بأكثر من اسم ويعدد المواضيع ثم يخرج لينشر سمه فى بقية المنتديات
فليكن المدرسون على قدر المسئولية التى أو كلهم الله إياها ووكلهم بها
ولا ينساقوا وراء ناعق بباطل

ربنا معانا

نحن معكم فلن نا خذ حقوقنا الا بالاضراب

يا ترى امتى نتفق

لن نتفق مادام كلٌ يبجث عن مصلحته الشخصية
أبشروا ياقومى الذين لا تعلمون لن تنالوا أبيض ولا أحمر لا عاجلا ولا آجلا
دوموا على ما أنتم عليه حتى يضيع البلد ونصافحكم واحدا واحدا ونهنئكم فردا فردا
سلم يارب
رأسى سينفجر من الانفعال

ويا ترى يا استاذ محمود انت تعرف سبب الإضراب ؟!!!
يعنى بالبلدى كده انت مطالبك ايه علشان نتفق عليها قبل الإضراب اللى انت بتدعى ليه
الحكاية مش حكاية كلو يوم واحد يطلع يقول للناس من حواليه يلا نعمل اضراب والسلام حرام عليكم هتخربوا فيها ايه
انا معاك لحد ما اموت بس لو انت على حق ومطالبك حقيقية وواضحة ومكتوبة و مدروسة انما الاضراب لمجرد المنظرة والتخريب انسى

كفايه حرام البلد بتنهاررررررررررررررررررررررررررررررررررررررررررررر رررررر

ويا ترى يا استاذ محمود انت تعرف سبب الإضراب ؟!!!
يعنى بالبلدى كده انت مطالبك ايه علشان نتفق عليها قبل الإضراب اللى انت بتدعى ليه
الحكاية مش حكاية كلو يوم واحد يطلع يقول للناس من حواليه يلا نعمل اضراب والسلام حرام عليكم هتخربوا فيها ايه
انا معاك لحد ما اموت بس لو انت على حق ومطالبك حقيقية وواضحة ومكتوبة و مدروسة انما الاضراب لمجرد المنظرة والتخريب انسى
محدش يقول البلد هتقع البلد بتغرق ماهى بتيجى عند المدرسين وتقف
أفيقوا أيها المعلمون ... أفيقوا ...
تم رفع الحد الأدنى لأجور الأطباء إلى 1200 جنيه
عارفين ليه ؟ علشان عندهم نقابة محترمة
بتتكلم باسم جميع الأطباء
أما المعلمين ياعينى غلابة ملهمش نقابة تحميهم ولا هم متحدين لأخذ حقوقهم
أفيقوا أيها المعلمون ... أفيقوا ...

(1) وضع حد أدنى للأجور بالتربيه و التعليم 1500 جنيه . و هو يعد مطلب أساسى للجميع , حيث أنه لا يخفيك علما" أن الأجور بوزارة التربيه و التعليم متدنيه جدا" جدا" .
(2) وقف العمل بالنقابه الحاليه , و عمل إنتخابات حرة و نزيهه فى أقرب فرصه , حتى يكون هناك نقابه حقيقيه للمعلمين تعمل على مصالحهم و حقوقهم .
(3) وقف ما يخصم من المعلمين من ضرائب كسب عمل وغيرها دون وجه حق حيث أكدت محكمة استئناف القاهرة عدم أحقية مصلحة الضرائب في احتساب ضريبة كسب عمل علي ما يقابل العلاوات الخاصة التي يتم ضمها إلي المرتب الأساسي وكذا الأجور المتغيرة والحوافز والمكافآت يوم خضوعها لهذه الضريبة .
(4) تثبيت المعلمين المتعاقدين ( كل أشكال التعاقد عادي ومميز ) وتحسين أجورهم وكذلك ضم المدة التي عملوا بها إلى تاريخ تعيينهم
(5) وضع (حملة الماجستير والدكتوراة) الذين حرموا من مكانهم الطبيعي في الجامعات في مكان يليق بهم بتعيينهم في أكاديمية المعلم أو على الأقل تسكينهم فورا على مستوى كبير .
(6) إعادة النظر في الدرجات المالية حيث يعاني الآلاف من عدم حصولهم على درجاتهم المالية بداعى الكادر الخاص للمعلمين و نزول الدرجة المالية من تاريخ صدورها فى 7/2010 و بلا استثناءات .
(7) منح مميزات الكادر لكل فئات المجتمع المدرسى من إداريين و عمال النظافه حيث أنهم لا يقلون فى الأهميه عن المعلمين .
(8) منح العلاوة التشجيعية لمستحقيها عن العام المالى 2009 / 2010 وما يليه فى مواعيدها مساواة بباقي العاملين بالدولة.
(9) منح المعلمين كل من بدل المعلم و بدل الاعتماد وفق الأساسى الفعلى و ليس وفق أساسى 30/ 6 من العام السابق مع إلغاء قرار وزير المالية 446 لسنة 2007 و ما تلاه من قرارات متعلقة بذات الموضوع لمخالفتها للقانون 155 لسنة 2007.
(10) منح العاملين حافز الإثابة المقرر بالقانون 114 لسنة 2008 اذ أن مكافأة الامتحانات هى أجر مقابل عمل يؤديه المعلم.
(11) عدم مد سن المعاش إلى 65 سنة لإتاحة الفرصة للشباب.
(12) حق كل مدرسه فى توقيع عقوبات على طلابها و منها الفصل فى جميع المراحل حتى الإلزامية منها.
(13) اتخاذ الاجراءات القانونية تجاه اى اعتداء يقع على المعلم داخل عمله أو بسببه لحفظ كرامة المعلم.
(14) زيادة مكافأة الامتحانات لتصبح 500 يوم بحد أدنى 4000 جنية.
(15) إلغاء ندب المعلمين خارج محافظاتهم للمراقبة على لجان الامتحانات العامة و أن تكون برغبة المعلم.
(16) إلغاء نظام ملف الإنجاز بشكله الحالى

بسم الله الرحمن الرحيم

السيد المشير محمد حسين طنطاوي : رئيس المجلس العسكري
السيد المحترم : عصام شرف رئيس وزراء مصر
السيد: الدكتور أحمد جمال موسي وزير التربية والتعليم
نظرا لاستمرار تجاهل وزارة التربية والتعليم للمطالب المشروعة للمعلمين والتي تكفل لهم ولأسرهم عيشة كريمة ومستقبل أفضل ... واستمرار الحكومة في أمتهان كرامة المعلم وعدم الاستماع الية بل وصل حد الأستهزاء بالمعلمين ان وزير التربية والتعليم رفض مقابلة مندوبين وممثلين عن المعلمين لعرض مطالبهم والتي سبق وقد ارسلنا نسخة منها للمسؤالين في وزارة التربية والتعليم .. وبناء علي ما سبق نـعلــن نـحـن معلمين مصر عن مقاطعة أعمال المراقبة والملاحظة في كل الشهادات العامة ( الثانوية العامة \ الدبلومات \ الإعدادية \ الابتدائية) واستمرار الإضراب ردا علي إهانة وزير التربية والتعليم لمعلمين مصر وردا علي تجاهل الحكومة لمطالب المعلمين واعتراضا علي مستوي المعيشة المتدني للمعلم المصري .
والله المستعاااااااااان وحسبنا الله ونعم الوكيل

نحيط علم سيادتكم انه ان لم تتحقق كل مطالبنا وهي
1- رفع الحد الادني للمعلم 1200جنيها طبقا للحكم الإداري
2-زيادة مكافأة الامتحانات إلي 500يوم
3- تثبيت كل المتعاقدين ومدرسي الأجر والمدارس الخاصة دون شروط ..
4- إلغاء امتحانات الكادر
5- عودة الدرجات المالية والترقيات التي حرمنا منها
7- حل نقابة المعلمين وعدم تدخل الأمن فيها وعمل انتخابات حرة نزيها وتفعيل دور النقابة
8- إلغاء مكاتب الأمن التي بالإدارات التي كل عملها كتابة تقارير إلي امن الدولة
9- إصدار حزمة قرارات وقوانين تعيد هيبة المعلم وإعادة هيكلة المديريات والإدارات التعليمية بفكر جديد
10- زيادة الحوافز إلي 75% أسوة بباقي المحليات
11- أن تتغير سياسة الوزارة والمديريات والإدارات في التعامل مع المعلم والكف عن سياسة التعالي والاستخفاف
12- فتح باب التعاقد للخريجين المتعطلين عن العمل وخاصة خريجي التربية
13- أن يكون انتدابات الامتحانات للثانوية والدبلوم في محيط المحافظة فقط
14- تسوية أوضاع المعلمين والإداريين الحاصلين علي مؤهلات عليا أثناء عملهم
سيادة الوزير أن لم تتحقق مطالبنا لنا انتفاضة وغضب المعلمين أمام وزارة التربية والتعليم ومديريات التربية والتعليم بالمحافظات وستستمر إلي أن تتحقق كل مطالبنا

كلام جميل
طلبات معقوله
نتفق ونحدد موعد الوقفه

كل واحد بيقول ان حرام وان المعلم عليه ان ينتظر ..... لانه مولعها دروس او عنده رزق تانى اما ال معتمد على المرتب فمش عارف من هنا لحد اخر الشهر حيعيش ازاى

العدالة تبدأ بتحديد حد ادنى وحد اقصى للأجور

اللى ولعوا فى البلد وهربوا خرجوا فى مظاهرات يطالبوا بتحسين اوضاعهم وتم الاستجابة لهم فورا وحتى الان لم يقوموا بعملهم
ونحن عندما نطلب الكرامة ياتى الرد من داخلنا ...لا مش وقته ....لادول دسيسة واذيال .....لا دول فلول الجزب
كلام فاضى وانقسام عير مبرر .
اللى بيقول مش وقته ....يقول امتى وقته واحنا نستنى لما ييجى وقته
واحنا لو وجدنا من يسمع لنا باهتمام ويبدا ولو بالافراج عن الدرجات والباقى تحت الدراسة والتنفيذ بجدول زمنى
ما كان اى انسان يتحدث عن مظاهرة او اضراب او اعتصام او تعطيل امتحان او تعطيل تصحيح ...الخ

حددوا ميعاد للاضراب او للتجمع امام المجلس العسكرى او مجلس الوزراء فرئيس الوزراء جعل هناك قاعة لمقابلة المتظاهرين والتحدث معه وسيبكم من هذا الوزير الذى لا يهمه سوى العاملون بالوزارة يا وزير التعليم من يصلح التعليم هم المعلمون وليس من تكدسهم عندك بالوزارة بلا عمل مجاملة لرضا ابوسريع وانفاق عائد الوزارة عليهم ونحن باذن الله لن نسكت على حقوقنا التى يلتهمها العاملون لديك فى الوزارة وحسبى الله ونعم الوكيل

نعتصم من اجل إلغاء امتحان الكادر هذه نصيحتى الاخوة معلمى الازهر والتربية والتعليم قولوا لالالالالهذا الامتحان الحقير الذى قلل من هيبة المدرس وكرامته قولوا لالاحتى تعود للمدرس مكانته لالا لدخول هذا الامتحان المسمى بالكادر وشكرا







http://www.thanwya.com/vb/life/buttons/report.gif أبلغ عن مخالفة (http://www.thanwya.com/vb/report.php?p=3202898) http://www.thanwya.com/vb/life/misc/progress.gif http://www.thanwya.com/vb/life/buttons/edit.gif (http://www.thanwya.com/vb/editpost.php?do=editpost&p=3202898) http://www.thanwya.com/vb/life/buttons/quote.gif (http://www.thanwya.com/vb/newreply.php?do=newreply&p=3202898) http://www.thanwya.com/vb/life/buttons/multiquote_off.gif (http://www.thanwya.com/vb/newreply.php?do=newreply&p=3202898)