سلام عليكم ورحمة الله وبركاته:)
أنا قرأت المدونة ديه وعجبتنى جدا يارب تعجبكم كمان
المهم ابدأ بقى


مقدمة
شيء طبيعي جدا أنكم تشوفوا شحات في أي مكان مهما كان صحرا إن كان أو بستان لكن اللي مش طبيعي إنكم تشوفوا شحات هنا بينكم على النت , و ليه لأ هو الشحات ده مش بني أدم زيكوا و لا إيه . محدش يستغرب سيزول العجب حالا لما أحكيلكم قصتي....
أنا شاب عادي جدا حاصل على مؤهل جامعي . منذ خمس سنوات ذهبت لأصلي المغرب في أحد المساجد القريبة من منزلي و بعد الصلاة وجدت شاب لابس جلابية بيضة و في يده كيس قسطرة البول وواقف يشحت , و ما أن رآني هذا الشاب الا و أرتبك و أدار وجهه بسرعة , لكني عرفته , هذا الشاب كان يعمل معي في نفس الشركة التي عملت بها لمدة سنة و التي تقع في أحد محافظات الوجه البحري , مصدقتش عنية , لكن إرتباكه عندما رآني أكد لي أنه هو , لكن حاجة غريبة الولد ده كان متعلم تعليم متوسط و كان إنسان كويس و عادي...
لكن اللي بيعمله ده مش شحاتة , ده نصب رسمي .
قلت لنفسي إن كونه ذهب الى بلد آخر محدش يعرفه ده كويس لكن اللي مش كويس أنه ينصب و يدعي المرض و من هنا تبدأ قصتي , قررت أن أكون شحات فقط لا أدعي مرض ولا أكذب فقط أقول أني فقير و محتاج مساعدة و ده حقيقي و قررت أن يكون المكان الذي أشحت فيه بعيد جدا عن مقر سكني...
أنتظروا بقية قصتي و يومياتي
منقول

شكلها قصة جميلة فى انتظاااااارك

شكرررا على الموضوع

قصة جميلة جدا ..
متشوقة اوي لتكملتها
بانتظاارك ياقمر وهتابعها معاكِ ان شاء الله
بس مكانها القسم الادبي ;)

شكلها قصة جميلة فى انتظاااااارك

شكرررا على الموضوع

العفو..........وشكرا لمرورك .........وان شاء الله هتعجبك:)

قصة جميلة جدا ..
متشوقة اوي لتكملتها
بانتظاارك ياقمر وهتابعها معاكِ ان شاء الله
بس مكانها القسم الادبي ;)

ما انا بعد ما عملت الموضوع افتكرت برده ان مكانها القسم الادبى:blush:..........وان شاء الله لما تتابعيها هتعجبك وشكرا لمرورك يا قمر:)

(2)
إن شحت إشحت جمل
زي ما قلت في المقدمة إن أنا قررت أن أكون شحات و لكن لا أكون متمارض و لا نصاب و قررت طبعا إني أشحت في مكان بعيد لا يعرفني فيه أحد . أيضا جلست مع نفسي و فكرت أني أضع بعض المباديء و الأسس اللي همشي عليها في مستقبل هذه المهنة الجديدة
بدأت أول حاجة منطلقا من مبدأ إن شحت إشحت جمل أن أكون شحات خمس نجوم يعني أنا معرفش أكون شحات تقلديدي زي الشحاتين اللي هدومهم مبهدلة و شكلهم وحش يعني المفروض أني أكون بلبسي العادي على طبيعتي المعنى التاني لخمس نجوم هما الناس اللي هشحت منهم لازم يكونوا ناس أغنياء جدا لأن أنا ميصحش أشحت من واحد زيي أو أفقر مني و كمان الناس الأغنية بيعطوا فلوس أكثر
الحاجة اللي كنت برضوا حريص عليها هي إني متبهدلش , يعني ميتقبضش عليا تحري و يتعملي محاضر تسول لأن أنا عمري ما دخلت قسم شرطة و الحمد لله . مشكلة تانية كنت عاملها حساب هي إن بطاقة الرقم القومي بتاعتي مكتوب فيها حاصل على بكالوريوس و لو لاقدر الله حصلي أي مكروه هبقى مادة إعلامية و هتفضح بين كل اللي يعرفوني .
برضو قبل البداية في أي شيء حددت طريقة الشحاتة أن تكون بسيطة جدا , إني أقول للشخص مباشرة إني محتاج مساعدة و بدون أي لف و لا دوران و لا أي أفلام من اللي بيعملها الشحاتين العاديين , كان عندي إحساس إني إنسان متعلم و هكون أفضل من جميع الشحاتين التقليديين
كنت عارف و متأكد أن مش بسهولة إني أتواجد داخل مجتمع راقي و أمارس الشحاتة بدون أي مشاكل و علشان كده قررت قبل البدأ الفعلي أن أعمل حاجة زي دراسة جدوى للمشروع و حددت لنفسي 60 يوم لكي أدرس كل شيء عن هذه المهنة من جميع نواحيها
بصراحة كنت خايف جدا أني أقدم على هذا المشروع , لدرجة إني أثناء دراستي للموضوع ده كنت بحلم بليل و كان بيجيلي كوابيس.
بدأت بموضوع تغيير المهنة في البطاقة و كان أسهل مما كنت متخيل , غيرتها من حاصل على بكالوريوس الى عامل عادي
عرفت معلومة أنه شرط أساسي أن أنا لازم يكون ليا حد يحميني و عرفت كمان أن الموضوع ده ديته فلوس , و لكني مكنتش مقتنع بالموضوع ده , جايز يكون صح في حالة الشحاتين اللي لهم أماكن محددة بيشحتوا فيها لكن أنا كان تخطيطي خلاف ذلك
أثناء عمل الدراسة للموضوع ده عرفت حاجات كتير عن عالم الشحاتين و أصبحت الخطوط العريضة للموضوع أكثر وضوحا لي ,
و السؤال اللي بيطرح نفسه دلوقتي أزاي عملت الدراسة دي و حصلت على نتائج ؟
الموضوع بسيط جدا زي أي سيرفاي عادي و أسهل كمان , بدأت بمواقف السيارات الأجرة , كان عندي معلومة قديمة أن السواقين اللي في المواقف عارفين أصل و فصل معظم الشحاتين اللي في الموقف , فقط أركب جنب السائق و أقول إنطباعي على أحد الشحاتين الموجودين في الموقف . و هو ما يصدق يبدأ يحكيلي عن أصله و فصلة فمثلا كان في الموقف شحات يده اليسرى مشلولة و عرفت أنها لا مشلولة و لا حاجة و أن الشحات ده بالذات عنده زريبة مواشي كبيرة . شخص أخر كان أكبر سنا و كان تخصص مناديل عرفت أنه عنده بيت أربعة أدوار و عايش عيشة كويسة , و طبعا الشحاتين اللي من هذا النوع مظبطين نفسهم لكن الأمر ميسلمش من محاضر تسول أو تشرد لكن نادرا ما يحدث
عرفت حاجات كتيرة عن الشحاتين و ممكن أبقى أقول بعض التفاصيل في سياق الكلام إذا احتاج الأمر , لكن أهم معلومة خرجت بيها من هذه الدراسة أنه توجد فجوه في الشحاتين الخمس نجوم تماما كما توجد أزمة في الخادمات المؤهل العالي اللي البعض بيسميهم مديرة منزل .
الموضوع ده كان سنة 2005 تقريبا شهر أبريل أو مايو كان إبني الوحيد عنده 3 سنوات و نصف و كنت قد تركت العمل في أوائل سنة 2005 بسبب المدير الجديد اللي كرهني في الشغل و أجبرني على ترك العمل و الأستقالة و زوجتي إنسانة طيبة و بنت ناس و كانت دائما تصبرني و تعطيني الأمل أني سأجد عمل أفضل منه
و في عز صيف 2005 قررت أني أبدأ
و لكن هل سأقول لزوجتي الحقيقة أني هشتغل شحات؟
و كيف أبدأ ؟:blush:

ياااااااااه 106 مشاهدة و5 ردود :blush:.........خلاص مش مشكلة اللى دخلوا قرأوا وما ردوش .....يا إما الموضوع مش عاجبهم يا إما تافه لدرجة انهم مش عايزين يكتبوا تعليقهم عليه ........انا قلت برده يمكن اللى هيقرأه هيقول عليه كدا بس فى الاخر فى حاجة مهمة اتعلمتها.....

ياااااااااه 106 مشاهدة و5 ردود :blush:.........خلاص مش مشكلة اللى دخلوا قرأوا وما ردوش .....يا إما الموضوع مش عاجبهم يا إما تافه لدرجة انهم مش عايزين يكتبوا تعليقهم عليه ........انا قلت برده يمكن اللى هيقرأه هيقول عليه كدا بس فى الاخر فى حاجة مهمة اتعلمتها.....



بالعكس الحكاية شيقة وعايزين نعرف البقية :)
انتي بس اللي عايزة تشوقينا أكتر ;)
منتظرين بقية القصة :d

رووعة كملي ..
بس دا راجل خطير بيعمل فالشحاته دراسة ! :d
مش تتأخري علينا ياقمر

بالعكس دى قصة جميلة جدااااااا
ما يهمكيش عدد الردود والمشاهدات كملى
ده شكله شحااات فيلسووووف هههههـ
فى انتظااار الحلقة القادمة

بالعكس الحكاية شيقة وعايزين نعرف البقية :)
انتي بس اللي عايزة تشوقينا أكتر ;)
منتظرين بقية القصة :d

شكرا ليك يا مستر على ادتنى حماس انى اكمل .........وان شاء الله تتابع للآخر وتعجب حضرتك:)....وبشكر حضرتك عالمرور اللى اسعدنى:)
رووعة كملي ..
بس دا راجل خطير بيعمل فالشحاته دراسة ! :d
مش تتأخري علينا ياقمر
لا ان شاء الله مش هتأخر هيكون كل يوم حلقة ان شاء الله .........وبشكرك عالمرور الرائع يا قمر:)

بالعكس دى قصة جميلة جدااااااا
ما يهمكيش عدد الردود والمشاهدات كملى
ده شكله شحااات فيلسووووف هههههـ
فى انتظااار الحلقة القادمة
اصل اصبت بخيبة امل لما شفت الفرق الشاسع بين المشاهدات والردود:d......بس كلامك رفع من روحي المعنوية:d.....وان شاء الله تعجبك القصة كلها ....بشكرك عالمرور :)

(3)
نويت الشحاتة
لم يكن يتخيل صديقي سامح أن كلمته التي ألقاها إلي و أنا راكب بجواره السيارة "أنت طول عمرك عبقري لكن خلي بالك الفرق بين العبقرية و الجنون شعرة" ثم ضحكنا لم يكن يتخيل أن هذه الكلمة التي لم يلق لها بالاً باتت من أهم العوامل في إتخاذ قراري بأن أكون شحاتاً

, قال هذه الكلمة بعدما إقترب منا شخص في إشارة المرور ليلمع الزجاج بفوطة قذرة ثم أعطاه سامح جنيهاً و كان تعليقي "انا عاوز أشتغل زي الراجل ده , لكن طبعا هشتغل في مكان بعيد محدش يعرفني فيه , الناس دي بتكسب جامد"

أخبرت أهلي و من يعرفني أنني سأذهب الى أحد المناطق السياحية لكي أعمل في السياحة و كان علي أن أختار إما الغردقة أو شرم الشيخ أو الساحل الشمالي
لم أكن أريد أن يكون زبائني المستهدفين من السياح الأجانب حتى لا أسيء الى سمعة مصر و المصريين و لكن كان الزبون المستهدف هم المصريين الأغنياء فقط لذلك وقع الإختيار على السفر الى الساحل الشمالي

منذ سنوات عندما كنت في الجامعة و حينها كانت تتشكل ملامح شخصيتي بفعل المجتمع المحيط بي نصحني أحد أصدقائي في معرض الحديث عن الشحاتين , ألا ترد هذا السائل صفر اليدين , لابد أن تعطيه أي شيء حتى لو شلن , فإن لم تجد فإبتسم له و أدعو له كما يدعو لك بل زده في الدعاء , ربنا سبحانه و تعالى بيقول , و أما السائل فلا تنهر
كنت متأكد أن الشعب المصري يخفي وراء وجوهه و هيأته قلوباً طيبة حنونة

كنت أريد العمل في هذا الكارير لمدة لا تتجاوز الثلاث سنوات أكوّن فيها مبلغاً أستطيع أن أبدأ به مشروعا يعود علي بالربح و من ثم أعيد ما أخذته من الناس على شكل صدقات , و ندرت أن أي مبلغ آخذه أخرج العشر للفقراء وعشر أخر للبر بصوره المختلفة من هدايا و صلة أرحام و عمارة مساجد و خلافه


و جاءت ساعة الصفر و كان يوم جمعة من جمع صيف 2005 الساعة السادسة صباحاً ودعت أهلي ذاهباً الى الأسكندرية و منها الى أتوبيس مرسى مطروح
أستقريت في أوتوبيس مطروح و تحرك الأوتوبيس من الموقف و بعد ساعة من السير في الطريق الساحلي الذي لم أراه من قبل في حياتي بدأت نفسي تحدثني , إيه الهبل ده ؟ شحاتة إيه و هباب إيه عليك و على أهلك ؟ ده جنان رسمي؟
هتشحت فين في الصحرا دي إنزل يا إبن المجنونة إشحت بقى , الصحرا قدامك كبيرة أهي

حينئذ أنقذني صوت من نفسي اللوامة " أنت إن شاء الله هتنزل مرسى مطروح يا أستاذ و لا هتنزل في الطريق؟"
ده الشاب اللي قاعد جنبي بيكلمني , قولت له أصل بصراحة أنا كنت عاوز أدور على شغل في أحد القرى السياحية في الساحل الشمالي , قاللي يعني حضرتك رايح لحد معين؟ قولتله لأ
قاللى انت عارف ان الساحل الشمالى ده طوله اكثرمن 300 كم ؟

قولتله أيوه و يمتد من غرب الإسكندرية لغاية مطروح و بعد كده السلوم و ليبيا يعني ,
" هو حضرتك منين" ده هو اللي بيقول قولتله من المنصورة , قالي يااه إحنا إشتغلنا في المنصورة كتير و عارفها كلها , قولتله إشتغلت في مجال إيه , رد عليا بطريقة إني المفروض أكون عارف الإجابة و قاللي في المعمار طبعاً , دا إحنا قضينا أيام جميلة في شارع الجلاء , قولتله أنا كنت متأكد إنك هتقول شارع الجلاء لأنى كلما سألت شخص كان يعمل أو يدرس في المنصورة يقولي أنه كان ساكن في شارع الجلاء - ربما لأن شارع الجلاء شارع طويل جداً و على جانبيه مناطق كثافتها السكانية عالية جداً - ثم ضحكت فضحك لضحكي

صمت و بعد فترة قولت له انت و الشباب اللي معاك بتشتغلوا في إيه بالظبط؟ ,
قالي إحنا نقاشين , بنشتغل في الدهانات , ماتيجي تشتغل معانا يا أستاذ , الا صحيح أنت إسمك أيه , قولتله إسمي مؤمن , قالي قول بجد أنت إسمك أيه قولتله و الله إسمي مؤمن قاللي عاشت الأسامي يا أستاذ مؤمن ,
قولتله أنت ليه مكنتش مصدق إن إسمي مؤمن , قاللي أصل ده إسم مطعم مشهور كنا شغالين جنبه ,
قولتله ده من منطلق إن مينفعش يكون واحد إسمه كنتاكي أو بيتزا هت فبالتالي مينفعش يكون إسمه مؤمن؟
سكت و إبتسم إبتسامة طالعة بالعافية يبدو أن كلمة "من منطلق" دي معجبتوش , بعد فترة صغيرة من الصمت قولتله و أنت إسمك إيه بقى قاللي إسمي عبود , مرضيتش أشتغله و أقوله دا إسمك و لا إسم موقف ميكروباص , الموضوع مش ناقص إشتغالات كفاية الهم اللي أنا فيه :d

قولتله ماشي يا سي عبود , إنت كنت بتقول أن أنا ممكن أشتغل معاكو , قالي أيوه دا أحنا محتاجين عمال , قولتله لكن أنا معرفش حاجة في النقاشة , قاللي مش مشكلة أنت ممكن تشتغل مساعد في الأول و بعد كده تلقط الصنعة , أنت شايف الواد ده و أشار الى أحد زملائه يجلس أمامنا إسمه أيمن و إحنا بنقوله يا بقلظ , بقلظ ده إتعلم الصنعة في اسبوعين فقط , الشغلانة سهلة أصعب حاجة فيها سكينة المعجون و الباقي كله سهل ,
قولتله و المساعد ده بيعمل إيه قالي ممكن يسنفر أو يبطن أو يساعد الصنايعية , قولتله و يوميته كام على كده , قاللي ممكن 35 لما نوصل إن شاء الله عم عرفة هيترسم عليك و يبينلك إنه مش محتاجك في الأول و بعدين هيحدد لك يوميه 25 أنت متوافقش قوله 40 و هو أكيد هيفاصل , و انت إتمسك ب 35 حتى لو قالك إمشي لأنه هيندهلك تاني ,
العجيب أن السيناريو ده حصل بالضبط مع عم عرفة مقاول الدهانات أول لما وصلنا موقع العمل .

و بدأت العمل بيوميه 35 جنيه مع عم عرفة إستمر 6 أسابيع تخللهم أجازة 5 أيام جمدت فيهم 1000 جنيه بالعافية
أول أسبوع أسندولي مهمة الصنفرة و دي أرخم مرحلة من مراحل الدهانات لدرجة أن صوابعي اليمين و الشمال تورمت و إلتهبت بشده و لما إشتكيت لعم عرفة قال لهم يا ولاد الكلب حرام عليكوا خلوه يبطن
في أخر الستة أسابيع كان الشغل إنتهى و عم عرفة قال هناخد أجازة إسبوع لغاية لما المحارة تتسلم و تنشف و بعدين نيجي نكبس شغل

أشرف سكلانة شخص طيب و أكثرهم خفة ظل نصحني و قاللي أوعى تبقي و لا مليم لعرفة لازم تقطع معاه فرط و يعطيك حسابك كله , خلي بالك لأنه هيستطيبك و بيحاسب كل واحد لوحده , دا راجل مسمار مقطوم
أول 3 أيام أنا كنت هسيب الشغل بالفعل لكن أخذت الموضوع تحدي

أنا إتعاملت مع عمال كتير قبل كده لكن أول مرة أعيش و أكل و أشرب و أشتغل معاهم و إنطباعي عنهم إنهم نفس الموديلات التانية من البشر اللي إتعاملت معاهم و قربت منهم بيفرق فقط إن مشاعرهم واضحة , اللي بيحبك بيكون واضح و اللي بيكرهك برضو بيكون واضح و أعتقد إن ده أفضل , كان بيضايقني إنهم بيشتموا بعض بالأب و الأم و أيضاً ريحة السجاير

في أخر الست أسابيع كنت بقيت أعرف أستعمل سكينة المعجون , صنعة حلوة فعلاً. .

لم تتركني فكرة الشحاتة طوال الستة أسابيع , دائماً كنت أفكر في الموضوع ده و كنت زعلان من نفسي لأني تراجعت في آخر لحظة لكن فعلاً أنا مكنتش حاسبها صح و الحمد لله أديني إتعلمت صنعة
تعرضت لموقف أثناء سفري مرة أخرى في منتصف الست أسابيع مش عاوز أذكر تفاصيلة و لا أتذكره أصلاً ندمت يومها أن أنا غيرت بطاقتي الى عامل عادي ربما لو كانت المهنة في البطاقة حاصل على بكالوريوس كان شفع لي بدلاً من الإهانة اللي شوفتها من شتيمة و لعن لأهلي و اللي جابوني , قررت على إثر ذلك أني أرجع المهنة تاني حاصل على بكالوريوس

بعد رجوعي من مرسى مطروح توكلت على الله و قررت أشحت في القاهرة , العاصمة العملاقة و كانت الأستراتيجية التي وضعتها ألا أتمركز في مكان واحد و شوارع العاصمة كبيرة لا تنتهي , قررت أن أسافر يومياً بالقطار و كل يوم أسرح في مكان مختلف عن اليوم السابق

أقنعت نفسي أن الموضوع ده مش شحاتة و لا تسول ده فقط طلب إعانة
مكثت في البيت إسبوع تقريباً رجّعت فيها المهنة في البطاقة لحاصل على بكالوريوس
و قبيل شهر رمضان بأيام سنة 2005 بدأت سنة أولى شحاتة............

جميييل اوي الجزء ده
متشوقة اشوف هيعمل ايه
هيكمل ويبقى شحات ولا هيحصل حاجة تانية
زي بتاع النقاشة دي
مرسي عالجزء ياعسل

جميييل اوي الجزء ده
متشوقة اشوف هيعمل ايه
هيكمل ويبقى شحات ولا هيحصل حاجة تانية
زي بتاع النقاشة دي
مرسي عالجزء ياعسل

العفو يا جميلة:) .......وهتشوفى هيعمل ايه الحلقة اللى جاية

جميلة جداااااا
بس ايه رايك تذودى
حلقة تانية بدل حلقة وحدة فى اليوم

السلام عليكم و رحمة الله و بركاته
الأخت صاحبة الموضوع
الأخوة المشرفين

أولا شكرا لكم جميعا على الأهتمام بمدونتي و اعجابكم بها

]السلام عليكم و رحمة الله و بركاته
الأخت صاحبة الموضوع
الأخوة المشرفين

أولا شكرا لكم جميعا على الأهتمام بمدونتي و اعجابكم بها



اعتقد حضرتك ان العضوة الكريمة وضحت انها منقولة
وقالت انها من مدونة
لكن مش ينفع تحط رابط المدونة والا ايه لازمة الموضوع ؟
هي بتنزلها على حلقات ولو عرفنا المصدر خلاص
لكن هي قالت انها منقولة
وشكرا لحضرتك على القصة الرائعة :)


سلام عليكم ورحمة الله وبركاته:)


أنا قرأت المدونة ديه وعجبتنى جدا يارب تعجبكم كمان
المهم ابدأ بقى



أنتظروا بقية قصتي و يومياتي
منقول

شكله كدا مش ناوي يشحت
وأكيد هيشتغل شغلانه تانية في الجزء القادم .
علي فكرة
هي الحلقة بتتذاع الساعة كام ؟ :d:d
في انتظار الجزء القادم .

جميلة جداااااا
بس ايه رايك تذودى
حلقة تانية بدل حلقة وحدة فى اليوم

لا لأن حلقاتها مش كتير اساسا فكدة هنخلصها فى يومين ......وانا عايزة يكون تشويق واثارة:rolleyes:............وبشكرك عالمرور اللمض:d

السلام عليكم و رحمة الله و بركاته
الأخت صاحبة الموضوع
الأخوة المشرفين

أولا شكرا لكم جميعا على الأهتمام بمدونتي و اعجابكم بها
العفو .........وانا حبيت انقل المدونة هنا بعد اذن حضرتك يعنى:)..........ولو انى مش حاسة انك صاحبها مش عارفة ليه.......عامة حتى لو كنت صاحبها انا كتبت انها منقولة


]السلام عليكم و رحمة الله و بركاته
الأخت صاحبة الموضوع
الأخوة المشرفين

أولا شكرا لكم جميعا على الأهتمام بمدونتي و اعجابكم بها



اعتقد حضرتك ان العضوة الكريمة وضحت انها منقولة
وقالت انها من مدونة
لكن مش ينفع تحط رابط المدونة والا ايه لازمة الموضوع ؟
هي بتنزلها على حلقات ولو عرفنا المصدر خلاص
لكن هي قالت انها منقولة
وشكرا لحضرتك على القصة الرائعة :)


سلام عليكم ورحمة الله وبركاته:)


أنا قرأت المدونة ديه وعجبتنى جدا يارب تعجبكم كمان
المهم ابدأ بقى



أنتظروا بقية قصتي و يومياتي
منقول

شكرا يا جميلة انك رديتى بدالى;) والحمدلله انى دخلت ومشوفتش رابط المدونة والا كان دمى اتحرق:angry2:

شكله كدا مش ناوي يشحت
وأكيد هيشتغل شغلانه تانية في الجزء القادم .
علي فكرة
هي الحلقة بتتذاع الساعة كام ؟ :d:d
في انتظار الجزء القادم .
اولا حكاية انه يشحت او لا ديه المفاجأه بقى .....والحلقة انا بنزلها غالبا قبل المغرب او بعده بس انهارده هنزلها دلوقتى....وبشكر حضرتك على مرورك الرائع:)

(4)
سنة أولى شحاتة
أتممت دراستي الجامعية في بدايات التسعينات , بعدها التحقت بالعمل مباشرة , لم يكن يحكمني خلال سنوات الدراسة الطويلة من الحضانة حتى البكالوريوس لم يكن يحكمني إلا قانون واحد و هو (إن تذاكر تنجح) , أما و بعد أن تعلق الأمر بأكل العيش فثمة قوانين كثيرة هي التي تحكم , قوانين مفرداتها الواسطة و المحسوبية و الكوسة و الحقد و الغل و الأنتهازية و الوصولية الغش و التدليس


عملت في القطاع الخاص في أكثر من مجال و أكثر من مكان حتى سنة 1996 جمعت خلالها العديد من الخبرات و القليل من المال الذى كان يدوب بيغطي مصاريفي
سنة 96 بدأت مشروع خاص بي و نجحت أن أحقق حوالي 35 الف أرباحاً حتى سنة 2000 عندها أنهيت مشروعي الخاص على غير رغبتي و كان هذا المبلغ دعماً كبيراً في زواجي ,
تزوجت و التحقت بعملاً حكومياً بمرتب جيد , لم يكن مكتوباً لي أن أتم عامي الأول في الوظيفة الميري , حيث تركت العمل بكامل إرادتي دون إقالة أو إستقالة تركته في جو من اللوم من كل من يعرفني
رجعت مرة أخرى للعمل في القطاع الخاص حتى بدايات سنة 2005 كانت هذه الفترة أكثر قسوة علي من فترة التسعينات رغم أنها تشبهها في الخبرات الكثيرة و الأموال القليلة

.
صليّت فجر أحد أيام النصف الثاني من شهر شعبان 2005 وتوجهت الى محطة قطار المنصورة لأستقل قطار القاهرة الذي وصل الى محطة باب الحديد برمسيس في حدود الساعة التاسعة تقريباً,
محطة القطار شكلها كان غريبا هذا اليوم و حتى كوبري 6 أكتوبر كان عبوسا قمطريراً , مأذنة جامع الفتح تنظر الى و كأنها تقول لي “إحنا ناقصينك ؟” و أمام مسجد الفتح كان الهتاف : الحي السابع الحي السابع الحي السابع يا أستاذ ؟ , فركبت دون أن أرد عليه , ركبت الميني باص الكبير اللي فيه طرقة في النص , جلست في منتصف السيارة , و بعد فترة , سمعت ولد صغير بيقول لزميله الراجل ده بيكلم نفسه و بيضحك بدون ما يكلمة حد , باين عليه أهبل , إنتبهت و قولت لنفسي إبسط يا عم أدي لقب تاني أضيف للسي في بتاعتك , دلوقتي بقيت شحات و أهبل كمان


نزلت في أحد محطات مدينة نصر و دخلت أحد الشوارع السكنية مبتعداً عن الشارع العمومي و في عمق المنطقة السكنية بدأت سنة أولى شحاتة


مازلت أتذكر شكل أول شخص سألته المساعدة كان شاباً وسيماً يميل الى الطول كان ينزل من سيارته و يقفل الباب في عجل و يحمل في يده شنطة إقتربت منه و قلت له “ لو سمحت أنا محتاج مساعدة “ قاللي الحقيقة أنا مش من المنطقة ممكن حضرتك تسأل المحل اللي هناك ده على العنوان اللي أنت عايزه , “إما أن سمعه تقيل و ده عادي أو أن صوتك واطي يا سي مؤمن و ده هو اللي مش عادي , الشحات الناجح لازم يكون صوته واضح و مخارج الألفاظ عنده واضحة “ أقول لنفسي معنفاً إيّاها
ثاني شخص كان يهم لركوب سيارته قولتله بصوت واضح أنا محتاج مساعدة و أعطاني جنيهاً
فرحت جداً بالجنيه و حسيت إني عملت إنجاز كبير لدرجة أن أنا كنت عاوز أروّح لأني حققت اللي أنا عاوزه و شحت


ما زلت محتفظاً بهذا الجنيه حتى الأن تحت زجاج الكمودينو بتاعي


أكملتُ يوما شاقاً و صعباً و مهيناً و لم أجمع سوى 26 جنيها و خمس و ثمانون قرشا
منهم من أعطاني عشرة قروش و منهم من يعطيني ربع جنيه و منهم من يعطيني جنيهاً و الكثير كان لا يعطيني أي شيء
كان ينتابني إحساس بالخوف و الرعب يصاحبه رعشة في إحدى قدماي في بداية عمل كل يوم و بدأ هذا الأحساس و أعراضه يتلاشوا تدريجياً بعد ثلاثة أيام
كعادتي في بداية عملي في أي مجال بيكون معدل صعودي و تطوري أعلى من المتوقع
طورت نفسي و علمت نفسي خلال عشرة أيام عمل فقط مهارات أعتقد أنها تغيب على الكثير من الشحاتين التقليديين
,على سبيل المثال لا الحصر الكلام اللي بتطلب بيه المساعده بيفرق جداً و أفضل الكلمات اللي عملت معايا مفعول جامد هي “ لو سمحت أنا ظروفي وحشة و محتاج مساعده


أيضاً الا أقاطع شخصين يتحدثون حديث جاد و لو أن العديد من الشحاتين يفعلونها لإحراج أحد الشخصين ليظهر كرمه أمام الأخر , لكن أنا مكنتش بحب أعمل كده
,
حاجة كمان , حالة الجو بتأثر جداً في مزاج الناس ففي الأيام شديدة الحرارة بيكون المعدل ضعيف و خصوصاً في وسط النهار ,
لم يحدث ووقفت مرة واحدة أمام مسجد
أيضا على عكس ما يتخيله الناس , فإن اللبس النظيف المهندم يتناسب طردياً مع قيمة المبلغ , فالشخص المبهدل المعفن و كأنه يقيم نفسه بربع جنيها , و الشخص النظيف الشيك فشريحته تبدأ من جنيه


عجبت جداً لتباين الناس الشديد , فمنهم من يعطي الصدقة بيمينة و يخشى فعلا أن تراه شمالة و منهم يتمنى لو أن أحد القنوات الفضائية واسعة الأنتشار تأتي و تصوره و هو يعطي الصدقة
لم أتوقف عن العطاء لأي شخص يسألني الصدقة اثناء سفري اليومي ذهاباً و إياباً أو حتى أثناء مواعيد العمل بل زاد حبي للفقراء و المساكين و الضعفاء بعد أن دخلت المهنة


إزداد معدل ما أجمعه يومياً حتى وصل في أخر يوم عمل في شعبان الى 80 جنيهاً في اليوم
بدأت عمل أول أيام رمضان و كانت المفاجأة التي قلبت جميع الموازين
هذا ما سأوضحه في الفصل القادم;)

هههههههههـ ده شحااات شااااطر
بس شكله مش هيستمررررررر
زى الوظااائف التانية
فى انتظااااار حلقة بعد المغرب هههههـ

بجد مدونه رائعه انا متشوقه جدا .

هههههههههـ ده شحااات شااااطر
بس شكله مش هيستمررررررر
زى الوظااائف التانية
فى انتظااااار حلقة بعد المغرب هههههـ
هههههههه.......لا قصدك انتظار حلقة غداااااااا وانا قلت قبل المغرب او بعده واديني نزلتها اهه قبل المغرب .........بشكرك عاللماضة قصدى عالمرور:d


بجد مدونه رائعه انا متشوقه جدا .
الحمدلله انها عجبتك ........وبشكرك على مرورك الجميل يا جميلة :)

قــــصة تحفففففففة بجد ههههههههههههه نفسي اروح اعمل زية ها ها ها ها ونزلي بقي الحلقة الجاية بسررررررررررعة متشووووقين نعرف حصل كام ف رمضان ؟

شكرا يا جميلة انك رديتى بدالى;) والحمدلله انى دخلت ومشوفتش رابط المدونة والا كان دمى اتحرق:angry2:




العفو . اي خدمة :d
سلامتك ياقمر والحمدلله جت سليمة :d

...

جزء النهاردة جميل
والحمدلله بدأ اخيرا فالشحاتة :022yb4:
بس يارب يكمل .. ههه
مرسي ياقمر وبانتظار الحلقة القادمة ..

قــــصة تحفففففففة بجد ههههههههههههه نفسي اروح اعمل زية ها ها ها ها ونزلي بقي الحلقة الجاية بسررررررررررعة متشووووقين نعرف حصل كام ف رمضان ؟

لو هتروحى خديني معاكى انتى هتتصدمى لما تشوفى المبلغ اللى حصله فى رمضان:d..........وشكرا يا قمر على مرورك الجميل:).........بس اسمك صعب يتنطق ليه كدة؟؟؟؟؟؟؟؟




العفو . اي خدمة :d
سلامتك ياقمر والحمدلله جت سليمة :d

...

جزء النهاردة جميل
والحمدلله بدأ اخيرا فالشحاتة :022yb4:
بس يارب يكمل .. ههه
مرسي ياقمر وبانتظار الحلقة القادمة ..



انتى اللى جميلة والله ;)..........وبشكرك على مرورك الرائع:)

(5)
الجبنة الفلامنك


لو شكّت معلمتى منى للحظة واحدة أن تلميذها الذي رشحته لمسابقة أوائل الطلبة سيكون مصيره بعد أكثر من ربع قرن التسول في الشوارع لأضربت عن التعليم حينئذ و تركته , و لو علمت اليوم أن مصير أحد ثمار الفسيلة التي غرستها و أعتنت بها منذ ثلاثين عاما يسأل الناس الحافاً لطاش عقلها و ماتت كمداً

دائماً كانت أحلامي شديدة التواضع , فقط بيت دورين و في أحد المدن الجديدة و حديقة صغيرة حول البيت , أروي زرعها يومياً بخرطوم مياه , لا يهمني نوع المشروع الذي أمتلكه , يهمني فقط أن يكون مشروعاً ذو قيمة مضافة , زراعي كان أو صناعي , و الا يكون محلاً لبيع كروت الموبايلات و تنزيل النغمات و لا كافي شوب , و لا أي شيء على هذه الشاكلة
كما أني لا أحلم بسيارة , فأنا لا أحب أي شيء له علاقة بالتلوث ,
كنت أشتاق لأحلامي دائماً و أنا محشور في الميكروباص أو الأوتوبيس سواء كان ذلك في المنصورة أو القاهرة و أردد بداخلي أبيات جبران خليل جبران

يا بلادا حجبت منذ الأزل كيف نرجوك و من أين السبيل
أي قفر دونها؟ أي جبل سورها العالي و من منا الدليل
أسراب أنت أم أنت الأمل في قلوب تتمنى المستحيل
أَمَنامٌ يتهادى في القلوب فإذا ما إستَيقَظَت و لى المنام
أم غيوم طفن في شمس الغروب قبل أن يغرقن في بحر الظلام

كان أول أيام شهر رمضان سنة 2005 و كعادتي غيرت المكان اللي سرحت فيه في اليوم السابق , طفرة خيالية في إيراد اليوم الأول , كنت متوقع زيادة في الإيراد و لكن ليس بهذا الشكل
شيء عجيب 960 جنيها في يوم واحد , رب شعبان هو رب رمضان و أغنياء شعبان هم أغنياء رمضان و فقراء شعبان هم فقراء رمضان إذن ماذا حدث


لم يستمر الحال كما هو و لكن تناقص الأيراد تدريجياً ووصل الى 250 جنيها في اليوم العاشر و إستمر على هذا المعدل الى بداية العشر الأواخر ثم صعد تدريجياً الى أن وصل الى ذروته ليلة العيد حيث تخطى الألف جنيه بمائتين و فكة

كنت على علم أن شهر شوال يقترب معدل إيراده اليومي من الصفر و أنه الأجازة السنوية لمعظم الشحاتين , فقررت أن أعطي نفسي أجازة طويلة في شهر شوال

أنا أعمل مديراً لجراج أو موقف كبير للسيارات مجاورلأحد الفنادق” هذا ما عرفته عني زوجتي و أصدقائي المقربين , أما عن الإيراد اليومي فأخبرتها أنه البقشيش الذي أقتسمه مع العمال في الموقف حيث أن المرتبات ضعيفة و إقتسام البقشيش عرف معتاد عليه

حوالي 15000 جنيهاً كان أيراد شهر رمضان , ياااه تعبت جداً في هذا الشهر و أفطرت كل الشهر خارج بيتي حيث غيرت مواعيد العمل في شهر رمضان فكانت تبدأ من بعد صلاة الظهر الى ما بعد العشاء و التراويح , يتخللها الأفطار على أحد موائد الرحمن


شيء ممتع جداً أنك تفطر على مائدة الرحمن بين المساكين , موائد الرحمن ليس كلها مساكين و لكن يوجد بها شرائح كثيرة و قد تجد بها الأغنياء , فشيء عادي جداً أن ينزل رجل تبدو عليه علامات الثراء من سيارة فاخرة و يجلس بين الناس على مائدة الرحمن
قضيت أول يوم من أيام العيد نائماً و بدأت أعيّد صباح اليوم التالي , أول شيء كنت عاوز أشتريه جبنة فلمنك لأني نفسي فيها من عشرين سنة


لم أكن أبخل على نفسي في موضوع الأكل ده مطلقاً , أبسليوتلي و لكن الجبنة الفلامنك كانت لها معي حكاية , ممكن يفهم كلامي اللي دخلهم متوسط يعني اللي جاي على قد اللي رايح
الجبنة الفلامنك كان حظها وحش معايا جداً , فلو توفر معي المال و انا اتسوق من السوبر ماركت أو البقال , أتذكر الجبنة الفلامنك و أقوله يعطيني ربع فلامنك , فيبتسم البائع و يقول لي لسه خلصانة , أقول مش مشكلة أبقا أجيبها مرة تانية و عندما أشتاق اليها و أتذكرها تكون الحالة المادية ضعيفة فأفضل عليها الفول و الطعمية و عندما تتوفر الفلوس و تتوفر الجبنة الفلامنك عند البقال و أكون على وشك الشراء و أعطيت البقال طلباتي من جبن و زيتون و مخلل و عيش فينو , أطلع أنا فجأة و أقوله و لا أقولك معلش بلاش الفلامنك مقنعاً نفسي أن كفاية كده مصاريف النهارده و القرش الأبيض ينفع في اليوم الأسود
بدأت أجازتي بشراء ربع فلمنك و ربع زيتون إسود و عيش فينو (حيث أني مقتنع أن ربع الجبن بصفة عامة بيكون طعمه أحلى من النصف) و طالت أجازتي حتى نهاية شهر شوال


كانت أجازة ممتعة قضيتها في فسح عائلية و تسوق و شراء بعض الضروريات في المنزل و راحة أمام التليفزيون و النت كنت أنوي تغيير موبايلي القديم و لكن لم تأتي الفرصة , كان أسوأ ما في الأجازة أنها أنتهت و كان علي أن أبدأ مرحلة جديدة
من السعي مرة أخرى على أكل العيش

لم يبق على عيد الأضحى غير 40 يوماً , بدأت العودة الى العمل و كانت العودة ثقيلة علي و كأنها البداية رغم أنها تختلف عن البداية , شتاء و مدارس و نهار قصير تساوي إيراد قليل و لكن كان يوجد أمل قريب في العشر الأوائل من ذي الحجة و من ثم عيد الأضحى , , أيراد جيد في عشر ذي الحجة و لكن لا يقارن بشهر رمضان , أما عيد الأضحى فكنت أجهز له

العملة المتداولة في عيد الأضحى تختلف عن العملة التي أتعامل بها طوال السنة فالعملة هي اللحوم
العطاء يختلف في عيد الأضحى , فالعطاء الواحد بضع و ثلاثون جنيها و هو ثمن كيلو اللحم حينئذ و لكن تزامن ذبح الأضاحي في وقت واحد و ضيق الوقت ووزن اللحمة يحتاج الى طريقة ممنهجة من التعامل حتى لا تضيع حصيلة يوم كهذا لا يتكرر الا مرة واحدة في السنة


يحتاج هذا اليوم الى ما يعرف في علم الإدارة ب( كوردينيشن) تقريبا ترجمتها باللغة العربية تعني علم التنسيق
إستأجرت سيارة ب 200 جنيها أجوب بها الشوارع طوال يوم العيد بطريقة منظمة و سريعة أتابع من يذبح و من يسلخ و من يقطع و الحق من يوزع , طبعا كنت أترك السيارة بعيداً و أذهب ماشياً الى التوزيع
كان إيراد يوم العيد من اللحم حوالي 150 كجم بعتها جميعها لتاجر بثمن بخس ب 2000 جنيهاً


مرت سنة 2006 بشتائها و صيفها و رمضانها و جزء من 2007 حتى شهرأبريل و في ضحى يوم الخميس التاسع عشر من أبريل 2007 حدث لي شيء غريب كان من نتائجه رفع مدخراتي من 40 الف الى 70 الف جنيهاً


أكثر من سنة و نصف من الشقاء حصيلتها 70 الف جنيهاً , سنة و نصف برمضانين و أضحيين

أصيبت بالقرف من هذه المهنة بعد ذلك لم أعد أستحمل أن تكون يدي هي السفلى
الأن نحن على حافة الفصل الأخير من القصة الذي ستخالف أحداثه جميع التوقعات
و لكن لن يكون الفصل القادم هو الختام
لأن سنة و نصف من العمل في هذا المجال ليس بالشيء البسيط فسوف أتوقف في بعض المحطات قبل أن أصل بكم الى المحطة النهائية و هي الفصل الأخير من القصة , أكرر الذي ستخالف أحداثه جميع التوقعات

هههههههههههههـ وكمااااااان بيتكلم انجليزى
بس على فكرة انا وبقرا وصلت لحد اللحمة
والنور قطع هههههههههـ
بس حلو الايراد ده امن مستقبله اهووو عقبالنا ههههـ
وانا اعرف طريقة شحااات بشوفه دايما فى القطر
وانا رايح الكلية ابقااا اقولكم عليها
فى انتظااار القادم

ههههه ماشاء الله عليه
دا عمل تحويشة كويسة اهو
والاهم داق الجبنة ال نفسه فيها :d
واعتقد مش هيقدر يسيب الشحاتة تاني
زي بيقولو بقت بتجري فدموو
وبانتظاار الجزء الجاي
ومرسي ياعسل

هههههههههههههـ وكمااااااان بيتكلم انجليزى
بس على فكرة انا وبقرا وصلت لحد اللحمة
والنور قطع هههههههههـ
بس حلو الايراد ده امن مستقبله اهووو عقبالنا ههههـ
وانا اعرف طريقة شحااات بشوفه دايما فى القطر
وانا رايح الكلية ابقااا اقولكم عليها
فى انتظااار القادم

أبسليوتلي بيتكلم انجليزي:d.........وابقى اعمل بقى مدونة زى ديه كدة للشحات اللى بتشوفه وانا فى انتظارك لما تنزلها ............يمكن نستفيد من الحاجات ديه لو ضاقت بينا الدنيا يبقى عندنا خلفية عن الحاجات ديه يعنى:d....بجد فى انتظارك ومفيش رجوع فى الكلام:stickjo4:...وبشكرك على مرورك :)

ههههه ماشاء الله عليه
دا عمل تحويشة كويسة اهو
والاهم داق الجبنة ال نفسه فيها :d
واعتقد مش هيقدر يسيب الشحاتة تاني
زي بيقولو بقت بتجري فدموو
وبانتظاار الجزء الجاي
ومرسي ياعسل

العفو يا قمر;)........واهم حاجة زى مابتقولى انه داق الجبنة بعد فراق طويل وعنده الربع بيكون دايما احلى من النص نظرية برده:d........ومشرفانى دايما بردودك الجميلة ديه:)

(6)
الباشمهندس عمرو


بدأ التليفون المحمول في الإنتشار في مصر على نطاق واسع و أصبح الموبايل في يد جميع فئات و شرائح الشعب فقرائها و أغنيائها بل و معدميها , أصبحت هذه التكنولوجيا غير مستغربة في يد أي شخص حتى لو كان شحاتا

إنقسم مستخدمي المحمول وقتئذ الى فسطاطين , الفسطاط الأول و يمثل الشريحة العظمى من الشعب كان يستخدم التليفون المحمول لعمل رنات فقط أو ما يعرف بالميسد كول أو يرسل رسالة مجانية كلمني شكرا
أما الفسطاط الثاني فكانت شريحة رقيقة من النبلاء كانوا يتكلمون مباشرة

طبعا أنا كنت من الشريحة الأولى و كان عندي تليفون مستعمل ماركة فردة الشبشب الشهيرة و أستمر معي الى وقت قريب و كان يستفز خفة دم أصدقائي للتعليق كلما رأوه معي بنكاتهم مثل , لما بتدخل السينيما بتدفعله تذكرة؟ و أكيد الكمسري في القطار بيطوقه , أو ونش المرور ممكن ييجي يخده منك

كنت معتاد على بعض المضايقات من الناس الذين يتطوعون بنصحي و يوبخوني بألفاظ من عينة , روح شفلك شغلة بدل كده و يا بني أنت طويل عريض و بصحتك حرام عليك شفلك شغله أفضل لك , لكن الحقيقة كان ذلك يحدث قليلا و على إستحياء

كان يوما عاديا كأي يوم مر عليّ و كان جالسا بداخل سيارته الفارهة الفخمة و سألته , فنظر الى نظرة حادة من تحت النظارة و هو يعطيني الجنيه و قال “ مش تشوفلك شغلة أحسن بدل اللي أنت فيه ده” على غير العادة قلت له متهكما يعني عندك شغل ليا؟ قال لي بصوت عالي برضو اللماضة في دمكم ,, يله إمشي , , رميت الجنيه في وشة و هممت بالمشي , كانت هذه الفعلة قمة الأستفزاز له “ طيب غور دلوقتي يا إبن كذا و كذا أصل أجيبك تحت عجلات العربية “ و رماني في وجهي بعلبة مياه غازية كانت بجواره و جرى بالسيارة دون حتى ان أرد عليه الشتيمة ,

مشيت قليلا و بعد خمس دقائق وجدته عائد بالسيارة و كأنه يبحث عني فظننت أنه عاد ليكمل و لكن حدث العكس “ متزلعش مني أصل أنا متضايق شوية” قالها بعد أن إقترب مني , قولتله أنت فاكر إن أنا هخاف منك أنت و لا المدرعة بتاعتك دي بأمارة إيه الغروراللي أنت فيه ده أحنا بنى آدمين زي بعض و هممت بالبكاء و لم أبك ,

نزل من السيارة و قبل رأسي فبكيت بشده فأقسم علي أن يشتري لي عصير علشان أهدّي نفسي و أجلسني جنبه بالسيارة و بدأ بالتعارف , أنت منين و ظروفك ايه , قولتله بصراحة كل شيء فلم يصدق الا بعد أن رأي البطاقة , أردت النزول من السيارة قال لي أنتظر هدخل البنك ده و أجيلك على طول , عاوزك , دا أنت حكايتك حكاية , بعد أن خرج من البنك قال لي تيجي معايا إسكندرية صد رد؟ قولتله ماشي

أسمه عمرو عرفت من مكالماته التليفونية التي مفرداتها إيطاليا , الكونتينر , دبي , شركة الشحن , المينا , .... أنه يعمل في الأستيراد و التصدير على مجال واسع بالملايين ,, شخص متواضع و دمه خفيف جدا على النقيض تماما لما حدث بيننا في بداية المقابلة , رجل بيزنيس من الطراز الأول , وقعت قصتي عليه كالصاعقة و في الطريق الصحراوي تطرقنا الى الزكاه و الصدقات , قال لي أنا الحمد لله بطلع زكاتي سنويا 2.5 % من الأرباح قلت له بل من رأس المال , قل بل من الأرباح صممت على رأيي فطلب أحد أصدقائة و سأله يبدو أنه قال نفس كلامي , قفل التليفون و قال لي أنا لازم أسأل شيخ في الموضوع ده لو الكلام ده صح تبقى مصيبة , دا أنا بدفع النسبة من الأرباح

رجعنا من الطريق الزراعي و تركته في طنطا لأركب منها الى االمنصورة على وعد بلقاء أخر بعد أن أخذ رقم تليفوني

الباشمهندس عمرو في العقد الخامس من عمره , ورث عن والده هذا البزنس الكبير , يصوم و يصلي و لا يشرب السجائر , يدير ملايينه بدقة بالغة و لكن للأسف لم تحالفه دقته في حساب نسبة زكاة ماله , فرق شاسع بين النسبة من الأرباح و من رأس المال

مر إسبوعين و حوالي الساعة الواحدة ظهرا رن تليفوني المحمول فرددت الو مين معايا قاللي أنا عمرو أزيك يا مؤمن قولتله عمرو مين , قالي ضاحكا عمرو يابني اللي رميت الجنيه في وشه و كان هيدوسك بالعربية , اللي سافرت معاه إسكندرية , رددت بسرعة اهلا وسهلا ازيك يا باشا , قاللي لو أنت في مصر النهاردة تعال أقعد معايا أنا و أصدقائي هنسهر النهاردة في كوفي شوب , من لبختي ظننت أن الكوفي شوب يعني ملهى ليلي , قولتله ماشي بس ميكونش فيه خمرة , قالي خمرة ايه يا أهبل دا أنا مابشربش سجاير

وصلت في الميعاد و المكان المتفق عليه ووجدته منتظرني بناقلة الجنود بتاعته
قصدي سيارته ال 4 في 4 الفارهة ركبت معه وذهبنا الى الكوفي شوب

كانت الصورة المرسومة لرجال الأعمال في خيالي تختلف تماما عن حقيقة عمرو و أصدقائه , أشرف فقط الذي يدخن , أما الأحمدين فمثل صديقهم عمرو

أعمالهم التجارية مستقرة بعكس ما فعلت بهم البورصة

عرفت أنهم أصدقاء منذ أن كانوا طلاب و أن يوم الخميس ميعادهم الأسبوعي شيء مهم جدا في جدول أعمالهم المزدحم

جلسة خفيفة الظل إمتدت لست ساعات اثاروا خلالها قصتي وأعجبوا جميعا بشخصي , تكلمنا في مواضع عديدة وحين يأتي دوري في الكلام , ينصتون اليّ بشغف و كلما أثنى علي أحدهم قال لهم عمرو مش قولتلكوا , دا دماغ عالية جدا

شكرني عمرو لأني كنت سبب في معرفته نسبة زكاة ماله الصحيحة و عرض علي
أن يساعدني لكي أبدأ مشروعي و لم ينصحني بترك الشحاتة رغم أنه قالها ضمنيا

سألني كم تريد من المال كي تبدأ مشروعك و كم وفرت , قولتله أنا معايا 40 الف و علشان أبدأ محتاج من 80 الى 100 الف قال لي أنا ممكن اسلفك 30 الف و تسدهم بالتقسيط المريح و لو تعثرت يا سيدي أنا مسامحك و معادنا الخميس اللي جاي و بالفعل نفذ وعده و أعطاني 30 الف و رفض أن يأخذ وصل أمانة

الباشمهندس عمرو مازل على اتصال بي حتى اليوم يطمئن على حالي و أحيانا أكون ضيفا عليهم في لقاء الخميس

الفصل القادم سأحكي بعض المواقف و الفصل اللي بعده ستكون الخاتمة

مبسوطه انى اول واحده اقرأ الفصل الاول و بجد مستنيه الباقى بفارغ الصبر و ربنا كفائه لانى انسان كويس و لم يضر احد رغم انه كان يشحت بس الى مضايقنى ان الشغلانه دى بتيجى اوى على كرامة الواحد و هو ازاى قبل كده على كرامته .

مبسوطه انى اول واحده اقرأ الفصل الاول و بجد مستنيه الباقى بفارغ الصبر و ربنا كفائه لانى انسان كويس و لم يضر احد رغم انه كان يشحت بس الى مضايقنى ان الشغلانه دى بتيجى اوى على كرامة الواحد و هو ازاى قبل كده على كرامته .

اه عندك حق وبيصعبوا عليا عشان كدة .........بس هما اعتقد بيكونوا مش فارقة معاهم ..........وبشكرك على مرورك الجميل:)

معقولة فى ناااس بتسلف فلووس كده
من غيررر وصل اماااانة مش معقولة
فصل حلووو والله
بس على فكرة القصة بتاعتى بسيطة مش مدونة
يعنى هههههههـ وانا هعرفه منين علشان اعمل مدونة
انا بشوفه بيعمل ايه وبس
فى انتظاار القادم

معقولة فى ناااس بتسلف فلووس كده
من غيررر وصل اماااانة مش معقولة
فصل حلووو والله
بس على فكرة القصة بتاعتى بسيطة مش مدونة
يعنى هههههههـ وانا هعرفه منين علشان اعمل مدونة
انا بشوفه بيعمل ايه وبس
فى انتظاار القادم

اه على فكرة فى ناس بتسلف من غير وصل امانة بيكونوا قرايب وكدة ..........
مش اغراب زى اللى فى المدونة بس لو لاحظت ان عمرو ده مكانش بيطلع الزكاة صح فهو اعتقد عمل كده بنية الزكاة لو مؤمن مرجعش الفلوس
ولو رجعها يبقى خلاص ده اللى انا بعتقده يعنى..........
وثانيا بالنسبة للشحات اللى انت بتشوفه انا عارفة انها قصة بسيطة بس انت ممكن تعمل حبكة دراميه عليها وتألف من عندك شوية هتبقى زى ديه او ممكن تخليها قصة بقى المهم انك تقولها عشان بحب القصص ديه جدا:bosyht9: ...........
وشكرا لمرورك:)

اه على فكرة فى ناس بتسلف من غير وصل امانة بيكونوا قرايب وكدة ..........

مش اغراب زى اللى فى المدونة بس لو لاحظت ان عمرو ده مكانش بيطلع الزكاة صح فهو اعتقد عمل كده بنية الزكاة لو مؤمن مرجعش الفلوس
ولو رجعها يبقى خلاص ده اللى انا بعتقده يعنى..........
وثانيا بالنسبة للشحات اللى انت بتشوفه انا عارفة انها قصة بسيطة بس انت ممكن تعمل حبكة دراميه عليها وتألف من عندك شوية هتبقى زى ديه او ممكن تخليها قصة بقى المهم انك تقولها عشان بحب القصص ديه جدا:bosyht9: ...........

وشكرا لمرورك:)


ان شاء الله هحاااول اكتبهااااااا

غريب اوي موقف الباشمهندس عمرو
بس تفضل القصة من الخيال ..
جزء مشوق وغير متوقع ابدا
وبانتظار الباقي بكل شووق ..
ومرسي ياجميل

غريب اوي موقف الباشمهندس عمرو
بس تفضل القصة من الخيال ..
جزء مشوق وغير متوقع ابدا
وبانتظار الباقي بكل شووق ..
ومرسي ياجميل

العغو يا قمر .......
بس ليه مستغربين موقف عمرو ؟؟؟؟؟؟؟:blush:
هى الناس بقت وحشة اوى كدة لدرجة ان مينفعش حد يعمل زى ما عمل الباشمهندس عمرو:o .......فى ناس لسة كويسة والله وبيعملوا كدا.......وشكرا لمرورك الجميل:)

(7)
فضفضة شحات


تعودت الإنقضاض على الشخص المستهدف أثناء إستوائه على مقعد السيارة سواء كان يهم بالنزول أو بعد الركوب أو أثناء إنتظاره بالسيارة لأي سبب , إكتسبت فراسة تجعلني أتوقع من يعطي ممن يمنع و كانت نادراً ما تخيب فراستي


كما رأيت صاحب القسطرة المذكور في مطلع القصة ... فقد رآني ثلاثة هناك


الأول ... أول دفعته , و نابهة زملائه , حصل على الماجستير و الدكتوراه من أحد الجامعات الأوروبية و عاد ليدرس في أحد الجامعات المنتشرة في القاهرة و ما حولها و كان صديقي في الجامعة و كان يجلس في سيارته اللادا البيضاء , إقتربت منه و أنا له منكر , لو سمحت أنا ظروفي وحشة و محتاج مساعدة , هم بوضع يده في جيبه ناظراً لي في نفس الوقت , يخرب عقلك أنت مش هتبطل الإشتغالات بتاعتك دي , دا أنا إفتكرتك شحات بجد , نظرت اليه و غيرت المود بمهارة تفوق مهارة أبو تريكة في بطولة أفريقا , حبيبي بالأحضان , بس دخلت عليك , مش كده؟؟


لا عجب , إنه الستر , نعمة لا يدركها كثير من الناس و لكني أحسستها و كما سترني الله مع الأول فقد سترني الله مع الثاني و الثالث , سبحانه , كريم في ستره
و أنت هنا بتعمل ايه؟ لأ مفيش دا أنا جاي هنا لولد عندي في الكلية أعطيه درس خصوصي
نزل من على منصته و ترك مدرجه و أغلق معمله و أتى بنفسه ليعطي درساً خصوصياً للبيه إبن البيه
و أنت بتشتغل في أيه دلوقتي ؟؟ أجبته بكلمتي الفضفاضة , بشتغل في البيزنس فلم يستفسر عن نوع البيزنس و غير الموضوع


الثاني ... طبيب بيطري , طرف قرابة بعيد , و صديق صديقي , ترك الثروة الحيوانية و كره الحيوانات و لم لا فقد أعطته شركة الدواء الأجنبية سيارة و مرتب كبير منذ تخرجه ليكون مندوبها العلمي
يعمل مديراً (سوبر فايزور) لمندوبين علميين لشركة أجنبية تروج ثلاثة أنواع من أدويتها في مصر ,
لا قدر الله لو أحتجت أن تشتري دواءنا فلا تشتريه فإن البديل المصري بعشر الثمن و نفس المادة الفعالة” هو هو قالها ينصحني
أكملت كلامه بسرعة أيوه أيوه و أنتم طبعاً بتعطوا الدكاترة هدايا و عينات و تعزموهم على مؤتمرات و تسفروهم الخارج على حسابكم علشان يكتبوا هذه الأدوية
قاطعني , موضوع الهدايا و المؤتمرات ده بقى قديم يا باشا , دلوقتي بقينا بنجيب من الأخر , شيك نقدي للبيه الدكتور أول كل شهر علشان يكتب الدوا في الروشيتة


الثالث ... مهندس مدني
إدعيلي أصل أنا متورط و مظلوم في قضية كبيرة جداً و طالع بكفالة كبيرة , سيارته الفخمة و ملابسه الأنيقة و شقته التمليك لا توحي بأنه يعمل مهندسا في أحد الأحياء , فراتبه لمدة ثمانون عاما لا يأتي بهذه الشقة و لم يكن له أي أملاك عن والده و كان رديفا للفول و الطعمية في الجامعة إذن من أين لك هذا ؟


قابلتهم جميعاً هناك , ثمة شيء مشترك بيني و بينهم و بين صاحب القسطرة , لا أدرك بالضبط ما هو العامل المشترك الأعظم بيننا جميعاً .


كان مدرس التربية الدينية في المدرسة الأعدادية يتعمد أن يختار حصصه متزامناً
مع صلاة الظهر لعلمه حب الأولاد للحصص التي يقضونها خارج الفصول
كان يأخذنا ليعطينا درس الدين في مسجد المدرسة و من ثم نتوضأ و نصلي الظهر خلفه و من يومها لم أترك الصلاة في حياتي الا لعذر أو مرض
أحسبُ أن الله سيأجره مثل أجر صلاتي و ركوعي و سجودي , دون أن ينقص من أجري شيئاً منذ عودني الصلاة , و لا أزكي على الله أحداً


ترك المدرسة بعد الصف الأول الإعدادي و لم أره بعدها و لم أتذكر إسمه
لم يكن معمما و لا أزهريا و لا ملتحيا و لكن كان مخلصاً في عمله برغم أن مادة الدين كانت لا تضاف الى المجموع الكلي
لم يمسك عصاً قط و لم يكن شرساً بل كان هيناً ليناً


نشأت في بيئة متدينة و عائلة مثقفة و تربيت على الأخلاق و المباديء و أكملت دراستي الإعدادية و الثانوية خليلاً للتفوق و التميز .

فالحمد لله كان لي نصيب من إسمي , فكم من ضيق جاء بعده فرجاً بذكر الله و كم من عسر جاء معه يسراً بالصلاة و الدعاء .

ترددت كثيراً أن أذكر هذه القصة ظناً أنها لن تقدم أو تؤخر في مسار قصتي فضلاً على أن يظن ظان أن الحبكة الدرامية للقصة أجبرتني أن أدخل فيها بعض من الملح و الفلفل لكن سأذكرها بإيجاز

كانت نسبة عدد النساء الذين يعطوني قليلة و لكن إذا أعطين , كان العطاء سخياً



كانت تقف بسيارتها و تفتش على شيء في تلفونها المحمول , إقتربت منها و طلبت منها الصدقة , وضعت يدها في شنطتها و أخرجت خمس جنيهات بسرعة , أخذتُ الفلوس و أدرتُ ظهري و مشيت ثلاث خطوات , بصوت عال حاد قالت , بقلك يا .. أجبلك هدوم حالتها كويسة , دي غالية و هتعجبك , قلت لها ماشي ربنا يخليكي , قالتلي هتكون هنا بكرة ؟ , قولتلها فأفأ تأتأ مش عارف ظروفي , قالتلي طيب تعالى إركب معايا و أنا أجبهالك , ركبت بجوارها و إنطلقت بالسيارة و خرجت من الأحياء السكنية الى الطريق السريع و بعد نصف ساعة من الصمت بدأت أنا الكلام , هو حضرتك البيت فين , قالت في أكتوبر, صَمَتت دقائق و قالت : لا تقلق ممكن تتشطف و تقيس الهدوم و اللي يناسبك تأخذه , قولتلها كدا ممكن أسبب لكوا إزعاج , قالتلي : لا إزعاج و لا حاجة , البيت فاضي و أنا لوحدي , , دانتا كمان ممكن تريح شوية و أبقى أوصلك بالعربية
هنا أحسست أن الموضوع مش طبيعي .
لم يكن لدي القوة أن أقول لها نزليني من العربية , لكني كنت معتاد أن أذكر الله في مواطن الضيق , قلت يا رب لو فيه أي ضرر ليا أبعد الضرر عني و رددت في نفسي لا حول و لا قوة الا بالله مرات كثيرة
على مشارف مدينة أكتوبر جاءها تليفون من صديقتها التي دخلت معها في مشادة كلامية عنيفة حول صديقة ثالثة لهما أستخدمت خلالها شتائم قذرة جداً و في الأخر قالت لها مش عارفة أتكلم في التليفون قابليني حالاً


شوف يا مؤمن إنتظرني على الكافتيريا دي و أنا هرجعلك بعد نصف ساعة علشان فيه حاجة مهمة , أنت معاك تليفون ؟ أعطيني النمرة
قعدت على الكافيتيريا و طلبت شاي و لم أشربه و دفعت حسابه و مشيت

لا أعرف لماذا كانت تستدرجني بالضبط و لكنها كانت مريبة بمعنى الكلمة , لا أعتقد أنها تريد أن تراودني عن نفسي و لكن كان يقيني أن هناك ثمة مصيبة كانت تنتظرني هناك
بعد ساعة طلبتني و قالتلي إنت فين يا مؤمن , قولتلها أنا كنت مستعجل و مشيت , قالتلي مش مشكلة , هجبلك أنا الهدوم بكرة و إنتهت قصتها عند هذا الحد بلا رجعة و الحمد لله


الخاتمة غداً.........انتظرونى;)

ان الله حليم ستاااار
بس كنت متشوق اعرف
الست دى عوزاه فى اااايه
فى انتظااار الخااااتمة

ان الله حليم ستاااار
بس كنت متشوق اعرف
الست دى عوزاه فى اااايه
فى انتظااار الخااااتمة


وانا كمان كان نفسي اعرف.............وشكرا عالمرور:)

شكلى هستنا حلقة بعد المغرب انهردة

ههههه ربنا سترها عليه ..
والحمدلله ربنا نجاه من الست دي
ولو اني كان نفسي اعرف عاوزاه فايه ؟ :d
مرسي جدا ..
وبانتظار الجاااي

شكلى هستنا حلقة بعد المغرب انهردة
سورى جدا للتأخير .......بس عشان نزلت الكلية....وانا هنزل الحلقة دلوقتى اهه

ههههه ربنا سترها عليه ..
والحمدلله ربنا نجاه من الست دي
ولو اني كان نفسي اعرف عاوزاه فايه ؟ :d
مرسي جدا ..
وبانتظار الجاااي

وانا كمان كان نفسي اعرف عايزاه فى ايه ؟؟؟

(8)
و ختاما



عذرا لم أجد طريقة كي أغوص معكم في أعماق نفس بشرية إضطرها العوز و الفاقة أن تسلك طريق التسول لم أجد طريقة الا أن أتقمص أنا هذا الشخص
نعم أنا لست مؤمن (أنا مؤمن بالله) أعني أنا لست مؤمن بطل القصة و إن كنت أشبهه , نفس البشرة الخمرية و نفس الشعر القصير الأسود


الأحداث لم تحدث إلا في رأسي أما الشخصيات فما هي إلا أسماء سميتها ما أنزل الله بها من سلطان
نعم خدعت الكثير منكم , حتى من أصر أن القصة خيالية لم يكن قلبه مطمئن بهذا الرأي
عانيت كثيرا كي أقنعكم فلم يكن بالشيء اليسير


أمن السهل أن أدخل بين خيرة شباب الأنترنت و صفوة المدونين بين عشية و ضحاها و أقنعهم بقصة خيالية , لم تحدث ؟

لا تنكروا أني نجحت في إصابتكم بالحيرة , و لا تنكروا أني أتقنتُ العمل و كنت كذوبا ذكورا
عذرا أردت أنا أرسل بعضا من المباديء و الأفكار و النصائح , فعجنتها في قصة غريبة كمن يضع الدواء المر في كعكة شهية


مهلا لا تتعجلوا ليس هذا هو الشيء الذي يخالف جميع التوقعات و لكنه مصير ما جمعته من مال الذي ستعرفون الأن هل خالف توقعاتكم أم لا

سبعون الفا هي حصيلة سنة و نصف منهم ثلاثون ألف قرض حسن من صديقي
عمرو , كيف أبدأ ؟
أستأجر مزرعة دواجن صغيرة بغرض إنتاج البيض ؟ أنت أتجننت و أنفلوانزا الطيور , الحكومة هتقفلهالك تاني يوم

إذن أفتح مصنع أكياس بلاستيك ؟ دا طوب الأرض بقى بيشتغل الشغلانة دي هتروح فين في وسطهم

لقيتها أفتح مصنع ملابس جاهزه ؟؟ ههههههههههههه مش لاقي الا الملابس الجاهزة دا نصهم مديون و عليه كمبيالات و النص التاني في السجن

كنت دائما كثير التفكير و كثير الإنفراد بنفسي , شهرين أجوب مواقع النت و أسأل أصدقائي عن المشروع المناسب

بعد تفكير عميق قررت التالي

الثلاثون الفا يبقون معي الى أجل قريب حتى أجد عملا مناسبا أو يقضي الله أمرا كان مفعولا

أما الأربعون الفا , فلا مساس , و العطاء لابد أن يصل الى مستحقيه و أما سعيي و جهدي و ذلي في جمعه فهو أقل شيء أقدمه للمساكين و الضعفاء , هذه هي الطريقة الوحيدة التي أحترم بها نفسي و أقدر ذلي و إنكساري و أواجه بها ضميري

وضعت الأربعون الفاً في درج و سميته درج الصدقة و درست عشرة حالات دراسة دقيقة , مائة جنيه تصل الى بيت كل فقير من هذه الحالات العشر أول كل شهر و يقيني في الله أن درج الصدقة لن يفرغ أبدا


إعتزلت مهنة الشحاتة نهائيا حتى لو هموت جوعا فهكذا يحب الله عبده التواب الأواب


إتصل بي أحد أصدقائي القدامى , و أعطاني ميعاد ليقابلني على أحد المقاهي لأن أنا (وحشته) و كمان بالمرة يكلمني عن حاجة بخصوص أخوه
شقيق صديقي المهندس علاء عاوز يتقدم لخطبة ابنة رجل أعرفه وأتى بي الى المقهى للإستفسار عن البنت و أهلها


أثناء جلوسنا على المقهى رن تليفونه المحمول , رد علاء : حاضر يا باشا و الله سألت و هيجيني الرد , حاضر يا باشمهندس هدور بنفسي

أغلق التليفون المحمول و نظر الي و قال : متعرفش طريق نقاشين؟ , أصل إحنا الشغل متعطل عندنا في الموقع وواقفين على نقاشين


شغل مفتوح و كميات كبيرة من أعمال الدهانات في أحد المدن الجديدة أسندتها اليّ إحدى شركات المقاولات الكبرى بسعر جيد و المحاسبة كل يوم خميس


بدأت بعشرة عمال في صيف 2007 و لما بدأت أجني بعض الأرباح لم يعد لي الحاجة بثلاثون ألف.... عمرو , ذهبت لصديقي عمرو و حكيت له القصة و أردت أن أرد له الفلوس قال لي دول طلعوا من زمتي خلاص , أقولك , حطهم في الدرج و حالاتك العشر إجعلها عشرين

أرباح المقاولات أضعاف أضعاف أرباح الشحاتة و أموال المقاولات تأتي برأس مرفوعة و عزة نفس


أما عن الدرج فعشرون في المائة من أرباح المقاولات كانت من نصيبه , فلم يفرغ الدرج أبدا و لن يفرغ إن شاء الله

إنتهت حدوتة مؤمن سريعا و لكن لم تنته المدونة بعد فما زال في جيبي الكثير

علموا أولادكم أن الذل و الأنكسار لغير الله لا يأتي الا بذل و إنكسار أكبر
علموا أولادكم ألا تكون يدهم هي السفلى
علموا أولادكم كيف يحبون الفقراء و المساكين و الضعفاء
علموا أولادكم كيف يصنعون دُرجا للصدقة

نصااائح وعبرررر جميلة جدااااا
من خلال هذه القصة الرائعة
كل سنة وحضرتك طيبة
فى انتظااار المسلسل القااادم:d

نصااائح وعبرررر جميلة جدااااا
من خلال هذه القصة الرائعة
كل سنة وحضرتك طيبة
فى انتظااار المسلسل القااادم:d

وانت طيب.........وان شاء الله المسلسل القادم ده بقى هيكون الدور عليك انت:p........بس مقولتلناش برده الشحات اللى انت بتشوفه بيعمل ايه؟؟

خلاص هقول حاااجة مختصرة
بصى الراجل ده طويل وضخم
فى صحة جااامدة يعنى
مش عارف بيدهن نفسه ااايه
متهيالى بينزل فى المجااارى قبل ما يطلع القطر
تخيلى واااحد طااالع من المجاااارى
هاااا ودخل القطررررر وانتى قاااعدة
وفااات عليكى ومد ااايده هتديله ولا لا
افترضناااا ما اتدهوش مش بيمشى
هيمد ااايده على الهدوم وتلاقى الهدوم اتوسخت
ممكن يبوس ررراس الواحد
اما لو واااحد تهووور وعاوز يتخااانق معاااه فهيتبهدل
اولا لانه جتة وثانياااا ملياااان زى ما قولت فى الاول
والا هيتخااانق هيبقى زيه كده وانا شفت نااس اتخنقت معااه
وبرده مفيش فاااايدة يعنى هياااخد هيااااخد
تخيلى قطر مليااااان الناااس بيلم فى كاااام ده
ولو ده كااام قطر فى اليوم هيجمع ايراد كاااام
تخيلوووو انتو

نهااية حلووة ..
ونصائح جميلة جدا
شكرا ليكِ ياقمر عالقصة المفيدة
وبانتظار وحدة تانية لو فيه :p

...

بالنسبة لقصة أ/ عاشق البلانكو
يالله الله يعينكم بجد
بس دا بيكسب دهب على كدا :d
يلا ربنا يزيدوا ويكون فميزان حسناتكم :022yb4:

خلاص هقول حاااجة مختصرة
بصى الراجل ده طويل وضخم
فى صحة جااامدة يعنى
مش عارف بيدهن نفسه ااايه
متهيالى بينزل فى المجااارى قبل ما يطلع القطر
تخيلى واااحد طااالع من المجاااارى
هاااا ودخل القطررررر وانتى قاااعدة
وفااات عليكى ومد ااايده هتديله ولا لا
افترضناااا ما اتدهوش مش بيمشى
هيمد ااايده على الهدوم وتلاقى الهدوم اتوسخت
ممكن يبوس ررراس الواحد
اما لو واااحد تهووور وعاوز يتخااانق معاااه فهيتبهدل
اولا لانه جتة وثانياااا ملياااان زى ما قولت فى الاول
والا هيتخااانق هيبقى زيه كده وانا شفت نااس اتخنقت معااه
وبرده مفيش فاااايدة يعنى هياااخد هيااااخد
تخيلى قطر مليااااان الناااس بيلم فى كاااام ده
ولو ده كااام قطر فى اليوم هيجمع ايراد كاااام
تخيلوووو انتو
ههههههه.........شحات غتيت اوى............ربنا يهديه ويروح يشتغل ويسيبه من الشحاته ديه..........انا بشوف شحاتين كدة كتير بس اطفال بقى
يعنى مثلا اكون طالعة من الجامعة وماسكة ف ايدي شيبسي ولا عصير يخطفوا الحاجة ويجروا ........ومرة واحدة كانت ماسكة ف ايدها توت وجاتلى عايزانى اديها حاجة يعنى ف بتقولى لو ما ادتنيش همسح ايدي ف هدومك وانتى عارفة بقعة التوت مش بتطلع :d ديه من حركات الغتاتة اللى بيعملوها.......وفى اطفال اللى بيبيعوا ورد دول بيبعوا وردة شبه ميته 63 مرة قبل كدة يبيعوها ب 10 جنيه وبيمسكوا اى واحد وواحدة ماشيين عشان عارفين انه هيشترى غصب عنه بدل ما يتكسف قدام البنت اللى ماشي معاها..............يعنى مش اى حد يشحت لازم يكون خبرة وغتيت

نهااية حلووة ..
ونصائح جميلة جدا
شكرا ليكِ ياقمر عالقصة المفيدة
وبانتظار وحدة تانية لو فيه :p

...

بالنسبة لقصة أ/ عاشق البلانكو
يالله الله يعينكم بجد
بس دا بيكسب دهب على كدا :d
يلا ربنا يزيدوا ويكون فميزان حسناتكم :022yb4:

العفو يا قمر
ونهايتها حلوة فعلا عشان ربنا هداه فى الاخر
عقبال الشحاتين كلهم
وبشكرك على مرورك:)

نهااية حلووة ..

ونصائح جميلة جدا
شكرا ليكِ ياقمر عالقصة المفيدة
وبانتظار وحدة تانية لو فيه :p

...

بالنسبة لقصة أ/ عاشق البلانكو
يالله الله يعينكم بجد
بس دا بيكسب دهب على كدا :d

يلا ربنا يزيدوا ويكون فميزان حسناتكم :022yb4:




اه شوفى القطر الواحد
ممكن يجمع من اد اااايه

ههههههه.........شحات غتيت اوى............ربنا يهديه ويروح يشتغل ويسيبه من الشحاته ديه..........انا بشوف شحاتين كدة كتير بس اطفال بقى
يعنى مثلا اكون طالعة من الجامعة وماسكة ف ايدي شيبسي ولا عصير يخطفوا الحاجة ويجروا ........ومرة واحدة كانت ماسكة ف ايدها توت وجاتلى عايزانى اديها حاجة يعنى ف بتقولى لو ما ادتنيش همسح ايدي ف هدومك وانتى عارفة بقعة التوت مش بتطلع :d ديه من حركات الغتاتة اللى بيعملوها.......وفى اطفال اللى بيبيعوا ورد دول بيبعوا وردة شبه ميته 63 مرة قبل كدة يبيعوها ب 10 جنيه وبيمسكوا اى واحد وواحدة ماشيين عشان عارفين انه هيشترى غصب عنه بدل ما يتكسف قدام البنت اللى ماشي معاها..............يعنى مش اى حد يشحت لازم يكون خبرة وغتيت


ههههههههههههـ ده كده ارحم بكتيررررر
مش بشوفهم غير فى القطر وبس
وكمان فى عائلات يعنى بشوف الاب والام
والاولاد ررايج جاااااااااى
بس فى الجااامعة والشوارع مفيش كتيررر
وهى وصلت معاك للخطف ايوة
ما انتى مش هتقدرى تعملى حااااجة
ولا حكاااية الوردة دى هههههههـ
خليه يدفع علشان يبقى رومااانسى:d