=====بلطجى يقتحم مدرسة اعدادى وضرب المعلمين احدهم فى حالة خطرة ===== [الأرشيف]

teacher_2

10-03-2011, 07:18 PM

لاول مرة فى ارياف الدقهلية
بالأخص بقرية مبارك
وتحديدا بمدرسة مبارك الإعدادية
تمكن بلطجى
يوم الثلاثاء 8-3-2011
من العائدين من ليبيا
وقبل انتهاء اليوم الدراسى
من اقتحام المدرسة بالقفز من على السور والتعدى على أربعة معلمين بالضرب المبرح
احدهم بحالة خطرة
والآخرون كدمات فى الراس والعين
الحادثة حقيقية واحد المعلمين مصاب وفى حالة خطرة فقد اغمى عليه من الإعياء
نتيجة الضرب المبرح
بلا هواده او رحمة
ولما شاهد الزملاء الموقف
قامو بمحاولة الدفاع عنه
فتركه البلطجى واتجه اليهم ايضا
ولم ينجو الا بتدخل اهالى القرية
وقامو بالدفاع عنهم
قام المدرسون بنقل المدرس المصاب الى مستشفى دكرنس
وقال ابوه ان اصابة ابنه نتيجة وقوعه من على الدراجة البخارية والحركة السريعة
الموضوع حقيقى ويحتاج لتدخل المسؤليين

teacher_2

10-03-2011, 07:22 PM

المعلم المصاب امين مكتبه (ج.ا.ج)
وهو حاليا رقيد الفراش

إلهام صلاح لاشين

10-03-2011, 07:29 PM

أقولك إيه بس دى حاجة تحزن والموضوع مش جديد كل يوم بيحصل للمدرسين أفظع من كده سواء فى القرى أو المدن

خللى الأستاذ المحترم وزير التعليم يشوف بقى كرامة المدرس تساوى إيه فى نظره ولا يمكن برضه يمكن المدرس هو اللى

ضرب نفسه اللى عمرنا ما سمعنا طالب واحد اتعاقب عشان معلم ولا فيه جدوى من الأمن فى المدارس المدارس سبيل

لأى حد يدخل يخرج زى ماهو عايز وما تقوليش عشان دلوقتى فيه انفلات أمنى الموضوع ده من زمان وكلنا عارفين بس كأننا

مش شايفين ولا سامعين ولاحد واخد باله ولا إيه ربنا يحفظنا ويحسن ختامنا آمين

Mr. Ali 1

10-03-2011, 07:31 PM

لا حول ولا قوة الا بالله
إلي متي تظل قوات الشرطة قابعة في البيوت ؟!!
هل شاهدت هذه الواقعة بنفسك ؟

نقاء الروح

10-03-2011, 07:34 PM

لا حول ولاقوة الا بالله ..
ربنا يشفيه يارب ويقوم بالسلامة
وياريت الشرطة تنزل بئا الدنيا باظت اوي !

شيماء شريف

10-03-2011, 07:42 PM

الدقهليه يالهوى يالهوى

دا الجامعات هتفتح السبت طب البلطجه حصلتنا كمان

ربنا يسترها ياااااااااااارب

محمد نصر احمد

10-03-2011, 07:48 PM

لا حول ولا قوة الا بالله

teacher_2

10-03-2011, 07:50 PM

لا حول ولا قوة الا بالله
إلي متي تظل قوات الشرطة قابعة في البيوت ؟!!
هل شاهدت هذه الواقعة بنفسك ؟

الحادثة وقعت الساعه 1 يوم الثلاثاء
وانا كان عندى فترتين وخرجت من المدرسة الساعه 12
ويوم الأربعاء بكون منتدب فى مدرسة اخرى
اليوم عملنا اضراب وامتنعنا عن دخول الفصول
واعلمت وكيل الوزارة بالدقهلية عن طريق زملاء بالمديرية بالواقعه
فحضر عمدة القرية ومعه بعض المثقفين
حاولو يصالحو المعلمين
الأمور معلقة لحين ان يجد اى امور اخرى

ممدوح مصطفى الانصارى

10-03-2011, 07:56 PM

غصن الزيتون

10-03-2011, 07:56 PM

ولسه ربنا يستر

امل اليكس

10-03-2011, 08:03 PM

بلاش القلق ده يا جماعة وايه يعني الوزير امبارح قال دي حالات فردية يعني مش مشكلة

وكمان طالب اننا نجمد قلبنا عشان الوضع يعدي مينفعش ياجل الدراسة اكتر من كده

حسبي الله ونعم الوكيل في ده وزير

teacher_2

10-03-2011, 08:06 PM

ربنا يستر
المدارس محتاجة لتظافر كل مجهودات المجتمع
فى تلك الفترة الحرجة
فهيئات التدريس فى كل مكان مسالمة
والبلطجية بستغلون غياب الشرعية
ويجب ان نقابل اعمال البلطجة على المدارس بعنف
وقد لمست هذه البلطجة بنفسى
واجهت محاولات للسرقات ليلا وامسكت ببعض اللصوص متلبسا
ونسأل الله السلامة لنا ولابنائنا الطلاب ولمجتمعنا الطيب .

مدرس بقوله ما صورتوش ليه البلطجى ده
وهو داخل يضرب المدرس
قالى احنا كنا فى حالة زهول
وهو نازل ضرب فى امين المكتبة
بكل قوة وسرعة حتى طرحه ارضا
وافتكرناه مات لانه ما كانش بيتحرك نهائى
والعجيبه انهم عاوزين يصفو الموضوع ودى
قلتلهم هو اللى ضرب بوش بالجزمة
لو اعتذر له 100 سنة هيرد له كرامته؟
الى حصل مع زميلى النهارده
ممكن يحصل معى بكره
نداء لوزير التربية والتعليم
اعتبروها شكوى رسمية منى شخصيا
يلزم تلبية النداء بكل سرعة والرد بقوة على البلطجية

إلهام صلاح لاشين

10-03-2011, 08:08 PM

أنا باعتبر الفرد مثل الكل المسئولية واحدة والاثنين هيتحاسب بذنبهم الحكام وهيكون الحساب عسير بإذن واحد أحد

لو كل مسئول يعلم بثقل ووزر ما حمل ما قبل منصبه وه غير قادر عليه:040vk0:

عاشق البلانكو الابيض

10-03-2011, 08:10 PM

لا حول ولا قوة الا بالله
المفروض ياخدو الخريجين ويدربوهم
وينزلوا مكااان الجبنااااء
شكرررا على الخبرررر

Soaad-532

10-03-2011, 08:12 PM

ولماذا كذب ابوه وقال ان اصابة ابنه نتيجة وقوعه من على الدراجة البخارية والحركة السريعة

teacher_2

10-03-2011, 08:16 PM

ولماذا كذب ابوه وقال ان اصابة ابنه نتيجة وقوعه من على الدراجة البخارية والحركة السريعة

ده سؤال ابوه يجاوب عليه
الله اعلم
فى الريف توجد حسابات اخرى غير القانون فى التعاملات
يعنى حساب رجعه زى ما بيقولو
مش نظام الطار زى الصعيد
خصوصا ان المدرس المصاب من القرية نفسها بعكس باقى المعلمين
فجميعهم مغتربين
يعنى انا مثلا بكون هناك ثلاثة ايام فقط فى الأسبوع
المدرسة حديثة وفى منطقة نائية
ومفيش مدرسين بيقبلو النقل اليها

إلهام صلاح لاشين

10-03-2011, 08:17 PM

لا حول ولا قوة الا بالله
المفروض ياخدو الخريجين ويدربوهم
وينزلوا مكااان الجبنااااء
شكرررا على الخبرررر

من المقصوديين بالجبناء أوعى قصدك على المدرسين؟

الحكاية مش ناقصة هو المطلوب من المدرس يعلم ولا يصارع ويلاكم:028ja7:

عاشق البلانكو الابيض

10-03-2011, 08:21 PM

من المقصوديين بالجبناء أوعى قصدك على المدرسين؟

الحكاية مش ناقصة هو المطلوب من المدرس يعلم ولا يصارع ويلاكم:028ja7:

ههههههههـ لالالالالا طبعااااااا يا اختى
قصدى على ضباط الشرطة وانهم يخدو بتوع حقوق مكنهم:)

أ/سلوى

10-03-2011, 08:42 PM

ايه سبب الاعتداء ؟؟

محافظ الوادى الجديد يطلب تعيين 500 فرد أمن للمدارس (http://www.youm7.com/News.asp?NewsID=366852)

الخميس، 10 مارس 2011 - 13:42
صرح اللواء جمال إمبابى، محافظ الوادى الجديد، بأنه قد طلب من وزير التربية والتعليم توفير 500 درجة شاغرة، وذلك لتعيين 500 فرد أمن بمدارس المحافظة، وذلك لحاجة المدارس لها وهو ما وافقت عليه وزارة التربية والتعليم، ويجرى الآن إنهاء الإجراءات اللازمة بتوفير الدرجات.

http://www.youm7.com/News.asp?NewsID=366852

الأستاذة أم شاهندة

10-03-2011, 08:48 PM

رغم الموقف الحزين المؤلم برضه بسأل ما السبب

لم فعل هذا

بناء على كلام حضرتك واحد لسة راجع من السفر ليه يدخل المدرسة ويعمل كدة ؟
هل الموضوع خصومة مثلاً مع امين المكتبة (ابن القرية نفسها كما ذكرت حضرتك )

فعلاً الموضوع مؤسف

روكا دودو

10-03-2011, 09:08 PM

هم المدرسين ناقصين مش كفاية محدش بيستجيب لطلباتهم

صوت العقل

10-03-2011, 09:15 PM

لا حول ولا قوة الا بالله....

rehab_sg

10-03-2011, 09:53 PM

لا حول ولا قوة الا بالله

مستر/ عصام الجاويش

10-03-2011, 11:42 PM

teacher_2

10-03-2011, 11:45 PM

لابد من اعتقال البلطجيه لانهم اسوء ناس فى مصر لازم يكونوا عبره لغيرهم هؤلاء البلطجيه ينطبق وصف القذافى عليهم انهم جرزان ونسأل الله ان يخلصنا منهم جميعا اذا لم يتم الحزم مع البلطجيه ستنفلت الامور من يد الجميع.

ممكن رقم الحاكم العسكرى ؟
على فكرة البلطجى اسمه
((ثروت السيد محمد مصطفى على السلامونى))
اى مسؤل محتاج معلومات عن المعلم
ممكن اجيبله تليفونه

رمضان كريم 2

11-03-2011, 07:10 AM

ممكن رقم الحاكم العسكرى ؟

دى نمرة نائب الحاكم العسكرى فى محافظة الدقهلية المقدم كمال وهو المسئول عن الشكاوى ممكن تتصل به 0112000949

teacher_2

11-03-2011, 09:15 AM

دى نمرة نائب الحاكم العسكرى فى محافظة الدقهلية المقدم كمال وهو المسئول عن الشكاوى ممكن تتصل به 0112000949

http://www.youm7.com/images/NewsPics/large/s320119232557.jpg
جزاك الله خيراَ

ابراهيم حافظ

11-03-2011, 10:16 AM

لا حول ولا قوة الا بالله.

أستاذ/شفيق الأخضر

11-03-2011, 11:46 AM

لا حول ولاقوة الا بالله ..
ربنا يشفيه يارب ويقوم بالسلامة

elsoifey

11-03-2011, 02:48 PM

نسأل الله السلامة لنا ولابنائنا الطلاب ولمجتمعنا الطيب

omar adel 2010

11-03-2011, 03:55 PM

لا حول ولا قوة الا بالله ربنا يسترها .

aboareda

11-03-2011, 11:19 PM

اكرر السؤال ماذا فعل امين المكتبة وما موقف مدير المدرسة من الموضوع ويجب ان يعلم الجميع بان العملية التعليمية كان لها مخطط بافشالها ونجع المخطط فى صورة بعض القوانين بتاع ممنوع الضرب او قول لفظ جارح للطالب وبالتالى اشترى المدرس دماغة وضاف بلا وجع دماغ ولا شرح طالما الوزير السابق ابو فم شبيه فم اسماعيل ياسين ال كان تعين رئيسة الجمهورية السابقة سوزان هانم مبارك منة لله حكم على التعليم بالفشل لقد سلب المدرس من كل سبل عقاب الطالب ففى المرحلة الاعدادية مثلا ممنوع الفصل ولا يكفى المصخرة فى المدرسة من الطالب فى حق معلمية بل ياتى ولى الامر يزيد الامر بلة مع العلم بانة مش فاضى اصلا لتربية اولادة
ونقول باننا نريد التقدم والله لن يحدث تقدم طول ما التعليم فى مصر بهذا الاسلوب من يرى بان التعليم الان تعليم يرد علية الامتحانات مسلسل كداب فى جميع المراحل مجلس امناء يتدخل فى العملية التعليمية لمجرد المظهرة فقط ما افهمهم اصلا بالعملية التعليمية واية العجب فى ذلك فوزراء التربية والتعليم ال مافى فيها تربية ولا تعليم خريجون طب اطفال وحقوق وغيرها من الكليات ملهاش علاقة بكليات التربية خالص ومالة المدرس لم يكون وزير كفر والله انا مخنوق من الاوضاع فى التربية والتعليم طالب قليل الادب وولى امر اقل ادبا منة ومدرس غلبان تحول لموظف يمشى حالة علشان المرتب علشان ياكل عيالة واهى ماشية وخلاص لم ربنا يفرجها

teacher_2

11-03-2011, 11:40 PM

لا حول ولا قوة الا بالله
المفروض ياخدو الخريجين ويدربوهم
وينزلوا مكااان الجبنااااء
شكرررا على الخبرررر

الحكومة تدرس إلحاق خريجى "الحقوق" بجهاز الشرطة

كشف الدكتور عصام شرف، رئيس مجلس الوزراء، أن الحكومة تدرس حاليا إمكانية إلحاق خريجى كليات الحقوق فى الجامعات المصرية بجهاز الشرطة، لتعويض غياب الضباط وأمناء الشرطة عن الاستجابة لوزارة الداخلية فى العودة إلى أعمالهم بالشارع وأقسام الشرطة، عقب أحداث الثورة التى أطاحت بنظام الرئيس السابق حسنى مبارك.

وأكد "شرف"، فى تصريحات صحفية أمس، الخميس، فى حضور اللواء منصور العيسوى، وزير الداخلية، أن الحكومة، بالتنسيق مع "الداخلية"، تدرس حصول الراغبين من خريجى كليات الحقوق على دورة تأهيلية تمكنهم من العمل فى جهاز الشرطة، حتى يعود الأمن إلى الشارع، وكإجراء يهدف إلى أن يكون العاملون بهذا الجهاز لديهم خبرة قانونية كافية للتعامل مع المواطنين بثقة متبادلة، وللقضاء على بطالة آلاف الخريجين فى هذه الكليات.

يذكر أن عدداً كبيراً من ضباط وأفراد جهاز الشرطة لم يعودوا إلى أعمالهم عقب أحداث 28 يناير الماضى، التى أطلق عليها "جمعة الغضب"، وهو ما تسبب فى غياب الأمن عن الشارع، وإعطاء الفرصة للبلطجية والمخربين بتعطيل الحركة الطبيعية للشارع المصرى واختراق القوانين وترويع المواطنين العزل

teacher_2

12-03-2011, 12:41 AM

al7sna2

12-03-2011, 01:30 PM

teacher_2

12-03-2011, 01:39 PM

يعني البلطجي راجع من ليبيا مخصوص عشان يضرب المدرس .... يمكن فيه تار بايت ولا حاجة ..(

كمان والد المدرس غلطان انه مقالش الحقيقه خلاص حاجز الخوف اتكسر من يوم 25 مش عارف انه كدا بيضيع حقوق ابنه وفي نفس الوقت بيعين البلطجي على بلطجته .. ويا بلطجي مين بلطجك ..(

حاجة كمان بخصوص كرامة المدرس من زمااااان اوووووي وهي متبعترة بصراحه .. فلازم حل ايجابي للموضوع دا عشان كرامة المدرس وهيبته ترجع تاني زي ما كانت على ايامي .. ايام ما كان المعلم كاد ان يكون رسول ..

قول للزمان ارجع يازمان ...

المفروض كل المدرسين دلوقتي يقفوا وقفه رجل واحد ويجمعوا من كل قبيله فرد يعني من كل مدرسه مندوب للمدرسين عشان يحطو حد للمهذله دي ..

فعلا بقت حاجة اوفر اوفر اوفر ..
انا عايزة ارجع بلدي وانا مطمنة على مستقبل الولاد ...

الله معاكم يا مدرسين ....

المدرس المصاب كان مغمى عليه فى اليوم الأول
وطبعا عمدة البلد كان بيحاول يسوى الموضوع وديا
وعشان كده ابوه قال اللى العمده ابلغه به
لكن لما المعلم فاق اتجه الى المركز وعمل محضر بالواقعه
وكشف حكيم فى المنصورة فى المسشتشفى الدولى
ده من لسانه شخصيا

امس كلمنا الحاكم العسكرى بالدقهلية
ووعد بمعاقبة البلطجى

اما بخصوص هيئة التدريس بالمدرسة وانا منهم
كتبنا مذكرة وجارى جمع توقيع الجميع
وتوجه الى كل من
1 وكيل الوزارة بالدقهلية
2- محافظ الدقهلية
3- مدير ادارة دكرنس التعليمية

طلب نقل مسبب لعدم توفر الأمن بالقرية
ودخلنا فى اعتصام وعدم دخول الفصول حتى تنفيذ الطلب والقصاص من البلطجى
مدير الإدارة ابلغنا انه هيكون باكر فى المدرسة عندنا

اللى حصل لزميلى امس من الممكن ان يحدث لى اليوم ولك غدا

al7sna2

12-03-2011, 01:41 PM

بالتوفيق ان شاء الله وربنا معاكم

لان فعلا الموضوع مقباش يتسكت عليه اكتر من كدا ..

teacher_2

12-03-2011, 02:40 PM

بالتوفيق ان شاء الله وربنا معاكم

لان فعلا الموضوع مقباش يتسكت عليه اكتر من كدا ..

مدير ادارة دكرنس أ/ رضا سلامة
وعد انه غدا هيزور المدرسة
والنظر فى طلبات هيئة التدريس

طالبة ولكن

12-03-2011, 02:44 PM

الشرطة انهاردة نزلت

ان شاء الله كلها غمة وهتزول في اقرب وقت

وربنا ينتقم منه البلطجي ده

إلهام صلاح لاشين

12-03-2011, 02:47 PM

عايزين السرعة دى فى العقاب عشان الناس تعرف إن المدرس له كرامة والله البلد مش هينصلح حالها إلا اما ترجع هيبة المعلم

والتعليم

teacher_2

13-03-2011, 06:20 PM

حضر اليوم مندوب من الإدارة لعلاج مشكلة الهيئة المتعصمين
وبعدها بدقائق حضر مدير الإدارة بنفسه
وعمل اجتماع بالمعلمين
وحثهم على العمل وفض اعتصامهم
وطالب المعلمون بعدم تدخل اولياء الأمور فى العمل المدرسى
ومجلس الأمناء الذى يتولى مسؤليته عمدة القرية
اكاد اجزم ان جميع القيادات بالدولة حاليا تجلس على كراسى مهشمة آيلة للسقوط
لان القيادات لاتملك اى حلول فعلية لاى مشكلة
الكل يلتزم بالروتين الذى اعتاد عليه
والتغير لن يتم بالجيل القديم
التغير موجود داخل الجيل الجديد
((الشباب ))
ولكن....... هل يستطيع الشباب تغير ما تأصلت جذوره داخل جميع قطاعات الدولة من روتين يلتزم به الجميع دون دراية منذ 30 سنة ؟؟؟

teacher_2

13-03-2011, 06:41 PM

حذر مصدر عسكرى من تنفيذ أى مسيرات أو تجمعات أو اعتصامات يوم التصويت على الاستفتاء لتعديل بعض مواد الدستور والمحدد له يوم السبت 19 مارس 2011 وذلك لتوفير المناخ المناسب لتنفيذ عملية التصويت بشكل حضارى ديمقراطى، مؤكداً أن كل من يحاول القيام بالتعرض أو إعاقة عملية الاستفتاء سيطبق عليه أحكام قانون البلطجة..

التصويت على التعديلات الدستورية الجديده

http://a5.sphotos.ak.fbcdn.net/hphotos-ak-snc6/189348_194269080606604_100000705392254_536976_5208 888_n.jpg

teacher_2

14-03-2011, 05:27 PM

http://youm7.com/images/NewsPics/large/S320111417625.jpg

توني القمر

14-03-2011, 07:24 PM

لا حول ولا قوة الا بالله....

أ/رضا عطيه

14-03-2011, 08:13 PM

teacher_2

15-03-2011, 03:24 PM

أولا البعض يظن أن الثورة تعنى الفوضى والتعدى على حق الغير

وهؤلاء هم أس الثورة المضادة

ربنا يحمى ولادنا من كل سوء

ويعيد الوعى للبعض

فالمدرس بعطائه لا يساويه كنوز الدنيا

أما بالنسبة للاستفتاء

فماهى إلا فرصة لإضافة مجد جديد لثورة مصر الطاهرة

ربنا يصلح الحال ونعطى درس أخر للعالم فى الحضارة والتحضر

جزاكم الله خيرا

المستفيدون من النظام السابق

غير راضيين عن الثورة
والمؤيدون للثورة
لم بستشعروا باى تحسن عن السابق

مشفناش فلوس من اللى سرقها اللصوص
رجعت حتى الأن

سمعنا ان تصدير الغاز الى اسرائيل جارى

الشهر اللى قبضه معلمى الأزهر
ما وصلش حتى الأن
للتربية والتعليم
بالدقهلية

aboareda

15-03-2011, 05:44 PM

هل يا ترى موافقون ولا غير موافقون على التعديات على الدستور

انا عن نفسى غير موافق لانة لم يحد من سلطات رئيس الجمهورية وان شاء الله الشعب المصرى الواعى لم يوافق على هذة التعديلات

نحن نعيش ثورة ثورية تلغى الدستور السابق يجب ان يوضع دستور جديد هل معقول ان يرشح رئيس الجمهورية النائب بتاعة

يا اخوة لجنة دستورية عليا تعمل دستور جديد نوافق علية كلنا كشعب بند بند قبل ما ياتى رئيس جديد ويكون حسنى مبارك جديد

مهندسة المستقبل

15-03-2011, 09:14 PM

ربنا يسهل وينجى كل عبيده من الظلمة

teacher_2

15-03-2011, 09:16 PM