السلام عليكم ورحمة الله وبركاته

ندخل فى الموضوع على طول من غير مقدمات ....
أنا عندى 18 سنة ...أنا الحمد لله أسرتى عودتنى أنا وأخواتى ع الصلاة من صغرنا
طو ل حياتى كنت بصلى بس ممكن يجى شهر ما أصليش أو شهرين
بس بعد الفترة بصلى صلاه من نار وقرآن وأذكار وكل حاجة
بس السنة دى الفتر طولت بقالى أكتر من 5 شهور مش بصلى .......
أوعوا تفهمونى غلط (((إنى مش بصلى)) يعنى مش بصلى حاجة خالص لألألألأ
يعنى
أصلى صلاة وأسيب التانية ،،،،،،،،،أصلى صلاة كروتة
مع إنى بحب ربنا أوووى ولما ببقى زهقانة بتكلم مع حضرته كأن هو صحبتى مع الفرق فى التشبيه طبعا
أنا كمان حاسه بحب ربنا ليا فى حاجات كتيير بحس إنه بيحبنى زى ما أنا بحبه
قولولى أعمل إإيه
ربنا وحشنى أوووى وعايزة أعمل كل حاجة ترضيه...
لأنه محتاجاله أوووى الفترة دى لأنى فى ثانويه عامه وداخله على إمتحانات
ساعدونى أرجوكم

انا عجبانى اوى صراحتك

وممكن اقولك حاجة

حبك لربنا يبان من تصرفاتك و من طاعتك لاوامره
الصلاه دى هى الفرق بين المؤمن و غير المؤمن

و كمان فضل الصلاة كبير
لما تحبى تتكلكمى مع ربنا صلى
و لما تحبى ربنا يكلمك اقرى قران

اما حكاية اقولك تعملى
فانت عارفة
ربنا كبير و كريم و غفور و سميع و ........
و انت لازم تبقى قريبة منه فى كل وقت مش علشان انت فى ثانوية و بس
و اعرف ربك فى السراء يعرفك فى الضراء

بس ساعات الواحد بيمر عليه وقت بينسى فيه

المهم انت واظبى على الصلاة
لما تسمعى الاذان سيبى اللى فى ايدك و المذاكرة و قومى صلى
و حافظى على اذكار الصباح و المساء و اللى بعد الصلاة
و خصصى ورد ليكى يومى و تحافظى عليه
و يوم الجمعه اقرى سورة الكهف
و قبل ماتنامى اقرى سورة الدخان و الواقعة و الملك

كده بقى حتبقى فى حماية ربنا
و مذاكرتك حتزيد
و حتحسى ان في بركة فى و قتك
و ابقى طمنينى عليك

بالتوفيق

أشكرك يا هاله على كلامك الطيب ده

لا شكر على واجب يا جميل
و اى خدمة

مشكووووووووور