خطف البنات.....ما هو الحل؟؟؟؟؟ [الأرشيف] - بوابة الثانوية العامة المصرية

Heartbeat

12-03-2011, 03:33 PM

السلام عليكم ورحمة الله وبركاته

عاملين ايه يا احلى اعضاء:(

الموضوع واضح من عنوانه كتير بنسمع الايام دى عن اعمال البلطجة وخطف البنات

كل يوم نسمع عن حالة خطف

ومن الحالات دى بنت فى ثانوية عامة كانت راجعة من الدرس مع صديقتها
صديقتها تركتها وذهبت الى منزلها والبنت دى طلع ناس بلطجية وخدروها
الكلام ده كان اول امبارح والبنت دى لم تعد الى منزلها حتى الواحدة صباحا من هذا اليوم
امبارح وجدها اهلها مغمى عليها على رصيف البحر وفى حالة صدمة
هى لم تتكلم حتى الان تكتب فقط ما يسألوها عنه:(

ومن الحالات الاخرى للخطف ظهور البلطجية على رجل ومعه زوجته وابنته
فخيروه بين زوجته وابنته فضحى هذا الرجل بزوجته
اكيد هم كان معاهم اسلحة وهو مش قدر عليهم وحب يحمى بنته
بجد مش متخيلة الموقف ده
يعنى اكيد هذا الرجل ضحى بزوجته علشان يحمى بنته:(

وكثير من هذه الاعمال الحقيرة
بعد كل ده وانا مش مصدقة اللى بيحصل ده!!!!!!!

بابا متعصب جدا الايام دى وكل مايسمع عن الحوادث دى يصر على عدم ذهابى للدروس
انا بقول له انى لما بمشى بحس ان الدنيا حلوة والناس جميلة
ومفيش حاجة:o
صراحة بابا بيتعصب جدا منى ويقولى يعنى انتوا لما حد يخطفكوا احنا هنعمل ايه!!!!!
كمان اصدقاء بابا قايمين بالواجب كل يوم يبلغوا عن الحالات دى
وبيقولوا له ان فى بلاغات كتير عن خطف البنات
ومعظمهم من الطالبات:blush:

بس هم الناس دول بيخطفوا البنات ليه
قصدى يعنى ان ده مش وقت ******
يعنى اعتقد ان دلوقتى الاهم انهم يسرقوا على اساس ان مفيش شرطة
يعنى لو يسرقوا ارحم من الحاجات التانية البشعة دى
بس بجد حرام عليهم

الوضع مقلق جدا واهلنا خايفين علينا اوووووووى
يعنى احنا فى ايه فى ايدنا نقدر نعمله اكيد مش هينفع اننا مش نروح دروسنا

طيب نعمل ايه؟؟؟
وايه الحل فى الموضوع ده؟؟؟؟؟؟؟؟

عاشق البلانكو الابيض

12-03-2011, 04:21 PM

رائد عبد السلام

12-03-2011, 04:26 PM

masamasa

12-03-2011, 04:40 PM

قال تعالى { و َلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الأَمْوَالِ وَالأَنْفُسِ وَالثَّمَرَاتِ وَبَشِّرِالصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّالِلَّهِ وَإِنَّا إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ} (البقرة : 155 - 157) .

modeehoba

12-03-2011, 04:46 PM

حسبي الله ونعم الوكيل

أيمن الوزير

12-03-2011, 04:49 PM

droos

12-03-2011, 04:49 PM

الحرص أفضل من الندم وربنا يحمينا وأولادنا

http://t2.gstatic.com/images?q=tbn:ANd9GcTZOVdeogkc89lHdZZet08QkNZJbdgEM v_X2F0Ta1F3mrdMohzHpA

♥روميســـاء♥

12-03-2011, 05:11 PM

حسبى الله ونعم الوكيل

ربنا يرزق مصر الأمن والأمان

Heartbeat

12-03-2011, 06:26 PM

عندك حق والله

كل يوم نسمع حاااجة
شكل والراجل اللى بتتكلمى عنه ده
سمعت انه راح البيت وانتحررر
لا حول ولا قوة الا بالله
الحل اكيد هو رجوع الشرطة
واذا مكنوش عاااوزين يرجعوا
انا قرات خبررران الحكومة بتفكر تاخد
خريجين كليية الحقوق ويدربوهم
فترة معينة وينزلوا مكاااانهم
وده حل كوووويس
امااا بخصوص باباك فعنده حق
سلامتك ولا الدروس اهم يعنى

شكرررا على الموضوع

لا حول ولا قوة الا بالله
المشكله ان دلوقتى فى ازمة ثقة بين الشرطة والشعب
بس كويسة جدا الفكرة دى
فعلا هو حل ممتاز
بجد الله يكون فى عون اهلنا

مشكور استاذ محمود على المرور

Heartbeat

12-03-2011, 06:29 PM

أصدقائي مفيش داعي للخوف دي محاولات قذرة من أمن الدولة

علشان ينشروا الرعب في قلوب المصريين
قال يعني مش ح نعرف نعيش من غير جهاز امن الدولة
طبعاً رجوع الشرطة مهم
بس الشرطة اللي تعرف ربنا وتراعي ضميرها
وتسهر علي راحة الناس

بس اكيد مش نقدر نقول ان كل البلطجية دول
تابعين لامن الدول
الناس الحقيرة دى اعتبرت غياب الشرطة فرصة
علشان تمارس اعمالها البشعة

جزاك الله خيرا على المرور

Heartbeat

12-03-2011, 06:32 PM

نقاء الروح

12-03-2011, 06:45 PM

لا حول ولاقوة الا بالله ..
سمعت عن كم حالة بردو
ربنا يحفظنا جميعا
ويرجع الامن والامان مرة تانية يارب
مرسي ياحبيبة عالموضوع
وربنا يحميكِ ياقمر

Heartbeat

12-03-2011, 06:47 PM

اولا الحوادث والبلطجية ليس شيئا جديدا ونحمد الله أنه نادر جدا في مصرنا الحبيبة

ولكن قد يكون قد زاد بعض الشيئ نتيجة لمحاولات أعداء الثورة من

1- الدفع للبلطجية مقابل زيادة النشاط

2- الدفع لبلطجية النت لتهويل الأمر وتخويف الناس

ثم إن الكل أصبح الآن يردد سمعنا عن حدثة في المكان الفلاني وجريمة قتل في مكان آخر و****** مش عارف فين

ونادر بل ويكاد لا يوجد من يقول رأيت ويكون صادقا

ثم يأتي السامع ويكبر الموضوع
احب اقول لحضرتك ان هذه الاعمال البشعة ليست نادرة فى مصر كما تقول
هى زائدة عن حدها هذه الايام

حادثة الفتاة هذه التى خطفت انا متأكدة منها 100% لانها حدثت بالقرب من منزلى
وهذه الفتاة تكون قريبة زميل بابا وبابا دائما يتصل ليطمئن عليها
يعنى انا مش بألف ومش بقول اشياء لمجرد انى سمعتها
على العكس لا اقول شيئا الا بعد التاكد منه

اتمنى ان لا يكون فى كلام حضرتك اتهام لى بانى من بلطجية النت:)

جزاك الله خير على المرور استاذ ايمن

Heartbeat

12-03-2011, 06:51 PM

الحرص أفضل من الندم وربنا يحمينا وأولادنا

http://t2.gstatic.com/images?q=tbn:and9gctzovdeogkc89lhdzzet08qknzjbdgem v_x2f0ta1f3mrdmohzhpa
اللهم امين
ما هو الحرص ده مخلى بابا مش عايزنى اروح الدروس
وكل الاهالى فى قلق دائم على ابناءها
ربنا يستر

جزاك الله خير على المرور

Heartbeat

12-03-2011, 06:53 PM

حسبي الله ونعم الوكيل
جزيت خيرا على المرور العطر

usernamo

12-03-2011, 07:05 PM

Heartbeat

12-03-2011, 07:15 PM

لا حول ولاقوة الا بالله ..

سمعت عن كم حالة بردو
ربنا يحفظنا جميعا
ويرجع الامن والامان مرة تانية يارب
مرسي ياحبيبة عالموضوع

وربنا يحميكِ ياقمر

اللهم امين
عارفه والله الموضوع خطير جدا
ربنا يحمينا كلنا

مرسى حبيبتى على المرور:)

Heartbeat

12-03-2011, 07:26 PM

انا لو مكان الراجل ... كنت اضحى بأخر نقطة فى دمى و لا انى اشوف ياخدوا مراتى او بنتى ... لان اكرملى اموت .. لا ان اشوف مراتى و بنتى يتخطفوا قدامى ..حسبى الله و نعم الوكيل .. بس نصيحة منى انزلى بسلاح .. هو 100 جنيه او 70 جنيه تقريباً اللى هو البخاخ .. او الالكتريك .. بس تمنه عال شوية 450 جنيه من on the run و نصيحه متنزليش دروس من غير الكلام ده .. تغور الثانوية العامة ... انا ولد اهو .. و بنزل بسلاح و مش عايزين نضحك على بعض كلنا و نقول عيب انت مصرى و كلام من ده ...

اكيد لو كان الراجل ده عمل كده كانوا ممكن يخطفوا بنته وزوجته
وهو كان هيموت
هو ضحى بزوجته علشان بنته
اكيد كانت حالته صعبة جدا
انا حتى الان مش قادرة اتخيل المنظر

انا بقول لبابا على الالكتريك ده
المشكله بابا مش عايزنى اروح الدروس من كتر خوفه
فى اسكندرية الحوادث دى زائده عن حدها
بدليل انهم كل شوية يأجلوا المدارس

شكرا لك على المرور

Heartbeat

12-03-2011, 07:28 PM

حسبى الله ونعم الوكيل

ربنا يرزق مصر الأمن والأمان
اللهم امين
يعود الامان الينا

شكرا يا قمر على المرور العطر

mohsen ghareeb

12-03-2011, 07:38 PM

اللهمَّ لاحول ولاقوة إلا بالله العلى العظيم
حسبى الله ونعم الوكيل من اللى كان السبب
رجاء ابنتى عدم الخروج بمفردك لأى سبب حتى تستقر الأمور

Mr. Ali 1

12-03-2011, 08:14 PM

السلام عليكم ورحمة الله وبركاته

وعليكم السلام ورحمة الله وبركاته

ومن الحالات الاخرى للخطف ظهور البلطجية على رجل ومعه زوجته وابنته
فخيروه بين زوجته وابنته فضحى هذا الرجل بزوجته
اكيد هم كان معاهم اسلحة وهو مش قدر عليهم وحب يحمى بنته
بجد مش متخيلة الموقف ده
يعنى اكيد هذا الرجل ضحى بزوجته علشان يحمى بنته:(

ياااااااااه موقف لا يتمني أي إنسان أن يوضع فيه
التصدي لهم يسبب له القتل ولن تنجو الزوجة أو الابنة !
ترك الزوجة أمر لا يقبله رجل حقيقي !
ترك الابنة أمر لا يقبله أب حقيقي !
موقف معقد جداً , أعاذنا الله جميعاً منه .
أعتقد بأن التصدي لهم مهما حدث بعدها هو الأفضل
وان مات فهو شهيد بإذن الله .
موضوع نكد يا حبيبة ولكنه مع كل الأسف واقعي وخاصة هذه
الأيام . اسمعي كلام بابا يا حبيبة حتي لو مش مقتنعة بيه , هو
الأدري بمصلحتك , وأنا أؤيد رأيه بشدة . الأهم هو الأولي بالتنفيذ
من المهم .
تقبلي مروري .

طالبة ولكن

12-03-2011, 08:16 PM

انا رائي البنات تقعد في بيوتها لما نشوف هيعملوا ايه

كورتى البعبع

12-03-2011, 09:04 PM

السلام عليكم
الحل يا جماعة اننا مننشرش الكلام دة كتير عشان منكترش الفزع والترويع ما بينا
وبجد كمان شهر ولا حاجة والدنيا هتبقى بخير اوى ان شاء الله

أ/رضا عطيه

12-03-2011, 09:14 PM

لا حول ولا قوة الا بالله

الأستاذة أم شاهندة

12-03-2011, 09:33 PM

T!to

13-03-2011, 12:03 AM

ربنا يعدى الفترة دى على خير

لازم بابا يخاف عليكى
زى ما أنتى ممكن تخافى عليه لو هو خارج البيت وسمعتى أعمال بلطجة فى مكان شغله مثلاً

علينا أن نحرص على أنفسنا وان ندعو الله ليزيح هذه الغمة

وهذا رابط لطريقة تحضير رذاذ الفلفل بطريقة أرخص من الجاهز
وربنا يكفيكم شر استخدامه إن شاء الله

http://www.youtube.com/watch?v=zuFVUDzjEWw

النواووى وصل :022yb4:
والله فكرة جميلة ورائعة وبسيطة
سلمت يداك استاذة ام شاهندة

بالنسبة للموضوع .......
انا شايف والله يا استاذة حبيبة ان لو الموضوع خطر وشكله كده :bosyht9:
فبلاش نزول للبنات الان نهااااااائى
الى ان نمر من هذه المرحلة
وبالنسبة للدروس تتاجل
كده كده المدارس مش شغالة اصلا
وحضرتك مفروض تذاكرى بقى فى البيت والنت يساعدك :)
اللم وفقنا لما تحبه وترضاه
وارزق مصر الامن والامان
واستر بنااات المسلمين
اللهم امين
وشكرا على الموضووع

***star***

13-03-2011, 04:42 AM

Heartbeat

13-03-2011, 01:38 PM

اللهمَّ لاحول ولاقوة إلا بالله العلى العظيم

حسبى الله ونعم الوكيل من اللى كان السبب

رجاء ابنتى عدم الخروج بمفردك لأى سبب حتى تستقر الأمور

ما انا مش بنزل لوحدى غالبا الايام دى
ساعات بابا بيودينى الدروس او بابا صحبتى
لغاية ما الاوضاع تستقر

وربنا يستر

جزاك الله كل خير مستر محسن على النصيحة الغالية

Heartbeat

13-03-2011, 01:50 PM

ياااااااااه موقف لا يتمني أي إنسان أن يوضع فيه
التصدي لهم يسبب له القتل ولن تنجو الزوجة أو الابنة !
ترك الزوجة أمر لا يقبله رجل حقيقي !
ترك الابنة أمر لا يقبله أب حقيقي !
موقف معقد جداً , أعاذنا الله جميعاً منه .
أعتقد بأن التصدي لهم مهما حدث بعدها هو الأفضل
وان مات فهو شهيد بإذن الله .
موضوع نكد يا حبيبة ولكنه مع كل الأسف واقعي وخاصة هذه
الأيام . اسمعي كلام بابا يا حبيبة حتي لو مش مقتنعة بيه , هو
الأدري بمصلحتك , وأنا أؤيد رأيه بشدة . الأهم هو الأولي بالتنفيذ
من المهم .
تقبلي مروري .
انا اسفة يا مستر لانى نكدت على حضرتك
مكنش قصدى
بس انا اصلى بيتنكدعليا يوميا
فقولت لازم تشاركونى النكد
بهزر:o
بجد والله انا قصدى من الموضوع اننا نلاقى حل للموضوع ده
كل شوية حد من قرايبنا يتصل يقول لماما متخليش البنت تنزل لوحدها
وبلاش تركب تا كسى لوحدها
وماما وبابا ماشاء الله عليهم:)
بييجوا عليا انا
وبصراحة يا مستر مينفعش انى مش اروح الدروس
على الاقل الفيزياء والكيمياء
مش هعرف اذاكرهم لوحدى
والامتحانات مش هتستنانى:(

تعرف حضرتك عندى واحدة صحبتى هى جامدة ما شاء الله عليها
بتلعب كاراتيه;)
بتقولنا هى واصحابها فى ناس ثبتوها وهى ضربتهم
لما انا اقول لبابا كده
يقولى طيب قوليلى لما حد يثبتك زيها
هتعملى ايه؟؟؟؟؟؟
قولت له طبعا هضربهم:d
فظيعة انا

ربنا يستر عليا وعلى البنات كلهم ويحمينا

Heartbeat

13-03-2011, 02:07 PM

انا رائي البنات تقعد في بيوتها لما نشوف هيعملوا ايه

طيب ازاى نقعد فى البيت
مش انتى برده فى مدرسة حبيبتى
يعنى المفروض ان فى دروس

معتقدش ان لو احنا لزمنا منازلنا الموضوع هيتحل
طيب هنفضل قاعدين لغاية امتى
الامتحانات مش هتستنانا

عجبنى توقيعك جدا
لما بشوفه بكون مبسوطة اووووى

جزاكى الله خير على المرور

أحمد شقشوق

13-03-2011, 02:16 PM

اللهم احم بناتنا ونساءنا
اللهم عليك بهؤلاء المجرمين والعصاة
حسبى الله ونعم الوكيل

Heartbeat

13-03-2011, 02:33 PM

السلام عليكم
الحل يا جماعة اننا مننشرش الكلام دة كتير عشان منكترش الفزع والترويع ما بينا
وبجد كمان شهر ولا حاجة والدنيا هتبقى بخير اوى ان شاء الله
حضرتك ماهو الاعلام بيعمل كده وفعلا مش بينشر الكلام ده
يعنى على الاقل مش كله
طيب المفروض اننا نسكت على كل الجرائم دى
والبنات يطخطفوا ومصيرهم هيكون ايه!!!!!!
لازم الناس تعرف الكلام ده
لهدف مهم وهو ان كل اب وام يحافظوا على اولادهم اليومين دول
هم يخافوا علشان يحافظوا عليهم
مش احسن ما يتقال ان الدنيا بخير وامان
وفى الاخر الاهل هم اللى ياخدوا الصدمة

جزاك الله خيرا على المرور

Heartbeat

13-03-2011, 02:40 PM

بروف انس

13-03-2011, 02:42 PM

**تسابيح**

13-03-2011, 02:59 PM

Mr. Ali 1

13-03-2011, 03:04 PM

كل شوية حد من قرايبنا يتصل يقول لماما متخليش البنت تنزل لوحدها
وبلاش تركب تا كسى لوحدها
وماما وبابا ماشاء الله عليهم:)
بييجوا عليا انا
وبصراحة يا مستر مينفعش انى مش اروح الدروس
على الاقل الفيزياء والكيمياء
مش هعرف اذاكرهم لوحدى
والامتحانات مش هتستنانى:(

فيزياء وكيمياء ايه وامتحانات ايه اللي بتتكلمي عنها يا حبيبة ؟!
مفيش أي وجه للمفاضلة بين الامتحانات والسنة الدراسية كلها وبين الحفاظ علي الفتاة !!
يا حبيبة ذاكري الفيزياء والكيمياء فوق الـ .....
دا حتي دا أفضل مكان لمذاكرة المواد دي :d:d
اسمعي كلام بابا وماما وأنا كمان , وإلا :stickjo4::stickjo4:

Heartbeat

13-03-2011, 03:13 PM

الحل انك تنزلي مع اخوكي تروحي الدرس مثلا بقي وتكون دروس نهاريه ولو ملقتيش بقي فايده يبقي تقعدي في البيت وتستني لما الظروف دي تعدي وتخلي المدرسين يجيولك البيت

بس انا مسمعتش عن الحوادث دي نهائي خالص ولا اتعرضتلها ولا حد من قرايبي يمكن علشان احنا في بلد ريفي

اهم حاجه دلوقتي بس محدش يروج للاشاعات دي لان الاشاعات دي بتهول الموقف وتخلي البلطجيه ياخدوا حجم اكبر منهم وتدي صوره للبلطجيه بانهم المسيطرين عن البلد

وواجب الدوله بقي تفتح باب التطويع للشرطه من كليات الحقوق والتجاره علشان بهوات الشرطه اللي مفكرين نفسهم بيذلوا الشعب يعرفوا ان الشعب ده ممكن يرجع الامن لوحده للبلد
ما انا حضرتك ساعات بابا بيودينى الدروس

هى الحوادث دى منتشرة جدا عندنا علشان كده كل شوية يأجلوا المدارس

بس هى مش اشاعات حضرتك دى حقيقة

هى الفكرة دى كويسة اللى حضرتك ذكرتها
وياريت يسارعوا فى تحقيقها

وان شاء الله كل شئ هيكون كويس:)

جزاك الله خيرا على المرور

لافانيا

13-03-2011, 03:17 PM

حسبي الله ونعم الوكيل

Heartbeat

13-03-2011, 03:19 PM

يانهار اسوخ:o:o

بصراحة المواقف اللي قلتيها دي صعبة أوووي
وبشعة جدااا جدااا:o:o
حسبي الله ونعم الوكيل في اي واحد معندوش ضمير :(
ايه البشاعة دي:o:o
ربنا يخليك ياروحي اسمعي كلام ولدك
احنا في مرحلة صعبة اوووي
ع الاقل الدروس تكون الصبح مش لوقت متأخر
يعني ترجعي البيت ع 4 آخرك:romarioxp6:
ياريت تحاول تعدلي مواعيدك

وربنا يعدي الأيام الجاية ع خير:mad:

يابنتى اصلا المواقف دى فى غيرها كتير
وبتحصل قدام ناس قرايبنا
البلطجية انتشروا اووووووووى فى البلد
ربنا يستر

متقلقيش عليا يا قمر
ده انا جامده اووووووى:006et4:
لأ بجد بابا ساعات بيودينى الدروس او بابا صحبتى

وان شاء الله الايام دى تعدى على خير

Heartbeat

13-03-2011, 03:29 PM

النواووى وصل :022yb4:
والله فكرة جميلة ورائعة وبسيطة
سلمت يداك استاذة ام شاهندة

بالنسبة للموضوع .......
انا شايف والله يا استاذة حبيبة ان لو الموضوع خطر وشكله كده :bosyht9:
فبلاش نزول للبنات الان نهااااااائى
الى ان نمر من هذه المرحلة
وبالنسبة للدروس تتاجل
كده كده المدارس مش شغالة اصلا
وحضرتك مفروض تذاكرى بقى فى البيت والنت يساعدك :)
اللم وفقنا لما تحبه وترضاه
وارزق مصر الامن والامان
واستر بنااات المسلمين
اللهم امين
وشكرا على الموضووع
الدروس تتأجل!!!!!!!!!!
طيب ازاى
الامتحانات موعدها اتحدد وخلاص
والمدرسين استحالة يأجلوا الدروس

وانا فى مواد مش هعرف اذاكرها لوحدى فى البيت
ربنا يستر
وتمر الايام دى على خير

جزاك الله كل خير استاذ طاهر على المرور

أنوار

13-03-2011, 03:37 PM

السلام عليكم

طريقة رآئعة أختي أم شاهندة

,

لا بد اختي والدك يخاف عليكِ

فلا يصح ترك مقابل دراسة

وكما قال أخي البلانكو سلامتك ولا دراستك

وانني ايضاً لا أؤيد خروج الفتاة وحدها

ما الداعي لخروجي دون محرم

..

ثم لابد في مثل هذه الأيام أن تتسلح أولاً بسلاحها الإيمان ورضي الرحمن

ثم لابد ان تتشجع في مهاجمتهم

لانهم خوفهم اقل من الريشة

" من حمل سلاح , خاف من الماء "

....

ونظام حبيب العادلي هو الكفيل بذلك

والمتسبب

لانه هو يطلق الاجراميين ف حال الإخلال بالنظام , مهمته الأخيرة فساد البلد

..

حفظ الله مصر

وبناتها وشبابها وشعبها من كل سؤء

آمين

..

Heartbeat

13-03-2011, 03:42 PM

فيزياء وكيمياء ايه وامتحانات ايه اللي بتتكلمي عنها يا حبيبة ؟!
مفيش أي وجه للمفاضلة بين الامتحانات والسنة الدراسية كلها وبين الحفاظ علي الفتاة !!
يا حبيبة ذاكري الفيزياء والكيمياء فوق الـ .....
دا حتي دا أفضل مكان لمذاكرة المواد دي :d:d
اسمعي كلام بابا وماما وأنا كمان , وإلا :stickjo4::stickjo4:
يعنى يرضى مين بعد كل تعبى ده
واجى على الاخر ومش اروح الدروس!!!!!!!!
بابا هيودينى انا وصحبتى الايام دى
لغاية ما الظروف تتحسن

انا مش هعرف اذاكر المواد دى لوحدى
حتى لو فوق ..... والله يا مستر
وبعدين حضرتك عرفت منين ان ده افضل مكان
هو حضرتك جربته وانت صغير ولا ايه:o؟؟

حضرتك ادعيلنا بس

Heartbeat

13-03-2011, 08:07 PM

ياستي اسكتي... هي البنات بقت لاقيه حد يخطفها اليومين دول..

ماشى .......هسكت
لكن قولى ياترى حضرتك هتسكت لو ده حصل لاقدر الله مع اختك او حد من اقاربك؟؟
رد حضرتك فى استهزاء بالموضوع
ياريت حضرتك تاخذ الموضوع بجدية اكتر ولو ليك اخت تحافظ عليها

واكيد لو حضرتك كنت وضعت نفسك مكان اهل هؤلاء البنات
مكنتش هتستهزأ كده

جزاك الله خيرا على المرور

Heartbeat

13-03-2011, 08:10 PM

اللهم احم بناتنا ونساءنا
اللهم عليك بهؤلاء المجرمين والعصاة
حسبى الله ونعم الوكيل
اللهم امين
بجد احلى حاجة دعوات حضراتكم دى فى الموضوع

شكرا لك على المرور الرائع

Heartbeat

13-03-2011, 08:25 PM

H.H.KH

14-03-2011, 08:41 AM

يا ساتر مواقف صعبة جد
انا سمعت عن مواقف خطف برده كتير غير ديه وبصراحة مش قادرة اتخيل ان ده بيحصل فعلا انا لغاية دلوقتى تقريبا مش بنزل من البيت نهائي ومش عارفة هروح الكلية ازاى
ربنا يستر علينا ان شاء الله
وكل ده بسبب الشرطة
بس احسن حل عملوه حكاية تدريب طلبة حقوق وانهم ينزلوا مكانهم اعتقد ده حل كويس.........وكمان ياريت لو اللجان الشعبية ترجع تانى ...........وربنا يستر علينا كلنا ما هو لو اللى بيخطف ده لو عنده اخوات بنات ولاخايف على بناته او عنده ضمير مش هيعمل كدة لان كما تدين تدان بس للاسف فى ناس بتستغل الظروف اللى احنا فيها وبيقوموا يتبلطجوا ........بشكرك على موضوعك:) واسمعى كلام بابا ومتروحيش دروس ذاكرى فى البيت احسن ولو فيه حاجة مش فاهماها شوفى شرح ليها عالنت وتابعى البرامج التعليمية اللى عالتليفزيون

Heartbeat

15-03-2011, 05:02 AM

يا ساتر مواقف صعبة جد

انا سمعت عن مواقف خطف برده كتير غير ديه وبصراحة مش قادرة اتخيل ان ده بيحصل فعلا انا لغاية دلوقتى تقريبا مش بنزل من البيت نهائي ومش عارفة هروح الكلية ازاى
ربنا يستر علينا ان شاء الله
وكل ده بسبب الشرطة

بس احسن حل عملوه حكاية تدريب طلبة حقوق وانهم ينزلوا مكانهم اعتقد ده حل كويس.........وكمان ياريت لو اللجان الشعبية ترجع تانى ...........وربنا يستر علينا كلنا ما هو لو اللى بيخطف ده لو عنده اخوات بنات ولاخايف على بناته او عنده ضمير مش هيعمل كدة لان كما تدين تدان بس للاسف فى ناس بتستغل الظروف اللى احنا فيها وبيقوموا يتبلطجوا ........بشكرك على موضوعك:) واسمعى كلام بابا ومتروحيش دروس ذاكرى فى البيت احسن ولو فيه حاجة مش فاهماها شوفى شرح ليها عالنت وتابعى البرامج التعليمية اللى عالتليفزيون

فعلا اللى بيعمل الاعمال البشعة دى لا يمكن يكون انسان ولا بيخاف ربنا

شكرا جدا ليكى حبيبتى على اهتمامك
وان شاء الله الايام اللى جاية افضل

وانتى كمان بلاش تروحى الكلية لوحدك الايام دى

وربنا معانا