مشاهدة النسخة كاملة : ايه رايكوا مظاهرة سلمية للعوده الانتساب
Nitro Of LoVe 12-03-2011, 06:35 PM بسم الله الرحمن الرحيم
ازايكوا يا شباب الثانوية العامة احنا من حقنا برضوا اننا نطالب من حقوقنا
اللى اتلغت من النظام الفاسد التابع للمصالح الاخرى و الايادى الخفية
انا قررت و فكرت و نفسى حد يساعدنى ف اننا نعمل مظاهــرة سلمية
و اكرر سلمية ادام مبنى وزارة التربية و التعليم بشارع القصر العينى
او ف ميدان التحرير عشان الكل يشوفنا .
و الفكره هيا اننا نطالب بعودة الانتساب عشان من حق كل طالب او
اى طالب لم يحصل على الكلية التى كان يرغب بها يحصلها ان شاء الله
ف الانتساب و هو ارخص من التعليم المفتوح .
و اللى عمل كده طبعا الوزير المخلوع السابق أ.ز.ب ربنا يسهله حاله
ويسامحه على اللى عمله فينا . بس طبعا كلنا عارفين انه لغى الانتساب
و سمح بالمفتوح عشان اغلى و يدخل للدولة و الحكومة المخلوعة الفاسده
التى لم ترحم ابنائها دخل لها .
فا اعتقد انه من حقنا اننا نتظاهر سلميا بعودة الانتساب كحق لنا
و فى مصلحتنا و معتقدش حد ممكن يوقف ادام مصلحتنا .
ها مين هيتشجع و نجمع بعض و نتقابل ادام الوزارة او ف الميدان على حسب
ما نتفق بس ياريت نلاقى ناس كتير عشان يعملونا حساب ؟؟؟؟؟
Nitro Of LoVe 12-03-2011, 07:53 PM ???????????????
donatlo 12-03-2011, 08:09 PM الافضل انكم تذاكرو علشان تنجحوا وبلاش تخلف
Nitro Of LoVe 12-03-2011, 08:46 PM لا تعليق عليك بجد ما انت حاجة من التلاتة .
يا انتا مخلص او مش ف ثانوى عام و معرفتش توصلها
يا انتا جايب مجموع كبير و ربنا كرمك و مش بتبص للى تحتك
يا انتا لسه صغير و لسه متعرفش يعنى ان التخلف هو اللى
يقف ضد الاصلاح .
و ف كلا الحالات لا يتم الاخذ برأى واحد مثل ذلك و على فكره
صحابى موافقين منهم واحد جايب 92 , بس احنا شباب صح
بنخاف على بعض و لسنا جهلة
بلالل 12-03-2011, 10:29 PM وانا موافق
bent aboha 12-03-2011, 11:10 PM فعلا ده من حقنا
انا فى ثانوية عامة وموافقة على الراى ده
واحنا كلنا مع بعض الى هيحصل لواحد هيحصل لمليون
ربنا معانا باذن الله
amramooor 13-03-2011, 02:59 PM فعلا عندك حق
بدل الكليات المفتوحه اللى مش معتمده
المياة 13-03-2011, 03:26 PM أنا معاكم بس أنا بنت وأهلي ما بيوافقوا لي أني أخرج في مظاهرات :(
بس رأيي أن كل حاجة عاملها النظام السابق بتتبدل فممكن نديهم فرصة هما يغيروا من نفسهم لأن لو كل حاجة هنعمل مظاهرة يبقى حال البلد هيقف وكما يقول الشعراوي ( الثائر الحق هو الذي يثور ليهدم الفساد ثم يهدأ ليبني الأمجاد )
وربنا يوفق الجميع
bent aboha 13-03-2011, 05:58 PM انا كمان بنت وطبعا ما ينفعش بنات تتظاهر
بس احنا بقلبنا معاهم
وعلى الاقل يعرفوا ان طلاب الثانوية العامة كلهم مع بعض بنات او اولاد
messam 13-03-2011, 11:19 PM بجد ممكن تشارك معانا وتعرض مطالبك معانا ممكن تشارك معانا الرابط في توقيعي
خالد صبرى حسن 14-03-2011, 12:54 AM انا معاكى فى الظاهرة لكن مؤيد للوزير
عسكر1994 14-03-2011, 04:10 PM انا معاكم فى المظاهرة وانشاء الله تتحقق مطالبنا
msh835 14-03-2011, 11:21 PM لا داعى للتظاهر هذه الأيام
love_story93 15-03-2011, 07:30 AM وانا معاكم يا جماعه بس عندنا مدرسه دكتوره فى جامعه عين شمس قالتلنا انه مش اتلغى
ده كان بيجربه السنه اللى فاتت لكن يتنفز كمان سنتين وبتقول انه لسه موجود والله اعلم
لو مش موجود انا معاكم
bent elhob 16-03-2011, 06:19 PM انا مع ان الانتساب يرجع لانه بيعطى فرصه للى ماجبشى مجموع انتظام
وفعلا هو اتعمل علشان الفلوس
وربنا يستر معانا
ماشاء الله دفعه سنه 6 ^^ الله اعلم ايه اللى هيحصل معانا ؟؟
بس لو فى طريقه نوصل بيها صوتنا من غير مظاهرات يكون افضل
لان بجد البلد ماعدتش مستحمله حاجه
Nitro Of LoVe 17-03-2011, 11:48 AM الحمد لله كده ف اقبال زى ما انا كت عايز و احنا يا جماعة مش هنعمل
مظاهرة خالص احنا لسه هنتفق هنقول ايه و نردد ايه و الجو هيبئه جميل
خالص لأنى روحت وزارة التربية و التعليم و وزارة التعليم العالى الناس
هناك محترمة خالص . و احنا مجردد هنقف على جنب و نتكلم مع بعض
بكل عقلانية عشان يحسوا اننا طلبة خايفة على مستقبلها بس .
و كل واحد او كل 4 و 5 طلاب يرفعوا يافطة فيها جملة توضح الظلم
اللى تعرضناله من الوزير السابق بس . و ياريت يكون فى بنات معانا
عشان يبئه بجد طلبة حقيقية من كافة الفئات و انا هجيب اصدقاء
ليا حاصلين على مجاميع عالية و متوسطة و اخرى تحت ال60 .
اللى عايز الموضوع يمشى بجد و يقول لاصدقائه يشجعنا يا جماعة
هبة الله هوبة 17-03-2011, 03:58 PM الافضل انكم تذاكرو علشان تنجحوا وبلاش تخلف
انت ملكش اى حق انك تغلط فينا وطول مافه الى زيك فى البلد عمرها ماهتتصلح ولا التعليم هيتغير ويبقى احسن**
Nitro Of LoVe 17-03-2011, 09:16 PM ما ننتبهش للاصوات اللى لا تحتسب علينا بشر . و خلينا نركز ف اللى هنعملهربنا يسهلنا و عايزين تشجيع و كل واحد مننا يقرب صحابه للموضوع ده
golshan 19-03-2011, 11:59 AM اتنا مع عودة الانتساب 100% رغم انى ماليش فيه بس والله الظلم بعينه ان الطالب اللى لسة مخلص ثانوى يتم التدريس له ويتحط مع واحد سايب الدراسة بقاله 10 سنين مثلا اكيد فيه ظلم كبير فى تقييم الطالب واكيد التعامل معه بعد ذلك
رحمه R 20-03-2011, 01:38 PM ياريت يرجع الانتساب علشان دفعتنا بتاعه 6 ابتائي
كل واحد يعرف يدخل الكليه اللي يحبها
بوبا15 21-03-2011, 03:01 AM انا معاكم ياشباب ده من حق كل طالب
Dr.Gehad 21-03-2011, 11:16 PM انا قررت و فكرت و نفسى حد يساعدنى ف اننا نعمل مظاهــرة سلمية
ههههههههههههه كل الناس بتفكر وبعدين تقرر
انت بقي قررت وبعدين فكرت !!
طب دا جميل ....
Nitro Of LoVe 22-03-2011, 03:55 PM lol ya dr.Gehad
مش عارف اضحك و لا اقولك انا اسف هبئه احاسب نفسى على الكلام
قبل ميظهر لحضرتك يعنى ما شاء الله الناس كلها ردت على الموضوع
من ناحية الايجابية و شوف انتا ولا انتى رديتى ازاى من الناحية السلبية
احنا الحمدلله مطلبناش من اى واحد جاى يتحجج انه يقف معانا و انا
ان شاء الله هاروح الوزارة قريب عشان اتاكد من حتة ان الانتساب رجع
ولا لأ و هرجع اتكلم و لو متعرفش عنى اعرف مين اللى ريح الطلبة
هنا اول السنة و مين اللى راح الوزارة اكتر من مرة عشان ياكد ان المنازل
متلغتش . و شكرا لمرورك و لكنه نفس المشاركة التانية برضه ملوش اهتمام
update
sahar2012 08-07-2011, 04:30 PM الإنتساب لم يكن للمجموع المنخفض فقط بل للعاملين والموظفين ليستكملوا تعليمهم العالى بعد أن فاتت عليهم الفرصة أو مروا بظروف منعتهم من ذلك ...أنـــــــــــا موافــــــقــــــــــــــــة بالرغم من انى حاصلة على مؤهل جامعى وانتهيت من دراستى لكن أؤيد هذا وبشدة
http://www13.0zz0.com/2011/07/08/14/683229620.jpg (http://www.0zz0.com)
|