مشاهدة النسخة كاملة : نداء لكل اللى واخد مستوى رفيع رياضة
mmamma 13-03-2011, 02:36 AM يا جماعة انا بناشد كل اللى واخدين مستوى رفيع رياضة اننا نتجمع هنا ع القسم ده ونساعد بعض وندى لبعض مسائل ونحل سوا علشان نثبت للجميع اننا هنجيب فيها 10 من 10 وهم لو اتطنططوا فى العربى مش هيجيبوا اكتر من 9.5
ياجماعة ياريت نحدد ميعاد نبقى سوا وياريت كمان لو يكون معانا مدرس اى حد عايز حاجة او حل مسألة يقولها
ايه رأيكم فى يوم الخميس الساعة 12 بليل؟؟؟؟؟؟؟؟؟؟
Eng / NOUR 13-03-2011, 04:14 PM والله فكرة كويسة
ياريت نلاقى بس مدرس يساعدنا ويقولنا ايه اللى اتحذف من المنهج
ويساعدنا فى اللى احنا مش عرفينو
بجد نفسى المشرفين يهتموا اكتر ....كتر خيرهم على الملازم ..بس احنا محتاجين اكتر شوية زى باقى الاقسام بتاع المستوى
محمد احمد زهران 13-03-2011, 06:58 PM كويس اوىىىىىىىىىى
mmamma 14-03-2011, 01:58 AM مفيش حاجة اتشالت من المستوى الرفيع الرياضة
احنا هنخش هنا كل يوم خميس الساعة 12 لو حد عنده مسألة يجهزها ونتناقش فيها ولو حد عنده ملازم او ورق يرفعه على النت
اوك
معايا ولا لا؟؟
kunmahmoud 16-03-2011, 01:50 PM وانا معاكم ان شاء الله
kunmahmoud 16-03-2011, 01:51 PM انا معنديش حاجه يوم الخميس الساعة 12 وفاضي
a7med6m 17-03-2011, 10:20 PM يا جماعة انا لسة مرحلة اولي و عايز اعرف الرياضة مستوي رفيع عبارة عن اة و في كام
حصة
علما بانسي كويس في الرياضة
بس كل مقول لحد اننا دخلها يقول ربنا معاك او يضحك عليا
mmamma 18-03-2011, 11:17 AM عبارة عن رياضة عادية بس مش عادية طبعا على اللى مخدهاش
يعنى هى سهلة والله جدا بس عايزة شغل وشوية تفكير وطبعا مفيش تفكير وهو ده السبب اللى بيخلى الناس مبتخدهاش
احمد اسماعيل نوفل 18-03-2011, 02:44 PM انا معاك وواخد مستوى رفيع رياضة
بس نفسى اعرف كام واحد واخد مستوى رفيع رياضة
احمد اسماعيل نوفل 18-03-2011, 02:49 PM يا جماعة المستوى الرفيع رياضة سهل جـــــــــــــــــــــــدا
بس محدش واخد باله اصل هى مش رياضة غريبة هى عباره
عن شوية تكامل وميكانيكا بس
احمد اسماعيل نوفل 18-03-2011, 02:54 PM ياجماعه محدش يعرف يجبلى امتحان السنوية فى المستوى الرفيع 1996
الملاك الازرق 20-03-2011, 10:33 PM و انا معاكوا ان شاء الله هنــــــــــقفلها
mo_wa_2977 28-03-2011, 02:22 AM يا جماعة طب خلصوا بسرعة ما عاتش حاااااااااااااااجة بلاااااااااااش كلام كتير علشان خاطرى . اللى عندو مسائل يحطها واللى عنده شوحات وامتحانات يحطها . ما تزعلوش منى بس عاوزين نشتغل
msh835 28-03-2011, 06:08 AM ربنا يقويكم
Hoouda ashour 29-03-2011, 03:22 PM والله نفسي أبقي معاكو _ بس معلش مش هبقي فاضي _ ورايا درس مستوي الجمعه 8ص _ هبفي ادخل اشوف اخباركو بإدن الله
blackcat.13 31-03-2011, 10:00 AM ربنا يستر
انا لسا اصلا مبدتش فالمستوى رياضه فالدرس
ربنا معانا
وان شاء الله نقفل فيه
لحسن محدش سايبنى فحالى
عشان مخدش ماخده فالمدرسه غيرى
mmamma 01-04-2011, 11:26 PM لسة مبدأتوش مش هتلحق نخلصه يابنى خالص وهيشغلك فى الفترة دى عن الفيزيا والرياضة
انا الحمد لله خلصته
mmamma 01-04-2011, 11:29 PM يا جماعة طب خلصوا بسرعة ما عاتش حاااااااااااااااجة بلاااااااااااش كلام كتير علشان خاطرى . اللى عندو مسائل يحطها واللى عنده شوحات وامتحانات يحطها . ما تزعلوش منى بس عاوزين نشتغل
طبعا عندك حق
http://www.thanwya.com/vb/showthread.php?t=299738
واللى عايز اى حاجة فى المستوى يقولى
انا معايا كتاب المعاصر وكتاب المدرسة كان نفسى اعرف ارفعهلكم بس ماينفعش
angel bebo 03-04-2011, 10:55 PM انا مش عارفه اوصل لاى كتاب للمستوى انا اخده رياضه برده هى حلوه اووى
Hoouda ashour 05-04-2011, 01:46 PM http://alyeldeen.com/vb/forumdisplay.php?f=24
شرح المستوي
mkhaled87 13-04-2011, 11:44 AM انامعاكوا يا جماعة واى حاجة حجبها هرفعها لكم
mmamma 13-04-2011, 07:33 PM ياريت والله فعلا حد يساعدنا
osama gamal the best 13-06-2011, 04:55 PM ياريت مشاركة من الطلبة قبل الأساتذة
احمد اسماعيل نوفل 18-06-2011, 02:50 PM انا خلصت المستوى رفيع رياضه 2 يا جماعه ولازم تحلوا امتحانات كتير الامتحان عباره عن 3 اسأله ميكانيكا منهم اول سؤال فى صح وغلط ومسأله على الاحتكاك وبعدين سؤلين تختار منهم واحد السؤال عباره عن مسأله وبعد كده التكامل والتكامل ده اسهل حاجه تكامل محدد وغير محدد هى اصلا ماده ممتعه وجميله
شموع وشهد 26-07-2011, 11:52 PM 1111111111111111111
amcmeme 30-07-2011, 07:41 PM و انا معاكو
انا حكمل رياضيات تلاتة
المعتز عجيز 08-08-2011, 04:44 PM السلام عليكم...
بعد اذنكم يا شباب انا متردد و عايز اعرف اخد مستوى رفيع انجليزى ولا رياضيات علما بان انا كويس فى الرياضيات...
ايه رأيكم؟
badnamef4 14-08-2011, 07:56 AM و عليكم السلام و رحمة الله و بركاته
أستاذ المعتز أظن ده بيعتمد على حاجتين
انتا كويس في رياضة 2 ولا لأ؟ و فيه أستاذ كويس هيشرحه لك ولا لأ؟
أنا شخصياً طالع أولى جامعة إن شاء الله و كنت واخد مستوى رياضة و ماخدتوش مع حد و قفلته الحمد لله بس الصراحة امتحاننا كان سهل و أنا في كذا سؤال اختياري عملت أخطاء حسابية بس الحمد لله ربنا وفق
انتا ساكن فين؟ جايز أعرف أستاذ بيديه في منطقتك
و مستوى الرياضة زي أي مستوى مش بيتدأه في أول السنة خالص ده كمان خاصة مستوى الرياضة محتاج تعرف شوية حاجات من رياضة 2 قبل ما تبدأ فيه
السلام عليكم و رحمة الله و بركاته
mmamma 14-08-2011, 09:10 AM انا الحمد لله اخدت مستوى رفيع رياضة وجبت 10
المعتز عجيز 15-08-2011, 04:37 AM شكرا جزيلا على ردك اخى الحبيب و انا اعرف مدرس رياضيات كويس باخد معاه رياضيات 2 ....و انا ان شاء الله هتوكل على الله و هاخد مستوى رفيع رياضيات ...
و شكرا جزيلا على ردك
و السلام عليكم و رحمة الله و بركاته
sara star 01-12-2011, 01:06 PM برده مشكلتى نفس مشكلة معتز
والمشكلة الاكبر انى لسه في مرحلة اولى ومش عارفة مدرس رياضيات كويس اخد معاه مستوى رفيع
وبما اني ماعنديش فكرة عن رياضة 2 محتاره وقلقانة قوى مع انى كويسة اوى فى رياضة 1
بس كل ما اقول لحد انى واخدة رياضة مستوى رفيع يضحك عليا او يقولى هتحرقى دمك فى مذكرتها عاى الفاضى
ياريت الى واخد رياضة مستوى رفيع يقولى رايه فيها بجد ويقولى اعمل ايه
وعلى العموم انا من شبرا ولو حد يعرف مدرس كويس بلييييز يقولى عليه
Mohamed Omran 01-12-2011, 06:17 PM برده مشكلتى نفس مشكلة معتز
والمشكلة الاكبر انى لسه في مرحلة اولى ومش عارفة مدرس رياضيات كويس اخد معاه مستوى رفيع
وبما اني ماعنديش فكرة عن رياضة 2 محتاره وقلقانة قوى مع انى كويسة اوى فى رياضة 1
بس كل ما اقول لحد انى واخدة رياضة مستوى رفيع يضحك عليا او يقولى هتحرقى دمك فى مذكرتها عاى الفاضى
ياريت الى واخد رياضة مستوى رفيع يقولى رايه فيها بجد ويقولى اعمل ايه
وعلى العموم انا من شبرا ولو حد يعرف مدرس كويس بلييييز يقولى عليه
وليه توجعى دماغك وتفكيرك من دلوقتى فى المستوى الرفيع ؟؟؟
خلصى المرحلة الاولى وبعدين فكرى فى المستوى الرفيع
وحتى بعد ما تخلصى ان شاء الله مش هتفكرى فى المستوى الرفيع غير اخر كام شهر بس
مش هتحرقى دماغك ولا حاجة المادة كمادة سهلة لكن اسألتها بتاخد وقت شوية فى الحل طويلة يعنى شوية لكنها مش صعبة للدرجة دى
وسيبك من اللى بيضحك وميضحكش كانوا بعملوا كدا معايا برضه :d وعن نفسى محرقتش دماغى ولا حاجة :006et4:
sara star 01-12-2011, 06:52 PM مرسى كتير هعمل بنصحتك
بس ادعيلي
Mohamed Omran 07-12-2011, 08:55 PM مرسى كتير هعمل بنصحتك
بس ادعيلي
ربنا يوفقك ويوفقنا
mr_antonyous 25-12-2011, 09:53 PM المستوى الرفيع فى الرياضة احسن من اى مادة تانية واسهل بكتيييييييييييير من العربى وهو بسيط خالص جزء ميكانيكا وجزء تكامل واحنا دلوقتى شغالين فى الميكانيكا وميه ميه مفيهاش اى مشاكل وفيها حاجات كتير من الميكانيكا العادية يعنى مكملة بعضها وسهلة ومتصدقوش اى حد يقول ان العربى اسهل او الرياضة صعبة كله كلااااااااام فاضى بس اهم حاجة يكون مدرس كويس عشان المستوى عاوز مدرس فاهم كويس
Hoouda ashour 27-12-2011, 12:49 AM يا شباب ركزوا والله فى المستوى ده ........ والله هتلاقى دروس منها فى الكلية ان كنت ناوى علي هندسة ان شاء الله
انا دلوقتى فى اعدادى هندسة وفيه دروس كتييييييييييييير كنت واخدها فى المستوى وفاهمها كويس الحمد لله
وملكوش دعوى باصحابكو ....... هيهروكوا تهزيق انا عارف.......اسألوا مجرب
وابقوا غظوهم انتو فى الكلية زيى :d
Hoouda ashour 27-12-2011, 12:52 AM وانا معاكو لو احتاجتوا اى مساعدة ........وشدوا حيلكم...وربنا معاكو
Aya Abdelrahman 27-12-2011, 01:23 AM طب ليه الحقد ده عـَ مستوي العربي .. ذمبي ايه إني علمي علوم ولا أحول رياضة عشان آخد مستواها ؟؟
ياااارب كله يقفل المستوي سواء كان عربي أو رياضة أو أحياء أو انشالله جغرافيا مع إنها متقفلة لوحدها
legend man 13-01-2012, 01:20 AM مالو يعني مستوى انجليزي احسن من الرياضة لانه لغة و يبقى هربنا من المادة العلمية في المستوى الرفيع
To Be Is To Do 16-01-2012, 07:11 PM كل اللى دخل قال كويس وجميل وانا معاكم والميعاد ده انا فاضى فيه وان شاء الله حنقفله بس للاسف كلام وبسسسسسسسسسسسسسسسسسس
ماحدش على الاقل حط مسأله ولا فى مدرسين مهتمين بينا وكله كلام فى كلام
لاننا مبنقدرش الا على الكلام وبس لكن ساعه الجد الكل بيعمل نفسه مش واخد باله
|